الفرق بين التعليم الخاص والتجريبي واللغات في مصر

التعليم الخاص والتجريبي واللغات

الفرق بين التعليم الخاص والتجريبي واللغات في مصر

اختلاف التعليم الخاص والتجريبي واللغات في مدارس مصر من ناحية طريقة التدريس والنظام التعليمي اللي بيتم تطبيقه في المدارس دي ككل بيصعب على أولياء الأمور قرار اختيار المدرسة المناسبة لأولادهم، وبيبدءوا يسألوا الناس اللي حوليهم عشان يساعدوهم بناءً على تجاربهم.

ولكن دا مش بيكون تصرف سليم؛ لإن دايما في فروقات فردية بين كل طالب والتاني، وممكن المدرسة المناسبة لطالب ما تكون مش مناسبة لابنك.

بالتالي لازم نتعرف بالتفصيل على الفرق بين التعليم الخاص والتجريبي واللغات في المدارس، ونعرف أهم المميزات والعيوب في المدارس دي عشان نقدر ناخد قرار صحيح ومناسب لإمكانيات ومهارات الطالب.

ما هو التعليم الخاص وأنواعه

التعليم الخاص في مصر هو التعليم في المدارس الخاصة اللي بتكون ملك لمؤسسات أو أفراد، والمدارس دي بتقدم بعض المميزات الخدمية اللي بتفوق مميزات المدارس الرسمية، والخدمات اللي بتقدمها بتكون مقابل مصاريف سنوية بيسددها ولي الأمر.

مناهج التعليم الخاص إما بتكون هي نفس مناهج الحكومة المصرية بنفس اللغة، أو نفس المناهج مع تدريسها باللغة الإنجليزية، أو مناهج مختلفة تمامًا عن المنهج المصري، ودا بيختلف من مدرسة لأخرى تبعًا لنوعها.

الفرق بين التعليم الخاص والتجريبي واللغات بيتضح في أكثر من نقطة منها أنواع التعليم، فبنلاقي إن التعليم في المدارس الخاصة في مصر بينقسم إلى 3 أنواع وهم:

تعليم خاص عربي

المدارس الخاصة العربي هي مدارس بتقدم نفس مناهج الحكومة المصرية باللغة العربية حتى مادة الرياضيات والعلوم، لكنها بتتميز عن المدارس الرسمية في إن القائمين عليها بيهتموا دايما بتطويرها وتقديم أفضل الخدمات التعليمية للطالب.

كمان المدارس دي بتهتم بتنمية مهارات الطالب باستمرار بجانب اهتمامها برفع مستواه الدراسي خلال فترة تواجده داخل المدرسة.

تعليم خاص لغات

التعليم الخاص في مدارس اللغات بيشبه نظام التعليم في المدارس الرسمية للغات -التجريبية سابقًا-؛ ودا لإنها بتقدم مناهج حكومية باللغة الإنجليزية تساعد الطالب على إتقان اللغة بسهولة، بالإضافة إلى إنها بتختار المدرسين بعناية عشان يقدروا يطبقوا النمط التعليمي المطلوب فبتقدم دورات تعليمية للمدرسين باستمرار.

عدد الطلبة في فصول المدارس دي لا يزيد عن 35 طالب، وبالتالي المدرس بيقدر يهتم بكل طالب على حدة ويعرف مستواه الدراسي كويس جدا، ومن هنا يعرف الخطة المناسبة اللي هيتعامل بيها مع كل طالب عشان يساعده على التفوق والوصول لحلمه.

تعليم انترناشونال خاص

المدارس الانترناشونال في مصر هي مدارس بتقدم أنظمة تعليمية معتمدة دوليًا، والمناهج دي بتختلف باختلاف نوع المدرسة، فعلى سبيل المثال بنلاقى إن المدارس الأمريكية بتقدم مناهج تابعة لأمريكا وبتأهل الطلبة لاستكمال دراستهم الجامعية خارج مصر، وباقي المدارس سواء البريطانية أو الكندية أو غيرها بتسير على هذا النسق.

بعض المدارس الانترناشونال في مصر بتكون خاصة -غير تابعة لوزارة التربية والتعليم المصرية-، والمدارس دي بتحرص على تطبيق أنظمة تعليمية متميزة تساعد في بناء جيل واعي متطلع على الثقافات المختلفة ومواكب للتغيرات.

المدارس الانترناشونال بتقدم لخريجيها شهادات معتمدة تؤهلهم لاستكمال دراستهم في أكبر الجامعات العالمية وتحقيق أحلامهم.

ما هو التعليم التجريبي وأنواعه

التعليم التجريبي هو تعليم تابع لوزارة التربية والتعليم المصرية بيُطبق في المدارس الرسمية للغات -المدارس التجريبية-، وبيقدم نفس المناهج اللي بيتم تدريسها في المدارس الرسمية ولكن باللغة الإنجليزية.

المدارس دي بتهتم بتأسيس الطالب في اللغات، فبتدرس المواد الأساسية زي الرياضيات والعلوم باللغة الإنجليزية، وبتطبق مناهج وزارة التربية والتعليم المصرية بجانب برنامج مكثف للغة الإنجليزية، فالطالب بيدرس منهج اللغة الإنجليزية المصري إلى جانب منهج إضافي يساعده على إتقان اللغة بسهولة.

التعليم التجريبي بينقسم إلى قسمين:

تجريبي عادي

المدارس التجريبية دي بتقدم خدمات تعليمية أفضل من الموجودة في المدارس الرسمية، فبنلاقي إن عدد الطلبة في الفصول لا يزيد عن 40 طالب؛ عشان المدرس يقدر يهتم بكل طالب لواحده ويساعده على فهم المواد العلمية والتفوق في الدراسة.

في التعليم التجريبي العادي بيدرس الطالب مادة اللغة الإنجليزية كلغة أجنبية أولى وبيبدأ دراستها من السنين الأولى، ومادة اللغة الفرنسية كلغة أجنبية ثانية وبتبدأ معاه من الصف الأول الثانوي.

المدارس دي بتقبل الطفل من أول سن 5 سنوات و 6 أشهر، وبتحرص على ممارسة الطالب للأنشطة المختلفة اللي بتساعده على اكتساب مهارات جديدة باستمرار.

تجريبي مميز

التعليم التجريبي المميز بيشبه التجريبي العادي لكنه بيكون أفضل منه في عدد من النقاط منها:

  • عدد الطلبة أقل في الفصول
  • تدريس اللغة الأجنبية الثانية -الفرنسية- بداية من الصف الرابع الابتدائي، وبعضها بيدرس الفرنسية بداية من الصف الأول الابتدائي.
  • قبول الطفل بداية من سن 4 سنوات

بنلاحظ إن مقابل المميزات الإضافية اللي بتقدمها المدارس في نظام التعليم التجريبي المميز بيكون في مصاريف دراسية أعلى من التجريبي العادي، فالمصاريف هنا بتتعدى أحيانًا 2500 جنيه مصري.

أنواع المدارس اللغات في مصر

أنواع المدارس اللغات في مصر

كلمة مدرسة اللغات بتطلق على جميع المدارس اللي بتدرس مناهجها بلغة غير اللغة العربية سواء كانت المناهج دي تابعة لوزارة التربية والتعليم المصرية أو مناهج دولية، والمدارس دي بتسهل على الطالب إتقان اللغات المختلفة وبتخليه متطلع على الثقافات المختلفة.

المدارس دي ممكن نقسمها إلى:

مدارس ناشونال

المدارس الناشونال -المدارس الأهلية- في مصر هي مدارس خاضعة لإشراف وزارة التربية والتعليم المصرية، وتشبه المدارس التجريبية في كونها تقدم خدمة تعليمية مميزة تركز فيها على إتقان الطالب للغات، مع الاهتمام بمستواه العلمي والأخلاقي.

المدارس بتتبع نفس مناهج وزارة التربية والتعليم المصرية بالإضافة إلى تدريس بعض المناهج الإضافية اللي بتساعد على تكوين جيل واعي مثقف.

مدارس انترناشونال

المدارس الانترناشونال زي ما ذكرنا ممكن تكون تابعة لمؤسسة حكومية أو مؤسسات خاصة.

المدارس دي بتكون خيار مميز للطلبة اللي حابين يكملوا دراستهم بره مصر؛ لإنها بتحرص على تأهيلهم للجامعات العالمية من خلال أنظمة تعليمية متطورة بتوسع آفاق الطلاب ومن خلالها بيقدروا يتعرفوا على الثقافات والحضارات المختلفة في الدول الأوروبية.

بالتالي الطالب بيكون عنده فرصة لاكتساب عدد كبير من المهارات أثناء دراسته، والفرصة دي مش موجودة في المدارس الرسمية.

كدا عرفنا الفرق بين التعليم الخاص والتجريبي واللغات من ناحية أنواع مدارسهم، اتعرف أكثر على الفرق بين المدارس الناشونال والانترناشونال في مصر من هنا.

مواد التعليم الخاص والتجريبي واللغات

المواد اللي بيتم تدريسها سواء في المدارس الخاصة أو التجريبية هي نفس مواد المدارس الرسمية في مصر، لكن المواد الأساسية زي العلوم والرياضيات بيكونوا باللغة الإنجليزية، وبنلاحظ إضافة منهج اللغة الانجليزية المكثف في المدارس الخاصة والتجريبية عشان تساعد الطالب على إتقان اللغة بسهولة أثناء فترة دراسته.

أما عن مدارس اللغات فبالطبع مناهجها والمواد اللي بيتم تدريسها بتختلف تبعا لنوع المدرسة، بمعنى إن المدارس الناشونال لغات بتختلف تماما عن الانترناشونال لغات؛ لإن كل مدرسة بيكون عندها رؤية مختلفة وهدف عايزة توصله.

في التعليم الخاص والتجريبي واللغات في مصر بنلاقي عدة مميزات عن المدارس الرسمية، وبالتالي بيزيد الإقبال عليهم كل سنة، لكن إيه هي مميزات كل مدرسة؟

مميزات التعليم الخاص والتجريبي واللغات

مميزات التعليم الخاص والتجريبي واللغات

كل نظام تعليمي بيكون له مجموعة من المميزات اللي بتخلي أولياء الأمور يقبلوا عليه ويقدموا فيه لأولادهم، بالإضافة إلى بعض العيوب اللي لازم يفكروا فيها كويس قبل التقديم، والكلام دا ينطبق بردو عالى التعليم الخاص والتجريبي واللغات في مصر.

مميزات المدارس الخاصة

المدارس الخاصة بتتميز عن المدارس الرسمية في:

  • وجود عدد محدود من الطلبة في الفصول
  • شرح المنهج المصري بطريقة متطورة ومختلفة
  • الاهتمام بالأنشطة
  • التقييم المستمر لمستوى الطالب

مميزات المدارس التجريبية

من مميزات المدارس التجريبية في مصر بنلاقي:

  • الاهتمام بتدريس اللغات
  • تعزيز روح المشاركة بين الطلاب

مميزات المدارس الدولية

من أهم المميزات الموجودة في المدارس الدولية -الانترناشونال- بنلاقي:

  • تقديم شهادة معتمدة دوليًا
  • إطلاع الطالب على الثقافات المختلفة
  • تطوير مهارات الطالب واكتسابه مهارات جديدة
  • تطبيق نمط تعليمي حديث مواكب للتغيرات الموجودة
  • إتقان الطالب للغات المختلفة
  • تقييم مستوى الطالب الدراسي باستمرار

أما عن عيوب التعليم الخاص والتجريبي واللغات في مصر فهنتعرف عليها دلوقت.

عيوب المدارس الخاصة

عيوب التعليم الخاص والتجريبي واللغات

العيوب المنتشرة في المدارس الخاصة في مصر بتتمثل في:

  • قصور اللغة العربية
  • تدريس نفس مناهج وزارة التربية والتعليم المصرية
  • أغلب المناهج معتمدة على الحفظ
  • التقييم يكون من خلال الامتحانات
  • عدم الاهتمام بتطوير مهارات الطالب بقدر كافي
  • ارتفاع مصاريف المدرسة على بعض أولياء الأمور

عيوب المدارس التجريبية

المدارس التجريبية هي شبيهه بالمدارس الخاصة لكنها تابعة لوزارة االتربية والتعليم المصرية، وبالتالي بنلاقي إن أغلب عيوب المدارس الخاصة موجودة بالفعل في المدارس التجريبية في مصر بالإضافة إلى:

تكدس عدد الطلبة في الفصول
بدء تدريس اللغة الأجنبية الثانية في المرحلة الإعدادية في مدارس التجريبي العادي

عيوب المدارس الدولية

المدارس الدولية في مصر بتقدم مميزات عديدة إلا إنها لا زال يوجد بيها بعض العيوب، ومنها:

  • ارتفاع المصاريف السنوية المطلوبة
  • ضعف اللغة العربية عند الطلبة
  • التدليل الزائد في بعض المدارس
  • تدريس جميع المناهج باللغة الانجليزية
  • تواجد المدارس في عدد محدود من محافظات مصر

التعليم الخاص والتجريبي واللغات في مصر بيختلفوا في العديد من النقاط، والنقاط دي هي اللي بتميز كل مدرسة عن التانية، وبالتالي بمعرفتنا لنقاط الاختلاف هنقدر نحدد بسهولة أنسب مدرسة لأولادنا.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

فصول السنة ورك شيت – Seasons Worksheet

سنتعرف علي فصول السنة الاربعة بالترتيب (الشتاء – الربيع – الصيف – الخريف) و سنتعلم و نتعرف علي حالات الطقس من خلال صورة موضحة لكل

وسائل النقل ورك شيت – Transports Worksheet

لنتعرف علي وسائل المواصلات المختلفة واسمائها باللغة الانجليزية و اشكالها و يتعلمها الطفل بداية من سن ال٣ سنوات من خلال وسائل النقل ورك شيت –

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق