واحدة من أشهر المدارس اللي بتكون خيار متاح لكتير من الأهالي وهم بيختاروا مدرسة ابنهم هي مدرسة النيل المصرية، لكن رغم شهرتها الكبيرة إلا إن ظهر فيها بعض العيوب اللي بتؤثر بشكل كبير على قرار ولي الأمر.
في المقال ده هنتعرف على أبرز عيوب مدرسة النيل المصرية اللي لازم تحطها في اعتبارك قبل اختيار المدرسة دي لابنك، فتابع معنا.
ما هي مدرسة النيل المصرية؟
هي مدارس مصرية تأسست بغرض تقديم أول شهادة مصرية مصممة بمعايير دولية، ومعترف بيها في كل الجامعات المصرية وعدد من الجامعات العالمية، وهي مدارس بتهدف لتقديم خدمات تعليمية دولية بجودة عالية.
بيشرف على المدارس دي وحدة شهادة النيل الدولية بالشراكة مع هيئة الامتحانات الدولية بجامعة كامبريدج البريطانية، واللي بدورها بتقدم الإرشاد المهني والدعم الفني للمدارس دي، وبتتولى اعتماد شهاداتها من الخارج، بينما بتتولى وزارة التربية والتعليم اعتماد الشهادة محليًا، والمدرسة ليها 14 فرع في مختلف أنحاء الجمهورية.
اعرف أكثر عن المدرسة من خلال مقال: مصاريف مدارس النيل المصرية
فروع مدرسة النيل المصرية
تم إنشاء أول 5 فروع للمدرسة سنة 2010م وهما:
- مدرسة النيل المصرية بالعبور.
- مدرسة النيل المصرية بأكتوبر.
- مدرسة النيل المصرية ببورسعيد.
- مدرسة النيل المصرية بالمنيا.
- مدرسة النيل المصرية بقنا.
وعلى مدار السنين بعد كده تم إنشاء 9 فروع تانية في باقي المحافظات وهما:
- مدرسة النيل المصرية بدمياط الجديدة.
- مدرسة النيل المصرية بأسيوط الجديدة.
- مدرسة النيل المصرية بمدينة السادات.
- مدرسة النيل المصرية بالأقصر (طيبة).
- مدرسة النيل المصرية بأسوان الجديدة.
- مدرسة النيل المصرية بمدينة الشروق.
- مدرسة النيل المصرية بالياسمين (التجمع).
- مدرسة النيل المصرية بالأندلس (التجمع).
- مدرسة النيل المصرية بالشيخ زايد.
وبكده يكون عدد فروع المدرسة في سنة 2022 هما 14 فرع موزعين على محافظات مصر.
عيوب مدرسة النيل المصرية
في السنوات الأخيرة زادت عيوب مدرسة النيل المصرية، وبعض الأهالي اتقدمت بشكاوى منها اللي وصل لوزير التربية والتعليم، ومن المشاكل دي:
1- غلاء الزي المدرسي والمستلزمات الدراسية
بعض فروع مدارس النيل بقت تلزم الأهالي إنهم يشتروا الزي المدرسي واللوازم الدراسية من مكان معين، وكمان الزي المدرسي بقت أسعاره مبالغ فيها رغم وجوده في أماكن تانية بسعر أرخص، ودي حاجة بتخالف قرارات وزير التربية والتعليم، وبتخالف الشروط القديمة للمدرسة.
2- الخلافات بين الفروع القديمة والجديدة
بيظهر مؤخراً تجاهل من ناحية الفروع الجديدة في جزئية الحصول على نفس الشهادة المعتمدة من جامعة كامبريدج البريطانية زي ما بيحصل في الفروع القديمة، وده عمل تخوف كبير عند الأهالي على مصير أبنائهم اللي في الفروع الجديدة وخصوصاً اللي في المدارس الفنية.
3- قلة الرحلات الترفيهية
بنلاقي إن الفروع القديمة بتنظم العديد من الرحلات الترفيهية للطلاب من وقت للتاني، على عكس الفروع الجديدة اللي مش بتهتم بالنقطة دي.
4- زيادة المصاريف الدراسية
واحد من أهم عيوب مدرسة النيل المصرية في الفترة الأخيرة هو ارتفاع المصروفات الدراسية بشكل مبالغ فيه بنسبة من 20 لـ 30 % عن قبل كدا، رغم إن المدارس دي هي مشروع قومي بيسعى لتقديم نموذج تعليمي متميز عالي الجودة بمصروفات مدعمة، وبالتالي دا بيخالف لوائح المدرسة القديمة.
5- نقص المعلمين في المراحل الدراسية المختلفة
لاحظ الأهالي وجود نقص في عدد المعلمين، وقدموا دا في شكوى للوزير كأحد أهم عيوب مدرسة النيل المصرية، وطالبوا بتعيين مدرسين جداد عندهم كفاءة ومعتمدين من كامبريدج، وكمان طالبوا بإعادة تقييم المدرسين اللي اتعينوا في الفترات الأخيرة، لأن عدد كبير منهم غير مؤهل لنظام المدرسة.
6- فقدان التواصل المباشر مع أولياء الأمور
بيظهر كمان من عيوب مدرسة النيل المصرية انقطاع التواصل المباشر ما بين إدارة المدرسة وأولياء الأمور، الأمر اللي بيخلي في فجوة وعدم متابعة لمستوى الطلبة، وبيوصل لولي الأمر إحساس بانفصاله وبعده عن تعليم ابنه، وممكن يفقد فرص التحسين من مستوى الطالب.
7- عدم توفير موجهين للمواد
بيطالب أولياء الأمور بتوفير موجهين للمواد اللي بيتم تدريسها على مستوى الفروع، لأن عدم وجودهم بيأثر على سير الخطط الأكاديمية ودراسة المناهج كاملة، وممكن يحصل خلل، والطالب ما يستكملش المنهج بالشكل المطلوب، وبالتالي هيفقد جزء مهم من تعليمه.
8- لا تتناسب خطوط الباصات مع محل سكن الطلاب
من عيوب مدرسة النيل المصرية إن المدرسة مش بتوفر باصات بخطوط متنوعة، فالبالتالي الخطوط مش بتتناسب مع محل سكن كتير من الطلاب.
الأمر اللي بيخلق مشكلة لكثير من أولياء الأمور وبيحتاروا في طريقة توصيل أولادهم.
9- اشتراطات عديدة لدفع مصروفات مختلفة
بتشترط المدرسة دفع ألف جنية مقابل أنشطة مختلفة، بالإضافة لألف وخمسمائة مقابل استخدام موقع LMS التعليمي، ودا بيكلف الأهالي مصروفات زيادة غير مصروفات المدرسة والزي المدرسي ومصروفات الباصات الحاجة اللي بتكون مرهقة ليهم، وبتستنزفهم بشكل كبير.
10- عدم اتباع منهج جامعة كامبريدج بشكل كامل
على الرغم من إن نهج المدرسة قائم على مناهج كامبريدج إلا إن من عيوب مدرسة النيل المصرية اللي أزعجت الأهالي بشكل كبير عدم اتباع المدرسة للمنهج بشكل كامل، فـ مش كل أساليب وطرق التعليم بتطبق بل في جزء منها بيتم إغفاله.
11- ارتفاع قيمة مصروفات الاختبارات
بيواجه الأهالي كمان مشكلة في ارتفاع قيمة مصروفات الاختبارات بشكل مبالغ فيه، فمثلًا ممكن يوصل اختبار مادة في المستوى الثالث لـ 14 ألف جنيه تقريبًا، الحاجة اللي بتخلي أمر المصروفات بشكل عام من أبرز عيوب مدرسة النيل المصرية اللي بيعاني منها الأهالي.
أثارت عيوب مدرسة النيل المصرية اللي ذكرناها غضب أولياء الأمور وده اللي عبروا عنه في اجتماعهم مع الوزير السنة اللي فاتت، وطلبوا حل المشاكل دي في أسرع وقت ممكن.
هنا نكون عرضنا أبرز عيوب مدرسة النيل المصرية اللي ظهرت في الفترات الأخيرة، ودورك كولي أمر هو تقييم كل نقطة من العيوب دي، والموازنة بينها وبين المميزات عشان تقدر تاخد قرار صح.
أضف تعليق