كتير من الأمهات بيدوروا على حلول لتنعيم شعر أطفالهم، خاصةََ لو كان خشن أو هايش، ودا اللي خلّى “بروتين الشعر للأطفال” ينتشر مؤخرًا كواحد من الخيارات اللي بتلجأ لها بعض الأمهات.
لكن هل البروتين آمن فعلًا للأطفال؟ وإمتى ممكن نستخدمه؟ وإيه الفرق بين أنواعه؟
في المقال دا هنجاوب على كل الأسئلة دي، وهنعرف رأي الأطباء، وأشهر أنواع بروتين الشعر للأطفال من الصيدلية، وكمان هنقترح بدائل طبيعية صحية وآمنة ممكن تساعدك تهتمي بشعر طفلك من غير ما تعرضيه لأي ضرر.
ما هو بروتين الشعر للأطفال؟
كتير من الأمهات بيسألوا: ينفع أعمل بروتين لبنتي؟ طب من إمتى؟ وهل سن السنتين مناسب ولا لأ؟ قبل ما نجاوب على الأسئلة دي، لازم الأول نعرف إن الطفل في السن الصغير لسه في مرحلة النمو، ودا معناه إن جسمه وشعره بيكونوا حساسين أكتر لأي حاجة.
كمان لازم كل أم تبقى عارفة نوع شعر بنتها، علشان تختار نوع البروتين اللي يناسبه. لأن مش كل أنواع الشعر ينفع معاها نفس المعالج، ولازم البروتين يبقى مناسب وآمن.
الخبراء بيقولوا إن السن المناسب لاستخدام بروتين الشعر للأطفال بأمان هو من 5 سنين فيما فوق، علشان نكون متأكدين إن طبيعة الشعر استقرت.
صحيح في طرق بتدي نتيجة سريعة، بس ممكن تكون مضرة، وإحنا مش عايزين نتيجة سريعة وخلاص، إحنا بندور على نتيجة آمنة وصحية.
بس لازم نعرف إن نتيجة البروتين للأطفال مش دائمة، بتقعد شوية وبتروح، علشان كدا الأفضل في السن دا نهتم بتغذيتهم، ونزودهم بخضار وفاكهة فيها فيتامينات وبروتينات مفيدة للشعر، وكمان نبعد عن استخدام الحرارة على فروة رأسهم علشان بتكون حساسة جدًا في المرحلة دي.
أنواع بروتين الشعر للأطفال
قبل ما تقرري تعملي بروتين لشعر طفلتك؛ مهم تعرفي إن في أنواع مختلفة من بروتينات الشعر، وكل نوع له تأثير معين، ودا اللي ممكن يساعدك تختاري الأنسب حسب احتياج شعرها. ومن أشهر أنواع بروتين الشعر للأطفال:
بروتين ثيرابي
النوع دا من أكتر الأنواع المنتشرة لبروتين الشعر للأطفال، وبيناسب كل أنواع الشعر. فيه مكونات بتساعد على فرد الشعر المجعد والتالف بنسبة كبيرة، وكمان بتحميه من عوامل الجو وأشعة الشمس، لأنه بيكوّن طبقة حوالين الشعرة تحميها من التقصف والتلف.
ومن مميزاته إنه خالي من الفورمالين وآمن.
بروتين ماراكوجا مالتي ثيرابي (البرازيلي)
النوع دا من أفضل أنواع بروتين الشعر للأطفال، لأنه خالي تمامًا من الفورمالين، ودا بيخليه آمن جدًا للأطفال، وكمان آمن للحوامل ومرضى الربو.
وميزته كمان إن ريحته مش نفاذة، وبيبان تأثيره بسرعة، ومناسب لأي نوع شعر. بيساعد كمان في علاج فراغات الشعر والتقصف، وبيقلل التساقط.
بروتين سيلكي تريتمنت
النوع دا مناسب جدًا للشعر المجعد والتالف، لأنه غني بفيتامين E، والكيراتين، والكولاجين، وزيت الأرجان، ودي مكونات بتغذي الشعر وتخليه ناعم ومفرود. كمان فيه منه أنواع مختلفة، ومتوافر معاه شامبو وبلسم من نفس النوع، فدا بيخليه اختيار ممتاز للشعر اللي اتعالج قبل كدا.
البروتين الأمريكي
البروتين الأمريكي معروف بجودته العالية، وكمان إنه خالي تمامًا من الفورمالين، ودا بيخليه آمن جدًا للأطفال. بيحتوي على مكونات مغذية زي زيت الأرجان، فيتامين E، وزيت الكافيار، ودي كلها بتعالج الشعر التالف وبتديله شكل صحي وناعم.
بس المشكلة إنه غالي ومش سهل تلاقيه في الصيدليات أو مراكز التجميل، لكن ممكن تشتريه من الشركة الأصلية.
كيراتين بروتين الشعر
بيعتمد بشكل أساسي على بروتين الكيراتين، ومعاه مكونات مرطبة. وظيفته الأساسية مش الفرد التام، لكن إنه بيعيد ترميم الشعر من جوه، يقويه، ينعم خصلاته، ويقلل الهيشان والتجعد.
مناسب للأطفال اللي شعرهم مجهد وناشف.
بروتين الأرجان
واحد من أنواع بروتين الشعر للأطفال من الصيدلية، وهو من الأنواع الآمنة لأنه خالي من الفورمالدهايد. مكوناته زيت الأرجان، الكيراتين، الكولاجين، وأحماض أمينية بتغذي الشعر، ترطبه وتفرده بشكل خفيف. بيصلح التلف، ويخلي الشعر مرن وناعم من غير ضرر.
بروتين الكولاجين
بيحتوي على الكولاجين كمكون رئيسي مع بروتينات ومكونات مرطبة. شغله الأساسي إنه يعيد بناء الشعر من جوه، يعوض البروتين اللي نقص، ويزود إنتاج الكولاجين الطبيعي في الشعر.
بيحسن مرونة ولمعان الشعر، لكن ما بيفردش الشعر بنسبة كبيرة، يعني مناسب للأطفال اللي شعرهم محتاج تغذية مش فرد قوي.
بروتين الكافيار
غني بمستخلص الكافيار وبروتينات قوية مع مرطبات، وبيتميز بقدرته على فرد الشعر بنسبة 100% ولمدة توصل لـ 6 شهور.
بيقوي الشعر، يرجع له مرونته، يرطبه وينعمه ويقلل الهيشان والتقصف. بيدّي نتيجة ناعمة ولمعة حلوة للخصلات.
قائمة بأشهر أنواع بروتين الشعر في مصر
ودلوقتي هنعرضلك قائمة بأفضل أنواع بروتين الشعر للأطفال المتوفرة في مصر، مع التركيز على التركيبات الآمنة والخالية من الفورمالين:
1. بروتين تشي إنفيرو (CHI Enviro)
- المميزات: يحتوي على مزيج من البروتينات الطبيعية، الحرير، اللؤلؤ، والأحماض الأمينية.
- النتائج: يعالج التجعد، يقوي الشعر، ويمنحه لمعانًا وصحة.
- المدة: تستمر نتايجه حتى 4 أشهر.
- التركيبة: خالي من الفورمالديهايد والأمونيا والبارابين.
2. بروتين سورالي (Sorali)
- المميزات: يحتوي على بروتين الكيراتين، مناسب لجميع أنواع الشعر.
- النتائج: يفرد الشعر بنسبة 100%، ويمنحه لمعانًا طبيعيًا ونضارة.
- التركيبة: خالي من الفورمالديهايد.
3. بروتين ناتوريل رويال باور العضوي (Naturelle Royal Power Organic)
- المميزات: يحتوي على بروتين القمح، الكولاجين، غذاء ملكات النحل، زيت الأرجان، والبيوتين.
- النتائج: يغذي الشعر، يرطبه، ويفرده من غير تهيج أو تغيير في لون الشعر.
- التركيبة: خالي من الفورمالديهايد والمواد الكيميائية القاسية.
4. نانو بروتين البرازيلي لفرد الشعر
جل نانو بروتين البرازيلي يعتبر من أفضل أنواع بروتين الشعر للأطفال لعلاجه وفرده؛ لأنه:
- بيكون خالي تمامًا من الفورمالديهايد، ودا بيخليه آمن على فروة الرأس.
- تحتوي تركيبته بالبروتينات الطبيعية وخلاصة الصبار والأفوكادو.
- بيفرد الشعر بنسبة 100% وبيقلل من التجعد بشكل ملحوظ.
- بيحتوي على البيوتين اللي بيغذي الشعر ويقويه.
- بيساعد في ترطيب الشعر بعمق.
5. بروتين بايو جولد لفرد الشعر للأطفال
بروتين بايو جولد من الأنواع اللي بتوفر فرد قوي وآمن في نفس الوقت، لأنه:
- مساعد قوي على فرد الشعر بنسبة 100%، وبيسيبه ناعم ولامع وشكله صحي طبيعي.
- غني بالمواد المرطبة اللي بتحافظ على رطوبة الشعر وتمنع جفافه أو تقصفه.
- غني بالبروتينات وخلاصة القرنفل، اللي بتغذي الشعر وتقوي البصيلات.
- خالي تمامًا من الفورمالين، ودا بيخليه مناسب للأطفال.
سعر بروتين الشعر للأطفال
سعر علاج البروتين للشعر في مصر بيختلف حسب حجم العبوة، الماركة، ومكان الشراء، وعادة بيكون ما بين 1000 لـ 6000 جنيه مصري تقريبًا.
نصائح لاختيار بروتين الشعر للأطفال المناسب
- اختاري منتجات تحتوي على مواد مرطبة زي فيتامين ب5، الزيوت الطبيعية، ومستخلصات النباتات، علشان تحافظي على توازن البروتين مع رطوبة الشعر وتتجنبي الجفاف أو التكسر.
- اختاري ماركات معروفة وموثوق فيها عشان تضمني جودة المنتج وخلوه من مواد كيميائية ضارة.
- استشيري طبيب الجلدية قبل الشراء عشان تتأكدي إنه مناسب لنوع شعرك وفروة رأسك.
- اتأكدي إن البروتين خالي من الفورمالديهايد والأمونيا.
خطوات مهمة بعد استعمال بروتين الشعر للأطفال
بعد ما تعملي بروتين لشعر طفلتك في شوية خطوات مهمة لازم تمشي عليها علشان تحافظي على النتيجة وتحمي شعرها:
1- بلاش تغسلي شعرها أول 3 أيام بعد البروتين.
2- سيبي شعرها مفرود من غير ربط أو تصفيف أول 4 أيام، علشان ما يتكسرش أو يتساقط.
3- استخدمي شامبو خالي من الكبريتات علشان ما يبطلش مفعول البروتين.
4- خليها تنام على كيس مخدة حرير بدل القطن أو الصوف، علشان تقللي الاحتكاك اللي ممكن يضعف البروتين.
فوائد بروتين الشعر للأطفال
- بيساعد في التخلص من التقصف ويخلي الشعر أنعم.
- بيقوي الشعر ويغذيه ويخليه شكله صحي ولامع.
- بيحفّز نمو الشعر لأنه فيه أحماض أمينية.
- بيعالج الهشاشة والجفاف والتساقط.
رأي الأطباء في بروتين الشعر للأطفال
حذر عدد من الأطباء من خطورة استخدام منتجات فرد الشعر المعروفة بـ«الكيراتين» أو «البروتين» للأطفال، بسبب احتوائها على مادة الفورمالين الكيميائية الضارة.
لإن المادة دي بتسبب التهابات في الجهاز التنفسي ممكن توصل للحساسية والربو، بالإضافة لتهيج العينين، وحكة واحمرار في فروة الرأس.
دا غير إن ملامسة الفورمالين المباشرة لفروة الرأس ممكن تسبب احتراقها والتهابات شديدة تسبب تقرحات وصديد وصلع دائم.
وأكد الأطباء ضرورة تجنب اصطحاب الأطفال لصالونات التجميل لإجراء فرد الشعر، لأن طبيعة شعر الأطفال تختلف وراثيًا، ومش بتناسبهم المنتجات الكيميائية. بدلاً من دا؛ ينصح باستخدام زيوت طبيعية للعناية بالشعر.
بالإضافة إن استخدام الحرارة مع المنتجات دي بيؤدي لتصاعد أبخرة الفورمالين اللي يستنشقها الأطفال، ودا بيسبب مشاكل تنفسية حادة وبيزود من خطر الإصابة بالربو وسرطان الرئة على المدى الطويل، خاصةً للأطفال المصابين بحساسية صدرية.
وللتوضيح فإن منتجات الكيراتين والبروتين نفسها مش ضارة، لكن المواد الكيميائية المضافة زي الفورمالين تعتبر من مسببات السرطان، وغير مناسبة للأطفال حتى سن البلوغ.
وللعلم إن في عدد من البلدان بتمنع خدمات فرد الشعر للأطفال دون 18 عامًا، وبتطبق عقوبات صارمة على المخالفين تشمل إحالتهم للنيابة العامة واتخاذ الإجراءات القانونية ضدهم.
وبالتالي، ينصح الأطباء الأمهات بالحذر والاعتماد على بدائل طبيعية آمنة للعناية بشعر أطفالهم.
طرق طبيعية لزيادة البروتين في شعر طفلك
- خلي أكل طفلك فيه بروتين كفاية، زي البيض، اللبن، الجبنة، السمك، اللحوم من غير دهون، والمكسرات.
- حافظي على أكله الروبيان كمان لإنه مفيد جدًا وغني بعناصر بتساعد في تقوية الشعر وتحفيز نموه.
- حاولي تبعدي شعره عن الشمس وأجهزة التصفيف السخنة، لأن الحرارة بتضعف تأثير البروتين.
- استخدمي شامبو وبلسم فيهم بروتينات وفيتامينات مهمة زي الحديد، الزنك، فيتامين هـ، وB5.
- اغسلي شعره كويس بعد السباحة علشان الكلور بيبوظ البروتين الطبيعي في الشعر.
ومن خلال اتباع النصايح دي هيساعدك تحافظي على صحة شعر طفلك وتحميه من أي ضرر ممكن يحصل بسبب البروتين.
اقرأ أيضاً: اضطرابات الأكل عند الأطفال: إزاي تكتشفها وتساعد ابنك يتغلب عليها؟
وصفات طبيعية بديلة لبروتين الشعر للأطفال
البروتين الكيميائي بيكون حل سريع وفعال، بس كتير من الأمهات بيبقوا خايفين يستخدموه مع أولادهم وبيفضلوا يلجأوا للطرق الطبيعية اللي ما فيهاش مواد كيميائية.
وفي وصفات طبيعية كتير بتساعد على علاج تقصف الشعر وتجعده وكمان بتغذيه وتحافظ على لمعانه، بس الفرق إن نتائجها بتاخد وقت أطول عشان تبان. ومنهم:
1- وصفة بياض البيض والعسل والموز
الوصفة دي غنية بالبروتين وبتساعد على تنعيم الشعر وتحفيز نموه وترطيبه، وممتازة للشعر الجاف والمتقصف.
المكونات:
- 4 ملاعق كبيرة حليب بودرة كامل الدسم.
- موزة متوسطة الحجم.
- 3 ملاعق كبيرة عسل.
- بياض بيضة واحدة.
طريقة التحضير:
1- اخلطي كل المكونات كويس بالخلاط الكهربائي لحد ما يبقى الخليط كريمي وناعم.
2- اغسلي الشعر بمياه فاترة واشطفيه كويس، وبعدين نشفيه بفوطة ناعمة.
3- وزعي الخليط على الشعر كله باستخدام فرشاة.
4- اغسلي الشعر بكاب بلاستيك وسيبيه لمدة نص ساعة على الأقل.
5- نغسل الشعر بمياه باردة عشان يقفل مسام الشعر، وبعدها حطي شوية بلسم.
كرري الوصفة دي مرتين في الأسبوع عشان تديكي نتائج كويسة.
2- وصفة البيض مع زيت الزيتون لبروتين الشعر للأطفال
الوصفة دي سحرية ونتايجها مبهرة على شعر الأطفال، لأنها مليانة بالبروتين اللي بيصلح الشعر التالف، وكمان فيها فيتامين E، مضادات أكسدة، وفيتامين ه، والكاروتين اللي بيغذي الشعر ويدي له مظهر صحي وناعم.
المكونات:
- نص كوب زيت زيتون.
- بيضة.
طريقة التحضير:
1- اخلطي البيضة مع زيت الزيتون كويس في طبق.
2- وزعي الخليط على شعر طفلتك بالكامل باستخدام الفرشاة.
3- غطي الشعر بكاب بلاستيك وسيبي الخليط عليه طول الليل.
4- في الصبح اغسلي الشعر بمياه باردة وشامبو مخصص للأطفال، واشطفيه كويس، وبعدين نشفيه بفوطة ناعمة.
ينصح بإعادة الوصفة دي مرة كل 15 يوم عشان تحافظي على شعر طفلتك ناعم وصحي.
اقرأ أيضاً: 9 أفكار لانش بوكس سهلة للحضانة والمدرسة.
في النهاية، استخدام بروتين الشعر للأطفال موضوع بيحتاج حرص كبير وتفكير واعي. رغم إن بعض الأنواع بتوفر نتائج مرضية، إلا إن الأمان لازم يكون هو الأولوية، خصوصًا في المراحل العمرية الصغيرة. لو فكرتِ تستخدمي بروتين الشعر للأطفال، تأكدي من خلو المنتج من الفورمالين، واستشيري الطبيب قبل أي خطوة.
وكبديل آمن، الوصفات الطبيعية والعناية المستمرة بتغذية الشعر بطرق صحية بتقدم نتائج ممتازة مع الوقت. الاهتمام اليومي هو سر الحفاظ على شعر طفلك صحي وقوي بدون مخاطر.
المصادر
How to make a homemade (natural) protein hair mask?
أضف تعليق