كيفية التعامل مع الطفل المريض نفسيا

كيفية التعامل مع الطفل المريض نفسيًا

لما بيكون طفلك عنده دور برد بتعامليه معاملة خاصة، زي أنك توفريله الهدوء اللازم عشان يرتاح، وتهتمي بمواعيد الدواء، وأنواع أكله، وهكذا.

دا بالضبط اللي لازم تعمليه مع طفلك لو مريض نفسي، لإنه بيكون محتاج جنب الجلسات إنك تقدمي له كل الحب والاهتمام عشان يتعافى أسرع.

في المقال دا هنتكلم عن المقصود بالمرض النفسي، والفرق بينه وبين المرض العصبي والعقلي، وكيفية التعامل مع الطفل المريض نفسيا، وحاجات تانية كتير هتعرفيها في المقال.

ما هو المرض النفسي؟

المرض النفسي هو حالة صحية بتعمل تغير في كل من:

  • المشاعر
  • الأفكار
  • المزاج
  • السلوك

كمان بتغير طريقة نظرة الإنسان للحياة، وبتسببله ضيق دائم، وبتأثر بالسلب على إنتاجيته وعلاقته بالمجتمع، والمرض النفسي لا يقل خطورة عن المرض الجسدي، دا غير إنه ممكن ينتج عنه أمراض جسدية كتير.

الفرق إن المرض الجسدي سهل التعبير عنه، لكن المرض النفسي لأ، خصوصًا عند الأطفال، لأنه بيعمل تأخير واضطراب في التفكير، والسلوكيات والمشاعر، ودا بيؤدي إلى خلل في تفاعل الطفل سواءً في المدرسة أو البيت، عشان كدا لازم نهتم بصحة أطفالنا، ونعرف كيفية التعامل مع الطفل المريض نفسيا.

الفرق بين الأمراض النفسية والأمراض العقلية والعصبية

الأمراض العصبية هي اضطرابات في السلوك والإدراك بتنشأ في فترة النمو، وبتتسبب في صعوبة اكتساب الطفل للمهارات:

  • الفكرية
  • الحركية
  • اللغوية
  • الاجتماعية

ومن أشهر الأمراض العصبية اضطراب فرط الحركة ونقص الانتباه ADHD.

أما الأمراض النفسية بتحصل في أي عمر، فممكن تصيب الإنسان في مرحلة:

  • الطفولة
  • المراهقة
  • الرشد
  • الشيخوخة

دا كان الفرق بين الأمراض النفسية والأمراض العقلية والعصبية، واللي هيساعدك بنسبة كبيرة تعرفي هل طفلك محتاج دكتور نفسي ولا دكتور مخ وأعصاب، وكيفية التعامل مع الطفل المريض نفسيا أو عقليا وعصبيا بطريقة صحية وسليمة.

الاضطرابات والأمراض النفسية الشائعة عند الأطفال

الاضطرابات-والأمراض-النفسية-الشائعة-عند-الأطفالتتعدد الأمراض والاضطرابات النفسية اللي بتصيب الأطفال، وأبرزها:

1- اضطراب القلق Anxiety

القلق شيء عادي عند الأطفال طالما كان في حدوده الطبيعية، لكن لو بدأ يأثر سلبًا على حياة الطفل واستمر معاه لفترة طويلة ففي الحالة دي بيكون قلق مرضي.

أعراض القلق المرضي

القلق المرضي بيصاحبه عدد من الأعراض، أبرزها:

  • البكاء المستمر.
  • الصعوبة في التركيز.
  • اضطرابات الأكل، زي: فقدان الشهية، أو الشراهة.
  • الغضب والانفعال بسرعة.
  • القلق من الموت في سن صغير.
  • اضطرابات النوم والأحلام السيئة.

أسباب القلق المرضي

لا يوجد سبب محدد لإصابة الطفل بالقلق، لكن في عدد من العوامل اللي ممكن تزود فرص الإصابة، أبرزها:

  • الجينات الوراثية
  • الصدمات
  • التواجد حول أشخاص قلقين
  • سوء المعاملة والإهمال
  • التنمر
  • وفاة قريب أو صديق
  • الإصابة بحادثة أو مرض

2- الاكتئاب Depression

شعور الطفل بالحزن دا شئ طبيعي، لكن لما يتحول الحزن من مجرد إحساس عارض لحالة مزمنة عند الطفل في الحالة دي بيكون اكتئاب.

أعراض الاكتئاب عند الأطفال

من أبرز أعراض الاكتئاب بنلاقي:

  • المزاج السيء أغلب اليوم
  • الفتور وعدم الاستمتاع بشيء
  • الإرهاق
  • نقص أو زيادة الوزن
  • الأرق أو زيادة فترة النوم
  • الإحساس بالذنب
  • إيذاء الطفل لنفسه
  • التفكير في الانتحار

أسباب الاكتئاب عند الأطفال

الاكتئاب عند الأطفال بيحصل بسبب وجود خلل في المواد الكيميائية في الدماغ واللي بتأثر على الحالة المزاجية عند الطفل، ومن أسباب الخلل دا:

  • الأمراض الجسدية المزمنة
  • الحوادث اللي بتؤدي إلى إعاقات شديدة وتشوهات
  • طلاق الوالدين
  • تغيير المدرسة
  • وجود حالة وفاة قريبة للطفل
  • أسباب جسدية زي فقر الدم

3- اضطراب ما بعد الصدمة (Post-traumatic Stress Disorder (PTSD

اضطراب ما بعد الصدمة بيحصل نتيجة لتعرض الطفل لحادث مؤلم أو صدمة نفسية شديدة، وبيكوّن عنده أفكار وهواجس عن الحادث لفترة طويلة، وبالتالي بيأثر على جودة حياته.

أعراض اضطراب ما بعد الصدمة

أعراض اضطراب ما بعد الصدمة ممكن تظهر بعد أيام من الحدث أو حتى بعد سنين، يعني مش مقيدة بوقت محدد، ومن أبرز الأعراض دي:

  • التوتر الشديد
  • الاكتئاب
  • العزلة
  • الشعور بالذنب
  • فقدان التواصل بالواقع
  • العنف
  • مص الأصابع
  • الكوابيس والشعور بحصول الحدث أو التجربة من جديد

أسباب اضطراب ما بعد الصدمة

ممكن يصاب الطفل باضطراب ما بعد الصدمة لأسباب كتير، منها:

  • الحوادث الخطيرة
  • الكوارث الطبيعية، زي: الزلازل
  • فقدان قريب أو صديق
  • التعرض للتعذيب أو الخطف
  • الاعتداءات الجسدية
  • التنمر

متى أذهب بطفلي للطبيب النفسي؟

الاضطرابات النفسية من الأمراض اللي بيصعب على الأهل تشخيصها، وممكن يظنوا أنها مجرد حالة مزاجية سيئة، فإمتى الأم تقلق وتزور الطبيب النفسي، وما كيفية التعامل مع الطفل المريض نفسيا بعد تشخيصه؟

في علامات كتير للأمراض النفسية بتظهر على الأطفال وبتكون بمثابة تنبيهات للأم إن طفلها محتاج لطبيب نفسي، منها:

  • الحزن المستمر
  • الانطواء والعزلة
  • اضطرابات الأكل
  • الخوف والقلق أغلب الوقت
  • رفض الابتعاد عن الأم والأب
  • انخفاض المستوى الدراسي
  • التصرفات العدوانية
  • إيذاء الطفل لنفسه أو غيره
  • التقلبات المزاجية الغريبة والمتكررة
  • اضطرابات النوم والكوابيس المتكررة
  • فقدان الوزن بدون وجود سبب صحي

ظهور الأعراض دي عند طفلك فجأة أو بدون ما يكون لها سبب مباشر؛ علامة تحذيرية على احتياجه لطبيب نفسي.

لكن هل زيارة الطبيب النفسي هي كل العلاج؟ وما كيفية التعامل مع الطفل المريض نفسيا من قِبل الأهل؟

كيفية التعامل مع الطفل المريض نفسيا

كيفية-التعامل-مع-الطفل-المريض-نفسيًاعلاج المرض النفسي عند الطفل مش بيقتصر على مجرد زيارة الطبيب وحضور الجلسات العلاجية، لكن الأهل لهم دور كبير جدًا في نجاح العلاج وتعافي الطفل، وعشان تتعاملي صح مع طفلك المريض نفسيا لازم تتبعي الخطوات التالية:

1- اعرفي المرض الذي يعاني منه طفلك جيدًا

الخطوة الأولى لكيفية التعامل مع الطفل المريض نفسيا إنك تعرفي التشخيص الصحيح ليه، وتتبعي تعليمات الطبيب المعالج في التعامل معاه، لأن المرض النفسي مش واحد، وحتى المرض الواحد له درجات ومراحل مختلفة، وكل مرحلة منهم بتتطلب تعامل خاص، عشان كدا مهم تعرفي التشخيص الصحيح وتتبعي تعليمات الطبيب.

2- احصلي على استشارة أسرية إن أمكن

أحيانًا بتكون المشاكل الأسرية هي سبب المرض النفسي عند الطفل، في الحالة دي مش غلط إنك تطلبي استشارة أسرية، لكن الغلط هو أنك تتأخري في طلب المساعدة، لأن عامل الوقت بيفرق جدًا في سرعة استجابة طفلك للعلاج، وكمان كل ما هتتأخري عن طلب المساعدة؛ نفسية ابنك هتتدمر أكتر.

تأكدي إن الاستشاري الأسري هيوجهك، ويعرفك كيفية التعامل مع الطفل المريض نفسيا، وهيساعدك على خلق بيئة داعمة للطفل.

3- اخلقي بيئة داعمة للطفل

لازم تبني بيئة داعمة للطفل سواءً كان:

  • في البيت
  • مع العائلة
  • مع الأصدقاء
  • في المدرسة

البيئة الداعمة والمريحة من أهم الخطوات في كيفية التعامل مع الطفل المريض نفسيا، لأنها هتساعده على التقدم في علاجه وحياته عمومًا.

4- اقضي على مسببات القلق أو الاكتئاب

يجب القضاء على مسببات القلق والاكتئاب عن طريق إنك:

  • تبعدي طفلك عن المشاكل والخناقات
  • تهتمي بطفلك وتدعميه نفسيًا
  • تحسسي طفلك بالأمان
  • تزودي ثقته بنفسه
  • تتعاملي مع طفلك بحنان وحب

5- اهتمي بصحتك النفسية

آخر خطوة في كيفية التعامل مع الطفل المريض نفسيا هي أنك تهتمي بصحتك النفسية، لأن صحتك النفسية بتنعكس على طفلك.

لازم تتعلمي تديري مشاعرك السلبية، زي: الغضب، عشان ما تفرغيش المشاعر دي في طفلك، لأنه بيتأثر جدًا، وكمان بيتعلم منك إدارة مشاعره، لأن ببساطة طفلك هو مرايتك.

الخلاصة

المرض النفسي تأثيره لا يقل عن الجسدي وإصابة طفلك بيه احتمال وارد، وفي الحالة دي تقديم الدعم النفسي لطفلك والتعامل معاه برفق وحنان وتوفير بيئة ملائمة إلى جانب المتابعة مع طبيب نفسي كفء، كل الخطوات دي مهمة في كيفية التعامل مع الطفل المريض نفسيا، وخطوات أساسية في رحلة علاجه وشفائه.

يمكنك أيضًا قراءة: تعديل سلوك الطفل العنيد والعصبي

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية

إقرأ أكثر..

  • No comments yet.
  • Add a comment