كيف أعاقب طفلي إذا أخفق في الدراسة

كيف أعاقب طفلي إذا أخفق في الدراسة؟

سؤال بيشغل بال الأهالي عن إيه التصرف الصحيح في حال طفلهم مستواه الدراسي قل، أو رسب في واحد من الامتحانات.

والخطأ اللي بيعمله معظم الأهالي هو اتباع أساليب العقاب الشديدة، والعصبية على الطفل، والبعض بيوصل للضرب، وكل دي طرق تأثيرها عكسي على الطفل. 

هنعرض لك من خلال المقال إزاي تتعامل مع طفلك إذا أخفق في الدراسة، وطرق العقاب الصحيحة لتحسين مستواه، وأهم الطرق لتحبيبه في الدراسة، تابع معنا. 

كيف أتعامل مع طفلي إذا أخفق في الدراسة؟ 

لازم الأول نقيّم الوضع عشان نتعامل معاه بشكل صحيح، يعني هل الطفل مستواه الدراسي أصلاً قليل؟ ولا نتيجة الامتحان أو رسوبه دا مفاجيء بالنسبة لمستواه؟ ولا مستوى الطفل كان كويس وقل؟

وبناءً على وضعه، هيتم التصرف معاه بشكل مختلف، يعني في حال إن الطفل مستواه قليل، فاحنا بنقيم النتيجة بالنسبة لمستواه، وبنحاول نحل المشكلة الأصلية.

ولو مستواه قلّ فلازم نرجع للمدرسة والمعلمين لمعرفة الأسباب، ولو الطفل أصلاً مش بيحب المذاكرة، ومذاكرش كفاية ودي نتيجة طبيعية، فهيكون الحل إننا نتبع طرق لتحبيب الطفل في المذاكرة.

وفي حال قيّمنا الوضع، وكان إخفاق الطفل ناتج عن إهماله، فالأهل بيكونوا محتاجين يعاقبوه على النتيجة دي عشان متتكررش تاني.

فقبل ما نجاوب على سؤال “كيف أعاقب طفلي إذا أخفق في الدراسة” هنعرفك الأول  إيه هي الاستجابة أو التعامل الصحيح لو الطفل أخفق في دراسته، أو حصل على درجات مش كويسة، من خلال بعض  النصائح اللي هتقوم بيها:

1- التحدث مع الطفل بهدوء

مهم جدًا الالتزام بالهدوء في الكلام مع الطفل عن درجاته السيئة، أو إن مستواه الدراسي قل عن قبل كدا، ولو أنت منفعل أو متضايق ممكن تأجل الكلام، وتحدد ميعاد عشان تتكلم معاه في الموضوع، والنقاش هيكون مفتوح، هتعبر فيه عن شعورك تجاه مستواه أو درجاته، لكن من غير توجيه إتهام ليه، أو الانفعال عليه. 

يعني ممكن تقوله “لاحظت إن درجاتك في مادة الرياضيات أقل من قبل كدا”، أو “أنت إيه رأيك في نتيجة الرياضيات”،  أو “أنا شايف إنك كنت ممكن تجيب درجة أحسن من كدا”. 

وابدأ اسمع تبريراته، لإن ممكن يكون مش فاهم المادة بشكل كويس، أو حاجة ضايقته مؤخرًا أثرت على تركيزه، أو إنه مبيعرفش يراجع للامتحان بشكل كويس. 

ولو لاقيت إن فعلًا طفلك عنده مشكلة، ادعمه واسأله عن اقتراحاته لحل المشكلة، زي “أنت شايف إحنا ممكن نعمل إيه عشان درجاتك تتحسن”، وضيف له حلول لمساعدته. 

2- وضع خطة مع الطفل

بعد ما عرفت المشكلة وحددتها، حاول تعمل خطة مع طفلك لتحسين مستواه، وتحسين النتيجة في المرات الجاية. 

3- الابتعاد عن اللوم والمقارنة

قبل توضيح الإجابة عن سؤال كيف أعاقب طفلي إذا أخفق في الدراسة خلينا نقولك إن من الأخطاء الكبيرة اللي بيقع فيها الأهل، هي اللوم والعتاب الجارح للأطفال، ومقارنتهم بأخواتهم أو أصدقائهم، لإن  دا بيقلل من ثقة الطفل في نفسه، والأفضل نركز على حل مشكلة النتيجة السيئة. 

4- المدح أولاً

من العيوب الكبيرة اللي بيعملها الأهالي هي التركيز على الأخطاء، وتجاهل الأمور الجيدة والمكافآت، فيُفضل إنك تبدأ بمدح الطفل على النتائج الجيدة الأول، وممكن كمان الوعد بمكافأة لدا،

لإن دا حق الطفل عشان بذل مجهود في مواد وكانت نتيجته كويسة، وبعد كدا نتكلم معاه على النتائج السيئة بالأسلوب اللي شرحناه قبل كدا. 

وفي دراسة اتنشرت على موقع  The Keep Eastern Illinois University لمتابعة مدى تأثير الأبوين على التحصيل الأكاديمي لأبنائهم، ووجدوا إن الطلاب اللي بيحصلوا على دعم أبوي منخفض سجلوا درجات أقل بكتير من الطلاب اللي بيحصلوا على دعم أبوي مرتفع، ودا بيبين أهمية دور الأهل في المستوى الدراسي للطفل. 

5- التعلم من الأخطاء

مهم نفهم إن تفوق الطفل مسؤولية مشتركة بينه وبين أهله، وإن درجاته السيئة في اختبار مش نهاية العالم، لإن بعض الأهالي بتوبخ أطفالهم وبتؤذيهم.

ودا بيوصل للطفل إنه بياخد حب مشروط من الأهل بناءً على درجاته، أو إنهم بيحبوا إخواته أكتر، لإنهم أشطر منه، ودا بيتأثر عليه جدًا. 

عشان كدا في رحلتنا للإجابة عن سؤال كيف أعاقب طفلي إذا أخفق في الدراسة بنقولك إن الصح هو إننا نشجعه يتعلم من أخطائه، ويحاول مرة تانية، ويفهم أهمية المجهود اللي بيعمله عشان يقدر يوصل لنتيجة كويسة. 

6- وضع توقعات مناسبة 

طفلك بيروح المدرسة عشان يتعلم ويستفيد، والامتحانات مش هي الطريقة الوحيدة لتقييم مدى استفادته، وطبيعي يميل لبعض المواد عن غيرها.

ولما الأمور دي تكون واضحة ليك؛ هتتوقع نتيجة طفلك بطريقة مناسبة لمستواه، وبالتالي ما تحملش الطفل عبء توقعات مش مناسبة لمستواه الدراسي. 

كيف أعاقب طفلي إذا أخفق في الدراسة؟

بعد ما عرفنا رد الفعل المناسب لدرجات الطفل السيئة، وعن حل المشاكل اللي ممكن تكون سبب في دا.

هننتقل لطرق عقاب الطفل في حال تقصيره في دراسته، لكن من غير تعقيد، أو تأثير سلبي على نفسيته، ونفهمه إن العقاب دا بسبب الفعل الخطأ اللي عمله، وبسبب تقصيره، مش لإنه طفل مش كويس. 

ودي أهم الطرق الفعالة للإجابة على سؤال كيف أعاقب طفلي إذا أخفق في الدراسة:

1- منع الطفل من بعض الأمور المحببة

منع الطفل من الأمور المحببة ليه من الأمور الفعالة لعقابه، وعدم تكرار الغلط مرة تانية، فيمكن منعه من المصروف لمدة، أو منعه من النزهة الأسبوعية، أو حرمانه من نشاط ترفيهي لمدة معينة.

2- التقليل من وقت اللعب

قلل الوقت المحدد لمشاهدة التلفزيون، والموبيل، وألعاب الفيديو، واللي بتأثر بشكل كبير على تركيز الطفل في المذاكرة، وبالتالي على درجاته، يعني لو سمحت له بساعة مثلًا ممكن نقللها لنصف ساعة، أو يتحرم من الوقت دا لبعض الأيام بس بدون قسوة.

وطبعًا الأفضل إن وقت على الموبايل أو الألعاب يكون في الإجازة الأسبوعية بس، لتخفيف تأثيرها باقي الأسبوع على الطفل. 

3- اتباع سياسة التعويض 

سياسة التعويض من الإجابات الفعالة عن سؤال كيف أعاقب طفلي إذا أخفق في الدراسة، فبنلاقي إن الطفل لازم يفهم إن تقصيره شيء مش مقبول، ولازم يعوض عنه، ودا هيكون من خلال تحضير خطة مكثفة للدراسة، والمذاكرة لتعويض الدرجات السيئة وتحسينها. 

4- زيادة المهام

من خلال إننا نزود عليه مهام في البيت، ومساعدة الأهل بقدر معين ما يكونش في ضغط، زي: ترتيب غرفته يوميًا، وغسل صحون الطعام الخاصة بيه، والمشاركة في بعض الأمور اللي بيقوم بيها الأب أو الأم. 

5- زيادة مدة الدراسة

استكمالًا للطرق اللي ممكن تتبعها مع الطفل لو لا زلت بتسأل عن كيف أعاقب طفلي إذا أخفق في الدراسة بنلاقي إن زيادة مدة الدراسة هي نقطة فارقة، بمعنى إنك لو كنت بتتهاون مع طفلك في عدد ساعات المذاكرة، حاول إن دا ما يتكررش تاني، وزود ساعات المذاكرة في المواد اللي درجاتها سيئة، وكثّف معاه المتابعة عشان مستواه يتحسن. 

اقرأ أيضًا: أسباب عدم التركيز في المذاكرة عند الأطفال وكيفية التغلب عليها. 

كيف أحبب طفلي في الدراسة؟ 

بعد ما عرفنا بالتفصيل الإجابة عن سؤال كيف أعاقب طفلي إذا أخفق في الدراسة خلينا نقولك إن واحد من أهم أسباب النتائج السيئة للأطفال والمراهقين بشكل عام، هي إن الطفل ما بيحبش المذاكرة والدراسة من بداية تعليمه، أو بيعاني من ضعف مهارات دراسية معينة.

وبالتالي المشكلة بتفضل تكبر، وبتكون دايماً درجاته سيئة، وبتزداد سوءً بمرور الوقت لو المشكلة ما تحلتش.

ودي أهم النصائح لتحبيب الطفل في المذاكرة من البداية:

• التركيز على التعلم وليس الدراسة، بمعنى التركيز على تعلم الطفل، ومعرفته لجوانب كتير في الحياة مع وجود تفسير علمي ليها. 
• الدراسة بطريقة الربط بين الموضوعات، يعني اربط بين موضوع الطفل ما بيحبوش، وأمر ممتع ليه عشان يستوعبه. 
• تشجيع الطفل في المجالات المحببة ليه، يعني لو الطفل بيحب العلوم أكتر، سجله في برامج متقدمة. 
• تحديد أوقات مذاكرة وتثبيتها؛ من الأمور اللي هتخلي الدراسة روتين الطفل هيتعود عليه. 
• مساعدة الطفل قدر المستطاع في المذاكرة والمراجعة، دا بيفرق معاه بشكل كبير. 
• توضيح أهمية الدراسة والتعليم للطفل من البداية، وأد إيه مؤثر في كل جوانب حياته. 
• التحفيز من خلال المكافآت من الطرق الجيدة لحصول الطفل على درجات كويسة.

تقدر تتعرف على طرق أكتر بقراءة مقال: أفضل طرق المذاكرة للأطفال ونصائح للتشجيع على التفوق. 

الخلاصة

في رحلتنا للإجابة عن سؤال “كيف أتعامل مع طفلي إذا أخفق في الدراسة؟” بنلاقي إن بعض الأهالي بيتبعوا ردود فعل سلبية، وأساليب عقاب شديدة في حالة إخفاق الأطفال في الدراسة، ودا بيكون تأثيره عكسي عليهم. 

والأفضل هو الحديث مع الطفل لتحديد أسباب النتيجة السيئة، والعمل على حلها، وتجهيز خطة لتحسين مستواه، ودرجاته في المرات الجاية. 

المصادر

How To Handle Bad Grades: A Practical Guide For Parents

Bad Grades – How Parents Can Help Teenagers Achieve 

Looking for punishments for your teen who is failing school? Try this instead

Do’s and Don’ts for Parents if Your Child Failed the School Year