من المهم عشان تنتفع بالـ 11 نصيحة فعالة لتعديل سلوك الطفل كثير الحركة لازم تعرف إن حركة الطفل ولعبه علامة قوية على صحته ونشاطه وتمتعه بجسم وعقل خالي من الأمراض، لكن ومع الأسف إذا زادت الحركة وظهر عليه علامات تانية فدا مؤشر مش صحي وبالتالي محتاجين نتعامل معاه بصورة خاصة وصحيحة عشان نقدر نحافظ على الطفل ونوجه توجيه سليم.
بيواجه الأشخاص المحيطين بالأطفال اللي بيعانوا من فرط الحركة صعوبة في التعامل معاهم ودا لإنهم بيلاقوا الطفل بيتصرف بسلوك عدواني ودايمًا في حالة حركة مستمرة.
وكمان ضعيف التركيز وسهل تشتيت انتباهه بأي مشتت مهما كان بسيط.
هنقدر نفرق بين سلوك الطفل إذا كان سلوك طبيعي أو لا:
- إذا كان الطفل بيظهر سلوك حاد جدًا ومبالغ فيه
- وبيظهر في أماكن كتيرة سواء في البيت المدرسة في النادي وغيرهم.
- كمان بيظهر التأثير على حياة الطفل بشكل ملحوظ فبيأثر بالسلب على حياته الاجتماعية وأدائه الدراسي.
وعشان نتأكد لازم بيتم الفحص من خلال متخصص.
بيتم التشخيص من خلال الفحص السريري لتأكد من التشخيص واستبعاد احتمالات الأخرى اللي ممكن تظهر لأمور أخرى.
وبعدها بيجي التأكد من تاريخ العائلة المرضي، استخدام مقياس كونر لتقدير اضطراب فرط الحركة وتشتت الانتباه ، عشان تقدر تستعين بـ 11 نصيحة فعالة لتعديل سلوك الطفل كثير الحركة.
أسباب فرط الحركة عند الأطفال
لمعرفة مدى جدوى الـ 11 نصيحة فعالة لتعديل سلوك الطفل كثير الحركة مهم في البداية نعرف ايه هو اضطراب فرط الحركة.
اضطراب فرط الحركة هو عبارة عن اضطراب في النمو العصبي بيكون نتيجة لنقص كمية الموصلات الكيميائية في قشرة الجزء الأمامي من الدماغ، بتبدأ الأعراض غالبًا في الظهور بداية من سن ٦ سنوات إلى سن ١٢ سنة وممكن تستمر للمرحلة اللي بعدها.
أسباب اضطراب فرط الحركة منقدرش نحددها بأسباب محددة لكن ممكن بعض الظروف العقلية والجسدية بتؤدي لظهور النوع دا من الاضطرابات.
ومع ذلك نقدر نحصر بعض الأسباب واللي بتتمثل في:
- اضطراب في الدماغ وتغيير في بنيته:
بيلاحظ إن الأطفال المصابة بالاضطراب بيكون نشاط المنطقة الدماغية المسؤولة عن النشاط والانتباه منخفضة، وممكن تعرض الطفل للارتجاج يأثر على عليه. - الوراثة:
لو ظهر في تاريخ العائلة المرضي شخص كان مصاب بالاضطراب دا فاحتمال وارد يكون انتقل إلى الطفل بصفة وراثية. - تعرض الجنين للتدخين والملوثات:
اضطراب فرط الحركة أسبابه ممكن تتواجد من قبل ما يولد ودا لما بتكون الأم مدخنه أو ببتعاطى أي نوع من أنواع المخدرات، أو إذا تعرضت الأم لمواد سامة وملوثات طوال فترة الحمل، دا من شأنه يأثر على نشاط الخلايا العصبية للجنين ويكون أكثر عرضة للإصابة.
كذلك تعرض الأم للإصابات في أثناء الحمل أو حتى تعرض الطفل للإصابات في الشهور الأولى ممكن يأثر عليه.
نصائح فعالة لتعديل سلوك الطفل كثير الحركة
الطفل اللي بيعاني من اضطراب فرط الحركة هو مش طفل سيئ لكنه طفل محتاج رعاية واهتمام خاص، ومحتاج حكمة وصبر من الوالدين ومن كل الأشخاص اللي بتتعامل معاه.
بالإضافة إننا هندلك على 11 نصيحة فعالة لتعديل سلوك الطفل كثير الحركة دي كمان بعض الأمور اللي هتساعد الطفل لتعايش بشكل أفضل:
- وفر للطفل جو هادئ ودافئ ومستقر، وابعد عن التغييرات المفاجئة.
- اعرف طفلك أكثر راقب سلوكيات طفلك وايه اللي بيأثر فيه وايه أمثل تعامل بيتقبله طفلك وبيكون مناسب لحالته.
- وظف الحركة الزايدة في حاجة مفيدة واستغلهل وخليه مثلًا يجرب يلعب رياضة يجري أو يسبح أو غيرها من الأنشطة المتموعة.
- لازم كل شخص بيتعامل مع الطفل يكون عارف بحالته وعرفهم على أفضل طريقة للتعامل معاه.
- خلي لطفلك جدول مواعيد ثابتة ودربه عليها زي مواعيد محددة للأكل والمذاكرة واللعب وهكذا.
- اتجنب أسلوب الأمر مع الطفل واطلب منه الحاجة بشكل هادئ وواضح وصريح، وحاول تخلي الخطوات ليها بسيطة وسهلة يقدر يتذكرها بصورة أبسط وميقلش عند التركيز ويفضل محافظ على انتباهه أطول فترة ممكنة.
بالإضافة لكل دا، دي 11 نصيحة فعالة لتعديل سلوك الطفل كثير الحركة واللي هتساعد بشكل أكبر:
النصيحة الأولى: توفير أنشطة مختلفة ومنظمة لتوجيه طاقة الطفل كثير الحركة.
أول نصيحة في الـ 11 نصيحة فعالة لتعديل سلوك الطفل كثير الحركة متحاولش تلغي طاقة طفلك وبدل ما بتطلب منه يلتزم الهدوء ويفضل في مكانه وفر له نشاط تاني يقدر يفرغ فيه طاقته وفي نفس الوقت يستفيد منه لأنه صعب إن الطفل يقعد ثابت وهادئ.
من الأنشطة اللي ممكن طفلك يمارسها:
- فنون الدفاع عن النفس:
زي الكاراتيه والجودو الأمر اللي هيساعده على التركيز وبناء الثقة بالنفس والتحرك في حركات منضبطة، وتوجيه طاقتهم بشكل سليم ومفيد يعود بالنفع عليهم وعلى صحتهم. - ممارسة الرياضى في الهواء الطلق والمساحات الواسعة:
جرب تخلي طفلك يجري في حديقة، أو يبدأ يتمرن في النادي على كرة القدم أو السلة أو أي رياضة هتخليه يبذل مجهود ويحرك عضلاته، وفي نفس الوقت هتعلمهم المنافسة واللعب مع غيره بروح رياضية. - السباحة:
هيحتاج ابنك يبذل مجهود كبير في السباحة وتعلمها بالإضافة إلى إنها بتخليه دايمًا في حركة نشاط وبتعلمه الانضباط. - ألعاب التفكير:
في الألعاب دي هيتعود طفلك على مهارة التركيز وهتمرن دماغه بشكل فعال من الألعاب اللي ممكن يلعبها الشطرنج والأوراق المتطابقة وغيرهم. - النشاط الإبداعي:
ممكن نحاول نسجل الطفل في أنشطة مسرحية أو تمثيلية لو وجدنا عنده ميول للأمر دا بحيث يقدر يستغل طاقته ويتدرب على التركيز وزيادة الثقة بالنفس والتحدث أمام الجمهور.
النصيحة الثانية: حدد نظام لأسرتك.
بيواجه الأطفال اللي بيعانوا من فرط الحركة صعوبة في التعامل مع الحاجات غير الواضحة بشكل عام، عشان كده بيفضل يكون في نظام واضح وسهل يتبعه الطفل في البيت ويكون الكل بيتعاون لتطبيقه.
النصيحة الثالثة: اعرف تبذل جهد فين.
في حاجات في سلوك الطفل أو متطلبات تقدر تتغاضى عنها ومتستهلكش فيها طاقتك ولا طاقة طفلك، حدد الأولويات وخلي ليها كل طاقتك ومجهودك، وابذل طاقة في تنفيذ الـ 11 نصيحة فعالة لتعديل سلوك الطفل كثير الحركة.
النصيحة الرابعة: أوامر واضحة وبسيطة.
الطفل اللي بيعاني من اضطراب فرط الحركة بيكون تركيزه ضعيف، وصعب ينتبه لحاجات كتير في وقت واحد، عشان كده من ضمن الـ 11 نصيحة فعالة لتعديل سلوك الطفل كثير الحركة جرب لما تطلب من ابنك مُهمة تكلمه بشكل مباشر.
ووضح القواعد بشكل بسيط جدًا واتأكد إنه فاهم كل جزء، وجرب تكتب الخطوات أو المهام دي على ورقة ومع كل خطوة بيعملها خليه يحذفها من القائمة ويشطبها.
النصيحة الخامسة: قلل المشتتات.
حاول تخلي المكان اللي بيذاكر فيه طفلك مشتتاته قليلة متسحبش تركيز الطفل بحيث يكون بسيط وهادي، وخليه يساعد في تأسيس مكان مذاكرته بحيث تكون جذابة ومريحة ليه.
النصيحة السادسة: عزز فعله الإيجابي.
جرب تخلي طفلك هو اللي يكتب قائمة بالمهام المطلوبة منه عشان تعلمه الاستقلالية والاعتماد على الذات، وبعد ما ينتهي من مهمه شجعه وعزز فعله وقدم له مكافئة.
النصيحة السابعة: متعاقبش الطفل على المهام اللي معملهاش.
لو أخفق في أداء أمر ابعد عن التوبيخ لإن تنفيذ المهام بالنسبة للأطفال اللي بيعانوا من الاضطراب دا أمر شاق عليهم، بل ساعده مرة تانية في إتمام المهمة.
النصيحة الثامنة: الدواء مش هو أول حل.
على الرغم من إن حالة الطفل اللي بتحدد احتياجه لجرعات أدوية أو لا، لكن من أهم النصائح اللي من ضمن الـ 11 نصيحة فعالة لتعديل سلوك الطفل كثير الحركة متتسرعش وتستسهل إن طفلك ياخد أدوية كأول حل لعلاج الأمر، لكن اتناقش مع طبيبه وحدد الأفضل لحالة الطفل.
النصيحة التاسعة: خليه بحريته.
زي ما بننصح إن يكون في نظام للطفل والأسرة كمان بننصح إن يكون في وقت حر للطفل غير منظم يقدر يلعب فيه ألعاب بدون قيود عشان يفرغ طاقته، ويفضل تكون في الطبيعة بقدر الإمكان.
النصيحة العاشرة: أنت خبير طفلك الأول.
من المهم في الـ 11 نصيحة فعالة لتعديل سلوك الطفل كثير الحركة تعرف إن مهما قدم لك الأطباء والمربين وغيرهم نصائح لمعالجة طفلك، محدش هيكون عارف وفاهم طفلك غيرك عشان كده اتعاون مع الطبيب أو المعلم أو أي شخص بيتعامل معاه طفلك عشان توصلوا لأفضل طريقة للتعامل مع الطفل لأنك أنت أكتر حد يعرف أفضل طريقة.
النصيحة الحادية عشر: متوقفش قراءة.
اتعلم دايمًا عن الاضطراب واقرأ في الكتب والأبحاث وأفضل الطرق للتعامل، عشان تتعامل مع طفلك بطريقة علمية سليمة، ومتترددش تسأل طبيب طفلك عن كل شئ يخصه.
تتعدد طرق العلاج لطفل اللي بيعاني من اضطراب الحركة المفرط وبتنقسم إلى علاج دوائي والعلاج الوظيفي والسلوكي لمساعدة الطفل على ممارسة حياته.
وبكده هيكون معاك 11 نصيحة فعالة لتعديل سلوك الطفل كثير الحركة نفذ منها مع طفلك بقدر استطاعتك
العلاج الوظيفي والسلوكي لتعديل سلوك الطفل كثير الحركة
Occupational therapy & behavioral therapy
على الرغم من الصعوبات اللي ممكن يواجها الطفل المصاب باضطراب فرط الحركة في التعلم إلا إن بمساعدة العلاج الوظيفي هيقدر الطفل يتغلب على صعوبات كثيرة بتواجهه مش بس في الجانب التعليمي.
أول حاجة بتتم في العلاج الوظيفي هو التقييم بيتم تقييم سلوك الطفل في البيئات المختلفة عشان يحدد مدى الصعوبات اللي بتواجهه، وبعدين بيتم اقتراح البرنامج اللي هيساعد الطفل وأهدافه، وبعدين بيستخدم التكامل الحسي لتحسين البيئة وتقليل المشتتات.
دا بيتم من خلال بعض السلوكيات اللي منها اتباع روتين محدد ولما بنكلم الطفل بنتأكد إن في تواصل بصري معاه وتوفير بعض الألعاب زي الشطرنج والمكعبات وبناء الأشكال الهندسية وغيرها.
كمان مهم نبحث عن المهارات اللي موجودة عند الطفل ونسعى إننا نعززها بالألعاب المناسبة، بالإضافة لتوفير النشاط لزيادة العلاقات الاجتماعية ومحاولة ضبط النفس والسلوك.
مهمة العلاج الوظيفي التدخل وإعادة تأهيل الشخص عشان يكتسب مهارات ويتعامل مع فرط الحركة بشكل سليم.
العلاج السلوكي بيهدف إلى تطوير السلوك والتحكم في الذات وتقدير واحترام الشخص لنفسه.
يوجد نوعين للعلاك السلوكي:
- التركيز على بعض السلوكيات والاستراتيجيات اللي بتخلي سلوك الطفل منظم.
- التركيز على تقليل السلوكيات اللي بتسبب المشاكل.
وهنا التركيز بيكون على الأفعال والسلوكيات مش العواطف وتشجيع السلوك الحسن والتقليل من السلوك السيئ.
وبيشمل:
- تدريب الوالدين عشان يساعدوا الطفل في تنفيذ الاستراتيجيات والطرق المتبعة للعلاج بجانب المتابعة مع أخصائي العلاج السلوكي.
- العلاج السلوكي للطفل: وبيتبع في أنظمة مختلفة زي نظام المكافأة لتشجيع الطفل على التحكم في انفعالاته وسلوكه.
- تدريب على المهارات: ومن ضمنها المهارات الاجتماعية عشان يكون الطفل عنده المقدرة على التعامل مع غيره وفي وسط مجتمعه
- العلاج السلوكي المعرفي: طريقة علاج حديثة بتركز على تغيير المشاعر تجاه اللي بيشعر بيها الطفل تجاه المواقف وبالتالي هيترتب عليها تغيير أفكار ومن ثم تغيير سلوكه.
على الرغم من صعوبة حماية الطفل وتجنب اضطراب فرط الحركة إلا إن في أمور بتساعد عل التقليل من نسب الإصابة زي الابتعاد عن التدخين والمواد السامة والمخدرات سواء إذا كان جنين أو في سنواته الأولى.
لازم كمان نعرف إن الأدوية اللي بياخدها الطفل بوصفة الطبيب أدوية آمنة نسبيًا ومش بتسبب الإدمان، ولازم يتم وقفها باستشارة الطبيب لأنها بتتوقف بشكل تدريجي وحسب احتياج الحالة.
راعي طفلك واقرأ أكتر عن الاضطراب وخليه يتعايش معاه بشكل سليم وادعمه وخليك واثق فيه، وطبق الـ 11 نصيحة فعالة لتعديل سلوك الطفل كثير الحركة ومتترددش إنك تروح لطبيب وأخصائي العلاج الوظيفي أو العلاج السلوكي عشان تتلقى الدعم.
أضف تعليق