اختبارات اكتشاف مواهب الأطفال | 15 اختبار مهم

اختبارات اكتشاف مواهب الأطفال

 

في مقال النهاردة هنقدم دليل لـ اختبارات اكتشاف مواهب الأطفال وهنساعد الأهل على اكتشاف وتنمية الطفل.

الموهبة هي عطاء ربنا بيمنحه للفرد وبتتمثل في قدرات جسدية خاصة أو مواهب عقلية بيتمتع بيها الطفل بدون تدخل منه، لكنها بتنمو مع التدريب والصقل عشان كده بيتجه الأهل لـ اختبارات اكتشاف مواهب الأطفال.

الموهبة بتتنوع في مجالات مختلفة ومش منحصرة في جزء محدد، وممكن الطفل ميظهرش قدر عالي من الذكاء، أو بيظهر ذكاء لكن في مجالات محددة.

علامات تدل على أن الطفل موهوب

ازاي تعرف إن طفلك موهوب في جزء معين أو مهارة محددة؟

في دليل اختبارات اكتشاف مواهب الأطفال هنوضح بعض العلامات على حسب عمر الطفل

علامات الموهبة في الأطفال الأصغر سنًا:

  • عنده قدرة لفظية ولغوية عن باقي الأطفال في سنه.
  • إظهار الاهتمام بالوقت على الرغم من كونه طفل صغير.
  • بيقعد مركز. ومهتم بأمر ما لفترات أطول من غيره.
  • بيتمتع بمهارات رياضية أعلى وأقوى.
  • قدرته على التفكير مميزة وعالية.

اتعرف على كيفية تنمية مهارات الطفل عمر سنتين.

علامات الموهبة في الأطفال الأكبر سنًا:

  •  بيطرح أسئلة واستفسارات عقلانية أكبر من سنه.
  • عنده فضول للمعرفة والاطلاع بجانب تميزه في أنواع التفكير المختلفة.
  • لو بدأت يتعلم مهارة فبيكون سريع جدًا في تعلم المهارة دي وإتقانها كمان.
  • روح الدعابة والفكاهة عنده عالية.
  • بيتمتع بقوة ملاحظة شديدة، بالإضافة لقدرته على الربط بين الأفكار بشكل مدهش.
  •  تقدير عالي للقيم والأخلاق وبيظهر دا في سلوكه وأفعاله.
    مش لازم الطفل يظهر كل السلوكيات دي لأنها بتختلف من طفل لغيره.

مش لازم الطفل يظهر كل السلوكيات دي لأنها بتختلف من طفل لغيره، لكن لو قارنت الطفل بطفل زيه في نفس العمر ونفس الجنس ونفس الثقافة هتلاقي الطفل دا بيظهر مهارات وكفاءات أعلى.

عشان تعرف ايه هي موهبة طفلك ممكن تتبع بعض الإرشادات والخطوات اللي هتساعدك وهنساعدك وندلك على جزء منها في دليل اختبارات اكتشاف مواهب الأطفال.

15 خطوة مهمة لاكتشاف مواهب الأطفال

من المهم عمل اختبارات اكتشاف مواهب الأطفال  لمعرفة الصورة المبدئية لقدرات الطفل ومواهبة بالإضافة إلى أهمية الملاحظة من قبل الوالدين وأفراد الأسرة وكذلك المعلم وكل من يتعامل مع الطفل بصورة أو بأخرى لأنهم هيساهموا في تحديد قدرات الطفل بشكل أدق والمساعدة في تنمية موهبته.

يمكن تقسيم اختبارات اكتشاف مواهب الأطفال إلى ثلاث خطوات رئيسية وينقسم من كل خطوة أقسام متعددة.

أول جزء تقييم ذكاء وقدرات الطفل ودا هيتم من خلال أربع خطوات:

  • اختبار (IQ)
  • اختبار استعداد (aptitude test)
  • مراقبة علاماته الدراسية
  • التحدث مع معلميه

ثاني جزء وهو عبارة عن استكشاف مواهب واهتمامات الطفل ودا هيتم من خلال ثلاث خطوات:

  • تجربة أنشطة مختلفة
  • مراقبة الطفل أثناء اللعب
  • التحدث مع الطفل عما يحبه

ثالث جزء وهو عبارة عن التفكر في أنواع الذكاء المختلفة:

ودا بيتم من خلال دراسة أنواع الذكاءات بالاعتماد على نظرية الذكاءات المتعددة

خطوات تقييم ذكاء وقدرات الطفل

أولا: تقييم ذكاء وقدرات الطفل

أول 4 خطوات في اختبارات اكتشاف مواهب الأطفال بتكون عبارة عن:

1_ اختبار (IQ)

اخضع طفلك لاختبار ذكاء معتمد لقياس (IQ) الخاص بالطفل وهو هيعطيك فكرة عامة عن ذكاء طفلك ومجرد مقياس لقدراته المعرفية، لكن خلي بالك إنه نوع واحد من أنواع التقييم ومش شرط يكون مؤشر دقيق لموهبة طفلك عاشن كده لازم تجرب طرق مختلفة بجانب اختبار الذكاء، يمكنك الحصول على اختبار IQ معتمد من هنا.

2_ اختبار استعداد (aptitude test)

الاختبار دا هيقيس بعض من قدرات طفلك ومدى إمكانية تطوير مهاراته في مجال محدد، وقدرته على إتقان مهارات محدده وطرق تفكير الطفل.

راجع درجات طفلك في الاختبارين وراقبه على فترات متفاوته وشوف ايه الأجزاء اللي أظهر فيه تميز وخلي بالك من الظروف المختلفة اللي مر طفلك بيها مع كل اختبار، تقدر تحصل على عدد اختبارات استعداد لمجالات مختلفة من هنا. 

3_ مراقبة علاماته الدراسية

راقب علامة طفلك الدراسية وشوف ايه المجالات اللي بيظهر فيها تفوق عن باقي المجالات وابدأ ركز عليها وعزز تفوقه وحاول تديه دروس متقدمة في المجال دا.

4_ التحدث مع معلميه

اتكلم مع معلم طفلك أو المربي وخليه يشاركك ايه اللي طفلك متميز فيه، ولو كان أظهر أي قدرات أو مواهب، وخليه يساعدك ببعض النصائح التربيوية ودا هيساعدك بشكل كبير.

ثانيا: استكشاف مواهب واهتمامات الطفل

من الخطوات المهمة في اختبارات اكتشاف مواهب الأطفال:

5_ تجربة أنشطة مختلفة

سجل طفلك في أنشطة مختلفة سواء كانت رياضية أو ثقافية أو فنية وشوف ايه النشاط اللي هيحبه الطفل وهيظهر ليه حماس وميول أكبر من غيره.
مهم متجبرش طفلك أنه يمارس نشاط محددة لكن خليه يختار ويجرب بنفسه.

اتأكد إن البيئة اللي بيلعب فيها الطفل مناسبة وبتوفر الدعم، وهيقدر يختلط مع أطفال في سنه من ثقافات وبيئتات مختلفة ومتنوعة دا ممكن يساعد على اكتشاف موهبته.

6_ مراقبة الطفل أثناء اللعب

لعب ابنك هو مش مجرد لعب وتضييع للوقت، لكنه بينمي مهاراته وذكاءه بالإضافة إلى إن اللعب هيسمح لك بفرصة لاكتشاف اهتماماته وقدراته الفردية، وايه اللي بيميز لعبه، وازاي لو حد شاركه اللعب بيلعب. راقب سلوك طفلك في كل مرة بيلعب فيها وسجل ملاحظاتك، وبعدها ابدأ قارن عشان تتوصل لنتيجة وتعرف موهبة طفلك.

7_ التحدث مع الطفل عما يحبه

أحسن حد يعبر عن طفلك وذاته هو الطفل نفسه، اسمح لطفلك بمساحة حرة يتكلم فيها عن نفسه واللي بيحبه وخلي يناقشك ايه أفضل حاجة هو بيعملها.

اسأله عن أفضل المواد الأكاديمية اللي بيفضلها، الرياضة اللي بيحب يمارسها، أو لو كان بيحب الرسم أو غيرهم من الأنشطة.

ممكن تلاقي طفلك مش قادر يعبر بشكل كافي، لكن خليه يشاركك بأكتر حاجة بيحب يعملها وبيستمتع وبيكون مبسوط بيها ممكن تكون هي موهبته.

ثالثا: التفكر في أنواع الذكاء المختلفة:

من المهم في اختبارات اكتشاف مواهب الأطفال معرفة نظرية الذكاءات المتعددة وهنتناولها بالتفصيل.

8_ معرفة نظريات وأنواع الذكاء

من أشهر نظريات الذكاء “نظرية الذكاءات المتعددة” وهي عبارة عن نظرية وضعها العالم هاورد غاردنر.

النظرية دي مبنية على تقسيم الذكاء إلى أنواع متنوعة، ابتدأت النظرية وأتأسست بسبع أنواع لذكاء وهي (الذكاء اللغوي، الذكاء الرياضي المنطقي، الذكاء الموسيقي والإيقاعي، الذكاء البدني الحركي، الذكاء الطبيعي، الذكاء الذاتي، الذكاء البصري)
وبيكون للعامل الوراثي فيها دور بالإضافة إلى تأثير البيئة المحيطة.

لوتمتع الطفل بأكثر من نوع ذكاء فبيعتبر طفل نابغة فمثلًا لو جمع بين الذكاء اللغوي والذكاء الموسيقي فبيكون شاعر موهوب وهكذا.

9_ اختبار قدرات الطفل البصرية والمكانية.

الطفل صاحب موهبة الذكاء البصري والمكاني بيركز على الأنشطة المرئية زي إنه بيحب التصميم والرسم والخرائط والصور، أو بيحب بإنشاء النماذج أو اللعب بالمكعبات مثلًا.

كمان هنلاقي الطفل صاحب القدرات البصرية عنده مقدرة كبيرة على التخيل وحفظ الطرق وأماكن الأشياء، بالإضافة إلى قدرته العالية على التنسيق بين القطع والأشكال، والحساسية العالية للألوان وتنسيقها.

لو ظهر على طفلك قدرته العالية في التخيل ورواية القصص أو المساعدة في ترتيب وتنسيق غرفة أو حتى تنسيق الملابس، أو بيميل لدراسة المواد بعد ما تكون كتبت في شكل خرائط ذهنية مثلًا أو جداول أو تم تعزيزها بالصور فغالبًا طفلك بيتمتع بقدرات بصرية ومكانية.

أنواع الذكاء الاجتماعي واختبار القدرات الاجتماعية والقيادية للطفل

10_ اختبارات اكتشاف مواهب الأطفال الاجتماعية

لو لقيت طفلك بيظهر قدرات أقوي في التواصل مع غيره سواء الأطفال في سنه أو حتى أشخاص تكبره في العمر، وعنده المهارة في التعامل مع الآخرين بشكل فعال.

بالإضافة إلى إنك هتلاحظ إن الطفل بيحب يلعب الألعاب الجماعية وبيميل لتكوين صداقات بشكل كبير، كمان بيتمتع بروح قيادية وعنده المقدرة على إصدار الأوامر والتنظيم.

11_ اختبار القدرات الاجتماعية والقيادية للطفل

كمان هنلاقي الطفل دا عنده القدرة على فهم وإدراك مشاعر غيره وايه هي احتياجاتهم، ويقدر يساعدهم على حل المشكلات وتقديم الدعم والنصائح.

هتلاقي ليه شعبية في وسط أصحابه ومحبوب منهم وكمان من الناس الأكبر سنًا، وعنده مقدرة عالية على التفاوض.

أي نشاط اجتماعي فهو بالنسبة ليه عامل جذب؛ عشان كده يفضل إنه يتعلم بمشاركة أفكاره مع غيره والنقاش في شكل جماعات والقيام بالعصف الذهني، والحوار، ومحاولة مثلًا إعطاءه فرصة للقيادة والتعبير عن أفكاره وتشجيعه وتحفيزه لغيره والطفل هيبرع في الأمر.

عزز الذكاء الاجتماعي عند طفلك من خلال توجيهه ازاي يتصرف في المواقف الاجتماعية المختلفة، وازاي ممكن يتعامل مع الخلافات بشكل عقلاني وواعي ودربه على دا وهتلاقي الطفل بيستجيب.

12_ اختبار قدرات الذكاء المنطقي والحسابي للطفل:

يعد الذكاء المنطقي والحسابي أحد أهم أنواع الذكاءات اللي بيظهرها الطفل فهنلاقي الطفل عنده القدرة على تحليل المواقف والمشكلات تحليلًا منطقيًا، والقدرة العالية على الربط والاستنتاج بالإضافة إلى الملاحظة بشكل جيد، كمان التفوق في حل المسائل الرياضية.

يعرف النوع دا من القدرات الذكائية بـ “سر العباقرة” والمنطقيين وهنلاقي الطفل بيحب اتباع التسلسل والأنماط، وبيظهر حبه لتعلم بالوسائل المرئية، وإن يكون في خطة وهدف وتعليم ممنهج عشان يظهر كفاءة وقدرة أعلى في استقبال المعلومة.

وتطوير الذكاء المنطقي والحسابي عند الطفل هيزيد من ثقته بنفسه، ويطلق العنان لأفكاره وإبداعه في الجزء دا بالتحديد بشكل أكبر.

13_ اختبارات اكتشاف مواهب الأطفال الجسدية

لو لقيت طفلك بيحب بناء الأشكال اليدوية، وعنده مهارة عالية في التحكم في جسده، ومهارة عالية في التعامل مع الأدوات، فغالبًا طفلك بيتمتع بقدرة الذكاء الجسدي. والحركي.
هنلاقي الأطفال اللي بتتمتع بالنوع دا من الذكاء بيتعلم أفضل من خلال ألعاب الحركة والمشاهد، فمثلًا بدل ما تعلمه الأرقام على الأوراق او بطريقة تقليدية هيتعلمها أفضل لو اتعلمها وهو بيتحرك من خلال عد خطواته مثلًا.
وهنلاقي تعبيره عن نفسه بتتمثل في لغة جسده، وبيميل لحب التمثيل والحركة والنشاط الدائم.

14_ اختبار الذكاء اللغوي

بيظهر الطفل اللي بيتمتع بقدرات ذكاء لغوي عالية بقوة في التعبير عن نفسه وأفكاره، واستمتاع بترتيب الجمل والعبارات، واستخدام اللغة والمفردات بشكل مبدع، بالإضافة إلى حب التواصل مع الآخرين.
هتلاقيه بيحب يتعلم من خلال القراءة والاستماع، كمان بيميل للكلام والتحدث أمام الجمهور أو يكتب قطع أدبية مميزة.

وفر لطفلك قصص وكتب واسمح ليه بالمشاركة ورواية القصص أو سجل له في مكان يعزز من نشاطه اللغوي والأدبي.
جرب تعطي طفلك بداية لقصة وخليه هو يكملها بالاعتماد على خياله وإبداعه في استخدام المفردات، وممكن تجرب إن الطفل يسجلها بصوته.

15_ اختبار الذكاء السمعي والموسيقي

في أطفال بتنجذب جدًا للأصوات وبيكون عندهم حساسية عالية غير باقي الأطفال للأصوات والإيقاعات الموسيقية وبيلفت انتباههم جدًا كل الاشياء السمعية.
هتلاقي عندهم حساسية للنغمة والإيقاعات وتميز الأصوات المختلفة بدرجة عالية.
ممكن تلاقي طفلك يصدر إيقاعات باستخدام أدوات بسيطة أدوات مكتبية أو أدوات المطبخ وغيرهم، كمان أذنه بتكون أذن موسيقية فبيميز أصوات البشر ونبراتهم المختلفة وأصوات الأجهزة وأصوات الحيوانات وغيرهم.
ادعم في طفلك الموهبة دي ونميها بالتدريب على مختلف الأصوات ومحاولة اكتشاف المزيد من النغم.

سواء كان طفلك بيتمتع بموهبة واحدة أو أكثر فأنت لازم تدعمه وتسعى بشكل مكثف لاكتشافها وتنميتها وتصبر معاه على تطورها عشان يقدر يكون في المكان الصحيح اللي يستحقه، وخلي دليل اختبارات اكتشاف مواهب الأطفال | 15 اختبار مهم  اللي قدمناه يساعدك في كده

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية

إقرأ أكثر..

  • No comments yet.
  • Add a comment

    شنطة المدرسة

    دلوقتي من ماركت دليل المدارس