مصاريف مدارس النيل المصرية 2023 – 2024

إيه هي مصاريف مدارس النيل المصرية؟ 

زاد إقبال أولياء الأمور على مدارس النيل المصرية الدولية في الفترة الأخيرة بشكل كبير، ودا لإنها بتوفر مستوى تعليمي مميز يليق بالطالب، ويؤهله لمواكبة التطور، وينمي قيّمه، واتجاهاته، بأسعار أقل بكتير من المدارس الدولية الخاصة.

ولإن المصاريف بتكون عامل مهم في قرار اختيار المدرسة ففي المقال دا هنتكلم عن مصروفات مدارس النيل، ونعرض أهم مميزات، وعيوب المدارس دي.

ما نظام الدراسة في مدارس النيل المصرية؟

بيختلف نظام الدراسة في مدارس النيل المصرية عن الدراسة في المدارس الرسمية -الحكومية سابقًا-، ودا بيظهر بدايةً من المناهج اللي بتُحدد بالاتفاق مع جامعة كامبريدج في بريطانيا، وحتى حصول الطالب على  شهادتين من جامعة كامبريدج بالتعاون مع وحدة شهادة النيل الدولية، وباعتماد وزارة التربية والتعليم، والتعليم الفني.

والشهادتين دول هما:

1. الشهادة الأولى، شهادة النيل الإعدادية، بعد إتمام الصف التاسع -الثالث الإعدادي-.
2. الشهادة التانية، شهادة الثانوية الدولية، بعد اتمام الصف الثاني عشر -الثالث الثانوي-.

مع العلم إن الشهادة التانية مُعترف بيها داخل، وخارج مصر، بمعنى إنها بتتيح للطالب صلاحية تقديم شهادته في الجامعات الدولية.

لغة الدراسة في مدرسة النيل

الدراسة في مدارس النيل المصرية بتكون كلها باللغة الإنجليزية -زي غيرها من المدارس الخاصة- ما عدا بعض المواد زي:

1. الدراسات الاجتماعية.
2. اللغة العربية.
3. التربية الدينية.

أساسيات نظام الدراسة في مدارس النيل الدولية

بتركز مدارس النيل على عدد من الركائز هما أساس الدراسة فيها، زي:

• التعلم النشط، واللي بيشجع الطلاب على المشاركة، والتفاعل، والعصف الذهني، واللعب التعاوني؛ عشان يحفزهم أكتر لعملية التعلم.
• المهارات الحياتية، فبيركز النظام على تنمية مهارات الأطفال المختلفة زي حل المشكلات، واتخاذ القرارات، والقدرة على إدارة الذات.
• التقييم المستمر، بتهتم المدرسة بتقييم مستوى الطلاب بشكل دوري من خلال: الاختبارات، والمشاريع، والعروض الشفوية.

اقرأ: الفرق بين المدارس الخاصة والحكومية.

بنلاحظ إن القائمين على مدارس النيل المصرية بيحرصوا على اختيار المدرسين وفقًا لمعايير معينة؛ عشان يضمنوا كفاءتهم في التدريس للطلبة، فلازم المدرس يحصل على دورات تدريبية خاصة في الجامعة الأمريكية، ودورات تأهيلية تانية تحت إشراف جامعة كامبريدج البريطانية.

وعلى الرغم من وجود نظام دراسي حديث، ومناهج متطورة زي ما وضحنا، إلا إننا بنلاقي إن مصاريف مدارس النيل المصرية قليلة بالنسبة لباقي أنظمة التعليم المميزة.

شروط القبول في مدارس النيل المصرية

بتحدد جميع المدارس سواء الرسمية، أو الخاصة، أو غيرها بعض الشروط اللي لازم تتوافر في الطالب وقت تقديم أوراقه في المدرسة؛ عشان تضمن إنه مؤهل فعلًا للالتحاق بيها، ويقدر ينجح في النظام التعليمي اللي بتتبعه.

وبجانب فرض مصاريف مدارس النيل المصرية، بنلاقي مجموعة شروط لازم تتحقق عشان الطالب يتقبل، وهي: 

• ألا يقل سن الطالب عن 3 سنوات، و6 أشهر في الأول من أكتوبر 2024 لمرحلة Pre-Kg من رياض الأطفال.
• ألا يزيد سن الطالب عن 4 سنوات و11 شهر، و 29 يوم في الأول من أكتوبر للعام الدراسي الجديد للمتقدمين لمرحلة الـ Kg1.
• أن يكون الوالدان، أو أحدهما على الأقل حاصلًا على مؤهل جامعي سواء بكالوريوس، أو ليسانس على الأقل.
• أن يُقدم ولي الأمر، أو الوصي على الطفل الاستمارة الإلكترونية المطبوعة موقعة منه بصحة البيانات. 
• أن يُقدم ما يفيد أن الطفل تحت الولاية القانونية لولي الأمر المتقدم -في حالات الوصاية-.
• أن يوّقع ولي الأمر على الالتزام بنظام، ومصاريف مدارس النيل المصرية.
• أن تُقدم كافة الأوراق المطلوبة.

وبعد الشروط الأولية دي، بتيجي الشروط التانية اللي بتتمثل في اجتياز الطالب للاختبارات المطلوبة، واللي بتشمل:

• المعرفة، والمعلومات العامة.
• السلوك، والمظهر الشخصي.
• مهارات الرياضيات.
• المهارات الحركية.
• مهارات التفكير.

ملحوظة: في حالة تساوي أعمار المتقدمين، ودرجة اختبار القبول بترجع الأفضلية للطفل الأكبر سنًا.

الأوراق المطلوبة للتقديم

• أصل، أو صورة معتمدة من مؤهل الأب، أو مؤهل الأم، ما لم يكن المؤهل مثبتًا في بطاقة الرقم القومي.
• صورة بطاقة الرقم القومي لولي الأمر مع تقديم الأصل للاطلاع عليها عند التقديم.
• الاستمارة الإلكترونية مطبوعة، وصحيحة البيانات، والتوقيع.
• أصل شهادة الميلاد الإلكترونية للطفل.
• 8 صور شخصية حديثة للطفل.

أما لو الطالب مُحول من مدرسة تانية فلازم يقدم:

• شهادة حسن سلوك من المدرسة السابقة.
• بيان درجات معتمد من الإدارة التعليمية.
• شهادة من معهد تعليم لغة إنجليزية.
• شهادة طبية من طبيب معتمد.

وبعدها يستكمل الأوراق المطلوبة، ومطلوب من ولي الأمر إنه يراجع كل الشروط دي، ويتأكد إنها متوفرة فعلًا عشان المدرسة تقبل الطالب، وكمان لازم يكون في اتصال مع المدرسة قبل التقديم، عشان يكون على اطلاع بأي شروط، أو متطلبات جديدة.

مصاريف مدارس النيل المصرية للعام الدراسي 2023-2024

بتناسب مصاريف مدارس النيل فئة متوسطي الدخل، والمصاريف دي بتختلف من محافظة للتانية، ولكن الاختلاف ما بيكونش كبير أوي، بالإضافة إلى إنها بتختلف من مرحلة لغيرها، كالتالي:

مصاريف مدارس النيل بمحافظة القاهرة

الرسوم الدراسية للمدرسة في فرع الشروق لعام 2023 هي:

1. مرحلة الـ KG، مصاريف كل سنة فيها: 42.572 جنيه مصري.
2. من مرحلة Grade 1 حتى Grade 10، فمصاريف كل سنة: 46.579 جنيه مصري.

مصاريف مدارس النيل المصرية بمحافظتي القليوبية، والجيزة 

بالنسبة للرسوم الدراسية لمدارس النيل في فرعي العبور، وأكتوبر لعام 2023 فهي:

1. مرحلة الـ KG 1، مصاريفها: 42.572 جنيه مصري.
2. مرحلة الـ KG 2، مصاريفها: 42.789 جنيه مصري.
3. مرحلة Grade 1، مصاريفها: 36.584 جنيه مصري.
4. مرحلة Grade 2، مصاريفها: 32.267 جنيه مصري.
5. مرحلة Grade 3، مصاريفها: 25.261 جنيه مصري.
6. من مرحلة Grade 4 حتى Grade 10، فمصاريف كل سنة: 21.688 جنيه مصري.
7. مرحلتي 12، Grade 11، فمصاريف كل سنة فيهم: 26.474 جنيه مصري.

مع العلم إن في كل فروع المحافظات بيدفع ولي الأمر مصاريف مدارس النيل المصرية على قسطين؛ القسط الأول بيكون 60% من المصروفات الدراسية + 100% من مصادر التعلم اللي تكلفتها 1500 جنيه، مع العلم إنه سعر غير نهائي + الأنشطة، وميعاد سداده بيبدأ من 2023\9\1 إلى 2023\11\30.

أما القسط الثاني بيبقى عبارة عن 40% من المصروفات الدراسية، وميعاد سداده بيبدأ من 2023\12\1 إلى 2024\2\29، ونظام التقسيط دا ثابت، وبيُطبق في كل فروع مدارس النيل المصرية على مستوى الجمهورية.

مميزات مدارس النيل المصرية 

بيُفضل عدد كبير من أولياء الأمور التقديم لأولاده في مدارس النيل المصرية عن المدارس الرسمية، ودا لإنها بتحتوي على أكتر من ميزة، زي:

تقديم شهادة مُعترف بها دوليًا

بجانب ميزة بساطة مصاريف مدارس النيل المصرية، بتقدم المدرسة لطلابها شهادة الثانوية الدولية، ودي شهادة معترف بيها دوليًا، فبتمنح الطالب صلاحية التقديم في الجامعات الدولية، واستكمال الدراسة في الخارج.

الاهتمام باللغة العربية 

في المدارس الخاصة، أو الانترناشونال دايمًا بيكون في اهتمام أكثر باللغة الإنجليزية، وبالتالي الطالب ممكن يهمل اللغة العربية، ويبقى عنده قصور فيها.

أما في مدارس النيل بيحرصوا على تعليم اللغة العربية في عدد من المواد ذكرناها سابقًا، بجانب المواد الأخرى اللي بتكون باللغة الإنجليزية، ودا بيزود علاقة الطالب بلغته الأم بشكل كبير،

انخفاض المصاريف المطلوبة سنويًا 

من أكتر الخصائص اللي بتلفت أولياء الأمور، هي مصاريف مدارس النيل المصرية، اللي لو قارنتها بباقي مصاريف المدارس الدولية هتكون معقولة، مع تقديم مناهج تعليمية مميزة.

كمان بيكون في خصم بنسبة حوالي 20% من المصاريف المطلوبة لغير القادرين ماديًا.

الاهتمام بتنمية مهارات الطالب بجانب رفع مستواه الدراسي 

مدارس النيل حريصة على إعداد جيل قادر على مواكبة التطور اللي حواليه، فبالتالي بتركز دايمًا على تطوير مهارات الطالب من خلال الأنشطة المختلفة، بجانب اهتمامها برفع مستواه الدراسي، من خلال طرق، وأساليب تعليمية حديثة.

عدم الحاجة إلى الدروس الخصوصية

نظام التعليم في مدارس النيل هو نظام متكامل ما بيحتاجش فيه الطالب للدروس الخصوصية، على عكس ما بيحصل في المدارس الرسمية؛ لإن اختيار المدرسين في مدارس النيل المصرية بيكون وفقًا لعدة معايير تضمن كفاءة المدرس، وقدرته على شرح المناهج بطريقة مبسطة، وقوية، يقدر من خلالها الطالب يستوعب كل تفاصيل الدرس بسهولة.

عيوب مدارس النيل المصرية 

جميع المدارس، والأنظمة الدراسية المختلفة بيكون فيها بعض العيوب بجانب مميزاتها، وزي ما عرفنا إن مصاريف مدارس النيل المصرية هي واحدة من أبرز المميزات، إلا إن ليها عيوب بتخلي ولي الأمر متردد هل يسجل لابنه فيها، ولا لأ

من العيوب اللي ظهرت مؤخرًا في مدارس النيل:

إلزام ولي الأمر بشراء لوازم دراسية بجانب زي رسمي معين 

من أبرز العيوب اللي بتتعلق بمصاريف مدارس النيل المصرية، هي إن بعض مدارسها بتلزم ولي الأمر بشراء زي مدرسي معين، وأسعار الزي دا بتكون مكلفة جدًا، رغم إن النقطة دي عكس سياسات وزارة التربية والتعليم المصرية.

وبجانب الزي المدرسي بنلاقي إن المدارس بتشترط شراء لوازم مدرسية معينة للطالب، بتزيد العبء على ولي الأمر.

عدم الاهتمام بالجانب الترفيهي للطالب في فروع مدارس النيل الجديدة

بجانب الاهتمام بالجانب العلمي، والتربوي للطالب لازم يكون في اهتمام بالجانب الترفيهي؛ عشان يقدر الطالب يوازن بعد كدا بين مهماته، ويكون إنسان ناجح في حياته.

لكن لاحظنا إن فروع مدارس النيل الجديدة بتهمل الجانب الترفيهي للطالب فما بيهتموش أوي بإقامة الرحلات، أو غيرها.

فقدان التواصل المباشر مع أولياء الأمور

تواصل إدارة المدرسة مع أولياء الأمور هو حلقة الوصل لتطوير مستوى الطفل، ودا شيء مفقود في مدارس النيل المصرية، ومن العيوب اللي بيعاني منها ولي الأمر، وبيشعر كأنه بعيد تمامًا عن طفله، وغير قادر على معرفة مستواه، واحتياجاته، واللي بيتعرض ليه في المدرسة.

تعرّف على: عيوب مدرسة النيل المصرية: أبرز 11 شكوى من أولياء الأمور

أماكن مدارس النيل المصرية 

مدارس النيل المصرية لها 14 فرع موزعين على محافظات مصر، ومنها:

• مدرسة النيل المصرية بمدينة أسيوط الجديدة.
• مدرسة النيل المصرية بمدينة دمياط الجديدة.
• مدرسة النيل المصرية بمدينة السادات.
• مدرسة النيل المصرية بمدينة القاهرة.
• مدارس النيل المصرية فرع الياسمين.
• مدارس النيل المصرية الشيخ زايد.
• مدارس النيل المصرية بالشروق.
• مدارس النيل المصرية بالعبور.
• مدارس النيل المصرية أكتوبر.
• مدرسة النيل المصرية بقنا.

الخلاصة 

بكدا نكون اتعرفنا على نظام، وشروط التحاق، ومميزات وعيوب، ومصاريف مدارس النيل المصرية، وأماكن تواجدها في محافظات مصر، دور ولي الأمر هنا هو المقارنة بين مميزات المدرسة، وعيوبها، وتقرير إذا كانت تكاليفها مناسبة ليه ولا، لأ، ونظامها هيلائم طفله، ولا يدور على مدرسة تانية.