أسعار المدارس الانترناشونال في مصر 2021 -2022

أسعار المدارس الانترناشونال في مصر

اختيار المدرسة المناسبة للطفل هي مسئولية ولي الأمر، والقرار مش بيكون سهل؛ لإن المدرسة بيكون لها تأثير كبير على تكوين شخصية الطفل، وبيترتب عليها مستقبله بعد كده.

بنلاحظ إن كتير من أولياء الأمور بيفضلوا المدارس الانترناشونال لأولادهم عن المدارس الرسمية، لكن مش بيكونوا قادرين في الغالب بيختاروا أنسب مدرسة منهم للطفل؛ لإنهم مش عارفين الفروق بين المدارس دي كويس من ناحية المناهج وطريقة الدراسة.

كمان أسعار المدارس الانترناشونال بتختلف من مدرسة للثانية وممكن تبدأ من 22 ألف جنيه في السنة وتوصل لأكتر من 160 ألف جنيه، فبيبدأ ولي الأمر يقارن بين مميزات المدارس اللي عارفها وأسعارها قبل ما يختار.

في المقال ده هنتعرف بالتفصيل على أسعار المدارس الانترناشونال في مصر، وإيه اللي بيميز كل مدرسة عن الثانية؛ عشان نسهل على أولياء الأمور اختيار المدرسة المناسبة لأولادهم.

أنواع المدارس الانترناشونال في مصر

المدارس الانترناشونال في مصر هي مدارس بديلة للمدارس الحكومية -الرسمية- بتتميز باتباع طرق مختلفة في التدريس؛ بتساعد الطالب يتعلم مهارات مختلفة بجانب الاهتمام بمستواه الدراسي.

طريقة التدريس في المدارس الانترناشونال في مرحلة الـ KG بتكون قريبة من بعضها جدًا؛ لإن كل المدارس بيكون هدفها تهيئة الطلبة للمراحل الدراسية القادمة مع الاهتمام ببعض المهارات.

وبالتالي بيكون من السهل انتقال الطالب في المرحلة دي من نظام للتاني بدون ما تواجهه مشاكل في المناهج اللي بيدرسها، لكن بعد المرحلة دي بتظهر الفروقات بوضوح.

حاليًا موجود في مصر كتير من أنواع المدارس الانترناشونال، وكل مدرسة منهم بتختلف عن المدارس الثانية في كتير من النقاط، وبالتالي لازم نتعرف على كل مدرسة منهم ونعرف إيه اللي بيميزها عن غيرها.

من أشهر المدارس الانترناشونال في مصر:

1
أنواع المدارس الانترناشونال في مصر

المدارس البريطانية

المدراس الانترناشونال البريطانية في مصر بدأت تنتشر في الفترة الأخيرة، وعدد كبير من الطلبة بيدخلها كل سنة، لكن أعداد الطلبة اللي بتلتحق بيها لا زالت أقل من طلبة المدارس الرسمية نتيجة إلى ارتفاع أسعار المدارس الانترناشونال البريطانية عن الرسمية.

المجلس الثقافي البريطاني هو المسئول والمشرف الأول على جميع المدارس البريطانية الموجودة في مصر من ناحية المناهج وطريقة التدريس ونظام الامتحانات وغيرهم.

المدارس دي بتتبع التقنيات الحديثة في مناهجها، وبتهتم بالفهم أكثر من الحفظ على عكس المدارس الرسمية، وبتمنح الطالب شهادة معتمدة في نهاية الدراسة بمثابة شهادة الثانوية العامة تمكنه من الالتحاق بالجامعات.

المدارس البريطانية في القاهرة و الجيزة ومصاريفهم للعام الدراسي 2021/2022

المدارس الأمريكية

المدارس الأمريكية في مصر بتهدف إلى تنمية الجانب الإبداعي عند الطالب، وده بيحصل فيها بشكل أكبر من المدارس البريطانية.

الدرجات اللي بيحصل عليها الطالب من الامتحانات خلال العام الدراسي بيكون لها نسبة بسيطة في التقييم، أما باقي الدرجات فبتكون على التطبيق والمشاركة.

الطالب اللي بيتخرج من المدارس الأمريكية بيكون عنده قدرة على التفكير الإبداعي أكثر من غيره، فبتكون فرصة نجاحه في مجالات العمل المعتمدة على التفكير كبيرة.

المدارس الأمريكية في القاهرة و الجيزة ومصاريفهم للعام الدراسي 2021/2022 

المدارس الكندية

استكمال الدراسة في كندا حلم عدد كبير من الطلبة، والمدارس الكندية في مصر بتساعدهم يحققوا الحلم ده؛ لإنها بتقدم شهادة في نهاية الدراسة بتأهل الطالب إنه يلتحق بالجامعات الكندية.

المدارس دي بتقدم مناهج كندية بيتم دراستها باللغة الإنجليزية، وبتغطي جميع مراحل ما قبل التعليم الجامعي، وفي نهاية الدراسة بتقدم شهادة معتمدة دوليًا بتتيح للطالب فرصة الالتحاق بالجامعات، وبتتسمى شهادة الدبلومة الكندية OSSD.

نظام الدراسة في المدارس الكندية بيختلف تمامًا عن الأنظمة الأخرى؛ فنظام الفصول الدراسية مش بيكون موجود، وبيتم اتباع نظام المواد بدلًا منه.

الطالب بيكون معاه فرصة اختيار المواد اللي هيدرسها بناءً على التخصص اللي حابب يكمل فيه بعد الحصول على شهادة الدبلومة الكندية.

المدارس الكندية في القاهرة و الجيزة

المدارس الألمانية

المدارس الألمانية في مصر هي مدارس بتحصل على دعم من الحكومة الألمانية، وبتأهل الطلبة للالتحاق بجامعات ألمانيا بعد الحصول على شهادة إتمام الدراسة.

الطالب في المدارس دي بيخضع للعديد من الامتحانات اللي بتساعد المدرسة تحدد مستواه ومدى استعداده لاستكمال الدراسة على النظام الألماني.

الدراسة بتكون تبعًا لنظام Abitur، وده نظام بيتم دراسته على مدار 12 سنة وبعد اجتياز الاختبارات الأخيرة بيحصل الطالب على شهادة الأبيتور اللي بتعادل شهادة الثانوية العامة في مصر.

المدارس الألمانية في القاهرة و الجيزة

أسعار المدارس الانترناشونال البريطانية

أسعار المدارس الانترناشونال البريطانية في مصر بتختلف من مدرسة للثانية، فبالنسبة للمدرسة البريطانية الدولية بنلاقي المتعارف عليه في 2021 هو إن متوسط المصروفات المطلوبة خلال فصل دراسي واحد في مرحلة رياض الأطفال حوالي 58 ألف جنية.

طبعًا المصروفات بتزيد في كل مرحلة عن اللي قبلها إلى أن تصل 84 ألف جنية أو أكثر في المرحلة الثانوية.

المدارس البريطانية بتوفر العديد من المميزات للطلبة مقابل سداد بعض المصروفات، ومن أهم من الحاجات اللي بتميز المدارس البريطانية في مصر:

مرونة طريقة الدراسة

المدارس البريطانية بتوفر للطالب حرية اختيار المواد الدراسية حسب ميوله واهتماماته، كمان الطالب هو اللي بيحدد عدد المواد اللي بيدرسها.

رغم إن النقطة دي بتقلل الضغط على الطالب وبتخليه قادر يقسم المواد خلال السنوات الدراسية إلا إن البعض بيعتبرها أحد عيوب المدارس البريطانية؛ لإن أحيانًا الطالب مش بيكون قادر يختار كويس في سن صغير.

وبكده اختيار المواد بيكون فيه تدخل من ولي الأمر مش تابع لميول الطالب فقط.

المناهج الدراسية

المناهج اللي بتعتمد عليها المدارس البريطانية هي مناهج معتمدة بشكل كبير على الفهم بعيدًا عن الحشو والتكرار، وبالتالي الطالب بيكون قادر على التفوق في المدارس البريطانية بسهولة.

لكن في جانب كبير في المناهج معتمد على الحفظ زي اللي موجود في المناهج التقليدية في المدارس التجريبية، والنقطة دي بتساعد الطالب يتفوق في الجامعات اللي مناهجها بتعتمد أيضًا على الحفظ، ممكن تتعرف أكتر على مناهج المدارس البريطانية من هنا. 

إمكانية دخول الامتحان أكثر من مرة

العام الدراسي في المدارس البريطانية مقسم إلى فصلين دراسيين -زي نظام المدارس الرسمية- والدرجات اللي بيحصل عليها الطالب بتكون درجات الامتحانات فقط.

بالتالي بعض الطلبة ممكن يلاقوا صعوبة في الحصول على درجات مرتفعة في امتحان واحد، عشان كده المدرسة بتوفر للطالب فرصة دخول الامتحان أكثر من مرة للتعويض، وبيتخرج بعد اجتياز امتحان IGSCE للالتحاق بالجامعة.

أسعار المدارس الانترناشونال الأمريكية

1 1
أسعار المدارس الانترناشونال الأمريكية في مصر

أسعار المدارس الانترناشونال الأمريكية في مصر بتكون مرتفعة، فمثلًا مصاريف المدرسة الأمريكية الدولية بتبدأ من حوالي 121 ألف جنية في مرحلة KG، وبتبدأ تزيد عن القيمة دي لحد ما توصل إلى ما يقارب 160 ألف جنية في المرحلة الثانوية.

المدارس الأمريكية بتعتبر من أشهر المدارس الانترناشونال الموجودة في مصر، وعدد كبير من أولياء الأمور بيفضلها عن باقي المدارس وده عشان كذا نقطة زي:

الاهتمام بالجانب الإبداعي للطالب

المدارس الأمريكية بيكون هدفها إعداد طالب عنده مقدرة على التفكير الإبداعي وحل المشكلات، فبيكون اهتمامها منصب بشكل كبير على النقطة دي.

وده بينمي مهارات الطالب بشكل كبير وبيزود ثقته وبيخليه مميز بتفكيره.

التقييم على الأنشطة بجانب الامتحانات

بيتم تقييم الطالب في المدارس الأمريكية بإجراء بعض الامتحانات، ولكن الامتحانات دي بيكون عليها نسبة مئوية بسيطة، وباقي الدرجات معتمدة على مشاركة الطالب والأنشطة اللي بيقوم بيها الطالب على مدار العام الدراسي.

بالتالي الضغط اللي على الطالب بيقل والدراسة بتكون أسهل؛ لإن الامتحان مش هو الدليل الوحيد على مستواه، فبيبدأ يركز أكثر على تنمية مهاراته، ممكن تتعرف أكتر على مميزات الدبلومة الأمريكية من هنا.

أسعار المدارس الانترناشونال الكندية

متوسط أسعار المدارس الانترناشونال الكندية المتعارف عليها في مصر تبدأ من 83 ألف جنية في المرحلة الابتدائية وبتصل إلى حوالي 120 ألف جنية في المرحلة الثانوية.

المدارس الكندية أصبحت خيار متاح في مصر بيمكن الطلبة من دراسة المناهج الكندية بدون ما يحتاجوا يسافروا، ومن الحاجات اللي بتميزها:

تقديم شهادة معتمدة للطالب

المدارس الكندية في مصر بتقدم شهادة OSSD اللي بتعتبر بمثابة شهادة الثانوية العامة، وبتتيح للطالب فرصة الالتحاق بالجامعات الكندية واستكمال دراسته خارج مصر.

الدراسة بنظام المادة وليس الفصل الدراسي

المدارس الكندية بتتميز بالنقطة دي عن باقي المدارس، فبتعتمد على نظام دراسة المادة لحد انتهائها، وبيتم تقييم الطالب حسب جهده المبذول في المادة دي خلال فترة دراستها.

أسعار المدارس الانترناشونال الألمانية

1 1
أسعار المدارس الانترناشونال الألمانية في مصر

أسعار المدارس الانترناشونال الألمانية بالطبع بتختلف من مرحلة للثانية فبنلاقي إن متوسط المصاريف في المرحلة الابتدائية خلال السنوات الثلاثة الأولى حوالي 70 ألف جنية.

أما مع دخول الصف الرابع الابتدائي لحد الصف السادس فبتكون المصروفات الدراسية حوالي 85 ألف جنية.

المدارس الألمانية في مصر بتهتم بتطبيق التقنيات الحديثة في التعليم عشان تعد طالب قادر على التكيف مع التغيرات المحيطة ومواكبة التطور.

من أهم المميزات الموجودة في المدارس الألمانية:

الحصول على شهادة Abitur

شهادة Abitur هي شهادة معتمدة بتمكن الحاصلين عليها من الالتحاق بالجامعات الألمانية لاستكمال الدراسة، ودي تعتبر ميزة كويسة جدا للطلبة اللي بيكون حلمها السفر واستكمال الدراسة في الخارج.

دراسة مناهج حديثة

الطلبة في النظام الألماني بيدرسوا مناهج مختلفة عن المناهج الموجودة في المدارس الرسمية، فالمناهج بتكون معتمدة على الفهم والإبداع بشكل أكبر من الحفظ، وده بيقلل الملل عند الطلبة.

مقارنة بين أسعار المدارس الانترناشونال المختلفة

المدارس البريطانية 

المدارس الأمريكية

المدارس الكندية

المدارس الألمانية

المصاريف بتبدأ من 58 ألف جنية في مرحلة رياض الأطفال لحد ما توصل إلى حوالي 84 ألف جنية

المصاريف المتعارف عليها في المدرسة الأمريكية الدولية حوالي 121 في مرحلة رياض الأطفال لحد ما توصل إلى 158 في المرحلة الثانوية

متوسط المصاريف حوالي 83 ألف جنية في المرحلة الابتدائية وبتصل إلى 120 ألف جنية في المرحلة الثانوية

متوسط بداية المصاريف حوالي من 75 ألف جنية في مرحلة رياض الأطفال 

شهادة IGSCE بعد المرحلة الثانوية

الحصول على الدبلومة الأمريكية

بتقدم شهادة الدبلومة الكندية OSSD

بتقدم شهادة Abitur المعتمدة

-وجود نظام دراسي مرن بيمكن الطلبة تختار المواد حسب ميولها.


-تدريس مناهج حديثة معتمدة على الفهم.


-مساعدة الطالب على إتقان اللغة الإنجليزية.

-الاهتمام أكثر بالجانب الفكري والإبداعي للطالب وتنمية مهاراته.


-تقييم الطالب بناء على الأنشطة اللي بيقوم بيها بجانب الامتحانات

-تقديم شهادة معتمدة بتوفر فرصة استكمال الدراسة في كندا.


-الدراسة بنظام المادة وليس الفصل الدراسي، وبيتم تقييم الطالب حسب جهده في المادة

-الحصول على شهادة Abitur.


-دراسة مناهج حديثة ومتطورة.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

ماث شيت – Math Worksheet 2

ماث شيت – Math Worksheet 2 يحتوي  علي الارقام و الاعداد للاطفال في مرحلة الكي جي للتدريبات علي توصيل الارقام و كتابتها و المراجعة عليها

كي جي 1 انترفيو – KG 1 Interview Worksheet

كي جي 1 انترفيو – KG 1 Interview Worksheet بيساعدك تدرب طفلك علي اسئلة اللي بيتعرض ليها اثناء التقديم لاي مدرسة لمرحلة الحضانة تدريبات اخري

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق