هل لاحظتِ مؤخراً طفلكِ بيشتكي من آلام متكررة في بطنه؟ أو حكة مزعجة بتزيد بالليل؟
ممكن تكون الديدان المعوية هي السبب الخفي وراء الأعراض دي؛ وبتزيد عدوى الديدان أكتر في المدارس والحضانات، ولكن قبل اللجوء للأدوية الكيميائية، ليه ما تجربيش الأول الحلول الطبيعية الآمنة المتوفرة في بيتك؟
بداية من الثوم اللي يعتبر مضاد حيوي طبيعي للبكتيريا والفطريات لبذور القرع الغنية بالمركبات الفعالة.
هنقدملك خلال المقال دا دليل شامل عن أفضل الوصفات المجربة لعلاج الديدان عند الأطفال بالأعشاب، وهنستعرض طرق التحضير البسيطة، بالإضافة لبعض النصائح للوقاية.
ما هي الديدان الدبوسية عند الأطفال؟
الديدان الدبوسية هي نوع شائع من العدوى الطفيلية، وخصوصًا عند الأطفال اللي في سن المدرسة. الأطفال في السن دا بيكون عندهم عادة نظافة أقل لليدين، وكمان بيحبوا يتشاركوا الألعاب مع أصحابهم في المدرسة، ودا بيزود من خطر إصابتهم بالعدوى.
اللي بيحصل إن الأطفال ممكن يبلعوا بيض الديدان الدبوسية من غير ما يحسوا، وبعد ما يدخل البيض جسمهم، يبدأ يتكاثر حوالين منطقة الشرج. ودا بيخلي الطفل يعاني من حكة شديدة في المنطقة دي.
ومهم جداََ تعرفي إن مش كل الأطفال بيظهر عليهم الأعراض، لكن لو طفل واحد في البيت اتصاب، لازم كل أفراد الأسرة ياخدوا العلاج أو تستخدمي طرق علاج الديدان عند الأطفال بالأعشاب لإنها آمنة وغير مكلفة.
أسباب الديدان المعوية – إزاي بتدخل الأمعاء؟
الديدان المعوية ممكن تدخل جسم الإنسان بطرق مختلفة، وأكتر طريقة شائعة هي إن الطفل يبلع البيض بتاع الديدان بطريقة غير مباشرة. وهنا بعض الأسباب اللي ممكن تخلي الديدان تدخل الأمعاء:
- تناول اللحوم النيئة أو غير المطهوة كويس من حيوان مصاب بالديدان.
- سوء النظافة الشخصية وعدم الاهتمام بالنظافة البيئية.
- التلوث نتيجة التعامل مع البراز أو التربة الملوثة.
- شرب ماء ملوث.
ولو الديدان دخلت الجسم، هتبدأ تتحرك لحد ما توصل الأمعاء، وهناك تبدأ تتكاثر وتنمو. ولما تبدأ في الزيادة، تبدأ تظهر الأعراض على الطفل.
فلو عايزة تحمي طفلك من الديدان أو تساعديه في التخلص منها بطريقة طبيعية وآمنة، علاج الديدان عند الأطفال بالأعشاب هو الحل المثالي.
ومع إن الديدان دي مش حاجة نادرة، إلا إنها بتكون مشكلة صحية كبيرة في الأماكن اللي فيها ضعف في النظافة. وفيه فئات من الناس معرضة للإصابة أكتر عن غيرها، زي:
- الناس اللي عندهم ضعف في جهاز المناعة وخاصةََ الأطفال.
- الناس المصابين بفيروس نقص المناعة البشري (HIV).
- كبار السن.
ما هي أعراض الديدان عند الأطفال؟
فيه شوية علامات لو لاحظتيها على ابنك أو بنتك، فاحتمال كبير يكون عندهم ديدان. منها:
- حكة أو احمرار حوالين المنطقة الحساسة عند البنات، ودا لأن فتحة الشرج قريبة جدًا من المهبل، فالديدان بتوصل بسهولة وتحط بيضها هناك.
- النوم غير مستقر بيصحوا كتير، يجزّوا على سنانهم، يحلموا بكوابيس، أو حتى يعملوا بول من غير ما يحسّوا.
- حكة في المؤخرة، وخصوصًا بعد ما يناموا بساعتين تلاتة، لأن دا الوقت اللي الديدان بتنشط فيه.
- تغيُر في السلوك؛ فبتلاقيهم متنرفزين من غير سبب أو مزاجهم مش ثابت.
- ضعف الشهية بتقل فجأة من غير تفسير.
- ألم وانتفاخ البطن والشعور بالغثيان.
- الإرهاق.
وعلشان يكون علاج الديدان عند الأطفال بالأعشاب فعال لازم كمان نهتم بصحة الأمعاء، لأن توازن البكتيريا المفيدة في بطنهم هو خط الدفاع الأول ضد الديدان ودا تقدري توصليله من خلال التغذية السليمة والنوم المبكر والنظافة الشخصية.
اتعرفي على: 9 أفكار لانش بوكس سهلة للحضانة والمدرسة.
إزاي بتنتشر الديدان عند الأطفال؟
ناس كتير فاكرة إن الديدان بتيجي من الحيوانات الأليفة، بس الحقيقة إن دا مش صح؛ اللي بيسبب العدوى هو التلامس بين البشر، وخصوصًا الأطفال في المدارس أو الحضانة، واللي بيحصل ببساطة:
1- الديدان بتحط بيض حوالين فتحة الشرج، ودا بيخلّي الطفل يحك في المنطقة دي.
2- البيض بيدخل تحت ضوافره، وبعدها بسهولة جدًا بيرجع يدخل جسمه تاني لما يحط صباعه في فمه أو ينقل البيض لأي سطح حواليه، وطفل تاني يلمسه، وتبدأ الدورة من الأول.
3- البيض كمان ممكن يفضل عايش على الأسطح أو الملايات أو حتى في الجو لحد 3 أسابيع، ودا بيخلّي العدوى بالديدان تنتشر بسهولة جدًا وسط الأطفال، خصوصًا في الأماكن اللي بيقضوا فيها وقت كبير مع بعض، زي المدرسة أو البيت.
4- الديدان مش بس بتدخل الجهاز الهضمي إلا في حالات نادرة ممكن توصل للأنف، الأذن، المهبل أو حتى الغدد اللعابية، ودا بيخلي الاعتماد على العلاج التقليدي بس مش كفاية.
علشان كدا بننصح دايمًا الأمهات يجربوا علاج الديدان عند الأطفال بالأعشاب، لأنه بيساعد على تنظيف الجسم كله مش بس البطن، وبيشتغل بشكل طبيعي من غير أي آثار جانبية.
أهم الوصفات الطبيعية لعلاج الديدان عند الأطفال بالأعشاب
الأعشاب واحدة من أهم طرق العلاج لعدد كبير من الأمراض، ومن ضمن الأعشاب اللي أثبتت فعالية كبيرة ضد الديدان، هي:
1. الثوم
الثوم من أقدم العلاجات الطبيعية المتاحة في كل بيت، ودا لأنه يعد من أقوى المضادات للطفيليات. فيه مادة الكبريت اللي بتقتل الديدان، ودا بيخليها تحارب الميكروبات في جسم طفلكِ بشكل فعّال، جربي الوصفات دي:
- خلي ابنك ياكل 2-3 فصوص من الثوم النيء على معدة فاضية يوميًا لمدة أسبوع.
- إغلي من 2-3 فصوص ثوم مهروسة في نص كوب من الحليب، وقديميه للطفل يوميًا لمدة أسبوع.
لو عندك مشكلة في حكة منطقة الشرج بسبب الديدان، جربي تعملي عجينة من الثوم النيء، واخلطيها مع الفازلين وضعيها على المنطقة الحساسة. بس خلي بالك لو جلد طفلك حساس أو فيه التهاب، الأفضل ما تستخدميهاش.
2. البابايا
البابايا مش بس فاكهة لذيذة، لكن كمان واحدة من العلاجات القديمة للديدان؛ ودا لاحتوائها على إنزيم اسمه “باباين” بيساعد على تدمير الديدان المعوية.
دا بالإضافة إن بذور البابايا فيها مادة “كاريسين” اللي بتساعد على طرد الديدان الأسطوانية؛ فممكن تستخدمي البابايا لعلاج الديدان عند الأطفال بالأعشاب، من خلال الوصفات دي:
- اطحني بذور البابايا وضيفي ملعقة صغيرة منها على كوب ماء أو حليب، وأدي طفلك المزيج دا يوميًا على معدة فارغة لمدة 3 أيام.
- امزجي ملعقة كبيرة من عصير البابايا مع ملعقة كبيرة عسل في 3-4 ملاعق حليب دافئ أو ماء. خلي ابنك ياخدها يوميًا على معدة فارغة لمدة 3 أيام.
ولو عاوزة تحضري مشروب منقوع، خذي 15 جرام أوراق بابايا مجففة وضيفي ليهم 250 مل ماء مغلية. صفي المشروب وضيفي عسل، وشربيه لطفلك على معدة فارغة يوميًا لمدة 3-4 أيام.
3. جوز الهند
جوز الهند مش بس لذيذ في العصائر، لكن كمان ليه فوائد كبيرة في علاج الديدان عند الأطفال بالأعشاب. جوز الهند قوي جدًا في طرد الديدان، خصوصًا الديدان الدبوسية.
جربي الطرق دي:
- خلي ابنك ياخد ملعقة كبيرة من جوز الهند المبشور يوميًا على الفطار لمدة أسبوع.
- قدمي له من 4 لـ 6 ملاعق صغيرة من زيت جوز الهند البكر الممتاز يوميًا، صباحًا، لمدة أسبوع. الزيت دا يحتوي على الدهون الثلاثية اللي بتطرد الديدان وتقوي مناعة الطفل.
4. الجزر
الجزر مش بس خضار صحي، دا كمان بيساعد في التخلص من الديدان الدبوسية بفضل فيتامين أ اللي فيه. جربي الوصفة دي:
قدمي لطفلك كوب من الجزر المبشور الطازج كل صباح على معدة فارغة لمدة أسبوع. خلي بالك، ما تقدميش له أي طعام تاني مع الجزر علشان الوصفة تكون فعّالة.
ولو طفلك مش بيحب الجزر المبشور، ممكن تعملي له عصير جزر طازج وتقدميه له.
5. بذور اليقطين
واحد من أشهر طرق علاج الديدان عند الأطفال بالأعشاب هو بذور اليقطين ودا لاحتوائها على مادة اسمها الكوكوربيتاسين، وهي مضادة للطفيليات وبتشل حركة الديدان، وبالتالي بتساعد الجسم يطردها. وتقدري تجربيها من خلال الوصفات دي:
امزجي ملعقة كبيرة من بذور اليقطين المحمصة والمطحونة مع ملعقة كبيرة من العسل. قدميها لطفلك على الريق، بعدين خلي طفلك ياكل أطعمة مليّنة زي البابايا أو الكيوي أو الموز عشان يساعدوا في طرد الديدان.
لو طفلك مش بيحب بذور اليقطين لوحدها، ممكن تخلطيهم مع عصير فواكه وتقدميه له على الإفطار.
6. بذور الكراوية
تحتوي بذور الكراوية على مادة الثيمول اللي تعتبر من أفضل العلاجات لطرد الديدان المعوية. وتقدري تستخدميها كعلاج الديدان عند الأطفال بالأعشاب، بالطرق دي:
- قدمي لطفلك ملعقة كبيرة من الجاكري المبشور على معدة فارغة، بعد كدا انتظري 15-20 دقيقة.
- أعطيه ربع إلى نصف ملعقة صغيرة من بذور الكراوية المطحونة مع كوب ماء، كرري دا يوميًا لمدة أسبوعين.
الجاكري هو مُحلى تقليدي من قصب السكر أو عصارة النخيل ولكن بيكون معرض لعمليات معالجة أقل وبيحتوي على فيتامينات كتير ومفيد جداََ، تقدري تلاقيه في محلات العطارة الكبيرة.
7. الكركم
يعد الكركم من أفضل الطرق لعلاج الديدان عند الأطفال بالأعشاب بفضل خصائصه الطاردة للطفيليات. تقدري:
تقدمي لطفلك كوب من الماء الدافئ أو اللبن الرائب مع ملعقة صغيرة من مسحوق الكركم.
وكرري دا يوميًا لمدة 5-7 أيام علشان تخلصي جسمه من الديدان.
8. القرنفل
القرنفل مش بس مطهر طبيعي، لكن كمان بيملك خصائص مضادة للطفيليات. ولزيادة فعاليته في طرد الديدان:
ضيفي ملعقة صغيرة من القرنفل المطحون إلى كوب ماء سخنة واتركيه لمدة 15-20 دقيقة، وخلي طفلك يشرب المزيج دا 3 مرات في الأسبوع.
9. النيم
النيم أو “الليلك الهندي” هو علاج قوي للطفيليات، ودا لأنه بيخلص الجسم من الديدان. جربي الطرق دي:
- اخلطي مسحوق أوراق النيم مع العسل والحليب الدافئ واديه لطفلك مرتين في الأسبوع.
- قومي بتحميص أوراق النيم في السمن (الزبدة المصفاة) وقدميها مع الأرز.
- اعملي عجينة من أوراق النيم، ضيفي نصف ملعقة صغيرة منها إلى ماء دافئ، وقدميها لطفلك يوميًا على معدة فارغة لمدة أسبوع.
10. الرمان
الرمان فعال في طرد الديدان من الجسم بفضل خصائصه الطاردة للطفيليات. جربي الوصفات دي:
اغلي قطعة من لحاء الرمان في كوب ماء، واغليها لحد ما يقل حجم الماء لنص الكوب. بعد ما تبرد، قدميها لطفلك 3 مرات يوميًا بفاصل ساعتين بين الجرعات.
كمان لو طفلك أكل فاكهة الرمان أو شرب عصيرها، دا هيساعده في الوقاية من الديدان المعوية.
دواء الديدان للأطفال – العلاج الطبي الفعّال
بتتوفر أدوية كمان لعلاج الديدان؛ فممكن تستخدميها لضمان الفعالية لإنها بتكون أسرع، زي المبيندازول والبيندازول وبيرانتيل باموت أثبتت فاعليتها في علاج الديدان المعوية لدى الأطفال.
والعلاج بيكون إما شراب أو أقراص فموية حسب عمر الطفل، وبيتم تقسيم الجرعة على مرتين:
- الجرعة الأولى.
- الجرعة الثانية بعد أسبوعين.
الهدف من العلاج هو القضاء التام على الديدان وبيضها، لأن عمر الديدان ممكن يمتد لحد 3 أسابيع. وعلشان تمنعي تكرار العدوى داخل الأسرة، من الأفضل علاج جميع أفراد العائلة في نفس الوقت.
لكن مع العلاج الطبي، فيه خيارات طبيعية ممكن تساعد زي علاج الديدان عند الأطفال بالأعشاب.
اتعرفي على: اضطرابات الأكل عند الأطفال: إزاي تكتشفها وتساعد ابنك يتغلب عليها؟
هل في فوائد للديدان عند الأطفال؟
في بعض الأبحاث بتثبت إن وجود الديدان عند الأطفال ممكن يكون ليه جوانب مش كلها ضرر لكن في حالة النسب القليلة، ومنها:
1- دراسة اتنشرت على موقع NIH بتثبت إن الديدان ممكن تخلي مناعة الطفل متوازنة أكتر، وبتقلل احتمالية إصابته بأمراض مناعة ذاتية.
2- دراسة تانية على موقع NIH بتثبت إن وجود الديدان بيقلل الحساسية وأمراض زي الإكزيما على المدى القصير.
3- دراسة كمان على موقع Taylor and Francis أثبتت إن بكتيريا البطن عند الأطفال اللي عندهم ديدان بتبقى متنوعة أكتر، ودا مفيد لصحة المناعة والبطن.
4- دراسة اتنشرت على موقع Sciencedaily وجدوا إن الديدان بتفرز مواد بتقلل التهابات الأمعاء، وبتزود مواد طبيعية بتحمي البطن.
لكن طبعًا الكلام دا مش معناه إننا نسيب الديدان تكمل في جسم الطفل؛ لأن الضرر على المدى الطويل بيكون أكبر، علشان كدا مهم جدًا نلجأ لحل آمن وفعال زي علاج الديدان عند الأطفال بالأعشاب، لأنه بينضف الجسم بشكل طبيعي وبلُطف، وكمان بيدعم المناعة والبكتيريا النافعة في البطن.
اتعرفي على: علاج البلغم عند الأطفال بالأعشاب. علاج البلغم عند الأطفال بالأعشاب.
كيف تحمي طفلك من الديدان المتكررة؟
مهم تعرفي إن علاج الديدان عند الأطفال بالأعشاب مش كفاية لو عاوزة تمنعي تكرار الإصابة. اللي بيساعدك أكتر هو الوقاية، وفيه شوية نصائح بسيطة لو عملتيها هتحمي طفلك من العدوى مرة تانية:
- خلي ابنك يستحمى كل يوم خصوصًا الصبح، وركزي على غسل المنطقة الحساسة كويس. بكدا تضمني إن مافيش بيض متبقي على جسمه.
- غيري الملايات، البيجامات، والملابس الداخلية بانتظام، واغسليهم بماء ساخن علشان تقتل أي بيض ممكن يكون عايش عليها.
- امسحي كل الحاجات اللي الطفل بيستخدمها بإيده، زي مفاتيح الإضاءة، الحنفيات، ومقابض الأبواب بماء ساخن وقطعة قماش.
- اتأكدي من علاج كل أفراد الأسرة علشان ما يحصلش تكرار للعدوى لو كان في طفل واحد بس عنده أعراض.
- جربي علاج الديدان عند الأطفال بالأعشاب كوسيلة طبيعية، لأنها بتساعد على تنظيف الجسم وتقوية المناعة بشكل فعال وآمن.
- خلي طفلك يغسل إيديه بالصابون والماء بشكل منتظم، خصوصًا بعد ما يصحى من النوم أو بعد الحمام.
- قصّي ضوافره كويس علشان البيض مايفضلش تحت الأظافر.
في النهاية، الديدان عند الأطفال مش حاجة صعبة نقدر نتعامل معاها لو بدأنا العلاج بسرعة واتبعنا خطوات الوقاية. العلاج الطبي مهم ومؤثر، لكن كمان علاج الديدان عند الأطفال بالأعشاب بيعتبر من الحلول الطبيعية الفعّالة والآمنة.
والأعشاب زي الثوم و جوز الهند و البابايا مش بس بتساعد في التخلص من الديدان، كمان بتدعم جهاز المناعة وبتنظف الأمعاء من أي سموم بطريقة لطيفة.
وبتتميز الأعشاب بأنها آمنة للاستخدام ومش بتسبب آثار جانبية زي الأدوية التقليدية، خصوصًا لو استخدمناها بشكل منتظم مع الحفاظ على النظافة الشخصية.
المصادر
A HOLISTIC APPROACH TO TREATING WORMS IN KIDS
10 Effective Home Remedies For Worm Infections In Toddlers
أضف تعليق