مع التطور السريع اللي بيحصل حالياً في مجالات التعليم المختلفة، بنكتشف تحديات جديدة بيواجهها أطفالنا يومياً، ومنهم اللي بيواجه تحديات غير تقليدية، وبتتطلب مجهود كبير للتغلب عليها، وأبرزها صعوبات التعلم بأنواعها المختلفة.
ومن هنا ظهر الدور الحاسم لمراكز التخاطب المتخصصة في تأهيل الأطفال اللي بيعانوا من صعوبات التعلم، واللي بتقدم الرعاية والتدخل المناسبين اللي بيرفعوا من قدرات طفلك، لتحقيق أقصى إمكانياته.
في المقال دا، هنكتشف سوا أشهر وأفضل مراكز صعوبات التعلم في مصر، واللي بتلعب دور حيوي جداً في مساعدة الطفل ودعمه بالأدوات المناسبة في رحلته التعليمية.
ما هي صعوبات التعلم؟ وما أنواعها؟
صعوبات التعلم هو مصطلح بيُستخدم للإشارة إلى حالة ذهنية بتأثر على الطفل، وبتتسبب في صعوبات فردية ممكن تعطل تقدمه في اكتساب المهارات الأكاديمية والاجتماعية، على عكس الأفراد اللي في نفس سنه.
لكن دا مش معناه إن الطفل بيكون ذكاؤه ضعيف، لإن صعوبات التعلم مالهاش أي تأثير على الذكاء؛ وممكن يكون الطفل ذكي جداً، لكن عنده مشكلة في مهارة من مهارات التعلم زي: القراءة، أو الكتابة، أو الحساب.
وبكدا يكون صاحب صعوبات التعلم هو شخص عادي ما عندوش أي مشاكل ذهنية، ومستوى ذكائه طبيعي، لكن في أسباب بيئية محيطة بيه أدت لوجود مشاكل في الإدراك، واستيعاب بعض المهارات الأكاديمية، واللي بيمكن تشخيصها وعلاجها زي ما بيحصل في مراكز صعوبات التعلم في مصر.
وأنواع صعوبات التعلم بتتمثل في:
- اضطراب التناسق الحركي والخلل الأدائي – Dyspraxia.
- اضطراب فرط الحركة وتشتت الانتباه – ADHD.
- اضطراب معالجة الإشارات السمعية.
- اضطراب معالجة الإشارات البصرية.
- عُسر الحساب – Dyscalculia.
- عُسر الكتابة – Dysgraphia.
- عُسر القراءة – Dyslexia.
اقرأ تفاصيل أكتر عن: كيف أعرف أن ابني لديه صعوبات تعلم؟ إليك 7 علامات واضحة.
أشهر مراكز صعوبات التعلم في مصر
التخاطب وعلاج صعوبات التعلم بيعد أحد فروع الطب الحديث، واللي ليه دور مهم جداً وفعّال في تطوير مستوى الأطفال اللي بيعانوا من أي صعوبات تعلم تقابلهم.
ومن أشهر مراكز التخاطب بنلاقي:
1- مركز التخاطب الشامل وصعوبات التعلم
هو أحد أشهر مراكز صعوبات التعلم في مصر، وبيعد أول مركز متكامل لعلاج أمراض التخاطب وصعوبات التعلم.
المركز بيعمل تقويم شامل للغة، والإدراك، والسلوك الاجتماعي، والمستوى الأكاديمي للطالب، وليه فرعين: في مصر الجديدة، وفي العبور.
العنوان:
- فيلا 25 – ش الحسين بن علي – الحي السادس، مدينة العبور – خلف مدرسة أبناء النيل.
- 6 ش عبد العزيز خليل متفرع من ش محمد فريد – مصر الجديدة – القاهرة.
رقم التليفون: 01227870618 – 0222406301
2- مركز التخاطب الشامل بالمطرية
المركز بيقدم جلسات تأهيلية للتخاطب، وصعوبات التعلم، وفرط الحركة، وكمان بيقدم دبلومة التخاطب للأخصائيين، واللي بتشمل كورسات في التخاطب وصعوبات التعلم وعلاج التوحد وتعديل السلوك، وبيكون معاها شهادة معتمدة وكارنيه أخصائي.
العنوان: 3 ش الخارجة أمام محطة مترو المطرية – القاهرة.
رقم التليفون: 01147626979
اقرأ أيضًا: صعوبات التعلم غير اللفظية: الأسباب والأعراض وطرق العلاج.
3- مركز التخاطب النموذجي بالعجوزة
دا واحد من أبرز مراكز صعوبات التعلم في مصر، وبيعرف المركز نفسه على إنه الوحيد في مصر والوطن العربي اللي بيقدم تقييم للنتائج من أول أسبوع.
المركز بيقدم خدمات كتير زي:
- اختبارات السلوك التكيفي للتعرف على العمر العقلي للطفل.
- نظام مكثف للتخاطب، وتنمية مهارات الطفل.
- جلسات تعديل السلوك حسب أحدث الفنيات.
- تدريبات مكثفة للتركيز والانتباه.
- اختبارات التلعثم والتهتهة.
- اختبارات صعوبات التعلم.
أحد أولياء الأمور بيقول عن المركز: “بجد من أفضل المراكز وأكثرها مصداقية والأهم النظافة والاهتمام بحالة كل طفل”، ودا دليل على اهتمام المركز بتقديم خدماته بجودة عالية.
العنوان: 6 ش النيل، بجوار السيرك القومي – العجوزة – الجيزة.
رقم التليفون: 01033805858
4- جمعية نداء لتأهيل الأطفال ضعاف السمع
بتعد الجمعية واحدة من مراكز صعوبات التعلم في مصر المتخصصة في تأهيل الأطفال ضعاف السمع، والأطفال اللي بيعانوا من إعاقات متعددة “سمعبصرية”.
وهي جمعية أهلية بتقوم على الجهود الذاتية، ومسجلة بوزارة التضامن الاجتماعي، وبتهدف للارتقاء بمستوى حياة الأطفال اللي بيعانوا من صعوبات واضطرابات التواصل.
العنوان: 30 ش عمر زعفان، متفرع من ش الطيران – الحى السابع، مدينة نصر – القاهرة.
رقم التليفون: 22626930 – 22627209
5- مركز الشمس للتخاطب
واحد من أكبر مراكز صعوبات التعلم في مصر، واللي ليه فروع كتير في عين شمس، وفيصل، والهرم، وبيقدم المركز دعم كامل فيما يخص مشاكل النطق، وتأخر الكلام، وتنمية مهارات وصعوبات التعلم، وجلسات تعديل السلوك واختبار الذكاء.
العنوان:
- 15 ش عين شمس، بجوار مدرسة الشمس الخاصة، أمام فرع اتصالات – عين شمس.
- 1 ش محمد عبده – أمام سوبر ماركت أولاد رجب، برج الحاجة، أعلى كافيه إيجل – النعام.
- 332 ش الهرم الرئيسي، بجوار مسجد السلام ومستشفى الجيزة الدولى – الهرم.
رقم التليفون: 01270756267 – 01092975341
6- مركز Trust لتنمية المهارات وصعوبات التعلم
بيعد مركز Trust واحد من أفضل مراكز صعوبات التعلم في مصر (بالإسكندرية)، وبيعتمد على الألعاب، والوسائل التفاعلية لمعالجة مشكلات التأخر الدراسي، وصعوبات التعلم.
دا غير إنه بيوفر أنشطة ترفيهية، ومعسكرات، ورحلات، وأيام معايشة للأطفال، عشان يزود الارتباط النفسي عندهم بعملية التعلم، ويقلل الرهبة، وبالتالي يوصل الطفل للنتيجة المطلوبة بشكل أسرع.
وأحد أولياء الأمور قالت عنهم: “الحمد والشكر لله إنكم فى حياة ابني، ليكم فضل كبير بعد ربنا فى كل تطور، لأنكم ناس بتخاف ربنا في شغلها”.
العنوان:
- 12 ش المصحة – برج الصفا – بجوار التأمينات الاجتماعية، خلف نادي القضاة – بولكلي – الإسكندرية.
- 61 ش ممتاز باشا – برج الأمراء، الدور الأول – شمال مزلقان فيكتوريا – الإسكندرية.
رقم التليفون: 01065725796
7- أكاديمية زويل للتخاطب وتنمية المهارات
أكاديمية زويل هي واحدة من مراكز صعوبات التعلم بالإسكندرية المتميزة في مجالها، وبتبدأ مع الطفل بمرحلة التشخيص، وتحديد مشكلته إذا كانت صعوبة تعلم، ولا تأخر دراسي.
الأكاديمية بتساعد في حل مشكلات كتير عند الطفل، زي:
- مشاكل القراءة، والكتابة، والتهجي، والحساب.
- صعوبات تكوين المفاهيم والربط بينها.
- صعوبات الإدراك والفهم.
- مشاكل الانتباه والتركيز.
- تكرار النسيان.
ودا جزء من آراء أولياء الأمور عنها:
“أجمل وأعظم مكان على مستوى إسكندرية، يضم صرح طبي وأعظم أخصائيين في كل التخصصات، وأحسن معاملة وأرقي أسلوب بجد مش عارفة أقول إيه ولا إيه ف المكان الجميل دا، كفاية إنهم خلوا ابني يتكلم وعلموه حاجات عمري ما تخيلت إنه هيعرفها .. أنا بقدم للمكان دا بكل العاملين بيه كل الشكر والتقدير وبالتوفيق دائماً يارب”
“أكاديمية زويل اسم كبير، ومكان ثقة، وعنده محتوى هادف، ساعد ولاد كتير وبإذن الله يساعد أكتر، محتواه متميز، الشغل بإتقان، رقي في التعامل، الالتزام بالوقت، النظافة. كل التوفيق لأكاديمية زويل وجميع القائمين عليها، شكراً جداً لحضراتكم”
العنوان: ش أديب معقد المتجه إلى الفلكي، أمام بنزينة موبيل – برج المستقبل، الدور الأول – السيوف شماعة – الإسكندرية.
رقم التليفون: 01012714016
هل يمكن الشفاء من صعوبات التعلم؟
لازم نفهم الأول إن صعوبات التعلم مش حالة مرضية، وبالتالي منقدرش نعالجها بشكل كامل باستخدام الأدوية الكيميائية.
وكمان حالات الأطفال اللي بيعانوا منها مختلفة عن بعضها، فهنلاقي منهم اللي بتقل معاناته من صعوبات التعلم أو بتختفي مع العلاج بمرور الوقت، ومنهم اللي بتستمر معاه مدى الحياة.
لكن الحاجة الأكيدة هنا، إن مع توافر الدعم اللازم، والبرامج التعليمية العلاجية المناسبة، بيقدر الطفل اللي بيعاني من صعوبات التعلم إنه يتعايش معاها ويقلل من أضرارها، وينجح في دراسته الأكاديمية أو حياته المهنية.
وبيساعده في دا استراتيجيات العلاج المختلفة اللي بيطبقها المتخصصين، تماماً زي ما بيحصل في مراكز التخاطب ومراكز صعوبات التعلم في مصر اللي ذكرناها فوق.
وأولياء الأمور هنا ليهم دور كبير جداً في علاج أطفالهم، ودا من خلال فهم طبيعة المشكلة اللي بيمر بيها الطفل، ومساعدة المتخصصين في تنفيذ البرنامج التعليمي الخاص بيه بعيداً عن أي توترات نفسية.
فعلى سبيل المثال ممكن طفل بيعاني من صعوبات التعلم يواجه صعوبة في إلقاء الكرة أو التقاطها، في حين إنه مش بيلاقي أي صعوبة في ممارسة رياضة السباحة، وبالتالي هنا اكتشاف نقاط قوة الطفل وتطويرها، واكتشاف نقاط الضعف والتغلب عليها بيكون ليه دور مهم وفعّال في علاجه.
ووفقاً لمقال “ما هي علاجات صعوبات التعلم؟” اللي نشره معهد “NICHD”، فهو بيأكد إن حصول الطفل على المساعدة في وقت مبكر بيزود من فرصه في النجاح في المدرسة، وفي الحياة عموماً، وإن أي تأخر في التأهيل والعلاج بيصدّر للطفل مشاعر الإحباط والسلبية، اللي بيخلوه يفقد ثقته في نفسه مع الوقت.
الخلاصة
فهم صعوبات التعلم مش نهاية الطريق، لكنه بداية لرحلة دعم وتطوير أطفالنا، لإنهم مش بس عندهم صعوبات تعلم، لأ دول كمان عندهم قدرات وإمكانيات استثنائية تستحق الاكتشاف والتشجيع.
والشهادات والنجاحات في مراكز صعوبات التعلم في مصر لفعالية الدعم المتاح والجهود المستمرة لتمكين أطفالنا، فلما بيتقابل الأهل والأطفال مع المراكز المتخصصة في رحلة مشتركة هدفها التحسُّن، بيظهر التأثير الإيجابي على حياة الأسرة كلها.
ورحلة التغلب على صعوبات التعلم مش بتقتصر على الأطفال بس، لكنها بتمتد للمجتمع وبتشكل جزء لا يتجزأ من تطوير مستقبل أفضل.
عشان كدا لازم نتحد كأولياء أمور ومعلمين وأفراد مجتمع، عشان نقف جنب أطفالنا، ونشجعهم على تطوير قدراتهم.
اقرأ أيضًا: الفرق بين صعوبات التعلم واضطرابات التعلم.
أضف تعليق