مصاريف المدارس الألمانية في مصر لعام 2021 – 2022

مصاريف المدارس الألمانية في مصر

التعليم في المدارس الانترناشونال المختلفة أصبح هو التعليم السائد في مصر؛ ودا لإن ولي الأمر بيحاول يوفر تعليم مميز لأولاده بعيدًا عن الأنظمة غير المتطورة اللي بتركز أكثر على معدل حفظ الطالب للمنهج حتى لو الطالب مش قادر يفهم كويس.

المدارس دي بالفعل بتقدم برامج تعليمية حديثة قائمة على التفكير وتحفيز الطالب على المشاركة والإبداع، ومن أشهرهم هي المدارس الألمانية.

المدارس الألمانية هي مدارس بتقدم خدمات تعليمية متميزة بدعم من الحكومة الألمانية، وبتحصل على رسوم سنوية مقابل دا، وبتقدم شهادة معتمدة في نهاية الدراسة بتأهل الطالب لاستكمال دراسته في الخارج.

مصاريف المدارس الألمانية في مصر بترتفع عن مصاريف المدارس الرسمية، فبنلاقي إنها بتبدأ من فوق 50,000 جنيه مصري؛ لإنها بتقدم خدمات ومميزات مش موجودة في باقي المدارس.

إيه هو نظام التعليم في المدارس الألمانية، وإيه المميزات والعيوب الموجودة فيه؟ دا اللي هنتعرف عليه بالتفصيل.

نظام التعليم في المدارس الألمانية في مصر

نظام التعليم في المدارس الألمانية في مصر هو نظام تعليمي بيبدأ من مرحلة رياض الأطفال إلى مرحلة التعليم الثانوية، وفي النظام دا بيتم دراسة مناهج ألمانية معتمدة تم وضعها طبقًا لمهارات التعلم الحديثة.

مناهج المدارس الألمانية بتهتم بتوعية الطالب بالتطورات اللي موجودة حواليه، وبتعلمه إزاي يتعامل معاها، وبالتالي بتوسع أفقه وبيكون قدامه مجال كبير للتفكير والإبداع، ودا بيضيف الكثير إلى شخصية الطالب بشكل عام.

التعليم في المدارس الألمانية في مصر بيضمن للطالب الحصول على شهادة معتمدة تتيح له فرصة استكمال الدراسة الجامعية في الخارج بعد اجتياز امتحان Abitur، وبالتالي بيقدر يتعرف على المناهج في جامعات ألمانيا المتميزة.

على الجانب الآخر ظهرت بعض العيوب للنظام الألماني في مصر أدت إلى تراجع عدد المقبلين على المدارس الألمانية، زي صعوبة الامتحان التأهيلي وفشل الطلبة في اجتيازه، وغيرها من العيوب اللي هنتعرف عليها.

أما عن مصاريف المدارس الألمانية في مصر فبتكون مرتفعة عن المدارس الرسمية، ودا أمر طبيعي؛ لإنها بتقدم خدمات ومميزات إضافية عنها.

مصاريف المدارس الألمانية في مصر لمرحلة KG

مرحلة رياض الأطفال هي أهم مرحلة دراسية في عمر الطالب؛ لإنه بيتعلم فيها الأساسيات اللي هتساعده في باقي المراحل التعليمية بعد كده، وبيكون شخصيته على أساس اللي بيتعلمه في الوقت دا، وبالتالي فهي بتحتاج إلى مجهود كبير من المدرسة وأولياء الأمور عشان الطالب يقدر يكون شخصية واعية وناجحة.

المدارس الألمانية بتكون مدركة أهمية المرحلة دي في حياة الطفل، فبتقدم مناهج متطورة تساعد على تنمية مهاراته وتحسين إدراكه للي حواليه.

مصاريف المدارس الألمانية في مصر بتختلف من مدرسة للثانية، ودا بيكون على حسب الموقع الجغرافي ومميزات المدرسة وغيرهم، لكن في المتوسط بنلاقي إن المصاريف بتبدأ من حوالي 80.000 جنيه مصري في مرحلة KG، إلى جانب مصاريف المواصلات خلال السنة الدراسية.

مصاريف المدارس الألمانية في مصر للمرحلة الابتدائية

دراسة المرحلة الابتدائية في المدارس الألمانية بيكون لها تأثير إيجابي في حياة الطالب؛ لإنه بيتعلم فيها الاعتماد على النفس في المذاكرة، بالإضافة إلى إنها بتزود ثقافته وبتفهمه كتير من المصطلحات الموجودة حواليه بطريقة تناسب عقله وسنه.

مصاريف المدارس الألمانية في مصر للمرحلة الابتدائية بتتراوح بين 60.800 – 79.500 جنيه مصري بالإضافة إلى مصاريف مواصلات الطالب خلال السنة الدراسية، والمصاريف دي بتكون مقابل المميزات العديدة اللي بيحصل عليها الطالب في المرحلة الابتدائية.

مصاريف المدارس الألمانية في مصر للمرحلة الإعدادية

المرحلة الإعدادية في المدارس الألمانية هي مرحلة الاستعداد للثانوية والحصول على شهادة الأبيتور التأهيلية، وبالتالي فهي بتحتاج لمتابعة المدرسة وولي الأمر باستمرار مع الطالب لتحديد مستواه ووضع خطة لمساعدة الطالب على التفوق في المرحلة دي؛ عشان يقدر يجتاز المرحلة الثانوية كمان بسهولة.

مصاريف المدارس الألمانية في مصر في المرحلة دي بتكون حوالي 55.000 جنيه مصري، إلى جانب المصاريف اللي بتحتاجها المدرسة خلال فترة الدراسة.

مصاريف المدارس الألمانية في مصر للمرحلة الثانوية

المرحلة الثانوية في المدارس الثانوية تعد بمثابة الثانوية العامة في المدارس الرسمية، وبالتالي فهي مرحلة فاصلة في حياة الطالب؛ لإنها بعدها بينتقل للتعليم الجامعي اللي بيختلف تماما عن التعليم في المدارس.

مصاريف المدارس الألمانية في مصر بنلاقي إنها بتتراوح بين 42.000 – 48.000 جنيه مصري في المرحلة الثانوية للطالب.

ملحوظة: المصروفات المدرسية بتختلف سنويا، وكمان بتختلف من مدرسة للثانية زي ما وضحنا، وبالتالي يرجى من ولي الأمر إنه يرجع للمدرسة اللي حابب يقدم فيها لأولاده ويعرف من الإدارة المصاريف المطلوبة بالتفصيل خلال السنة الدراسية عشان يحدد هل يقدر على سداد المصروفات دي ولا لأ.

قائمة بالمدارس الألمانية في مصر

قائمة بالمدارس الألمانية في مصر

المدارس الألمانية أثبتت نجاحها في مصر بالنظام التعليمي المميز اللي بتقدمه، ودا أدى إلى مطالبة وزير التربية والتعليم المصري دكتور طارق شوقي بالتوسع في بناء المدارس الألمانية في العديد من محافظات مصر.

من أشهر المدارس الانترناشونال الألمانية في مصر:

المدرسة الألمانية الإنجيلية الثانوية

تعد المدرسة الألمانية الإنجيلية أكبر وأقدم المدارس الألمانية على مستوى العالم ترعاها الكنيسة الإنجيلية في القاهرة، وتوفر مستوى تعليمي متميز بوجود نخبة من المدرسين الأكفاء يساهم في الارتقاء بمستوى الطالب، ويقوم على احترام الثقافات والأديان والمختلفة.

مصاريف المدارس الألمانية في مصر بتكون مرتفعة إلى حد ما عن مصاريف باقي المدارس الانترناشونال، فبنلاقي إن مصاريف المدرسة الألمانية الإنجيلية بتكون حوالي 80.000 لمرحلة رياض الأطفال.

عنوان المدرسة: 6 شارع الدقي – الجيزة
للتواصل مع الإدارة: 37481475 – 37481649

مدرسة بيفرلي هيلز

مدرسة بيفرلي هيلز الألمانية تعد من أرخص المدارس اللي بتطبق المنهج الألماني في مصر، فبنلاقي إن أسعارها بتبدأ من حوالي 28.000 جنيه مصري، ورغم مصاريفها القليلة إلا إنها بتحرص على تقديم نظام تعليمي متطور.

عنوان المدرسة: بيفرلي هيلز – الجيزة
للتواصل مع الإدارة: 0238576402 – 01000777916

المدرسة الألمانية بالغردقة

المدرسة الألمانية بالغردقة تقوم بتقديم المناهج الألمانية بنظام ثنائي اللغة، وتهتم بشكل كبير باللغات.

تبدأ مصروفات المدرسة من ما يقارب 54.000 جنيه مصري لمرحلة رياض الأطفال، وتزداد إلى أن تصل إلى 110.000 جنيه مصري في المرحلة الثانوية.

عنوان المدرسة: شارع بولينج – الغردقة
للتواصل مع الإدارة: 01004612747

المدرسة الألمانية لراهبات سان شارل بورمي بالقاهرة

تعد مدرسة راهبات سان شارل بورمي بالقاهرة أحد المدارس الألمانية الخاصة في مصر اللي بتحرص على تقديم خدمة تعليمية مميزة جدًا للطالبات تساعدهم على تطوير مهاراتهم بشكل مستمر.

مصاريف المدرسة بتبدأ من حوالي 69.000 جنيه مصري في مرحلة رياض الأطفال، وبيتم سداد المصروفات دي على 3 أقساط خلال السنة.

عنوان المدرسة: شارع محمد محمود – باب اللوق – القاهرة
للتواصل مع الإدارة: 0227900088

المدرسة الألمانية لراهبات سان شارل بورمي بالإسكندرية

المدرسة بتجمع بين الحضارة الألمانية والحضارة المصرية، وبتوفر مناهج ألمانية معتمدة للطالبات بالإسكندرية وبتطبقها بطريقة مميزة، ودا اللي ساعدها على الحصول على شهادة الجودة في التعليم.

تبدأ مصاريف مدرسة راهبات سان شارل بورمي بالإسكندرية من حوالي 50.000 جنيه مصري لمرحلة رياض الأطفال، وتختلف تلك المصروفات مع اختلاف المرحلة الدراسية.

عنوان المدرسة: شارع صلاح الدين – العطارين – الإسكندرية

للتواصل مع الإدارة: 01222494151

المدرسة الأوروبية بالقاهرة

المدرسة الأوروبية بالقاهرة هي مدرسة بتقدم أكثر من نظام تعليمي أهمهم نظام التعليم الألماني، ومصاريفها بتصل إلى 85.000 جنيه مصري في مرحلة رياض الأطفال، إلى جانب رسوم المواصلات السنوية.

عنوان المدرسة: شارع التسعين – القاهرة الجديدة – القاهرة
للتواصل مع الإدارة: 01207777914

مميزات المدارس الألمانية في مصر

مميزات المدارس الألمانية في مصر

المدارس الألمانية في مصر بتوفر مناهج تعليمية مميزة للطلبة الملتحقين بيها، وهدفها هو مساعدة الطلبة دي على التميز وتحقيق أهدافهم المستقبلية، بالإضافة إلى الارتقاء بذواتهم.

من أهم المميزات اللي بتقدمها المدارس دي ومش بتكون موجودة في المدارس الرسمية في مصر بنلاقي:

تطبيق نظام تعليمي حديث

المدارس الألمانية بتحرص على تطبيق نظام تعليمي يساعد الطلية على الارتقاء بنفسهم وأوطانهم زي ما وضحنا، فبتضم العديد من المدرسين الخبراء اللي بيقدروا يطبقوا أهداف النظام الألماني في مصر وبيساعدوا في بناء جيل مبدع.

تقديم شهادة معتمدة تعادل شهادة الثانوية العامة

الطالب في المدارس الألمانية بيحصل على شهادة معتمدة تؤهله للالتحاق بالجامعات الألمانية واستكمال الدراسة الجامعية فيها، وبالتالي بيقدر يحصل على المناهج الجامعية في ألمانيا المعروفة بمستواها العالي.

وبالنسبة للجامعات الألمانية فهي بتقدم مناهج بجودة عالية مقابل رسوم رمزية، ودي بتكون فرصة كويسة لخريجين المدارس الألمانية.

تحفيز الطلبة باستمرار

الطالب في المدارس الألمانية في مصر مش بيحتاج حد يطلب منه يذاكر؛ لإنه بيبقى فاهم دوره كويس، عارف إيه المطلوب منه بالظبط، والمدرسة بتكون حريصة على تحفيزه بشكل مستمر عشان يقدر يكمل مذاكرة بشغف ويحقق حلمه.

عيوب المدارس الألمانية في مصر

عيوب المدارس الألمانية في مصر

تطبيق نظام التعليم الألماني في مصر قدم العديد من المميزات للطلبة زي ما وضحنا، ولكن على الجانب الآخر لاحظنا وجود بعض العيوب في النظام دا، واللي بسببها بدأ يتراجع بعض أولياء الأمور عن قرار التقديم لأولادهم في المدارس الألمانية.

من العيوب دي:

صعوبة امتحان Abitur التأهيلي

المدارس الألمانية في مصر بتقدم للطالب شهادة معتمدة بعد اجتيازه امتحان Abitur التأهيلي، والامتحان دا بيكون صعب مقارنة بباقي الإمتحانات التأهيلية في الأنظمة التعليمية الثانية؛ لإنه بالشهادة دي بيقدر يلتحق بجامعات ألمانية معروفة بمستواها العالي، فالمدارس بتكون حريصة إن الطالب اللي بيجتاز امتحان Abitur يكون مستحق فعلا فرصة الالتحاق بالجامعات الألمانية.

ومن هنا بيزيد القلق عن العديد من الطلبة وأولياء الأمور وبيفضلوا إنهم يقدموا في نظام تعليمي مختلف بيقدم امتحان تأهيلي أسهل.

زيادة الضغط النفسي على الطالب

الطالب في المدارس الألمانية بيكون مطلوب منه مذاكرة المناهج العلمية باستمرار واجتياز جميع الامتحانات اللي بيدخولها خلال العام الدراسي عشان يقدر ينتقل للسنة اللي بعدها ومنها ينتقل للمراحل المختلفة، ودا لإن في كل نهاية مرحلة بيكون فيها امتحانات بتحدد هل الطالب مستعد للصعود إلى المرحلة الي بعدها ولا لأ، وبالتالي الطالب بيواجه الضغط باستمرار.

ارتفاع مصاريف المدارس الألمانية في مصر

بعض أولياء الأمور بيواجهوا صعوبة في سداد مصاريف المدارس الألمانية في مصر كل سنة؛ لإنها بترتفع عن مصاريف المدارس الرسمية نظرا للخدمات الإضافية اللي بتقدمها للطلبة، وبالتالي بيبدأ ولي الأمر يبحث عن أرخص مدرسة انترناشونال لأولاده.

الخلاصة

المدارس الألمانية في مصر هي مدارس بتقدم مناهج تعليمية معتمدة بتركز فيها على تطوير فكر الطالب وتوفير فرصة للإبداع والتعبير عن الذات، والمدارس دي بدأت تنتشر في العديد من محافظات مصر في الفترة الأخيرة.

المدارس بتقدم خدماتها التعليمية بمقابل مادي مرتفع عن المدارس الرسمية، فبنلاقي إن مصاريف المدارس الألمانية في مصر بتتخطى أحيانا 100.000 جنيه مصرى.

من أهم مميزات المدارس الألمانية إنها بتحرص على تطبيق نظام تعليمي حديث، وبتقدم شهادة معتمدة للطلبة، وكمان بتهتم بتحفيز الطلبة باستمرار عشان تساعدهم يوصلةا لهدفهم.

أما عن العيوب فمن أشهرها: صعوبة امتحان Abitur التأهيلي وبالتالي بيفشل عدد كبير من الطلبة في اجتيازه، بالإضافة إلى زيادة الضغط النفسي على الطالب، وارتفاع مصاريف المدارس الألمانية في مصر عن باقي المدارس.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

ماث شيت – Math Worksheet 2

ماث شيت – Math Worksheet 2 يحتوي  علي الارقام و الاعداد للاطفال في مرحلة الكي جي للتدريبات علي توصيل الارقام و كتابتها و المراجعة عليها

كي جي 1 انترفيو – KG 1 Interview Worksheet

كي جي 1 انترفيو – KG 1 Interview Worksheet بيساعدك تدرب طفلك علي اسئلة اللي بيتعرض ليها اثناء التقديم لاي مدرسة لمرحلة الحضانة تدريبات اخري

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق