برنامج السنوات المتوسطة للبكالوريا الدولية (MYP) IB

برنامج السنوات المتوسطة للبكالوريا الدولية

السفر لأكثر من دولة حول العالم بسبب طبيعة شغل ولي الأمر أو غيرها من الأسباب بيحتم نقل الطالب من مدرسة لأخرى، وفي كل مرة الطالب مش بيلحق يتكيف مع الوضع الجديد للدراسة، وبيواجه صعوبة في التعلم في بداية التحاقه بالمدرسة. 

عشان كدا تم تصميم نظام تعليمي موحد على مستوى العالم هدفه يساعد الطلبة دي على استكمال دراستهم بدون ما يكون في صعوبة، والنظام دا هو نظام البكالوريا الدولية. 

النظام بيختلف تمامًا عن الأنظمة التعليمية الأخرى؛ لإنه بيسعى إلى نشر بعض أفكار السلام، وتكوين عقلية دولية تساعد الطالب على فهم التطورات اللي بتحصل حواليه، والتكيف معاها، ودا بيتم خلال 4 برامج دراسية أهمهم برنامج السنوات المتوسطة للبكالوريا الدولية (MYP). 

في المقال دا هناخد جولة مع برامج البكالوريا الدولية، ونتعرف أكتر على برنامج السنوات المتوسطة (MYP) وأهميته.

ما هي برامج البكالوريا الدولية IB؟

رمز IB هو اختصار لـ International Baccalaureate، ودا اسم منظمة غير ربحية تم إنشاؤها في سويسرا، والمنظمة دي بتدعو إلى اكتساب التعليم من منظور عالمي.

بمعنى إن الطالب يكون واعي باللي بيحصل حواليه في البلاد التانية، ويفهم إن أي جزء صغير من العالم دا بيأثر فيه، وبيتأثر بيه. 

كمان المنظمة بتهتم إن الطالب يكون مُطَّلع على ثقافات الشعوب المختلفة، ويعرف عاداتهم وتقاليدهم ويتقبلها، عشان لما يسافر خارج مصر يقدر يتكيف مع العادات دي بدون ما تواجهه مشاكل في فهم العالم اللي حواليه. 

وبالفعل تم إنشاء مدارس بتطبق النظام دا في أكثر من 100 دولة حول العالم، ومصر من الدول دي. 

اعرف أكتر عن: مدارس البكالوريا الدولية في مصر.

برامج البكالوريا الدولية

البكالوريا الدولية مقسمة إلى 4 برامج مختلفة، والبرامج دي بيتم تطبيقها على الطلبة بداية من عمر 3 سنوات، وبتستمر معاه لحد ما يحصل على شهادة البكالوريا الدولية والبرامج دي هي: 

برنامج الـ PYP (Primary years programme) 

البرنامج بيبدأ من عمر 3 سنوات، والمناهج مصممة للإجابة عن الأسئلة اللي دايمًا الطفل بيسألها زي هو مين بالظبط، وبيعمل إيه في العالم .. إلخ. 

الطالب بيدرس في المرحلة دي مواد أساسية زي: الرياضيات، والعلوم، واللغة، وغيرهم، وكل درس من المواد دي بيكون هدفه تعزيز صفة معينة عند الطفل، والإجابة عن أسئلته. 

برنامج MYP (Middle years programme) 

البرنامج الثاني هو برنامج السنوات المتوسطة للبكالوريا الدولية، وبيبدأ من سن 11 إلى 16 سنة.

في البرنامج دا الطالب بيفهم نفسه كويس، وبيعرف هو بيمثل إيه بالنسبة للعالم. 

برنامج DP (Diploma programme) 

برنامج الـ DP بيبدأ بعد انتهاء برنامج السنوات المتوسطة (MYP)، وهدفه هو تأهيل الطالب لمرحلة التعليم الجامعي، ودا بيساعده على فهم نظام الدراسة في الجامعة، وبالتالي بيسهل عليه تفوقه فيها. 

برنامج وظيفي ومهني مرتبط بالمجال (Career related Programme) 

البرنامج الوظيفي هو آخر برنامج في الدبلومة الأمريكية، والطالب بيدخله عشان يؤهل نفسه للشغل، ويكون قادر يكتب سيرة ذاتية تساعده يتقبل في الوظائف. 

ولو هنرتب البرامج الأربعة دول من حيث الأهمية هنلاقي إن برنامج السنوات المتوسطة هو الأهم. 

أهمية برنامج السنوات المتوسطة للبكالوريا الدولية (MYP) 

البرنامج دا عبارة عن مرحلة تحضيرية لدراسة البكالوريا، والحصول على الشهادة المعتمدة، وبالتالي بيكون مهم لإعداد الطلبة للمرحلة الأخيرة من الدراسة في النظام دا. 

وكمان البرنامج بيهتم بتزويد الطلبة بتجربة ربط التعليم بالعالم الحقيقي، فبيبدأ الطالب هنا يفهم نفسه كويس في إطار عالمي، ويكون عنده عقلية عالمية واعية يقدر من خلالها يتقبل الثقافات المختلفة حواليه، وبالتالي بيقدر يكون ناقد ومتأمل، وبيكتسب رؤية مختلفة عن جوانب العالم. 

أما عن المدرسة فهي المسؤولة عن تنظيم برنامج السنوات المتوسطة للبكالوريا الدولية، والمدرس مش بيكون مُقيد بمناهج أو كتب معينة، فبيسعى لتدريس أهم الموضوعات، وتطبيق أهداف النظام على المواد المفضلة للطالب، واللي ممكن تفيد الطالب دراسياً خلال السنوات الدراسية المقبلة، وتفيده بردو على المستوى الشخصي. 

كمان النظام بيحرص على استخدام أحدث التقنيات التعليمية وتطبيقها في برنامج السنوات المتوسطة للبكالوريا الدولية، وبالتالي البرنامج بيكون كافي جدًا لتأهيل الطالب لمرحلة الـ DP. 

مواد برنامج السنوات المتوسطة (MYP)

مواد برنامج السنوات المتوسطة (MYP)

الطالب في برنامج السنوات المتوسطة للبكالوريا الدولية بيدرس مواد تأهيلية للدبلومة، والمواد دي بيتم تدريسها تبعًا لإطار معين بحيث يكون كل درس من أي مادة بيأكد على صفة ما أو بيعزز مبدأ معين عند الطالب، وبيتم الربط بين المواد وبعضها قدر الإمكان. 

المواد اللي بيدرسها الطالب في برنامج السنوات المتوسطة للبكالوريا الدولية بيختارها من 8 مجموعات أساسية، بمعنى إنه مثلاً في مجموعة العلوم هيختار يدرس مادة الكيمياء أو الفيزياء أو الأحياء وهكذا، والمجموعات دي هي: 

  • الرياضيات 
  • العلوم 
  • الأدب 
  • اللغة 
  • الإنسانيات 
  • أفراد ومجتمعات 
  • تصميم 
  • فنون 

الطالب بيختار مادة واحدة من كل مجموعة، وبيبدأ يدرس المواد دي في برنامج السنوات المتوسطة للبكالوريا الدولية لمدة 5 سنوات، والمدرسة بتكون حريصة على ربط كل المواد ببعضها. 

نظام التقييم في برنامج السنوات المتوسطة (MYP)

بالطبع بيختلف نظام التقييم في برنامج السنوات المتوسطة للبكالوريا الدولية عن التقييم في الأنظمة التعليمية المختلفة، فبنلاقي إن المدرسة بتقيم الطالب بأرقام معينة من 1 إلى 7، وكل رقم بيكون له دلالة متفق عليها داخل المدرسة. 

والتقييم بيكون كالتالي: 

  • رقم 1: مستوى الطالب ضعيف جداً. 
  • رقم 2: مستوى الطالب بيكون ضعيف. 
  • رقم 3: المستوى اتحسن ووصل إلى متوسط. 
  • رقم 4: الطالب مستواه مقبول لكنه لا زال محتاج تحسين. 
  • رقم 5: المستوى جيد. 
  • رقم 6: مستوى الطالب جيد جدًا. 
  • رقم 7: الطالب مستواه ممتاز. 

التقييمات دي بتكون مسجلة داخل ملف الطالب في المدرسة؛ عشان يقدروا يطلعوا عليها في أي وقت، ويعرفوا مدى تحسن مستوى الطالب خلال فترة دراسية معينة، وكمان بتكون مهمة لأولياء الأمور، عشان يتعرفوا على المستوى الفعلي لأولادهم في المدرسة. 

أهم النصائح للتفوق في برنامج السنوات المتوسطة للبكالوريا الدولية

أهم النصائح للتفوق في برنامج السنوات المتوسطة

تفوق الطالب في برنامج السنوات المتوسطة (MYP) بيضمن له فهم برنامج الدبلومة DP بشكل كويس، وبالتالي هيقدر يتفوق فيها، ويحصل على الشهادة النهائية. 

ومن أهم النصائح اللي هتساعده على التفوق في البرنامج دا: 

تجنب تراكم مذاكرة المواد الدراسية 

مذاكرة مواد برنامج السنوات المتوسطة للبكالوريا الدولية لازم تتم بطريقة منظمة تبعًا لجدول الطالب؛ لإن تراكم المذاكرة عليه هيسبب له ضغط نفسي، ومش هيكون قادر يخلص كل المواد المطلوبة منه قبل الامتحان، وبالتالي هيضطر للحفظ بدون فهم، ومش هيحقق استفادة عالية من دراسته دي. 

عشان كدا لازم الطالب يبدأ مذاكرة مع بداية العام الدراسي، ويحرص على عدم تراكم المذاكرة عليه، عشان يقدر يستفيد كويس من نظام البكالوريا الدولية. 

التركيز الدائم أثناء الشرح 

تركيز الطالب أثناء الشرح بيساعده على فهم الدروس بشكل جيد، ومعرفة المغزى منها، وبالتالي النقطة دي بتسهل عليه مذاكرة المادة بعد كدا، والحصول على تقييم عالي في امتحاناتها. 

الإكثار من حل التمارين 

التدريب على أنواع الأسئلة المختلفة وطريقتها بيزود فرصة الحصول على تقييم مرتفع في المادة، وبيزود كمان ثقة الطالب في نفسه. 

وبالتالي لازم يتدرب بشكل منتظم على الأسئلة، ويحل تمارين كل درس بعد مذاكرته، عشان يقدر يتفوق في برنامج السنوات المتوسطة للبكالوريا الدولية. 

تخصيص وقت كافي لمذاكرة المادة قبل الامتحان 

مذاكرة مواد البرنامج في وقت قليل قبل الامتحان بيقلل معدل استيعاب الطالب للمواد دي، والاستفادة هتقل كتير نتيجة إنه في الغالب مش هيقدر يخلصها، وبالتالي هتقل فرصة حصوله على تقييم عالي، وعشان كدا لازم يعمل جدول مذاكرة قبل الامتحان يرتب فيه المواد على حسب أولويتها، ومواعيد امتحاناتها، ويسيب وقت كبير للمذاكرة قبل كل مادة. 

الاستعداد النفسي للامتحانات 

توتر الطالب وقلقه قبل امتحانات برنامج السنوات المتوسطة للبكالوريا الدولية ممكن يضيع منه فرصة التفوق فيها، وبالتالي هيزود عنده الشعور السلبي ناحية نظام البكالوريا ومش هيقدر يستعد لبرنامج الدبلومة.

وبالتالي استعداد الطالب النفسي لدخول الامتحانات بيكون مهم جداً، عشان يقدر يركز في الأسئلة أثناء الامتحان، ويحلها بشكل كويس، ومنها يحصل على تقييم مرتفع من المدرسة. 

ممارسة الرياضة 

تخصيص وقت لممارسة الرياضة بشكل يومي هو شيء مهم جدًا بالنسبة لجميع طلبة برنامج السنوات المتوسطة للبكالوريا الدولية؛ لإنها بتساعدهم على تجديد نشاطهم وحيويتهم، وبتخلي أذهانهم صافية، عشان يقدروا يبدأوا مذاكرة بنشاط وبدون ملل.

هل يمكن التحويل لبرنامج السنوات المتوسطة (MYP) من مدارس أخرى؟ 

نظام البكالوريا الدولية تم تصميمه خصيصًا للطلبة اللي بيكونوا مضطرين للتحويل من مدرسة للتانية أثناء فترة الدراسة، وبالتالي فالتحويل مش بيكون صعب؛ لإن النظام التعليمي اللي بيتم تطبيقه حول العالم في المدارس دي بيكون موحد. 

وفي الحالة دي لازم يكون في اتصال مباشر بين ولي الأمر والمدرسة اللي هيتم التقديم للطالب فيها، عشان يعرف أوراق وإجراءات التحويل. 

الاستعداد لبرنامج الدبلومة (DP) 

استعداد الطالب لبرنامج الدبلومة بيبدأ من برنامج السنوات المتوسطة للبكالوريا الدولية بشكل أساسي، والمدرسة بتكون حريصة جدًا على النقطة دي بتدريس مواد تأهيلية تزود إدراك الطالب للمفاهيم والثقافات المختلفة، وتساعده على اكتساب رؤية جديدة عن العالم. 

وأنسب طريقة للاستعداد لبرنامج الدبلومة هي تعامل الطالب معاه كبرنامج فيصلي في حياته بيحتاج مجهود، وتركيز، ومذاكرة المستمرة، وتمرين كمان على الامتحانات السابقة؛ عشان يقدر يوصل لمستوى دراسي مرتفع قبل دخوله برنامج الدبلومة. 

الخلاصة 

نظام البكالوريا الدولية هو نظام تعليمي موحد على مستوى العالم هدفه تعزيز فكرة السلام، وزيادة وعي الطالب حول الثقافات والعادات المختلفة وتقبلها. 

النظام دا بيتم تطبيقه في أكثر من 100 دولة من خلال 4 برامج تعليمية شاملة أهمهم برنامج السنوات المتوسطة للبكالوريا الدولية، اللي من خلاله بيقدر الطالب يفهم نفسه في إطار عالمي، ويعرف هو بيمثل إيه بالنسبة للعالم اللي حواليه. 

وبرنامج السنوات المتوسطة (MYP) هو برنامج تأهيلي سابق لبرنامج الدبلومة بيسهل على الطالب فهم البرنامج بشكل كويس والحصول على تقييم مرتفع، وبيتطلب منه المذاكرة باستمرار للمواد الدراسية عشان يقدر يتفوق. 

ومن أهم النقط اللي بتساعد الطالب على التفوق في برنامج السنوات المتوسطة للبكالوريا الدولية هي الحرص على التركيز أثناء شرح المدرس، وفهم الدروس، والتدريب على حل تمارين مختلفة أثناء الدراسة، وترك وقت كافي لمذاكرة المادة قبل الامتحان. 

كمان لازم الطالب يستعد نفسيًا للامتحانات، ويبعد قدر الإمكان عن القلق والتوتر، عشان يقدر يحل كويس، ويحصل على تقييم مرتفع.

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية لو عندك اي استفسار

إقرأ أكثر..

  • amany kamel
    ديسمبر 1, 2021 at 10:11 ص

    مدارس MYP بادارةالشيخ زايد واكتوبر واعداد معلمى PHE بهم لعمل لاستكمال الاستبيان الخاص بالدرسات العلي

أضف تعليق