أهم 3 طرق لاختيار مقاسات شنط المدارس المناسبة لأطفالك

في بداية كل عام دراسي بيزداد معدل بحث أولياء الأمور عن شنط مدرسية جودتها عالية وشكلها لطيف الطفل يحبه.

وبتكون الحيرة في اختيار الشنطة المناسبة للطفل في الشكل والمتانة والمقاس في نفس الوقت.

وبما إن الشنط المدرسية هي أولى وأهم المستلزمات الدراسية اللي بيستعملها الطفل، وبتفضل معاه لفترة طويلة، هيكون دا موضوع مقالنا هنتعرف بالتفصيل على معايير اختيارها وكيفية الحفاظ عليها، وإيه هي معايير اختيار مقاسات شنط المدارس الصحيحة، تابعي معنا.

معايير اختيار شنط مدرسة مناسبة

زمان كان اختيار شنطة مدرسة عملية سهلة وبسيطة، ودا لإن الاختيارات محدودة، ومع الوقت اتحولت لعملية شراء معقدة ومحيرة بسبب الاختيارات الكتيرة اللي بيحتار فيها كتير من أولياء الأمور.

وقبل ما نتكلم عن مقاسات شنط المدارس الصحيحة لكل سن، هنعرض لك أهم المعايير اللي مهم تتبعيها قبل عملية الشراء، ومن أهمها:

1- الجودة

أكتر حاجة بتركز فيها الأمهات هي جودة ومتانة الشنطة، وإنها تكون فيها مرونة عالية في نفس الوقت، ودا عشان تناسب حركة الطفل ولعبه وتنقله بها.

دا بجانب إن خامة القماش تكون قوية، والأفضل نبعد تمامًا عن الأقمشة الرديئة اللي بتظهر خيوطها بشكل واضح، وما بتستحملش الفتح والقفل بسهولة.

ومن المفضل كمان تختاري شنطة مدرسة مضادة للماء عشان يحافظ عليها في فصل الشتاء، فلو تعرضت للبلل الكتب ما تتبهدلش.

2- الحجم

ومن النقط المهمة جداً تاخدي بالك منها هي مقاسات شنط المدارس، ويكون حجمها مناسب لوزن الطفل وطوله وسنه؛ فبنلاقي إن لازم تكون الشنطة مش أكتر من 10% من وزن الطفل مع مراعاة إنها تكون ملائمة لطوله.

فماتكونش قصيرة أوي ولا طويلة فتتعب الطفل، ودا للحفاظ على صحة وسلامة كتفيه وظهره، وتتأكدي تكون مناسبة للمرحلة الدراسية اللي هو فيها.

3- التقسيم

اختيار شنطة مدرسة مقسمة هو الاختيار المثالي لطفلك، فاحتياجات الأطفال دلوقتي أصبحت كتيرة وبتاخد مساحة كبيرة؛ الكتب والكراسات والـ Lunch box مع الأقلام وغيرها، كل دا بيحتاج لتقسيمات كتيرة في الشنطة المدرسية.

4- الألوان

وزي ما مقاسات شنط المدارس وجودتها مهمة، اختيارك كمان للألوان اللي مش بتتبقع بسهولة ويظهر عليها الأتربة مهم عشان تفضل شكلها كويس وطفلك يحبها.

دا غير إنك مهم تدي لطفلك المساحة لاختيار لونه المفضل من غير فرض لون معين عليه.

فاحرصي على تقديم الاختيارات وتوجيهه، ونصحه للأفضل بإنه يبعد اختيار شنطة مدرسة لونها فاتح، لإنها ممكن تتسخ بسهولة ويبقى شكلها مش لطيف.

5- الأشرطة أو الحمالات

اختيار مقاسات شنط المدارس الصحيحة هتحافظ على طفلك من التعب والإجهاد، دا بجانب اختيار شنطة مدرسة فيها شريطين أو حمالتين دا هيحمي طفلك من آلام الظهر والأكتاف والرقبة، وكمان بتحافظ على توازنه.

اقرئي أيضًا: أفضل طرق المذاكرة للأطفال ونصائح للتشجيع على التفوق. 

طرق اختيار مقاسات شنط المدارس الصحيحة

يعتمد اختيار أفضل شنطة مدرسة للأطفال على المعايير اللي ذكرناها، ولكن من أهم العوامل اللي بتختاري بناءً عليها هي المقاس، لإنه يتأثر بعمر الطفل وطوله، فممكن المقاسات تتقسم بحسب الفئة العمرية أو الصف الدراسي، ودلوقتي هنقولك على أهم الطرق اللي تختاري بيها  المقاس المناسب لطفلك.

1- مقاسات طفلك

استخدمي المتر عشان تاخدي مقاسات طفلك واضمنيله شنطة ظهر صحية، أول حاجة قيسي المسافة اللي بين آخر رقبة الطفل ونهاية ظهره؛ عشان تعرفي الطول المناسب ليه، وبعدين قيسي عرض الصدر عشان تكون مناسبة ليه وماتضغطش على قفصه الصدري أو تتعبله العمود الفقري.

احرصي إن قياسات شنط المدارس ماتزيدش كتير عن مقاس طفلك في كل المراحل الدراسية، وكل سنة اتطمني إنها مناسبة فممكن لو الشنطة حالتها جيدة يكمل بيها سنة كمان.

2- مقاسات شنط المدارس حسب سن الطفل

ممكن تتبعي الجداول الجاهزة لمقاسات الشنط عشان تعرفي الأنسب لمقاسات طفلك، زي الموضح في الجدول دا:

3- مقاسات شنط المدارس على حسب صف الطفل

بعض المحلات بتبيع الشنط على حسب الصفوف الدراسية يعني الحجم دا مناسب لابتدائي، ودا مناسب للدروس، ودي بناتي، ودي ولادي، وهكذا.

فممكن تتقسم على حسب المرحلة الدراسية زي:

1- شنطة مدرسة أطفال

يفضل يكون قياسات شنط المدارس للأطفال من عمر 3 سنوات وحتى 5 سنوات بحجم صغير مقاس 14، ودا بيعادل 27 – 28 سم ارتفاع، و15 سم عرض.

أما في مرحلة الـ KG يفضل تكبر عن مقاس دا لارتفاع 30 سم، وعرض 15 – 16.51 سم.

ومهم يكون عليها الرسوم الكرتونية المفضلة للطفل عشان تشجعه على الذهاب للحضانة، مع مراعاة إن حجمها هيناسب وضع الألعاب والكتب المناسبة للطفل والطعام بداخلها.

 2- شنطة مدرسة للمرحلة الأساسية

أما في المرحلة الابتدائية لازم تكون الشنطة بألوان مميزة يحبها الطفل، ومراعاة اختيار الخامة المناسبة لتناسب الطفل في المرحلة الابتدائية من سن 6 سنوات وحتى 12 سنة، أما عن الحجم فعادةً بتكون شنط المرحلة دي بمقاس 16 أو 18، ودا بيعادل 31 – 38 سم ارتفاع، وعرض 17.78 – 20.32 سم.

وكمان سيبي للطفل حرية الاختيار ما بين الألوان المختلفة والشكل اللي يفضله.

3- شنط مدارس للمرحلة الإعدادية والثانوية

في المرحلة الإعدادية بيزيد حمل الكتب عن المرحلة الابتدائية؛ فممكن يتراوح مقاسات شنط المدارس للمراحل دي بين 38 – 48 سم ارتفاع، ومن 22 – 24 سم عرض.

4- شنط مدارس شبابي

بتختلف احتياجات الطفل تبعاً للمرحلة الدراسية، فبعد انتهاء المرحلة الابتدائية يلجأ لاختيار شنطة مدرسة مختلفة عن اللي قبلها وغالبًا هتكون بمقاس 20، ومش هيهتم بالألوان.

وهيحتاج تكون الشنطة عملية، فبيختار خامتها مناسبة، وفيها عدد من الفتحات لحمل الكتب والدفاتر والأقلام وغيرها من الاحتياجات الأساسية، وفي نفس الوقت متأثرش على الظهر والكتفين بالسلب.

وبكدا يكون لكل مرحلة عمرية مقاس شنطة مدرسة مختلفة، لإنها بتعتمد في المقام الأول على وزن وطول الطفل بحيث تنتهي الحقيبة عند الخصر، ويفضل يكون الظهر مبطنًا سواء بقطن أو إسفنج مناسب يمنع تشوه العمود الفقري.

أهمية اختيار مقاسات شنط المدارس الصحيحة

اختيارك لمقاس شنطة مدرسة مناسبة لطفلك بيفيده في أكتر من نقطة، زي:

1- تحمي ظهر طفلك

لما بتختاري شنطة مدرسة مش مناسبة لطفلك بتتوزع على جسمه بشكل غير صحيح، وبالتالي بيسبب ضغط على ظهر الطفل وممكن تسبب له مشاكل صحية لعموده الفقري، وممكن تسبب له ألم في كتفيه وحتى ممكن تأثر على قفصه الصدري.

2- بتحافظ على توازن طفلك

لما بيكون مقاسات شنط المدارس للأطفال مناسبة، بتقدري تحافظي على نسبة صحيحة ومناسبة بين حجم الطفل والشنطة، وبالتالي يقدر يشيلها بشكل متوازن من غير مشاكل وشكلها يكون لطيف مش كبير ولا صغير عليه.

3- بتوفر مساحة تناسب أغراض طفلك

بتختلف كمية مستلزمات المدرسة لكل صف دراسي عشان تناسب المرحلة العمرية للطفل، وبالتالي أصبحت الشنط المدرسية الجديدة متقسمة من الداخل بشكل مناسب لكمية المستلزمات وأنواعها.

أنواع الشنط المدرسية

بتتنوع الاختيارات المتاحة في الأسواق، واللي بيقدر من خلالها الطفل يختار شنطة مدرسة يحبها، ومن أبرز أنواعها:

1- شنطة مدرسة ظهر

تعد شنط الظهر من أفضل أنواع الشنط، وبتكون مقاسات شنط المدارس فيها مظبوطة لمختلف المراحل العمرية.

فيفضل اختيارها بشكل مناسب بحيث ما تسببش ضرر للظهر والرقبة، وتتميز بوجود شريطين عشان يتمكن الطفل من حملها على كتفيه، دا غير إنها متوفرة بأشكال مختلفة وخامات متنوعة بالأسواق.

2- شنطة مدرسة بعجل ترولي

أوقات بيفضل الطفل اختيار النوع دا من الشنط لإنها بتوفر عليه مهمة حملها، وبيعتمد على جرها، المهم إنك تتأكدي هنا إن حجم الحقيبة مناسبًا للطفل عشان ماتسببش أي ضرر لذراعيه.

3- شنطة مدرسة بكتف واحد

انتشرت مؤخرًا شنط مدارس شبابي بكتف واحد، ولكن يظهر عيبها بوضوح في عدم توازن الحمل، فيعتمد الثقل على ذراع واحد، ودا بيسبب أضرارًا للظهر والكتف نتيجة عدم التوزيع الجيد للثقل.

وبعد ما تعرفنا على أهم المعايير لاختيار شنطة مناسبة للطفل، ومقاسات شنط المدارس الصحيحة على حسب عمر الطفل، هتيجي مهمة الحفاظ عليها وتنظيفها باستمرار عشان تبان نظيفة وجديدة رغم استعمالها.

يمكنك الاطلاع على تشكيلة متنوعة من الشنط المدرسية من خلال ماركت دليل المدارس المصرية.

كيفية الحفاظ على الشنط المدرسية

تُستعمل شنطة المدرسة تقريبًا بشكل يومي وتحتاج لعناية وتنظيف بشكل دوري خصوصًا مع استخدام الأطفال، هنقدملك بعض النصائح اللي هتساعدك على الحفاظ على الشنط لفترة طويلة.

1. نظفي الشنط المدرسية قبل غسلها من بواقي الطعام أو قصاصات الورق وغيرها عن طريق خرطوم المكنسة الكهربائية لو كانت فيها حاجات صغيرة وكتيرة.
2. اغسلي الشنط المدرسية بشكل مستمر للتخلص من الروائح الكريهة والأتربة وبلاش تغسليها بالماء الساخن عشان الألوان ماتبقاش باهتة أو مطفية.
3. امنعي استخدام الكلور حتى لو كانت ألوان الشنطة فاتحة، وفي حالة وجود بقع فتقدري تنضفيها عن طريق غمس فرشاة أسنان قديمة في مزيل البقع، وفركها لفترة لحد ما تتشال.
4. أرسليها للمغسلة لو كانت الشنط مصنوعة من خامات متينة وغير مرنة ويصعب غسلها في المنزل للمحافظة عليها من التلف.
5. اتجنبي تجفيف الشنط المدرسية باستخدام مجفف أو أي سخونة عشان الأقمشة متتأثرش إذا كانت خفيفة أو ضعيفة وتتدمر.
6. اتركيها في الشمس لفترة مناسبة لإن دا هيساعد أكتر على محاربة البكتيريا والروائح الكريهة.
7. نبهي طفلك بعدم وضع حقيبته على الأرض في المدرسة عشان تفضل نضيفة، ويخصصلها مكان في غرفته.

وأخيرًا، مهتمك الأولى هي تقديم الراحة لطفلك وحمايته من أي ضرر، واختيار احتياجاته المدرسية بعناية واحدة من أهم مهامك؛ ودا من خلال اختيار مقاسات شنط المدارس بناءً على عمر طفلك، دا بجانب الاهتمام بجودة ومتانة الشنطة ومساعدة طفلك على اختيار لون مفضل ليه يحببه في الشنطة ويشجعه على الذهاب للمدرسة