أفضل رياضة للأطفال البنات | 14 رياضة مناسبة للبنات وفوائد كل منهم

أفضل رياضة للأطفال البنات 14 رياضة مناسبة للبنات وفوائد كل منهم

اهتمامك ببنتك بيبدأ من أول لحظة وصولها، بتكوني حريصة على صحتها ونموها بشكل سليم، ومن أهم الأمور اللي بتساهم في تقوية جسمها ونموها بشكل طبيعي، والمحافظة عليها من الآثار الشديدة للإصابات أو الحركات الغلط اللي ممكن تأثر عليها لو جسمها ضعيف، هي الرياضة.

الرياضة بتأثر بشكل كبير على صحة الطفل، وبتحسن الدورة الدموية عنده، وبتزود المرونة، واللياقة، وقوة التحمل، وبتكون حيرتك فمعرفة إيه يناسب بنتك وإيه الأفضل لسنها، وفي المقال دا هنتكلم عن أفضل رياضة للأطفال البنات، وأهم رياضات للبنات وفوائدها، وإيه هي التمارين اللي ممكن يمارسوها في البيت.

فائدة الرياضة للبنات

البنت بتملك كل القدرات الفسيولوجية والميكانيكية لممارسة الرياضات، ومن أبرز الفوائد اللي بتكتسبها بنلاقي:

  • الحفاظ على الجسم مثالي وصحي، وتقليل نسبة الدهون والكوليسترول في الدم.
  • التقليل من الإصابة بالآلام الظهرية، وتصلب الشرايين، والسمنة.
  • زيادة قوة تحمل العضلات والأوتار والأربطة.
  • زيادة كفاءة الجهازين التنفسي والدوري.
  • زيادة اللياقة البدنية.

الفرق بين الرياضات التي تناسب الأولاد والبنات

الفرق بين الرياضات التي تناسب الأولاد والبنات.النشاط الرياضي مهم للولد والبنت، ولكن بيكون الفرق بين الولد والبنت في إن نمو العضلات عند الولد أكبر من البنت، وبالتالي قدرته أكبر من البنت في تمارين القوى العضلية.

وعلمياً، البنات عندهم قدرة على ممارسة جميع الرياضات زي الأولاد، لأنهم بيمتازوا بالصبر والتحمل لعدد عدات أكبر، وأثبتوا تفوق في الرياضات اللي فيها رشاقة ومرونة زي السباحة والجمباز والغطس وغيرها من الرياضات، وعشان كدا بيهتم الأهل بالبحث عن أفضل رياضة للأطفال البنات عشان يستغلوا قدراتهم ويطوروا من مهاراتهم.

أما بالنسبة للأولاد فبيكون أنسب أنواع الرياضات بالنسبالهم هي الرياضات العنيفة اللي بتتطلب احتكاك قوي، زي: المصارعة، الملاكمة، التايكوندو وغيرها من الألعاب اللي فيها احتكاك مع الخصم، أو في حالة الرياضات اللي بتتطلب التغلب على مقاومات عالية وسريعة، زي: رفع الأثقال وغيرها، النوع دا من الرياضات مبيكونش محبذ للبنات، وفي حال إنها توجهت له فالأفضل يكون الخصم بنت.

وده لإن الهيكل العظمي للبنات ما بيتحملش زي الأولاد، والخلع في المفاصل عند البنات أسهل من الأولاد، عشان كده احرصي على اختيار أفضل رياضة للأطفال البنات واللي تكون مناسبة لطفلتك وأكتر آمان ليها من البداية.

ما هي أفضل رياضة للأطفال البنات؟

الرياضات كتير ومختلفة، وكل بنت بيناسبها رياضة عن التانية، عشان كدا بنقدملكم 14 خيار لأفضل رياضة للأطفال البنات لاختيار الأفضل والأنسب منهم، وهم:

1- الجمباز

من أقدم الرياضات، وتُعد أفضل رياضة للأطفال البنات وخاصةً في السن الصغير اللي البنات فيه بيميلوا للشقلبة والحركات الخفيفة اللي تلفت الانتباه.

الجمباز بيكون مناسب للبنات من سن 3 سنين، وكل ما كان وزن الطفلة مناسب وعندها رشاقة وليونة كل ما كانت رياضة الجمباز مناسبة ليها.

الجمباز بيفيد البنت في أنه بيدعم جسمها بالمرونة، والرشاقة، والقوة، والتوازن، والسرعة، والتركيز، وبيؤثر على شخصيتها، وبيخليها تحس إنها طفلة مميزة، غير إن الطفلة بتتعلم فيه حركات بتتطور بمرور الوقت، وبتساعد بشكل كبير في تناسق عضلاتها، عشان كدا يعد الجمباز أفضل رياضة للأطفال البنات في سن صغير.

2- كرة القدم

كرة القدم هي لعبة مشهورة في جميع أنحاء العالم، ومن السهل على البنت ممارستها والاستمتاع بيها، وخاصةً إنها مش محتاجة لأدوات متخصصة أو معدات.

وفائدتها، أنها بتعود البنت على العمل الجامعي من خلال اللعب في فريق، وبتساهم في زيادة قوة جسمها وعضلات الساقين.

3- كرة السلة

أفضل رياضة للأطفال البنات، وبالأخص المتميزين بالطول، وبتتميز ببساطتها وسهولتها، وبتعود البنت على العمل الجماعي والتناغم مع باقي الفريق عشان يكسبوا.

4- الكرة الطائرة

من الألعاب الجماعية والممتعة اللي ممكن تمارسها البنت، ومن الرياضات اللي مش بتحتاج مهارات عالية، وبالتمرين ممكن توصل لمستوى عالي فيها، وبتساهم في تعزيز قدرات البنت ومرونتها.

5- كرة اليد

من الألعاب الجماعية المنتشرة في العالم، وممكن البنت تلعبها من سن 8 سنوات، وكل فريق بيتكون من 6 لاعبين وحارس مرمى، واللعبة دي بتساعد في تقوية العضلات، وتنمية المهارات العقلية للبنت.

6- السباحة

من أفضل الرياضات وأهمها اللي لازم تجربي إن طفلتلك تتعلمها وتتقنها، لإنها ممتعة، وبتساهم في تحسين لياقتها وصحتها الجسدية، وليها أساليب متنوعة؛ زي السباحة على الضهر والسباحة الحرة، وسباحة الفراشة، وسباحة الصدر وغيرها.

7- تنس

من الألعاب الفردية اللي ممكن تتلعب منفردة أو مع شخص واحد، من الرياضات الممتعة اللي بتعتمد على السرعة والتركيز، وبتساعد في تقوية اليدين.

8- تنس الطاولة

من الألعاب الممتعة اللي بتعتمد على السرعة والتركيز، وبتتميز الأطفال البنات في اللعبة دي، وبنلاقي إنها من الرياضات اللي ممكن شخص عنده 10 سنوات يهزم شخص أكبر منه في العمر؛ لأنها بتعتمد على الاستراتيجية وتقنية اللعب واللمس.

9- الجولف

رياضة الجولف بتُصنف في المركز الثالث على مستوى العالم كأفضل رياضة للأطفال البنات، ودا لأنها مثالية للي عايز يلعب لعبة بسيطة وسهلة ومش محتاجة مجهود بدني كبير، وبتعزز الصحة العقلية للبنت.

10- الجري

من الرياضات المنتشرة في مختلف أنحاء العالم، وواحدة من تمارين اللياقة البدنية اللي بتساهم في تعزيز قوة الجسم، والحفاظ على مستوى بدني قوي، وممكن البنات تمارسه بأساليب مختلفة، وبتزداد شدة التمرين مع تقدم مستوى اللياقة البدني للبنت.

11- الهوكي

من الرياضات الجماعية، اللي بتركز على تمرين عضلات الساقين والوركين وأوتار الركبة، وبتساعد في حرق السعرات الحرارية، وبتميل ليها كتير من البنات، لأنها ممتعة، وبتعتمد على التخطيط والروح الجماعية للفريق.

12- ركوب الدراجة

الأولاد والبنات يتشاركوا في حب ركوب الدراجة في سن صغير، ومن المهم أنهم يتعلموا اللعبة دي لأنها ممتعة، وبتحسسهم بالاستقلالية، وبعض البنات بتميل ليها وبتكون هوايتها،

ركوب الدراجة لها فوائد كبيرة للأطفال البنات زي:

  • تقوية عضلات القلب
  • تعزيز الصحة النفسية
  • تخفيف الإجهاد
  • زيادة معدل نشاط البنت
  • زيادة فرصة التعرض للشمس (المصدر الرئيسي لفيتامين “د”)

عشان كدا عدد من الناس بيعتبروها أفضل رياضة للأطفال البنات.

13- الكريكت

من الرياضات الممتازة للبنات للتعود على التعاون والاحترام والانضباط، وبتعودهم على اللعب في فريق، وبتزود قدرتهم على التواصل مع أصدقائهم في الفريق للفوز.

14- تدريب الفتنس

تدريب الفتنس هو يُعد من أفضل الرياضة للأطفال البنات، وبيبدأ من سن 5 سنوات، وبيساعد على:

  • اكتساب الطفلة القوة والمرونة
  • التعود على ممارسة النشاط الرياضي بشكل مستمر
  • تقليل الوزن الزايد.
  • التأهل لممارسة أي نشاط رياضي تاني والتفوق فيه كمان.
  • زيادة قوة عضلاتها، وقوة تحملها، ومعدل التنفس لبذل أي مجهود.
  • الحفاظ على ضغط الدم والكوليسترول في الدم.

هل في تمارين مناسبة للبنات في المنزل؟

في تمارين مناسبة للبنات ممكن يمارسوها في البيت، وليها نتايج كويسة بالمواظبة عليها وأدائها بشكل سليم، وأهم نقطة حاولي تاخدي بالك منها، هي ” التدرج” بمعنى:

  • التدرج في المدة الزمنية للتمرين، يعني ابدئي معاها بدقايق معدودة يومياً، وزوديها مع مرور الأيام.
  • التدرج في الشدة، يعني بلاش تبدئي معاها بتمرين مرهق ممكن يسبب لها ألم عضلي بعده، وممكن تكره التمرين.

تمارين مناسبة للبنات في البيت

تمارين مناسبة للبنات في البيتمن أبرز التمارين دي بنلاقي:

المشي والجري

تقدري تتابعي مع بنتك الرياضة دي من خلال ضبط مؤقت على 5 دقايق مثلاً، وتبدأ الطفلة بالمشي الثابت أو الجري في نفس المكان وفي حالة توفر مساحة ممكن تجري أو تتمشى ودا يُعد أسهل وأفضل رياضة للأطفال البنات.

ركوب الدراجة

ممكن الطفلة تركب الدراجة في أي مساحة متوفرة زي قدام البيت أو في حديقة واحسبي لها وقت، ودي تعد أفضل رياضة للأطفال البنات بتساعد في تقوية عضلات الساقين.

القفز

الأطفال كلها بتحب التنطيط، اطلبي منها تتنطط عدد مرات بشكل صحيح ومتواصل.

تمرين البلانك

التمرين دا بيكون بارتكاز الطفلة على إيديها والجسم يكون في مستوى أفقي واحد لمدة من الوقت، البلانك يعد أفضل رياضة للأطفال البنات لدعم عضلات اليدين والرجلين والجذع.

تمرين سكوات

تمرين سكوات زي وضع الجلوس على كرسي ولكن بيكون في الهواء، وتفضل الطفلة ثابتة ثواني، ويكون في مسافة بين القدمين زي عرض الأكتاف، ودا يعد أفضل رياضة للأطفال البنات في دعم عضلات أسفل الظهر والفخذين.

تمرين مشية الدب

تمرين بيشبه الزحف، ولكن بيكون مستوى ظهر الطفلة عالي، وبيكون لمدة وبتكرره أكتر من مرة.

مهم هنا إنك تحرصي على إن يكون في حد لممارسة أي رياضة، بمعنى إن بلاش وقت التمرين أو ممارسة الألعاب دي يزيد عن حده عشان ما يحصلش إرهاق للطلبة أو صحتها يتأثر بالسلب.

وأخيراً، الرياضة مهمة لحياة طفلتك وصحتها وبتساعدها بشكل كبير في صحة جسمها وبناءه، وتعودها على الرياضة من سن صغير هيفيدها كتير بعدين، فعودي طفلتك على ممارسة التمارين الرياضية المناسبة ليها، وخليها تحصل على حياة صحية، وجسم سليم.

اقرأ أيضًا مقال: كيف تختار الرياضة المناسبة للطفل | 10 اعتبارات أساسية 

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية

إقرأ أكثر..

  • No comments yet.
  • Add a comment