أفضل رياضة للأطفال البنات | 14 رياضة مناسبة للبنات وفوائد كل منهم

اهتمامك ببنتك بيبدأ من يوم ولادتها، فبتكوني حريصة على صحتها ونموها بشكل سليم، ومن أهم الأمور  اللي بتساهم في تقوية جسمها ونموها بشكل طبيعي، والمحافظة عليها من الآثار الشديدة للإصابات أو الحركات الغلط اللي ممكن تأثر عليها لو جسمها ضعيف هي الرياضة. 

الرياضة بتأثر بشكل كبير على صحة الطفل، وبتحسن الدورة الدموية عنده، وبتزود المرونة، واللياقة، وقوة التحمل، وبتكون حيرتك فمعرفة إيه يناسب بنتك، وإيه الأفضل لسنها.

عشان كدا في المقال دا هنتكلم عن أفضل رياضة للأطفال البنات، وأهم رياضات للبنات وفوائدها، وإيه هي التمارين اللي ممكن يمارسوها في البيت.

فائدة الرياضة للبنات

البنت بتملك كل القدرات الفسيولوجية والميكانيكية لممارسة الرياضات، ومن أبرز الفوائد اللي بتكتسبها بنلاقي:

• التقليل من فرص الإصابة بالآلام الظهرية، والسمنة.
• زيادة قوة تحمل العضلات والأوتار والأربطة.
• زيادة كفاءة الجهازين التنفسي والدوري.
• الحفاظ على الجسم مثالي وصحي.
• زيادة اللياقة البدنية.

الفرق بين الرياضات التي تناسب الأولاد والبنات

النشاط الرياضي مهم للولد والبنت، ولكن بيكون الفرق بين الولد والبنت في إن نمو العضلات عند الولد أكبر من البنت، وبالتالي قدرته أكبر من البنت في تمارين القوى العضلية.

وعلمياً، البنات عندهم قدرة على ممارسة جميع الرياضات زي الأولاد، لإنهم بيمتازوا بالصبر، والتحمل لعدد عدات أكبر، وأثبتوا تفوق في الرياضات اللي فيها رشاقة ومرونة.

وبيكون أنسب للأولاد الرياضات العنيفة اللي بتتطلب احتكاك قوي، زي: المصارعة، الملاكمة، التايكوندو وغيرها من الألعاب اللي فيها احتكاك مع الخصم، أو في حالة الرياضات اللي بتتطلب التغلب على مقاومات عالية وسريعة، زي: رفع الأثقال وغيرها.

النوع دا من الرياضات مبيكونش محبذ للبنات، وفي حال إنها توجهت له فالأفضل يكون الخصم بنت، لإن الهيكل العظمي للبنات ما بيتحملش زي الأولاد، والخلع في المفاصل عند البنات أسهل من الأولاد، عشان كدا احرصي على اختيار رياضة مناسبة لطفلتك وأكتر أمان ليها من البداية.

اعرفي كمان: كيفية اختيار الرياضة المناسبة للطفل. 

أفضل 14 رياضة للأطفال البنات وفوائد كل منهم

من أفضل الرياضات اللي بتناسب الأطفال البنات، وبيمارسوها على مستوى العالم بنلاقي:

1- الجمباز

من أقدم الرياضات، وتُعد أفضل رياضة للأطفال البنات وخاصةً في السن الصغير اللي البنات فيه بيميلوا للشقلبة والحركات الخفيفة اللي تلفت الانتباه.

الجمباز بيكون مناسب للبنات من سن 3 سنين، وكل ما كان وزن الطفلة مناسب وعندها رشاقة ومرونة كانت رياضة الجمباز مناسبة ليها.

الجمباز بيفيد البنت في إنه بيدعم جسمها بالمرونة، والرشاقة، والقوة، والتوازن، والسرعة، والتركيز، وبيؤثر على شخصيتها، وبيخليها تحس إنها طفلة مميزة.

غير إن الطفلة بتتعلم فيه حركات بتتطور بمرور الوقت، وبتساعد بشكل كبير في تناسق عضلاتها، عشان كدا يعد الجمباز أفضل رياضة للأطفال البنات في سن صغير.

2- كرة القدم

كرة القدم هي لعبة مشهورة في جميع أنحاء العالم، ومن السهل على البنت ممارستها والاستمتاع بيها، وخاصةً إنها مش محتاجة لأدوات متخصصة.

وفائدتها إنها بتعود البنت على العمل الجماعي من خلال اللعب في فريق، وبتساهم في زيادة قوة جسمها، وعضلات الساقين.

3- كرة السلة

أفضل رياضة للأطفال البنات، وبالأخص المتميزين بالطول، وبتتميز ببساطتها وسهولتها، وبتعود البنت على العمل الجماعي، والتناغم مع باقي الفريق عشان يكسبوا.

4- الكرة الطائرة

من الألعاب الجماعية والممتعة اللي ممكن تمارسها البنت، ومن الرياضات اللي مش بتحتاج مهارات عالية، وبالتمرين ممكن توصل لمستوى عالي فيها، وبتساهم في تعزيز قدرات البنت، ومرونتها.

5- كرة اليد

من الألعاب الجماعية المنتشرة في العالم، وممكن البنت تلعبها من سن 8 سنوات، وكل فريق بيتكون من 6 لاعبين وحارس مرمى، واللعبة دي بتساعد في تقوية العضلات، وتنمية المهارات العقلية للبنت.

6- السباحة

من أفضل الرياضات وأهمها اللي لازم تجربي إن طفلتلك تتعلمها وتتقنها، لإنها ممتعة، وبتساهم في تحسين لياقتها وصحتها الجسدية، وليها أساليب متنوعة؛ زي السباحة على الضهر، والسباحة الحرة، وسباحة الفراشة، وسباحة الصدر وغيرها.

7- تنس

من الألعاب اللي ممكن تتلعب منفردة أو مع شخص واحد، وهي رياضة ممتعة بتعتمد على السرعة، والتركيز، وبتساعد في تقوية اليدين.

8-  تنس الطاولة

من الألعاب الممتعة اللي بتعتمد على السرعة والتركيز، وبتتميز الأطفال البنات في اللعبة دي، وبنلاقي إنها من الرياضات اللي ممكن شخص عنده 10 سنوات يهزم فيها شخص أكبر منه في العمر؛ لإنها بتعتمد على الاستراتيجية، وتقنية اللعب واللمس.

9- الجولف

رياضة الجولف بتُصنف في المركز الثالث على مستوى العالم كأفضل رياضة للبنات، ودا لإنها مثالية للي عايز يلعب لعبة بسيطة وسهلة ومش محتاجة مجهود بدني كبير، وفي نفس الوقت بتعزز الصحة العقلية للبنت.

10- الجري

من الرياضات المنتشرة في مختلف أنحاء العالم، وواحدة من تمارين اللياقة البدنية اللي بتساهم في تعزيز قوة الجسم، والحفاظ على مستوى بدني قوي، وممكن البنات تمارسه بأساليب مختلفة، وبتزداد شدة التمرين مع تقدم مستوى اللياقة البدنية للبنت.

11- الهوكي

من الرياضات الجماعية، اللي بتركز على تمرين عضلات الساقين والوركين وأوتار الركبة، وبتساعد في الحرق، وبتميل ليها كتير من البنات، لإنها ممتعة، وبتعتمد على التخطيط والروح الجماعية للفريق.

12- ركوب الدراجة

الأولاد والبنات يتشاركوا في حب ركوب الدراجة في سن صغير، ومن المهم إنهم يتعلموا اللعبة دي، لإنها ممتعة، وبتحسسهم بالاستقلالية، وبعض البنات بتميل ليها وبتكون هوايتها،

ركوب الدراجة لها فوائد كبيرة للأطفال البنات زي؛ 

• زيادة فرصة التعرض للشمس (المصدر الرئيسي لفيتامين د) 
• زيادة معدل نشاط البنت
• تعزيز الصحة النفسية
• تقوية عضلات القلب
• تخفيف الإجهاد

عشان كدا عدد من الناس بيعتبروها أفضل رياضة للأطفال البنات.

13- الكريكت

من الرياضات الممتازة للبنات للتعود على التعاون والاحترام والانضباط، وبتعودهم على اللعب في فريق، وبتزود قدرتهم على التواصل مع أصدقائهم في الفريق للفوز.

14- تدريب الفتنس

تدريب الفتنس للأطفال البنات بيبدأ من سن 5 سنوات، وبيساعد على:

• زيادة قوة عضلاتها، وقوة تحملها، ومعدل التنفس لبذل أي مجهود.
• التأهل لممارسة أي نشاط رياضي تاني والتفوق فيه كمان.
• التعود على ممارسة النشاط الرياضي بشكل مستمر.
• اكتساب الطفلة القوة والمرونة.
• الحفاظ على ضغط الدم.
• تقليل الوزن الزائد.

هل في تمارين مناسبة للبنات في المنزل؟

أيوه، في مجموعة تمارين مناسبة للبنات ممكن يمارسوها في البيت، وليها نتايج كويسة بالمواظبة عليها وأدائها بشكل سليم، وأهم نقطة حاولي تاخدي بالك منها، هي “التدرج” بمعنى:

• التدرج في الشدة، يعني بلاش تبدئي بتمرين مرهق ممكن يسبب لها ألم عضلي، عشان ما تكرهش التمرين.
• التدرج في المدة الزمنية للتمرين، يعني ابدئي معاها بدقايق معدودة يومياً، وزوديها مع مرور الأيام.

طيب إيه هي التمارين دي؟

تمارين مناسبة للبنات في البيت

من أبرز التمارين المناسبة للأطفال البنات في البيت بنلاقي: 

المشي والجري

تقدري تتابعي مع بنتك الرياضة دي من خلال ضبط مؤقت على 5 دقايق مثلاً، وتبدأ الطفلة بالمشي أو الجري في نفس المكان.

ركوب الدراجة

ممكن الطفلة تركب الدراجة في أي مساحة متوفرة زي قدام البيت أو في حديقة، واحسبي لها وقت، ودي تعد أفضل رياضة للأطفال البنات بتساعد على تقوية عضلات الساقين.

القفز

الأطفال كلها بتحب التنطيط، فاطلبي منها تتنطط عدد مرات بشكل صحيح ومتواصل.

تمرين البلانك

التمرين دا بيكون بارتكاز الطفلة على إيديها والجسم يكون في مستوى أفقي واحد لمدة من الوقت. البلانك يعد أفضل رياضة للأطفال البنات لدعم عضلات اليدين والرجلين والجذع، لكنه ممكن يبقى صعب عليها شوية في الأول.

تمرين سكوات

تمرين سكوات زي وضع الجلوس على كرسي، ولكن بيكون في الهواء، وتفضل الطفلة ثابتة ثواني، ويكون في مسافة بين القدمين زي عرض الأكتاف، ودا يعد أفضل رياضة للأطفال البنات في دعم عضلات أسفل الظهر والفخذين.

تمرين مشية الدب

تمرين بيشبه الزحف، ولكن بيكون مستوى ظهر الطفلة عالي، وبتكرره أكتر من مرة.

مهم هنا إنك تحرصي على إن يكون في حد لممارسة أي رياضة، بمعنى إن بلاش وقت التمرين أو ممارسة الألعاب دي يزيد عن حده عشان ما يحصلش إرهاق للطلبة أو صحتها يتأثر بالسلب. 

اعرفي كمان: أنشطة وألعاب ذكاء للأطفال في البيت من عمر 1 إلى 15 سنة

وأخيراً، الرياضة مهمة لحياة طفلتك، وصحتها، وبتساعدها بشكل كبير في تحسين صحة جسمها. كمان تعودها على الرياضة من سن صغير هيفيدها كتير بعدين، فعودي طفلتك على ممارسة التمارين الرياضية المناسبة ليها، وخليها تتمتع بحياة صحية، وجسم سليم.