المواد الدراسية في نظام الثانوية العامة الجديد 2021

المواد الدراسية في نظام الثانوية العامة الجديد 2021

 

الثانوية العامة هي حجر الأساس اللي بيبني عليه الطالب ومستقبله سواء كانت حياته الجامعية، أو حتى ما بعد الجامعية.

مؤخرًا صدر مشروع قانون بتعديل المواد الخاصة بتعليم الثانوية العامة، عشان يظهر عندنا بما يعرف بنظام الثانوية العامة التراكمي وهنتناوله بالتفصيل.

نظام الثانوية العامة الجديد (النظام التراكمي)

نظام الثانوية العامة التراكمي

قبل إصدار دكتور طارق شوقي نظام الثانوية العامة الجديد كان النظام القديم بيعتمد على سنة واحدة -السنة التالتة والأخيرة- بالإضافة إلى تركيز المواد والمناهج على الحفظ للمعلومات وتلقينها أهم من فهمها عشان لما الطالب يجاوب في الامتحان تكون إجابته نفس نموذج الإجابة بالتالي يحصل على درجته كاملة وإلا ممكن يفقد جزء من درجاته.

لكن ومع نظام الثانوية العامة الجديد أصبحت عبارة عن ثلاث سنوات وبيحتسب مجموع الطالب بناءً على درجاته فيهم مع بعض هيكون متاح للطالب الامتحان لأول بدون أي رسوم بالإضافة لوجود مقترح هيسمحل طالب تكرار الامتحان أكتر من مرة لكن هتكون بمقابل.

وفي حالة لو رسب الطالب في مادة او اتنين بينتقل للمرحلة اللي بعدها وبيمتحن المادة مع الدفعة اللي بعده في نفس مواعيدها.

والهدف من النظام إن الطالب يخرج من التعليم وهو معاه العلم اللي نفعه ويقدر ينفع بيه غيره وكمان عنده القدرة الفعلية للمنافسة في سوق العمل سواء المصري أو الدولي، وبالتالي نشوف أجيال قادرة تغير وتنتج عشان تصنع فارق حقيقي ملموس.

ومن أهم ملامح نظام الثانوية العامة التراكمي إلغاء فكرة التشعيب.

التشعيب في نظام الثانوية العامة الجديد 2021

عكس ما كان متاح للطلبة في ثانوية عامة اختيار ما بين الشعبة العلمية (علمي علوم، أو علمي رياضة) أو اختيار الشعبة الأدبية، مع نظام الثانوية العامة الجديد هيكون متاح للطالب اختيار إما الشعبة العلمية او الشعبة الأدبية بس.

وبالتالي هنلاقي طالب العملي بيدرس الشقين العلمين: العلوم والرياضيات بكل موادهم المختلفة.

وعلى الرغم من إن دكتور شوقي صرح بإن القرار مش نهائي وإنه مازال تحت الدراسة من المجلس الأعلى للتعليم قبل الجامعي والمجلس الأعلى للجامعات إلا إن ظهر جدل كبير بسببه واعترض عليه بعض أولياء الأمور والطلبة؛ لإنهم شايفين إن طالب العلمي هيكون واقع تحت ضغط كبير جدًا، وهيكون مطالب إنه يدرس مواد كتيرة.

وفي المقابل كان في فئة مؤيدة للقرار ووجهة نظرهم إن الطالب هيخرج من نظام الثانوية العامة الجديد ومعاه قدر كبير من العلوم والمعرفة سواء للعلوم والرياضيات الحاجة اللي هتساعده في تحسين معرفته وعلمه ويكون معاه أساس قوي وهتبني فيه شخصية واسعة الاطلاع.

المواد الدراسية لكل شعبة في نظام الثانوية العامة الجديد

بيدرس طالب الثانوية العامة ٧ مواد سواء كان شعبة العلمي (علمي علوم او علمي رياضة) ، أو شعبة الأدبي منهم ٣ مواد مشتركة ما بين كل الشعب والـ ٤ مواد التانية بتختلف باختلاف كل شعبة ومجالها.

المواد المشتركة بين كافة الشعب

١- اللغة العربية
٢- اللغة الأجنبية الأولى (غالبًا بتكون الإنجليزية)
٣- اللغة الأجنبية الثانية ( سواء كانت الفرنسية، الإيطالية، الألمانية، أو غيرهم)

مواد مشتركة بين طالب علمي علوم وعلمي رياضة

١- مادة الفيزياء
٢- مادة الكيمياء

باقي مواد طالب علمي علوم

١- مادة الأحياء
٢- مادة الجيولوجيا

باقي مواد طالب علمي رياضة

١- مادة الرياضيات البحتة: الجبر والهندسة الفراغية
٢- مادة الرياضيات التطبيقية: الاستاتيكا والديناميكا

مواد طالب الأدبي

١- مادة التاريخ
٢- مادة الجغرافيا
٣- مادة علم النفس
٤- مادة الفلسفة والمنطق

بالإضافة إلى المواد مش بيحتسب مجموعها لكن الطالب مطالب إنه ينجح فيها مهما كانت شعبته:

١- التربية الدينية
٢- مادة التربية القومية
٣- مادة الإحصاء والاقتصاد

نظام التدريس في نظام الثانوية العامة الجديد

نظام التدريس في الثانوية العامة

في ظل وجود نظام الثانوية العامة الجديد والتغييرات اللي بتحصل على النظام التعليم بشكل كامل، التغيير دا كمان شمل لطرق التدريس للمواد المختلفة اللي بيدرسها الطالب ؛ لإنه أصبح اعتماد الطالب في المقام الأول على نفسه في نظام الثانوية عامة الجديد الاعتماد هيكون على مصادر التعليم المختلفة اللي بتوفرها الوزارة بشكل أساسي ومجاني واللي بتشمل:

١- المنصة الإلكترونية “بنك المعرفة”
٢- القنوات التعليمية
٣- الكتب المدرسية بشكل إلكتروني
٤- البحث بشكل موسع من خلال الإنترنت

عشان يكون الدور الأول والأساسي لطالب نفسه من خلال البحث عن المعلومات من مصادرها المتنوعة، ويكون دور المعلم هو التوجيه والإرشاد وتسهيل وصول الطالب للمعلومات وتدريبه على مهارات التفكير المتنوعة.

وبالتالي هتكون المدرسة للمواد اللي مش بتضاف للمجموع والأنشطة المتنوعة، والمواد الأساسية هيدرسها الطالب من خلال المصادر اللي بتوفرها الوزارة.

الموقف من الدروس الخصوصية

من أهم أهداف نظام الثانوية العامة الجديد هو القضاء على فكرة الدروس الخصوصية، الفكرة اللي انتشرت بشكل كبير جدًا من سنين في المجتمع المصري وبقى الدرس هو الأساس واعتماد الطالب عليه بشكل كبير مش على المدرسة.

الحاجة اللي دفعت الوزارة بإصدار قرارت عشان تقفل جميع مراكز الدروس الخصوصية وتطبق غرامات كبيرة على أصحابها عشان يلتزموا بقرار الإغلاق.

لكن ومع كل الأنظمة والعقوبات دي استمر وجود الدروس الخصوصية واستمر اعتماد الطالب عليها عكس اللي كان متوقعه وزير التعليم إنه يحصل بسبب الأنظمة الجديدة، بل في فئة شايفة إن الدروس الخصوصية زادت وانتشرت بشكل أكبر بسبب التغيير في الأنظمة عشان يقدر الطالب يواكب التغيير اللي بيحصل وينجح في نظام الثانوية العامة الجديد.

التغيير بيتطلب خطواتك كتيرة ومجهودات كبيرة عشان فعلًا يظهر أثره.

وبالتالي عشان يوصل إن الطالب المصري يرجع اعتماده على المدرسة زي ما كان زمان لازم يمر التعليم بتعديلات وتغييرات كتيرة تقدر تغير الفكرة السائدة عند الجميع وتقدم حلول جذرية وفعالة، وعدم نجاح خطوات في نظام الثانوية العامة الجديد لا يعني عدم نجاحه بالكامل.

ومع ذلك لازم يكون في حلول مختلفة وفعالة تسقط من على الأهالي أعباء الدروس الخصوصية ومصاريفها وتقدر توفر لطالب تعليم حقيقي.

نظام امتحانات الثانوية العامة 2021

امتحانات الثانوية العامة 2021

المتوقع إن هيخضغ طلاب الثانوية العامة ٢٠٢٠/ ٢٠٢١ لامتحاناتهم النهائية في شهر يوليو وأغسطس المقبلين وفق نظام الثانوية العامة الجديد اللي صدر عن وزير التعليم وتصريحاته إنه:

1- هيكون بالنظام الإلكتروني على التابلت ومش ورقي

2- الاعتماد الأكبر هيكون على الفهم واستيعاب المعلومة وهو دا الأساس اللي هيتم وضع أسئلة الامتحانات عليه عشان تقيس مدى استيعاب الطالب للمعلومة وقدرته على التفكير أكتر من قدرته على الحفظ.

3- الامتحانات هتكون بنظام الكتاب المفتوح “open book”.

4- كل مادة هيكون ليها امتحانها المنفصل واللي هيتم وضعه عن طريق بنك الأسئلة.

5- الأسئلة هتكون بنظام الاختيار من متعدد والصح والخطأ

6- هيتم وضع ضوابط تمنع الغش سواء الطلبة من بعضها أو استخدام الطرق المختلفة للغش.

7- تصحيح الامتحانات هيكون بشكل إلكتروني تمامًا وبدون ما يتدخل العنصري البشري فيه.

8- هيتم تصميم ٤ نماذج مختلفة ومتساوية في درجة الصعوبة عشان يتم منع الغش وفي نفس الوقت توفير فرص متكافئة للجميع.

الخلاصة

على الرغم من عدم الاستقرار التام بخصوص نظام الثانوية العامة الجديد 2021 إلا إن كل دي ملامح من المتوقع هيتم تنفيذها بشكل نهائي.

العدل هو دعم القرارات التغيرية اللي فعلًا هدفها التطوير والتحسين من مستوى التعليم المصري عمومًا والتعليم الثانوي خصوصًا، وفي المقابل التعديل على القرارات غير الصائبة وتقديم الحلول والبدائل المختلفة عشان فعلًا نوصل لنظام تعليمي مميز ومنظومة تعليمية قادرة تخلي الطالب يتعلم بشكل صحيح.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

ماث شيت – Math Worksheet 2

ماث شيت – Math Worksheet 2 يحتوي  علي الارقام و الاعداد للاطفال في مرحلة الكي جي للتدريبات علي توصيل الارقام و كتابتها و المراجعة عليها

كي جي 1 انترفيو – KG 1 Interview Worksheet

كي جي 1 انترفيو – KG 1 Interview Worksheet بيساعدك تدرب طفلك علي اسئلة اللي بيتعرض ليها اثناء التقديم لاي مدرسة لمرحلة الحضانة تدريبات اخري

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق