أبرز ما تريد معرفته عن مدارس البريد بعد الإعدادية

مدارس البريد بعد الإعدادية هي أحد بدائل الثانوية العامة اللي بيلجأ ليها بعض الطلاب اللي بيدوروا على تعليم فني مميز، ودا لإنها بتقدم تعليم فني تجاري بيأهل الطالب لدخول سوق العمل. 

وبتشمل خطة المدرسة تدريب الطلاب على مهنة الإدارة البريدية، والتوزيع البريدي، والخدمات اللوجيستية المرتبطة بيهم، وبتوفر ليهم برامج تعليمية متنوعة، بتدمج بين الدراسة النظرية، والعملية، فبيتم تدريبهم على استخدام أحدث التقنيات. 

وعشان كدا هنوضح في المقال دا مميزات وعيوب مدارس البريد بعد الإعدادية، وشروط وخطوات التقديم فيها، والأوراق اللي بتطلبها إدارة المدرسة عند قبول الطلاب، وهنختم في الآخر بذكر عناوين مدارس البريد المصرية المنتشرة في أنحاء الجمهورية. 

ما هي مدارس البريد المصري؟

مدارس البريد بعد الإعدادية هي مدارس مصرية تأسست سنة 1931م، وعشان كدا هي واحدة من أعرق مؤسسات التعليم الفني، وليها دور كبير في استراتيجية تطوير التعليم الفني والتدريب المهني في مصر، لإنها بتوفر العديد من الفرص التعليمية المتميزة للشباب اللي عاوزين يلتحقوا بمجال البريد، والاتصالات. 

المدرسة بتقبل الطلبة من جميع أنحاء الجمهورية بعد إتمام الشهادة الإعدادية، وفي أغلب الوقت بتقبل من مجموع 260 درجة فيما فوق، وبتوفر للطلبة مميزات كتير، زي ما هنذكر دلوقت. 

تعرف على: أشهر 10 مدارس التعليم الفني في مصر

مميزات مدارس البريد بعد الإعدادية

بتتمتع مدارس البريد المصري بعدد من المميزات اللي بتخليها اختيار مناسب للطلاب اللي بيدوروا على بدائل للثانوية العامة، واللي من أهمها: 

  • الاهتمام بتطوير مهارات التواصل عند الطلاب، من خلال التعامل مع العملاء، وتقديم الخدمات ليهم. 
  • إمكانية التحاق الطلاب المتفوقين بكلية تجارة البريد، واللي بتقبل الطلاب المجتازين للمعادلة. 
  • الحصول على شهادة الدبلوم في البريد الفني التجاري، ودي معترف بيها من قبل وزارة التعليم. 
  • تدريب الطلاب عمليًا على كافة المهام والأنشطة البريدية، زي: الفرز، وخدمة العملاء، والتوزيع. 
  • توفير أنشطة ثقافية ورياضية للطلاب، تساعدهم في تنمية مواهبهم وقدراتهم المختلفة. 
  • مصروفات المدرسة مناسبة لكل فئات الشعب، مقارنةً بأي مدرسة فنية تانية. 
  • تمتع المدرسة بسمعة طيبة في سوق العمل، ودا بسبب جودة التعليم فيها. 
  • توفير كوادر تعليمية مميزة، من أصحاب الكفاءة والخبرة العالية بمجال البريد. 
  • توفير بيئة تعليمية متميزة، تم تجهيزها بوسائل تكنولوجية وتعليمية حديثة. 
  • إتاحة فرص عمل بالخارج للخريجين، وخصوصًا في الدول العربية المجاورة. 
  • إمكانية استكمال الطالب للدراسة في المعاهد العليا بعد التخرج منها. 
  • توفير فرص عمل للخريجين 

بعد ما عرفنا مميزات مدرسة البريد المصرية، فلازم برضو نطلع على عيوبها عشان نعرف ناخد القرار المناسب بالالتحاق بيها من عدمه. 

عيوب مدارس البريد بعد الإعدادية

زي أي مؤسسة في العالم، فلازم بجانب مميزاتها الكتيرة يكون ليها بعض العيوب، واللي بتتمثل في: 

  • معاناة بعض الطلاب من الضغوط النفسية، بسبب صعوبة الدراسة، والتنافس على فرص العمل. 
  • صعوبة انتقال الخريج لأي تخصص تاني بعد التخرج، ودا بسبب طبيعة الشهادة اللي بيحصل عليها. 
  • عدم مناسبة المدرسة لكل الطلاب، خصوصًا الراغبين في دراسة تخصصات إبداعية أو أكاديمية. 
  • اتباع المدرسة لنظام تعليم مكثف، بيضطر الطلاب للدراسة لساعات طويلة، ودا عبء عليهم. 
  • وجود تخصصات محدودة، بتركز على خدمات البريد، والخدمات اللوجيستية فقط. 
  • صعوبة توفيق الطلاب بين الشغل والدراسة، خصوصًا في فترة الامتحانات. 
  • التنافس العالي بين الطلاب، للحصول على وظائف مثالية بعد التخرج. 
  • قلة الأنشطة الترفيهية، مقارنةً بالمدارس التانية. 

اطلع كمان على: مستقبل الثانوية العسكرية في مصر

خطوات التقديم في مدارس البريد بعد الإعدادية

التقديم على مدارس البريد المصرية بيتطلب بعض الخطوات البسيطة، زي: 

  1. تقديم طلب الالتحاق بالمدرسة من خلال الموقع الرسمي للهيئة القومية للبريد، أو زيارة إدارة المدرسة. 
  2. تجهيز جميع الوثائق المطلوبة للالتحاق بالمدرسة، ودي هنتكلم عنها أكتر بالتفصيل بعد شوية. 
  3. إجراء اختبارات تحديد المستوى في اللغة العربية، واللغة الإنجليزية، والرياضيات. 
  4. اجتياز اختبارات القبول فيما يتعلق بموضوعات البريد، والخدمات اللوجيستية
  5. إجراء المقابلة الشخصية بعد إتمام كل الخطوات اللي فاتت. 

بعد ما تخلص كل الخطوات اللي فاتت، هتنتظر نتيجة القبول على بريدك الإلكتروني، أو رقم موبايلك اللي سجلت بيه، وفي حالة القبول لازم تتبع الإرشادات اللي أعلنتها الهيئة القومية للبريد والمدرسة، وتقدم كل الوثائق المطلوبة في الميعاد المحدد.  

الأوراق المطلوبة للتقديم في مدارس البريد بعد الإعدادية

الأوراق المطلوبة للتقديم في مدارس البريد بعد الإعدادية

تشمل الأوراق المطلوبة للتقديم في مدرسة البريد المصري ما يلي: 

  • أصل وصورة من شهادة الإعدادية العامة أو الأزهرية أو ما يعادلها، وبيان النجاح فيها من المدرسة.  
  • شهادة الصحة العامة اللي بتثبت عدم معاناة الطالب من أي أمراض معدية. 
  • شهادة حسن سير وسلوك من المدرسة الإعدادية اللي كان الطالب فيها. 
  • الأصل والصورة من شهادة ميلاد الطالب (مميكنة). 
  • سداد رسوم التقديم، وإحضار الإيصال. 
  • 4 صور شخصية حديثة (مقاس 4*6). 
  • موافقة مكتوبة من ولي الأمر. 

مهم تراجع كويس على كل الأوراق المطلوبة قبل التقديم من خلال التواصل مع إدارة المدرسة، وتقدمها ليهم في الميعاد المحدد. 

⁩شروط التقديم في مدارس البريد بعد الإعدادية

بتضع إدارة المدرسة بعض الشروط الواجب توافرها في الطالب عند التقديم، وهي: 

  1. الحصول على الشهادة الإعدادية بمجموع لا يقل عن التنسيق الخاص بالمدرسة (260 درجة تقريبًا). 
  2. أن يكون سن الطالب المتقدم بين 14 لـ 17 سنة في 1 أكتوبر في العام الدراسي اللي هيقدم فيه. 
  3. اجتياز الطالب لاختبارات تحديد المستوى، واختبارات القبول، والمقابلة الشخصية. 
  4. الطالب المتقدم يكون مصري الجنسية (من أبوين مصريين). 
  5. تقديم جميع الأوراق المستوفاة اللي بتطلبها المدرسة. 
  6. أن يكون الطالب لائق صحيًا. 

تقدر كمان تطلع على كل ما تريد معرفته عن مدرسة التمريض بعد الإعدادية

أماكن مدارس البريد بعد الإعدادية في مصر

أماكن مدارس البريد بعد الإعدادية في مصر

تتواجد مدارس البريد المصرية في عدد من المحافظات، وهي: 

  1. مدرسة البريد المصري بالإسكندرية – 21 شارع عبد العزيز السيد، الرمل. 
  2. مدرسة البريد المصري بالقاهرة – 29 شارع كامل الشناوي، باب اللوق. 
  3. مدرسة البريد المصري بطنطا – شارع الشهيد أحمد حسين. 
  4. مدرسة البريد المصري بالزقازيق – شارع عبد الرحيم حمادة. 
  5. مدرسة البريد المصري بسوهاج – شارع سوهاج العام. 
  6. مدرسة البريد المصري بأسوان – شارع الكورنيش. 
  7. مدرسة البريد المصري بالمنصورة – شارع النصر. 
  8. مدرسة البريد المصري ببنها – شارع السبعين. 
  9. مدرسة البريد المصري بالأقصر – شارع النيل. 
  10. مدرسة البريد المصري بالجيزة – شارع الهرم. 

مصاريف مدرسة البريد المصري 2024 – 2025

المصاريف الدراسية الخاصة بالصف الأول الثانوي (فني) التابع لمدارس البريد بعد الإعدادية بتكون كالتالي: 

  • سداد كامل: 227.60 جنيه مصري. 
  • أبناء العاملين: 144.50 جنيه. 
  • فئات معفاة: 50.75 جنيه. 

المصاريف بتشمل الرسوم الدراسية، والكتب المدرسية، والتأمين، والأنشطة الطلابية، وممكن تختلف شوية من فرع للتاني. 

الخلاصة

مدارس البريد بعد الإعدادية موجودة في العديد من المحافظات على مستوى الجمهورية، وبتقبل الطلاب من أي مكان ما دام الطالب بيستوفي شروط التقديم اللي ذكرناها.

وبتتميز المدرسة بتدريب الطلاب عمليًا على كافة الأنشطة البريدية، زي: الفرز، والتوزيع، وخدمة العملاء، وبتوفر فرص عمل للخريجين، سواء في مكاتب البريد المصرية، أو في عربيات التوزيع الخاصة بيها. 

كمان بتوفر بيئة تعليمية مميزة تم تجهيزها بوسائل تكنولوجية حديثة، وكوادر تعليمية من أصحاب الكفاءة والخبرة العالية بمجال البريد، لكن يعيبها إنها غير مناسبة لكل الطلاب، خصوصًا الراغبين في دراسة تخصصات إبداعية أو أكاديمية. 

واتكلمنا في المقال عن العديد من المميزات والعيوب التانية، اللي تقدر من خلالها تحدد إذا كانت المدرسة دي بتناسبه ولا لأ. 

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية لو عندك اي استفسار

إقرأ أكثر..

  • لا توجد تعليقات بعد.
  • أضف تعليق