التدريب المهني في مصر بيهدف لتوفير الأيدي العاملة الفنية الماهرة والمدربة، عشان تلبي احتياجات سوق العمل المحلي والإقليمي في مجال الصناعة الحالية والمستقبلية.
وبتعمل مراكز التدريب المهني في القاهرة وباقي محافظات مصر على تدريب وتخريج فئة مميزة من العمالة اللي تقدر تكون عصب الصناعة في مصر.
وفي المقال دا هنعرف يعني إيه مراكز تدريب مهني، وإيه هي الحرف المتنوعة المتاحة للتدريب فيها، وهنقولك على أشهر مراكز التدريب المهني في القاهرة، بعناوين وتليفونات كل مركز، وفي الآخر هنتكلم على شروط الالتحاق بأي مركز من مراكز التدريب المهني التابعة لمصلحة الكفاية الإنتاجية.
ما هي مراكز التدريب المهني؟
دي عبارة عن مجموعة من مراكز التدريب اللي بتسمح للطلاب والخريجين بالتسجيل في دورات متخصصة، بتتراوح مدتها بين 45 يوم إلى 6 شهور، وبتهدف بشكل أساسي لتطوير مهارات الشباب المشتركين، بما يتناسب مع متطلبات سوق العمل.
مراكز التدريب المهني في القاهرة وباقي المحافظات بتوفر مجموعة مختلفة من الحرف المتاحة للتدريب، زي:
- صيانة وإصلاح أجهزة التبريد والتكييف.
- أعمال البناء، والتشطيبات المتكاملة.
- أعمال بياض المحارة، والدهانات.
- صيانة وإصلاح الأجهزة المنزلية.
- تشكيل وتركيب حديد التسليح.
- أعمال اللحام بمختلف أنواعها.
- تركيب وصيانة أطباق الدش.
- أعمال التركيبات الكهربائية.
- أعمال الخرسانة المسلحة.
- تركيب البلاط والسيراميك.
- أعمال التركيبات الصحية.
- كشف أعطال السيارات.
- أعمال الفرم الخرسانية.
- ميكانيكا السيارات.
- الحقن الإلكتروني.
- لوحات الكنترول.
- ماكينات الـ CNC.
- أعمال الخراطة.
- أعمال النجارة.
- لف المواتير.
بتتنوع الحرف في المراكز عشان يقدر كل طالب فيها إنه يختار المهنة اللي تناسبه، وبتهتم المراكز بمساعدة المتدرب عشان يلاقي وظيفة بعد ما يخلص التدريب.
اقرأ أيضًا: أشهر 8 مدارس التعليم الفني.
أبرز مراكز التدريب المهني في القاهرة
بتنتشر مراكز التدريب المهني على مستوى مدينة القاهرة، ومن أشهرها:
1- مركز تدريب الشرابية “شهداء الكتيبة 103 صاعقة”
دا واحد من أكتر مراكز التدريب المهني في القاهرة اللي بيتميز بموقعه الفريد في قلب العاصمة، بالقرب من محطة سكك حديد مصر وخط المترو، وكمان المركز تابع لوزارة القوى العاملة، وبيشهد اهتمام كبير مؤخرًا، وتم تطوير معظم الورش اللي فيه علي أحدث نُظُم ومعدات التدريب.
والورش المتاحة كالتالي:
- تركيب وتشغيل الخلايا الشمسية.
- معمل اللغة الإنجليزية.
- صيانة الأجهزة المنزلية.
- صيانة أجهزة المحمول.
- صيانة أجهزة الحاسب.
- التفصيل والخياطة.
- ميكانيكا السيارات.
- التبريد والتكييف.
- اللحام.
عنوان المركز: 9 شارع مهمشة بالشرابية – بالقرب من مترو الأنفاق (محطة غمرة).
رقم التليفون: 02/22366764
2- مركز التدريب المهنى المتطور vtc
المركز تابع للنقابة العامة للعاملين بصناعات البناء والأخشاب، وهو من أكبر مراكز التدريب المهني في القاهرة، لإنه مبني على امتداد زهراء المعادي على مساحة 10 آلاف متر مربع.
بدأ تشغيله سنة 1998م، واتزود بأحدث المعدات، والأجهزة، وكل مقومات العملية التدريبية، ومستلزمات الدراسة النظرية.
وبيضم المركز قطاعين للتدريب، وهما:
- القطاع الصناعي لمهن (اللحام – الخراطة – التبريد – التكييف – الأجهزة المنزلية).
- قطاع التشييد والبناء (بكل تخصصاته).
عنوان المركز: آخر زهراء المعادي – بجوار مرور المعادي المؤقت وشركة أوراسكوم.
3- مركز معادن شبرا الخيمة
المركز تابع لمصلحة الكفاية الانتاجية والتدريب المهني، وبيضم عدد من المهن المتاحة للتدريب، زي:
- تمديدات شبكات المواسير الصناعية والصحية.
- أعمال الصاج والأثاث المعدني.
- أشغال الحديد الزخرفي.
- برادة الاسطمبات.
- سباكة المعادن.
- خراطة المعادن.
- البرادة العامة.
- لحام المعادن.
- الألوميتال.
عنوان المركز: أرض الفرنواني – بهتيم – شبرا الخيمة.
رقم التليفون: 01156282311
4- مراكز 6 أكتوبر للتدريب المهني
واحد من أفضل وأشهر مراكز التدريب المهني في القاهرة، تابع لوزارة العمل المصرية، وتم إنشائه سنة 1997م.
المركز ليه 4 فروع في: (الهرم – شبرا – طنطا – بنها)، وبيضم مهن متنوعة كالتالي:
- تكنولوجيا المعلومات.
- مساحة وإنشاءات.
- صحافة وإعلام.
- سياحة وفنادق.
- خدمات بترولية.
- خدمات صحية.
- إدارة الأعمال.
- تشييد وبناء.
العناوين:
- الفرع الرئيسي بالهرم: 232 ش الهرم – محطة شارع ضياء – بجوار مطعم بازوكا.
- فرع شبرا: شارع 15 مايو (الشارع الجديد) – بجوار مسجد أبو الهنا.
- فرع طنطا: ش نايف عماد – بجوار مدرسة طنطا مودرن سكول.
- فرع بنها: كورنيش النيل الڤلل – ش 2 بجوار استراحة المحافظ.
الخط الساخن: 02/42242224
5- مركز صيانة السيارات الكوري
المركز دا اتبنى في إطار التعاون بين حكومة مصر وحكومة كوريا، لإعداد عمالة فنية ماهرة في مجال صيانة السيارات، وهو أحد مراكز التدريب المهني في القاهرة اللي بتتبع مصلحة الكفاية الإنتاجية.
وتم إعداد البرامج التدريبية الخاصة بيه بواسطة مجموعة من الخبراء الكوريين، والخبراء المصريين العاملين بالمصلحة.
وبيشمل المركز قسمين أساسيين:
- قسم إصلاح ودهان هياكل السيارات.
- قسم صيانة السيارات.
العنوان: شبرا البلد – بجوار مطاحن شمال القاهرة – أمام كلية الزراعة – جامعة عين شمس.
التليفون: 02/4441034
6- مركز طرة الأسمنت للتدريب المهني
المركز للذكور فقط، وتابع لمصلحة الكفاية الإنتاجية والتدريب المهني، وبيضم مجموعة من المهن المتاحة للتدريب، زي:
- ماكينات الورش (التفريز والقشط والتجليخ).
- الكهرباء الصناعية.
- الملابس الجاهزة.
- خراطة المعادن.
- لحام المعادن.
- الألوميتال.
العنوان: أمام محطة طرة الأسمنت – حلوان.
7- مركز الآلات الدقيقة بدار السلام
واحد من أكتر مراكز التدريب المهني في القاهرة اللي بيتميز بتدريب الطلبة على مهن صيانة الأجهزة الإلكترونية الدقيقة، وبيضم مجموعة من الورش المختلفة، ومن أهمها:
- تمديدات شبكات المواسير الصناعية والصحية.
- صيانة وإصلاح الأجهزة المكتبية الإلكترونية.
- صيانة وإصلاح الحاسبات والشبكات.
- صيانة وإصلاح النظم الكهربية.
- أعمال الصاج والأثاث المعدني.
- أعمال ماكينات الـ CNC.
- الصيانة الميكانيكية.
- إلكترونيات صناعية.
- الملابس الجاهزة.
- لحام المعادن.
- الألوميتال.
- تحكم آلي.
العنوان: أول الطريق الزراعي – أمام جراج أثر النبي – دار السلام.
8- مركز طباعة إمبابة
واحد من المراكز المتميزة في الأعمال المطبعية بالأخص، بيتبع لمصلحة الكفاية الإنتاجية، وبيضم مجموعة من الدورات المختلفة المتاحة للتدريب، زي:
- الأسس الفنية لتجهيزات طباعة الأوفسيت.
- صيانة وإصلاح الحاسبات والشبكات.
- تحضير وطباعة الأوفسيت.
- التجليد والتشطيب.
- الملابس الجاهزة.
العنوان: شارع النيل – بجوار المطابع الأميرية – الجيزة.
رقم التليفون: 02/33148500
اقرأ أيضًا عن: مدارس الفصل الواحد في مصر
شروط الالتحاق بمراكز التدريب المهني في القاهرة
مصلحة الكفاية الإنتاجية والتدريب المهني الموكلة من وزارة التجارة والصناعة لتنفيذ التدريب المهني بتضع مجموعة من الشروط اللي لازم تتوافر في الطلبة اللي عاوزين يقدموا في أي مركز تابع للمصلحة، وهي كالتالي:
- حصول الطالب على شهادة الإعدادية العامة أو الأزهرية للعام (2023-2024) أو العام السابق (2202-2023).
- أن تكون اللغة الأجنبية الأولى للطالب في المرحلة الإعدادية هي اللغة الإنجليزية.
- تسليم المستندات اللي بيطلبها المركز، عشان يتسجل الطالب ويعرف تخصصه.
- الحصول على درجات أعلى من تنسيق درجات القبول المطلوبة لكل مركز.
- أن يكون الطالب من أبناء المنطقة السكنية المحيطة بالمركز (يُفضل ذلك).
- ألا يزيد عمر الطالب أو الطالبة عن 18 سنة بحلول 1 أكتوبر 2024.
- سداد المصروفات الدراسية المقررة، مع إعفاء للأطفال الأيتام.
- اجتياز اختبار القدرات والكشف الطبي.
والمصروفات الدراسية بتكون:
- الصف الأول: 126.5 جنيه.
- الصف التاني: 121.5 جنيه.
- الصف الثالث: 109.75 جنيه.
- الوافدين لأي صف: 500 جنيه.
طبعًا الشروط دي ممكن يتغير فيها بعض التفاصيل الصغيرة الخاصة بكل مركز، خصوصًا لو بيتبع لأي جهة تانية غير المصلحة.
وأخيرًا، مراكز التدريب المهني في القاهرة بتقدم خدمة مميزة للمهن الصناعية والتجارية في مصر، وهدفها الأساسي هو تطوير الأيدي العاملة، ورفع مستواها بما يناسب سوق العمل المحلي، والعالمي، ويقدر الطالب أو ولي الأمر يقدم فيهاوفقاً لشروط الالتحاق الخاصة بكل مركز.
أضف تعليق