من بداية تواجد طفل في البيت بتسعى كل أم لاتباع طرق مختلفة لتربيته بشكل سليم، وتعليمه مهارات تنفعه على مدار حياته. ومن أهم الحاجات اللي لازم تهتم بيها هي تعزيز ذكاء طفلها، فبتبدأ تبحث عن ألعاب ذكاء للأطفال في البيت تقدر تخليه يمارسها.
وفي المقال دا هنقدم لك تعريف الذكاء، وهل هو صفة وراثية أو مكتسبة، وهنعرض ألعاب الذكاء المناسبة للأطفال في البيت من عمر سنة إلى 15 سنة.
تعريف الذكاء وأنواعه المختلفة
الذكاء هو نمو وتطور القدرة الذهنية للطفل على التفكير، وتنظيم العقل والأفكار فيقدر يفهم العالم حواليه بشكل سليم، وبيساعد الطفل على التعامل مع المشكلات بطرق تحليلية بسيطة، عشان يقدر يوصل لحل ليها ويبدأ ينفذه.
وتنقسم أنواع الذكاء إلى 9 فئات تبعاً لنظرية الذكاءات المتعددة، وهي:
- الذكاء الجسدي الحركي
- الذكاء المنطقي الرياضي
- الذكاء الطبيعي
- الذكاء اللغوي
- الذكاء الاجتماعي
- الذكاء البصري
- الذكاء الموسيقي
- الذكاء الذاتي
والذكاء هو صفة بيتوارثها الطفل من والديه، والاهتمام بيها وتنميتها بيساعد على تطويرها بشكل أفضل.
والعكس صحيح طبعًا، لإن إهمالها بيقلل من معدلات ذكاء الطفل، وقدرته الاستيعابية للعالم حواليه. وهنا بييجي دور ألعاب الذكاء اللي هتساعدك على تنمية ذكاء أطفالك، ولكن يا ترى إيه أكتر الألعاب المناسبة حسب عمر الطفل؟
ألعاب ذكاء للأطفال في البيت من عمر سنة إلى سنتين
الطفل من عمر سنة بيبدأ يتحرك كتير، ويستكشف البيت حواليه من خلال اللمس، وكأم ممكن جدًا تستغلي دا في اللعب، ومن أبرز الألعاب المناسبة للسن دا:
لعبة كرات الألوان
كبداية لألعاب ذكاء للأطفال في البيت ممكن تعملى كرات من الصوف مختلفة الألوان، وتحطي كل لون منهم في قالب من قوالب الكب كيك، وتبدئي تغذي بصره من خلال اللعب بيهم، وكمان تقدري تعودي أذنه على سماع اسم كل لون.
لعبة المكعبات
من أكتر الألعاب المفضلة للأطفال، وبتنمي مهاراتهم بشكل كبير، لإن الطفل بيبدأ يكون أشكال من لا شيء، ودا بيحسسه بالإنجاز ببناء أشكال متنوعة، وبالتالي بتنمي خيال الطفل وإدراكه، وبتحسن عنده استخدام ايديه ومسك الأشياء، وإزاي يعرف يحاول أكتر من مرة لحد ما يركب الشكل أو يوقف المكعبات فوق بعضها.
مطابقة الصور
وصول ابنك لعمر السنتين بيسمح لك تدعميه في التعرف على الأشياء حواليه من خلال مطابقة الصور مع الألعاب الموجودة في البيت زي: صور الحيوانات، وأدوات المطبخ، والعربيات، والطائرات، وغيرها من الحاجات المتوفرة في المنزل.
وتقدري تطبيعي الحاجات دي، وتخليه يجمع كل لعبة مع الصورة الخاصة بيها.
والنشاط دا من أهم ألعاب ذكاء للأطفال في البيت اللي هتسمح لطفلك ينمي من مهارات التواصل، والتفكير التحليلي، وكمان هتزود معرفته وإدراكه للعالم، وتنمي الذكاء بدون تكاليف.
ألعاب ذكاء للأطفال في البيت وتنمية المهارات من 3 لـ 5 سنوات
الأطفال من عمر 3 سنوات بيبدأ عقلهم يخزن صور للأشياء في محيطهم بصورة ذهنية عالية، عشان كدا اهتمامك بوجود ألعاب ذكاء لازم تتضمن رؤية ولمس الأشياء، ومعرفة أسمائها هيفرق معاه جداً، ودي بعض الألعاب اللي ممكن تتنفذ فى البيت بسهولة:
لعبة تذكر العناصر وأدواتها
جمعي ألعابه أو أي حاجةعايزة طفلك يتعرف عليه، ورصيها على الأرض، واستخدمي قطعة قماش عشان تغطيها.
وبعدها اسألي طفلك عن اسم لعبة معينة، وترتيبها على الأرض، وهل كانت جهة اليمين ولا الشمال؟ وإيه اللي كان جنبها من الألعاب؟ وهكذا، وبكدا هتقوي ذاكرة طفلك الذهنية والبصرية في نفس الوقت.
مكعب الروبيك
الروبيك من الألعاب المهمة اللي أثبتت تأثيرها الفعال لتنمية ذكاء الطفل، من خلال إنك تعرفي طفلك الإرشادات اللازمة سواء بنفسك، أو عن طريق فيديوهات مفيدة من اليوتيوب، عشان يقدر يحل لغز المكعب.
ودا بدوره هيعلمه التفكير المنظم والممنهج لحل أي مشكلة تقابله، دا غير إنه من أفضل ألعاب ذكاء للأطفال في البيت اللي بتحسن من ردود أفعاله خلال اللعب.
الرسم والتلوين
تبعًا للي نشرته جامعة بنسلفانيا بنلاقي الأنشطة الفنية زي الرسم والتلوين وصنع الملصقات للأطفال بتساعد على التعرف على العالم، فالأطفال لما يستخدموا الدهانات والغراء وأقلام التحديد بيتشغلوا بالتخطيط، والتجريب، وحل المشكلات.
كمان مشاركة طفلك كتب تلوين الأنماط الهندسية أو المانديلا، هتنشط ذاكرته، وتدعمه في ترتيب أفكاره، وهتلاحظي النتايج عن طريق تصرفاته، وطريقة تعامله مع تحدياته الصغيرة في اليوم.
ودا مش معناه إن ممارسة ألعاب الذكاء للأطفال في البيت ضروري تكون كل يوم، تقدري تقسميها على الأسابيع حسب وقتك، ولكن المهم هو الاستمرارية، لإنها هتضمن لطفلك تحسين ذاكرته، وتعلم مهارة التخطيط والتصميم.
ألعاب ذكاء للأطفال في البيت من عمر 6 لـ 9 سنوات
من عمر 6 سنوات بيبدأ طفلك يختلط بأطفال تانيين سواء في النادي أو الحضانة بشكل أخص، عشان كدا مهم إن ألعاب الذكاء تكون بتساعده يتعرف أكتر على الناس، ويقدر من خلال اللعب يكتسب كلمات جديدة.
ومن أمثلة النوع دا من الألعاب:
100 قطعة من البازل
لعبة البازل كفيلة إنها تخلي ابنك صاحب الـ 6 سنوات يكتشف أنماط وأشكال مختلفة في حياته، ويكّون معلومات رهيبة على حسب شكل البازل اللي بيلعبها، وكمان زي ما ذكرت منصة Academia بنلاقي إن اللعبة هتساعده على:
- تطوير التنسيق بين اليد والعين، عشان عين الطفل وإيديه بيشتغلوا في نفس الوقت لتحديد مكان القطع.
- تحسين القدرات الاجتماعية من خلال السماح للأطفال باللعب سوا والتواصل أثناء حل اللعبة.
- تنمية القدرات العاطفية، لإنه بيتعلم التغلب على العقبات واستخدام الحركات الذكية للحل.
- تعزيز القدرات الإدراكية، لإن الطفل بيتعلم حل المشكلات، ومهارات التفكير النقدي.
- تطوير القدرات الحركية الكبيرة من خلال الألغاز اللي فيها قطع أكبر.
كروت المهن
لعبة كروت المهن من أهم ألعاب الذكاء للأطفال في البيت اللي تقدري تصنعيها من خلال طباعة الزي الرسمي لكل مهنة واسمها من الإنترنت، لإنها هتسمح له يتعرف على صفات وأعمال كل مهنة، وقتها هيكتسب مهارة تحديد الأهداف، وطريقة التخطيط لها.
قصة من كلمة
هي لعبة بتندرج تحت ألعاب ذكاء للأطفال في البيت، لإنها بتزود معدل الذكاء بطريقة بسيطة، واللعبة عبارة عن إنك بتقولي لطفلك كلمة أو جملة، ويبدأ هو يسرد قصة كاملة على هذا الأساس، والهدف هو اكتساب حصيلة كلمات كبيرة.
اقرئي كمان: ألعاب ذكاء للأطفال 9 سنوات فقط.
ألعاب ذكاء للأطفال في البيت وتنمية المهارات من عمر 10 إلى 12 عام
بدايةً من عمر 10 سنوات أو أقل بتلاحظي طاقة كبيرة بيتمتع بيها طفلك، وبيكون محتاج إنه يخرجها بأي شكل سواء خارج المنزل مع أصدقائه أو في النادي ودا من خلال الأنشطة الخارجية الجماعية، أو عن طريق توفير ألعاب ذكاء للأطفال في البيت تضاعف مستوى ذكاءه وانتباهه، زي:
لعبة الشطرنج
لعبة الشطرنج دورها مش بس بينحصر في تنمية ذكاء طفلك، ولكن كمان بتزود عنده مهارات التخطيط، والتحليل، والصبر.
رسم الأشكال الهندسية
رسم الأشكال المختلفة زي المخروط، والمكعب، وشبه المنحرف، والرسم المبسط للخرائط كلها أنشطة بتؤثر على ذكاء طفلك، لإنها بتصفي ذهنه، وبتقوي ذاكرته البصرية، وبتُعد من أسهل ألعاب ذكاء للأطفال في البيت
ألعاب سودوكو وحل المتاهات
ودي من أبسط وأشهر الألعاب، وممكن يلعبها في النادي، أو البيت، أو أي مكان. ودا لإنها موجودة في الجرائد أو من خلال كتب مخصصة للألعاب دي، فهي بتدعم أهدافك في تنمية ذكاء طفلك بسهولة.
الأنشطة البدنية
وجود أنشطة وألعاب بدنية زي كرة السلة، وكرة القدم، أو ألعاب زي: شد الحبل، والجري هتبني جسم الطفل، وتساعد في نمو عقله بشكل سليم.
عمر الـ 11 و 12 سنة هو بداية انتقال الطفل من مرحلة الطفولة لمرحلة المراهقة، فإدخال ألعاب بدنية مع الألعاب الحسية شيء ضروري؛ لإن الطفل عشان يكون عقله سليم فهو محتاج يكون جسمه كمان سليم.
اقرأ أيضاً: كيف تختار الرياضة المناسبة للطفل | 10 اعتبارات أساسية.
تنمية مهارات الأطفال في عمر 13 إلى 15
في مرحلة المراهقة بنلاقي إن الطفل بيحتاج للاهتمام بشكل زائد، لإنها مرحلة تكون الأفكار والمعتقدات، بجانب مهارات التفكير المُجرد.
ومن هنا ضرورة العمل على تنمية مهاراته في شكل مناقشات هو أمر مهم، لإن الطفل في السن دا بيستقبل النقاش بطريقة أحسن من الأوامر.
ومن أهم الحاجات اللي بتساعد على تنمية مهارات الطفل في سن المراهقة:
- التحاور بخصوص الأفعال الخاطئة زي: التدخين، أو التهرب من المسؤوليات، وتقديم نصائح مفيدة.
- المناقشة حول المشكلات اللي ممكن يقابلها، وطرح حلول كتيرة ليها قبل ما ياخد أي قرار.
- تعلم لغات جديدة، لإنها هتزود من ثقافته، ومعرفته بالأخلاقيات حواليه.
- التحدث عن المستقبل، والتخطيط له سواء دراسيًا أو اجتماعيًا.
ومن أصعب التحديات اللي هتواجهيها هي مرحلة المراهقة، ولكن تجهيز طفلك ليها من البداية عن طريق توفير ألعاب ذكاء للأطفال في البيت هيزود من استقرار المرحلة دي.
تقدري كمان تقرئي: 8 ألعاب لزيادة التركيز عند الأطفال في البيت والروضة والمدرسة.
الخلاصة
تنمية مهارات طفلك وزيادة معدل ذكائه بيبدأ من البيت، من خلال الألعاب، ومن تفاعل والديه وإخواته معاه، عشان كدا مهم تخصصي وقت لممارسة ألعاب ذكاء للأطفال في البيت، خاصةً بداية من عمر السنة، واللي هيمهد الطريق لمرحلة مراهقة مستقرة، وآمنة للطفل وأسرته.
المراجع
15 Best Concentration Games for Kids to Develop Focus & Attention Skills
Intellectual development in children
26 MIND GAMES FOR KIDS: BRAIN BOOSTING (2-5 YR OLDS)
أضف تعليق