الفرق بين نظام IB و IG

مع بداية دخول الأطفال لسن المدارس بيبدأ ولي الأمر يحتار ايه أفضل نوع مدرسة يدخل فيه ابنه أو بنته، وايه النظام اللي هيمشي عليه في مرحلة الثانوي عشان يضمن له مستقبل أفضل عن طريق تعليمه بشكل أفضل.

في المقال هنتعرف على الفرق بين نظام IB و IG اللي كتير من أولياء الأمور مهتمين بيهم وبيفكروا في إلحاق أولادهم بيهم.

ما هو نظام الـ IGCSE؟

الـ IGCES هو اختصار لـ International General Certificate for Secondary Education

وهي عبارة عن شهادة دولية عامة للمرحلة الثانوي بيدرسها الطالب باللغة الإنجليزية، وهي تحت إشراف جامعة كامبريدج في بريطانيا.

ويقدر الطالب يدرس فيها من سن 5 سنوات حتى سن 16 سنة.

بيعتمد نظام الـ IGCES على دراسة مواد منفصلة وبعدين الطالب بيمتحن فيها في نهاية السنة عشان يقيس مدى معرفته وتمكنه من المواد اللي درسها وبيحصل علىIG   في كل مادة بشكل منفصل، وبتخضع الامتحانات دي لإشراف ورقابة من المجلس الثقافي البريطاني.

النظام بيقدم مجموعة واسعة وكبيرة من المواد والمجالات المختلفة زي اللغات والعلوم والرياضيات وغيرهم اللي يقدر الطالب يتوسع فيها ويكمل بعدين في المجال اللي بيتمناه.

ما هو نظام البكالوريا الدولية IB؟

نظام الـ IB  هو اختصار لـ International Baccalaureate واللي بدأت من جنيف في سويسرا وحتى الآن هي مقر أساسي ليها وانتشرت في جميع أنحاء العالم وهو نظام بيشمل جميع المراحل العمرية بداية من سن الـ 3 سنوات حتى سن 19 سنة ودا من أهم الفرق بين نظام IB و IG لأنه بيقدم 4 برامج مختلفة على حسب الفئة العمرية

1.  برنامج  Primary Years Programme (PYP)  من سن 3 سنوات حتى سن 12 سنة.
2. برنامج Middle Years Programme  (MYP) من سن 11 سنة حتى سن 16 سنة.
3. برنامج (IB) Diploma Programme (DP) من سن 16 سنة حتى سن 19 سنة.
4. بالإضافة إلى برنامج مرتبط بمجال الطالب ومسيرته المهنية من سن 16 سنة حتى سن 19 سنة.

الفرق بين نظام IB و IG في إن نظام الـ IB بيتيح  لطالب الدراسة باللغة اللي يفضلها سواء الإنجليزية أو الفرنسية أو الأسبانية أو الألمانية.

في نهاية كل برنامج بيكون في امتحانات كتابية عشان يتم تقييم الطالب، والمقياس الأساسي بيكون من ١ كحد أدنى و ٧ كحد أعلى، بالإضافة إلى إن الطالب طول فترة الدراسة بيكون مطلوب منه كمان أبحاث وبيشارك في نشاطات مختلفة سواء فنية أو رياضية أو نشاط تطوعي.

كل اللي بيقدمه الطالب من أبحاث وواجبات أو امتحانات بيتم تصحيحها من خلال مصححين من البكالوريا الدولية بنفسها.

الفرق بين نظام IB و IG من حيث المواد:

مواد نظام الـ IG

الفرق بين نظام IB و IG من حيث المواد حيث إن كل مادة من مواد نظام الـ IG بيحصل فيها الطالب على مؤهل IG بشكل منفصل، وبتنقسم المواد في النظام إلى:

١- لغة أولى: وهي اللغة الإنجليزية.

٢- لغة تانية: وبيختار الطالب ما بين الفرنسي أو الألماني أو الإيطالي.

٣-الرياضيات وممكن يستبدلها بـ محاسبة أو اقتصاد أو إدارة أعمال لو مش حابب يدرس الرياضيات.

٤- مادة أو أكتر من المواد العلمية أو الأدبية.

وبيعتمد التعليم فيه على 3 مستويات وهم:

1. مستوى عادي  Ordinary level: بيدرس الطالب فيه المواد الأساسية قبل ما يختار المجال اللي هيكمل فيه.
2. مستوى متقدم  Advanced level : بيبدأ الطالب يحدد المواد اللي ليها علاقة بالمجال اللي هيكمل فيه دراسته كلها.
3. مستوى تكميلي Advanced subsidiary : بيدرس الطالب أساسيات متعلقة بمجال كليته اللي حابب يدخلها.
   والمستويات دي من أهم عوامل الفرق بين نظام IB و IG.

مواد نظام الـ IB

الفرق بين نظام IB وIG كبير من حيث المواد، مواد نظام الـ IB عبارة عن ٦ مواد أساسية  وهي مواد التخصص على حسب المجالي اللي حابب الطالب يكمل فيه، وبيختار المواد دي سواء مجال علمي أو أدبي، بالإضافة إلى الـ CAS وهي اختصار لـ (Creativity, action, service) وهي عبارة عن نشاطات مش بتأثر على مجموعه النهائي لكنه ملزم بيها مع الأبحاث والمقال اللي بيكتبه مع  الـTOK واللي بيكون دورها تنمية مهارات التفكير بأنواعه والإبداع عند الطالب، بالإضافة إن الطالب بيمتحن مع المدارس الحكومية بعض المواد زي اللغة العربية والتربية الدينية والتربية القومية.

بتنقسم المواد لـ ٦ مجموعات متاح الطالب يختار منها:

الأولى: اللغة الأساسية وغالبًا بتكون اللغة الإنجليزية وآدابها .

الثانية: اللغات التانية سواء كانت اللغة الإيطالية أو الأسبانية أو الألمانية وغيرهم.

الثالثة: العلوم الإنسانية: علم النفس والتاريخ والجغرافيا وغيرها على حسب اختيار الطالب.

الرابعة: العلوم التطبيقة: الأحياء والكيمياء الأنظمة البيئية وغيرها.

الخامسة: الرياضيات.

السادسة: الفنون.
والمجموعات هي أهم الفرق بين نظام IB و IG.

الفرق بين نظام IB وIG من حيث المميزات

من أهم مميزات نظام الـ IG:

1- دراسة المنهج البريطاني بدون تحمل مشقة أو تكاليف السفر لبريطانيا.

2- نظام معتمد على مستوى العالم هيتيح لطالب الدراسة في أي جامعة في العالم.

3- الطالب بيحدد تخصصه اللي بيفضله من بدري وبالتالي هيقدر يتعمق فيه ويعرف عنه أكتر من صغره.

4- تنمية قدرات الطالب المختلفة سواء العقلية أو الشخصية ومهارات التفكير والتحليل وغيرها.

5- بيقدم مواد وتخصصات واسعة وكبيرة يقدر يختار الطالب من بينها اللي يناسب ميوله ودا عامل مهم في الفرق بين نظام IB و IG.

6- التركيز الأساسي على العلم والمعرفة والمهارات اللي يكتسبها الطالب أكتر من الدرجات والمجموع النهائي.

الفرق بين نظام IB وIG مش كبير جدا لأنهم الإتنين بيهتموا بتمنية مهارات الطالب وتأهيله للحياة الجامعية.

مميزات نظام الـ IB

1- بتخلي الطالب شخصية متعلمة مستقلة اعتماده في التعليم على نفسه بالدرجة الأولى.

2-  الطالب بيكتسب مهارات متنوعة ومختلفة سواء التفكير والتحليل والبحث أو التواصل.

3- هيتعلم الطالب قبل ما يدخل الجامعة ازاي يبحث بطريقة صحيحة ويكتب أبحاث علمية ومقالات الحاجة اللي محتاجها عشان يكمل مسيرته الجامعية وكمان الدراسات العليا بشكل صحيح وأسهل ليه.

4- الشهادة بتكون دولية ومعترف بيها في كل أنحاء العالم.

5-بيكون متاح لطالب إنه يدخل الجامعات الدولية مباشرة بدون أي امتحان، وكمان متاحة ليه دخول الجامعات الأعلى تصنيف في العالم بسهولة عن غيره من الطلاب ودا من أهم المفاضلات فيا لفرق بين نظام IB و IG.

الفرق بين نظام IB وIG من حيث العيوب

من أهم  عيوب نظام الـ IG

1- الطالب بيكون تحت ضغط كبير طول سنوات دراسته لإنه مع نهاية كل فصل بيأدي الامتحان وفي نهاية المرحلة بيتم جمع درجات الامتحانات دي كاملة.

2- اختيار التخصص على الرغم من إنه يعتبر ميزة، إلا إنه في نفس الوقت بيكون عيب لإن الطالب أحيانًا بيكون فاقد للمعرفة الكافية اللي على أساسها هيختار ويبني تخصصه واللي بيضطر الأهل أحيانًا لاختيار التخصص لأولادهم.

3- بيلغي النظام اللغة العربية تقريبًا واعتماده في أغلب المواد على الإنجليزي ولازم الطالب يكون متقن ليها بشكل كبير عشان يقدر ينجح ويتفوق، وبالتالي هيلاقي الطالب صعوبة في التواصل مع اللي حواليه والاعتزاز بهويته العربية، وهيلاقي صعوبة لما يدخل جامعة عربية بسبب اختلاف اللغات.

4- ولي الأمر مش بيلاقي معلمين متخصصين في تدريس نظام الـ IG بسهولة.
عيوب كل من النظامين بيظهر فيها بشكل واضح الفرق بين نظام IB و IG بسبب اختلاف نظام الدراسة بينهم..

عيوب نظام الـ IB

1- بيقعد الطالب يدرس مدة كبيرة جدًا نظام الثانوية بيكون عبارة عن سنتين في الوقت اللي فيه أنظمة تانية بتكون الثانوية ليها سنة واحدة بس.

2- بيفقد الطالب فرصة الاختيار الواسعة فهو محكوم بالمواد اللي متاح دراستها في المدرسة اللي قدم فيها.

3- الطالب بيكون ملزم بواجبات وأبحاث وأنشطة مختلفة بجانب الامتحانات الحاجة اللي زي ما ممكن تكون ميزة لكنها في نفس الوقت عيب وضغط على الطالب وبتستهلك منه وقت ومجهود كبير.

4- النسبة المتاحة لخريجين نظام الباكالوريا الدولية في الجامعات المصرية الحكومية هي 5٪ بس ودا تأكيد مهم على الفرق بين نظام IB و IG.

الخلاصة

أهم شيء قبل ما تعرف الفرق بين نظام IB و IG اعرف مهارات ابنك وقدراته، وايه الهدف اللي عاوز يحققه وعلى الأساس دا ابدأ اختار مع ابنك النظام اللي هيسهل عليه طريق تحقيق حلمه سواء كان نظام الـ IG  أو نظام الـ IB  أو حتى غيرهم من الأنظمة والمدارس المتاحة.

مدارس نظام الـ IG

تقدر تدوس عاللينك ده وتشوف كل مدارس الـ IG علي دليل المدارس المصرية.

مدارس نظام IB

ومن اللينك ده تقدر تشوف كل مدارس الـ IB على دليل المدارس المصرية