الفرق بين المدارس الناشونال والانترناشونال في مصر

دايمًا ولي الأمر بيقابل صعوبة في اختيار مدرسة مناسبة لطفله، ولإن قراره دا بيترتب عليه مستقبل الابن فلازم يكون على دراية كافية بنظام بالمدارس اللي حابب يختار بينهم، ويعرف أهم المميزات والعيوب الموجودة قبل ما ياخد قراره النهائي، ومن أشهر المدارس اللي ولي الأمر بيحتار بينهم هي المدارس الناشونال والانترناشونال.

الفرق بين المدارس الناشونال والانترناشونال بيظهر في المناهج اللي بتتبعها المدارس دي، وطريقة تدريسها، والمصاريف السنوية المطلوبة، وغيرهم.

هنتعرف أكثر على الفرق بين المدارس الناشونال والانترناشونال في مصر؛ عشان نسهل على ولي الأمر قرار اختيار المدرسة الأنسب لطفله.

ما هو التعليم الناشونال

التعليم الناشونال هو نظام تعليمي بيتبع المناهج المصرية، وبيطبقها بالطريقة التقليدية المتعارف عليها، والمدارس اللي بتطبق النظام دا بتسمى المدارس الأهلية، بيخضع طلابها للاختبارات الخاصة بوزارة التربية والتعليم المصرية.

أغلب المدارس الموجودة في مصر هي المدارس اللي بتطبق المناهج المصرية، وعدد كبير من الطلبة بيقبل عليها كل سنة؛ ودا لإن المصاريف اللي بتطلبها من ولي الأمر بتكون بسيطة جدًا، فبتكون مناسبة لمحدودي ومتوسطي الدخل في مصر.

طريقة التعليم في المدارس الناشونال بتكون مميز أكثر من اللي موجودة في المدارس الرسمية في مصر؛ لإنها بتهتم باللغات بشكل كبير، وبتحرص على إتقان الطالب للغات دي.

كمان الاهتمام بمهارات الطالب والأنشطة اللي بيقوم بيها خلال السنة الدراسية بيكون أكثر من المدارس الرسمية؛ لإن عدد الطلبة في الفصول بيكون قليل إلى حد ما.

مناهج التعليم الناشونال أغلبها بيكون قائم على الحفظ والتلقين، والغرض منها إن الطالب يحصل على درجات عالية تؤهله للانتقال من سنة دراسية إلى الأخرى، وللأسف محصلة اللي اتعلمه الطالب من المناهج دي قليلة جدا كل سنة.

وهنا بيظهر بوضوح الفرق بين المدارس الناشونال والانترناشونال في مصر؛ لإن الدراسة في النظام الانترناشونال بتبعد تماما عن الحفظ.

الطالب في النظام دا بيكون كل تركيزه مُنصب ناحية الحصول على درجات مرتفعة، فبيبدأ يحفظ المناهج التعليمية في الغالب بدون ما يعطي لنفسه وقت إنه يفهمها كويس؛ عشان يقدر يستفيد منها أو يطبقها.

وعشان النقطة دي بيبدأ أولياء الأمور يبحثوا عن نظام تعليمي آخر يقدم مميزات أعلى للطالب ويساعده على التفوق والوصول لهدفه، وتفكيرهم غالبا بيكون ناحية المدارس الانترناشونال.

ما هو التعليم الانترناشونال

التعليم الانترناشونال هو تعليم بيقدم مناهج مختلفة عن المتعارف عليها في المدارس الرسمية أو الخاصة في مصر، والمناهج دي بتكون دولية، بمعني إن نظام التعليم الأمريكي في مصر بيقدم مناهج معتمدة من أمريكا، والنظام الكندي بيتبع المناهج الكندية وهكذا.

الطالب بيحصل في نهاية الدراسة على شهادة معتمدة من الدولة المسؤولة عن تطبيق النظام الانترناشونال في مصر تؤهله لاستكمال دراسته في الخارج.

الفرق بين المدارس الناشونال والانترناشونال كبير جدا؛ لإن المدارس الانترناشونال بتطبق أحدث التقنيات التعليمية في النظام اللي بتقدمه، ومناهجها بتركز على زيادة وعي الطالب وتنمية مهاراته بشكل مستمر، ومش بتلجأ أبدًا إلى نظام الحفظ والتلقين، وبالتالي فهي بتخرج جيل قادر على مواكبة التغيرات حواليه والتعامل معاها بحكمة.

التعليم الانترناشونال بيخلي الطالب متطلع دايمًا على الثقافات الدولية من خلال نمط تعليمي مختلف عن اللي بيتم تطبيقه في المناهج المصرية، فالطالب بيكون عنده مقدرة على تقبل الاختلافات وبيكون منفتح على العالم من خلال دراسته.

المدارس الناشونال والانترناشونال في مصر لها أنواع كتيرة، والأنواع دي هنتعرف عليها حالا.

أنواع المدارس الناشونال

من الحاجات اللي بنلاحظها في الفرق بين المدارس الناشونال والانترناشونال هي أنواع المدارس دي ، فبنلاقي إن المدارس الناشونال منقسمة إلى نوعين وهما:

مدارس ناشونال عربي

المدارس دي بتقدم مناهج وزارة التربية والتعليم المصرية باللغة العربية، وبتركز على تدريس مادة التربية الدينية وتعليم القرآن الكريم في المدارس الخاصة الإسلامية.

بعض المدارس الناشونال اللي بتقدم مناهجها باللغة العربية بتكون تابعة للكنائس في مصر، وبالتالي فهي بتهتم بتدريس التعاليم المسيحية، إلى جانب تدريس اللغة الفرنسية.

المدارس دي بتخرج جيل فاهم تعاليم دينه كويس وقادر يطبق التعاليم دي في حياته اليومية ويعلمها لغيره، ودي تعتبر من أهم المميزات الموجودة.

مدارس ناشونال لغات

المدارس الناشونال للغات في مصر هي مدارس بتتبع أيضًا المنهج المصري لكنها بتدرس المواد الأساسية باللغة الانجليزية زي مادة العلوم والرياضيات، وبتحرص على تدريس اللغة الانجليزية من بداية دخول الطفل المدرسة، وبعد فترة الطالب بيختار لغة أجنبية تانية ويبدأ في دراستها لحد ما يقتنها.

عدد الطلبة في فصول المدارس دي بيكون أقل من اللي موجود في المدارس الرسمية، وبالتالي بيكون في اهتمام بمهارات الطالب بشكل أكبر زي ما وضحنا، وعدد كبير من أولياء الأمور بيعتبر دي هي مدارس متوسطة بين المدارس الرسمية والانترناشونال؛ لانها بتقدم مميزات أعلى من الرسمية وبمصاريف دراسية أقل من الانترناشونال.

أنواع المدارس الانترناشونال

الفرق بين المدارس الناشونال والانترناشونال في مصر إن المدارس الانترناشونال بتقدم عدد كبير من المناهج الدولية، وكل مدرسة منهم بتقدم منهج تابع للدولة اللي بتشرف عليها، ودا ومن المدارس دي:

المدارس الانترناشونال الأمريكية

المدارس الأمريكية هي مدارس معتمدة بتقدم منهج أمريكي متميز بطريقة تسمح للطالب إنه يشارك في عدد كبير من الأنشطة داخل الفصل ويبدع باستمرار بدون الحاجة إلى الحفظ.

إلى جانب اهتمامها برفع مستوى الطالب الدراسي وتفوقه بنلاحظ إنها أيضًا بتهتم بجميع الجوانب الشخصية وبتساعده علي تطوير مهاراته وإنه يكون شخص مؤثر بشكل إيجابي في المجتمع اللي حواليه.

المدارس بتقدم شهادة الدبلومة الأمريكية المعتمدة بعد اجتياز الطالب امتحان SAT أو ACT، ومنها بيقدر يقدم في الجامعات الأمريكية، وعدد كبير من الجامعات حول العالم.

ملحوظة: تم اعتماد شهادة امتحان SAT و ACT في مصر لفترة طويلة، بمعنى إن الطالب يقدر يدخل أي جامعة مصرية بعد اجتيازه أحد الامتحانين وتوافر جميع الشروط المطلوبة في الجامعة.

لكن بعد حدوث بعض المشاكل في الامتحانات دي أصدرت وزارة التربية والتعليم المصرية قرارًا بإلغاء اعتمادهم واستبدالهم بامتحان EST المصري.

المدارس الانترناشونال البريطانية

المدارس البريطانية هي مدارس بتتبع منهج بريطاني معتمد بيشرف على تطبيقه المجلس الثقافي البريطاني بالتعاون مع وزارة التربية والتعليم المصرية ووزارة التعليم العالي.

المدارس بتمنح شهادة IGCSE بعد الانتهاء من المرحلة الثانوية، والشهادة دي بتعادل شهادة الثانوية العامة في المدارس الحكومية، وبتتيح للطالب فرصة استكمال الدراسة الجامعية في الخارج والتعرف على الأنظمة التعليمية المختلفة.

نظام التعليم البريطاني بيتميز بدرجة عالية من المرونة، بمعنى إن الطالب بيقدر يختار المواد اللي حابب يدرسها ويقسم المواد دي زي ما يحب، وبالتالي مش بيكون في ضغط نفسي كبير على الطالب أثناء فترة دراسته، وهنا بيتضح أيضًا جزء من الفرق بين المدارس الناشونال والانترناشونال البريطانية في مصر.

المدارس الانترناشونال الكندية

المدارس الكندية تعد من أشهر المدارس الانترناشونال في مصر، وبتقدم مناهج مميزة بهدف خلق جيل قادر على الإبداع والتفكير المنطقي في حل المشكلات اللي بتواجهه.

الفرق بين المدارس الناشونال والانترناشونال الكندية إن نظام الدراسة في المدارس الكندية قائم على نظام المادة الواحدة وليس نظام الفصل الدراسي على عكس المتعارف عليه، والطالب في المرحلة الثانوية بيختار مواد التخصص اللي حابب يكمل فيه دراسته الجامعية ومش بيكون مضطر يدرس مواد خارج نطاق اهتمامه.

المدارس دي بتقدم شهادة الدبلومة الكندية OSSD، ودي شهادة معتمدة بتؤهل الطالب للالتحاق بالجامعات المصرية والكندية، ومنها الطالب بيقدر يحقق حلم السفر إلى كندا واستكمال دراسته فيها.

المدارس الانترناشونال الألمانية

الفرق بين المدارس الناشونال والمدارس الانترناشونال الألمانية في مصر إن الأخيرة بتتبع نظام Abitur، ودا نظام تعليمي شامل بيستمر لمدة 12 سنة، وبيقدم شهادة Abitur المعتمدة اللي بتأهل الطالب لاستكمال دراسته في الجامعات الألمانية والتقديم في أي جامعة حابب يكمل فيها هناك بعد توافر باقي الشروط المطلوبة في الجامعة دي.

المدارس دي بتحرص على تقييم مستوى الطالب الدراسي باستمرار فبيكون في امتحانات تقييمية كل فترة تحدد مستوى الطالب الفعلي ومدى تأهيله لاستكمال دراسته للمناهج الكندية.

أغلب الدرجات اللي بيحصل عليها طالب المدارس البريطانية بتكون على الأنشطة اللي بيمارسها خلال السنة، وعدد بسيط من الدرجات بيتم حسابه بناءً على أداء الطالب في الامتحانات، وبالتالي الطالب بيركز بشكل كبير على الأنشطة والمشاركة أثناء دراسته، ومنها بينمي مهاراته بشكل مستمر.

الفرق بين المدارس الناشونال والانترناشونال في المناهج

المدارس الناشونال بتعتمد على تدريس المناهج المصرية من بداية دخول الطالب المدرسة لحد ما ينهي دراسته الثانوية، والمناهج دي بيتم تدريسها إما باللغة العربية أو اللغة الانجليزية على حسب نظام المدرسة.

أما مناهج المدارس الانترناشونال فبتختلف من مدرسة لأخرى تبعًا لجهة اعتماد المدرسة والهيئة المسؤولة عن تطبيق النظام التعليمي.

وهنا بيتضح الفرق بين المدارس الناشونال والانترناشونال في المناهج، وبالتالي ولي الأمر لازم يتطلع على المناهج اللي بتقدم في كل مدرسة ويعرف نظام التدريس فيها عشان يقدر يختار المدرسة المناسبة لابنه.

الفرق بين المدارس الناشونال والانترناشونال في المصاريف

المدارس الناشونال في مصر بتكون مصاريفها أعلى من مصاريف المدارس الرسمية إلى حد ما لكنها بتكون مناسبة لمحدودي ومتوسطي الدخل، والمصاريف دي بتختلف من مدرسة لأخرى فبنلاقي إن أسعارها بتبدأ من حوالي 10.000 جنيه مصري وبتصل إلى ما يقارب 40.000 جنيه مصري.

بالنسبة للمدارس الانترناشونال فالأسعار بتكون أعلى بكتير من المدارس الرسمية أو الناشونال، وأحيانا المصاريف بتتخطى 100.000 جنيه مصري بالإضافة إلى مصاريف المواصلات وغيرها، وبالتالي بنلاحظ إنها غير مناسبة لمحدودي الدخل، وأحيانا بعض متوسطي الدخل من أولياء الأمور مش بيقدروا يتحملوا مصاريف المدارس دي ويبحثوا عن بديل بيقدم خدمة تعليمية جيدة بمصاريف سنوية أقل.

وبالتالي الفرق بين المدارس الناشونال والانترناشونال في المصاريف أيضًا كبير، ولازم ولي الأمر يأخد دا بعين الاعتبار لما يختار المدرسة المناسبة لابنه ويتأكد إنه فعلا هيقدر يسدد كل المصاريف المطلوبة منه كل سنة.

مميزات المدارس الناشونال (لغات)

الفرق بين المدارس الناشونال والمدارس الانترناشونال في مصر بيظهر في المميزات الموجودة في كل مدرسة، ففي المدارس الناشونال بنلاقي إن من أهم المميزات:

الاهتمام بتدريس اللغات

المدارس الانترناشونال بتحرص إن الطالب يتقن اللغات الأجنبية زي ما وضحنا فبتبدأ في تدريس اللغة الانجليزية من بداية التحاق الطالب بالمدرسة، وبعد فترة من الدراسة بيختار الطالب لغة أجنبية تانية ويدرسها بجانب اللغة الانجليزية.

مصاريفها مناسبة لمتوسطي الدخل

رغم إن المدارس الناشونال بتقدم خدمات أعلى من المدارس الرسمية في مصر إلا إن مصاريفها تعتبر مناسبة لمحدودي ومتوسطي الدخل، وبالتالي بعض أولياء الأمور بيعتبروها بديل مميز للمدارس الرسمية.

الاهتمام بكفاءة المدرسين

المدارس الناشونال بتحرص إن المدرس يكون عنده الكفاءة الكافية اللي تساعده على التعامل مع الطلبة وإفادتهم قدر الإمكان أثناء تواجدهم في المدرسة، وبالتالي بيكون في تقييم باستمرار لأداء المدرس داخل الفصل ومدى قدرته على تدريس المادة العلمية.

مميزات المدارس الانترناشونال

عدد كبير من أولياء الأمور في مصر بيفضلوا يقدموا لأولادهم في المدارس الانترناشونال عن الناشونال وغيرها؛ ودا لإنها بتتميز بالعديد من النقاط اللي من أهمها:

• تقديم شهادة معتمدة دوليا تؤهل الطالب لاستكمال دراسته خارج مصر
• تطبيق أحدث الطرق التعليمية في المدارس
• الاهتمام بتطوير مهارات الطالب
• وجود عدد محدود من الطلبة في الفصول
• اتباع نظام الدراسة التفاعلية أثناء الحصص
• الحرص على تقييم أداء الطالب باستمرار
• مساعدة الطالب على إتقان اللغات الأجنبية
• إتاحة فرصة الاطلاع على الثقافات المختلفة

أما عن الفرق بين المدارس الناشونال والانترناشونال في العيوب الموجودة في كل منهم فهنتعرف عليها حالًا.

عيوب المدارس الناشونال (لغات)

من العيوب الموجودة في المدارس الانترناشونال لغات بنلاحظ:

• عدم الاهتمام باللغة العربية والتربية الدينية
• اتباع مناهج معتمدة على الحفظ والتلقين
• تقييم أداء الطالب حسب درجاته في الامتحانات فقط
• عدم الاهتمام بالأنشطة
• ارتفاع تكلفة المدارس على بعض أولياء الأمور

عيوب المدارس الانترناشونال

رغم المميزات العديدة اللي موجودة في المدارس الانترناشونال في مصر إلا إننا بنلاحظ بعض العيوب واللي من أشهرها:

• عدم الاهتمام باللغة العربية والتربية الدينية
• وجود 3-4 فصول دراسية في أغلب المدارس خلال السنة، وبالتالي فترة الدراسة بتكون طويلة
• ارتفاع المصاريف الدراسية المطلوبة خلال السنة

وأخيرًا، الفرق بين المدارس الناشونال والانترناشونال في مصر كبير جدًا زي ما وضحنا، وكل مدرسة منهم لها مميزاتها وعيوبها، وبالتالي لازم نعطي لنفسنا وقت كافي للتعرف على المميزات والعيوب دي عشان نقدر نختار منهم أنسب مدرسة لأولادنا اللي هتساعدهم على تحقيق حلمهم.