مصاريف مدارس النيل المصرية 2020 – 2021

مصاريف مدارس النيل المصرية

 

مدارس النيل المصرية هي مدارس مصرية دولية يوجد منها 14 فرع في محافظات مصر، وبتوفر تعليم لجميع المراحل الدراسية بداية من مرحلة رياض الأطفال إلى مرحلة الثانوية العامة.

المدارس دي بتساهم في إنشائها صناديق تمويل حكومية، والهدف من الإنشاء هو توفير مستوى تعليمي مميز يليق بالطالب، ويؤهله لمواكبة التطور حواليه بأسعار أقل من المدارس الخاصة.

مصاريف مدارس النيل المصرية 2020 بتبدأ من 35000 جنيه مصري لمرحلة رياض الأطفال KG1، بجانب الكتب والزي المدرسي والمتطلبات الأخرى، ودا رقم أقل من اللي بيكون مطلوب بالفعل في المدارس اللي بتقدم مناهج مميزة زي الانترناشونال.

في المقال دا هنتعرف على تفاصيل أكثر عن مصاريف مدارس النيل المصرية 2020 وإيه المميزات اللي بتخلي ولي الأمر يقدم فيها لأولاده، وإيه العيوب اللي ظهرت الفترة الآخيرة.

شروط القبول في مدارس النيل المصرية

جميع المدارس سواء الرسمية أو الخاصة أو غيرها بتحدد بعض الشروط اللي لازم تتوافر في الطالب وقت تقديم أوراقه في المدرسة؛ عشان تضمن إنه مؤهل فعلًا للالتحاق بالمدرسة وقادر ينجح في النظام التعليمي اللي بتتبعه.

من شروط القبول في مدارس النيل المصرية وفقًا لأحدث القرارات بنلاقي:

  • ألا يقل عمر الطفل عن 3 سنوات ونصف، ولا يتخطى 4 سنوات و 11 شهر و 29 يوم في شهر أكتوبر لعام 2021.

ملحوظة: في حالة تساوي أعمار المتقدمين بيكون في أفضلية للأكبر سنًا.

  • أن يكون أحد الوالدين على الأقل خريج جامعي.
  • عدم وجود أي إعاقة جسدية بالطالب.
  • عدم وجود اضطراب نفسي.
  • توقيع طلب التقديم من ولي الأمر، وفي حالة عدم وجود توقيع لا يتم الالتفات إلى الطلب.
  • توقيع ولي الأمر على الالتزام بنظام مدارس النيل المصرية.
  • أن تكون هناك رعاية طبيعية للوالدين أو وصي على الطفل.
  • تقييم الوالدين في المقابلة الشخصية المحددة.
  • صحة جميع البيانات المقدمة من قِبل ولي الأمر.
  • تقديم جميع الأوراق المطلوبة.

بالنسبة للأوراق المطلوبة في التقديم فهي:

  1. شهادة ميلاد إلكترونية للطفل
  2. صور بطاقة للوالدين
  3. شهادة حسن سير وسلوك
  4. استمارة طلب التقديم
  5. 8 صور شخصية للطفل
  6. إيصال إيداع بنكي بقيمة 500 جنيه مصري على حساب شركة مصر للإدارة التعليمية مقابل رسوم الملف.

لو الطالب مُحول من مدرسة تانية فلازم يتم تقديم بيان درجات معتمد من الإدارة التعليمية، وبعدها يستكمل الأوراق المطلوبة.

مطلوب من ولي الأمر إنه يراجع كل الشروط دي ويتأكد إنها متوفرة فعلًا عشان المدرسة تقدر تقبل الطالب، وكمان لازم يكون في اتصال مع المدرسة قبل التقديم عشان يكون على اطلاع بأي شروط أو متطلبات جديدة.

بجانب اختلاف شروط ومصاريف مدارس النيل المصرية 2020 عن المدارس الرسمية بيكون في اختلاف في نظام الدراسة فيها، هنتعرف عليه.

نظام الدراسة في مدارس النيل المصرية

نظام الدراسة في مدارس النيل المصرية

نظام الدراسة في مدارس النيل المصرية بيختلف عن الدراسة في المدارس الرسمية -الحكومية سابقًا- رغم إشراف وزارة التربية والتعليم والتعليم الفني على المدارس دي، والاختلاف دا بيميزها عن غيرها.

بدايةً من المناهج فبيتم تحديدها بالإتفاق مع جامعة كامبريدج في بريطانيا؛ عشان يضمنوا تقديم مناهج مناسبة فعلا للطلبة تساعدهم في تطوير مهاراتهم والوصول إلى مستوى تعليمي مميز.

المدرس دي بتطبق نظام النيل التعليمي، والطالب بيحصل فيها على شهادتين بيتم تقديمهم من جامعة كامبريدج بالتعاون مع وحدة شهادة النيل الدولية، وباعتماد وزارة التربية والتعليم والتعليم الفني.

الشهادة الأولى هي شهادة النيل الإعدادية بعد اتمام الصف التاسع -الثالث الإعدادي-، والشهادة التانية هي شهادة الثانوية الدولية، وبتكون بعد اتمام الصف الثاني عشر -الثالث الثانوي-، والشهادة دي معترف بيها داخل وخارج مصر، بمعنى إن الطالب هيكون معاه صلاحية إنه يقدم بشهادته في الجامعات الدولية.

الدراسة في مدارس النيل المصرية بتكون كلها باللغة الإنجليزية -زي المدارس الخاصة- ما عدا بعض المواد زي اللغة العربية والتربية الدينية والدراسات الاجتماعية.

مدارس النيل مش بتركز بس على المستوى الدراسي للطالب، هي بتركز كمان على تنمية مهاراته وبتساعده يكتشف ذاته ويتعامل كويس مع المشاكل المحيطة، وبتزود وعيه بالقضايا العالمية.

بنلاحظ أن القائمين على مدارس النيل المصرية بيكونوا حريصين على اختيار المدرسين وفقًا لمعايير معينة؛ عشان يضمنوا كفاءته في التدريس للطلبة، ولازم المدرس يحصل على دورات تدريبية خاصة في الجامعة الأمريكية، ودورات تأهيلية تانية تحت إشراف جامعة كامبريدج البريطانية.

رغم وجود نظام دراسي حديث ومناهج محددة بالاتفاق مع جامعة كامبريدج بنلاقي إن مصاريف مدارس النيل المصرية 2020 قليلة بالنسبة لباقي أنظمة التعليم المميزة.

مصاريف مدارس النيل المصرية للعام الدراسي 2020-2022

مصاريف مدارس النيل المصرية 2020 بتكون مناسبة لمتوسطي الدخل، والمصاريف دي بتختلف من مرحلة دراسية للثانية.

مصاريف مدارس النيل المصرية 2020 لمرحلة رياض الأطفال

وفقًا لقائمة مصاريف مدارس النيل المصرية 2020 هنلاقي إنها بتبدأ من 35000 جنيه مصري لمرحلة رياض الأطفال.

بجانب مصاريف العام الدراسي بيكون في رسوم إضافية على الكتب واللوازم المدرسية تصل إلى 6000 جنيه مصري.

كمان بيكون في مصاريف إضافية للمواصلات، ودي بتبدأ من حوالي 10000 جنيه مصري.

مصاريف مدارس النيل المصرية 2020 للمرحلة الابتدائية

من المتعارف عليه إن مصاريف المدارس وبتختلف مع بداية مرحلة دراسية جديدة، فبنلاقي إن مصاريف مدارس النيل المصرية 2020 للمرحلة الابتدائية بتكون حوالي 42500 جنيه مصري، وبالطبع بيكون في مصاريف إضافية للكتب وغيرها، ودا حسب آخر ما نشرت مدارس النيل المصرية بالياسمين.

مصاريف مدارس النيل المصرية 2020 للمرحلة الإعدادية

بالنسبة للمرحلة الإعدادية بتكون مصاريف مدارس النيل المصرية 2020 قريبة من 43000 جنيه مصري في أول سنتين (Grade 7, Grade 8) وبوصول الطالب للسنة النهائية في المرحلة دي بيكون في رسوم مختلفة، والأرقام دي بردو تابعة لمدارس النيل فرع الياسمين.

أما عن مصاريف مدارس النيل المصرية 2020 للمرحلة الثانوية وجميع الصفوف بالتفصيل فهنتعرف عليها من خلال الجدول الآتي.

جدول مصاريف مدارس النيل المصرية لكل المراحل الدراسية

وفقًا للنشرة اللي أصدرتها مدارس النيل المصرية فرع العبور هنلاقي إن المصاريف:

الصف الدراسي

مصاريف مدارس النيل المصرية 2020 فرع العبور

مرحلة رياض الأطفال KG1

35.035 جنيه مصري

مرحلة رياض الأطفال KG2

32.890 جنيه مصري

Grade 1

27.830 جنيه مصري

Grade 2

24.340 جنيه مصري

Grade 3

18.585 جنيه مصري

Grade 4

15.665 جنيه مصري

Grade 5

15.665 جنيه مصري

Grade 6

15.665 جنيه مصري

Grade 7

15.665 جنيه مصري

Grade 8

15.665 جنيه مصري

Grade 9

15.665 جنيه مصري

Grade 10

15.665 جنيه مصري

Grade 11

19.575 جنيه مصري

Grade 12

19.575 جنيه مصري

مصروفات المدارس دايما بيكون فيها تغيير مع الوقت، فبالطبع مصاريف مدارس النيل المصرية 2020 هتكون مختلفة عن المصاريف المطلوبة السنة دي، لازم قبل ما ولي الأمر يقدم لطفله في المدرسة يسأل عن المصروفات المطلوبة عشان يتأكد من قدرته المالية على سداد المصروفات دي.

مميزات مدارس النيل المصرية

مميزات مدارس النيل المصرية

عدد كبير من أولياء الأمور بيفضل التقديم لأولاده في مدارس النيل المصرية عن المدارس الرسمية، ودا لإنها بتحتوي على أكثر من ميزة، زي:

تقديم شهادة مُعترف بها دوليًا

مدارس النيل المصرية بتقدم لطلابها شهادة الثانوية الدولية، ودي شهادة معترف بيها دوليًا، فبتمنح الطالب صلاحية التقديم في الجامعات الدولية واستكمال الدراسة في الخارج.

الاهتمام باللغة العربية

في المدارس الخاصة أو الانترناشونال دايما بيكون في اهتمام أكثر باللغة الإنجليزية، وبالتالي الطالب بيهمل اللغة العربية وبيصبح عنده قصور فيها.

أما في مدارس النيل بيكون في حرص على اللغة العربية، والطالب بيدرس مادة اللغة العربية والتربية الدينية والدراسات الاجتماعية باللغة العربية، بجانب المواد الأخرى اللي بتكون باللغة الإنجليزية.

انخفاض المصاريف المطلوبة سنويًا

تم إنشاء مدارس النيل المصرية بهدف تقديم مناهج تعليمية بمميزة بمصاريف قليلة، فلو نظرنا إلى مصاريف مدارس النيل المصرية 2020 هتكون قليلة مقارنة بغيرها زي ما ذكرنا، وبكده هيقدر يستفيد متوسطي الدخل من المدارس دي.

كمان بيكون في خصم بنسبة حوالي 20% من المصاريف المطلوبة لغير القادرين ماديًا.

الاهتمام بتنمية مهارات الطالب بجانب رفع مستواه الدراسي

مدارس النيل حريصة على إعداد جيل قادر على مواكبة التطور اللي حواليه، وبالتالي فبتركز دايمًا على تطوير مهارات الطالب من خلال الأنشطة المختلفة بجانب اهتمامها برفع مستواه الدراسي والحصول على أعلى المستويات.

عدم الحاجة إلى الدروس الخصوصية

نظام التعليم في مدارس النيل هو نظام متكامل مش بيحتاج فيه الطالب إلى الدروس الخصوصية، على عكس ما بيحصل في المدارس الرسمية؛ وده لإن اختيار المدرسين في مدارس النيل المصرية بيكون وفقًا لعدة معايير تضمن كفاءة المدرس وقدرته على شرح المناهج بطريقة مبسطة.

عيوب مدارس النيل المصرية

عيوب مدارس النيل المصرية

جميع المدارس والأنظمة الدراسية المختلفة بيكون فيها بعض العيوب بجانب مميزاتها، ومهمة ولي الأمر هنا هي المقارنة بين المميزات والعيوب دي واختيار أنسب مدرسة لطفله.

من العيوب اللي ظهرت مؤخرًا في مدارس النيل:

إلزام ولي الأمر بشراء لوازم دراسية بجانب زي رسمي معين

بعض مدارس النيل المصرية بدأت تلزم ولي الأمر بشراء زي مدرسي معين، وأسعار الزي ده بتكون مكلفة جدًا رغم إن النقطة دي عكس سياسات وزارة التربية والتعليم المصرية.

وبجانب الزي المدرسي بنلاقي إن المدارس بتشترط شراء لوازم مدرسية معينة للطالب بتزيد العبء على ولي الأمر.

تأخر المستوى التعليمي في المدارس

المستوى التعليمي في مدارس النيل المصرية بدأ يتدنى في الفترة الأخيرة نتيجة عدم الاهتمام بالمدارس دي، وبالتالي قلت المستويات الدراسية للطلبة، وأصبح في خوف عند أولياء الأمور من التقديم لأولادهم في مدارس النيل.

عدم الاهتمام بالجانب الترفيهي للطالب في فروع مدارس النيل الجديدة

بجانب الاهتمام بالجانب العلمي والتربوي للطالب لازم يكون في اهتمام بالجانب الترفيهي؛ عشان الطالب يقدر يوازن بعد كده بين الأشياء ويكون إنسان ناجح في حياته.

لاحظنا إن فروع مدارس النيل الجديدة بتهمل الجانب الترفيهي للطالب فمش بيكون في إقامة رحلات أو غيرها.

أماكن مدارس النيل المصرية

مدارس النيل المصرية لها 14 فرع موزعين على محافظات مصر، ومنها:

الخلاصة

مدارس النيل المصرية هي مدارس دولية هدفها توفير تعليم مميز للطلبة المصريين بمصروفات متوسطة، وبتكون مناسبة لمتوسطي الدخل من أولياء الأمور، والمدارس دي في منها 14 فرع في مختلف محافظات مصر.

من مميزات مدارس النيل إنها بتقدم شهادة معتمدة دوليا في نهاية الدراسة، وبتهتم باللغة العربية، وبتهتم بتنمية مهارات الطالب وغيرهم زي ما ذكرنا.

أما من عيوبها اللي ظهرت مؤخرًا هي إلزام ولي الأمر بشراء اللوازم وزي مدرسي معين، وتدني المستوى التعليمي فيها.

مصاريف مدارس النيل المصرية 2020 بتبدأ من 35000 جنيه مصري في مرحلة رياض الأطفال، وده تبعا لفرع الياسمين.

دور ولي الأمر هنا هو المقارنة بين مميزات المدارس وعيوبها واختيار أكثر مدرسة تناسب قدرات طفله وتناسب بردو قدرته المادية.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

فصول السنة ورك شيت – Seasons Worksheet

سنتعرف علي فصول السنة الاربعة بالترتيب (الشتاء – الربيع – الصيف – الخريف) و سنتعلم و نتعرف علي حالات الطقس من خلال صورة موضحة لكل

وسائل النقل ورك شيت – Transports Worksheet

لنتعرف علي وسائل المواصلات المختلفة واسمائها باللغة الانجليزية و اشكالها و يتعلمها الطفل بداية من سن ال٣ سنوات من خلال وسائل النقل ورك شيت –

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق