عيوب المدارس العسكرية في مصر 2021

عيوب المدارس العسكرية في مصر

 

عدد كبير من طلبة المدارس الإعدادية بيكون هدفهم الالتحاق بالمدارس العسكرية في مصر، عشان يقدروا يقدموا بعدها في الكليات العسكرية ويكونوا من أبناء القوات المسلحة.

بس الهدف لواحده مش كفاية؛ لإن التقديم في المدارس دي بيحتاج شروط معينة لازم تتوفر في الطالب عشان يقدر يلتحق بيها.

ورغم المميزات اللي بتوفرها إلا إن الطالب لازم يفهم كويس نظام الدراسة، ويعرف عيوب المدارس العسكرية في مصر قبل ما يقدم أوراقه فيها عشان يقرر هيقدر يتعايش مع العيوب دي ولا لأ.

ما هي الثانوية العسكرية

ما هي الثانوية العسكرية

الثانوية العسكرية هي منظومة دراسة متاحة لجميع الطلبة المصريين الحاصلين على الشهادة الإعدادية سواء العامة أو الأزهرية، ونظامها قريب من نظام الثانوية العامة في كذا حاجة من ناحية:

الشهادة اللي بتقدمها

الطالب في نهاية دراسته العسكرية بيحصل على شهادة إتمام معتمدة من وزارة التربية والتعليم بتأهله يلتحق بأي كلية متاحة لخريجي الثانوية العامة بشرط يكون مجموع درجاته بتتماشى مع المجموع اللي الكليات يتطلبه.

وبالإضافة للكليات دي، فالثانوية العسكرية كمان بتأهل الطالب للكليات الحربية والمعاهد العسكرية التابعة للقوات المسلحة، بإذن فرصة نجاحهم في الاختبارات اللي بتتطلبها الكليات دي بتكون أكبر من غيرهم.

المواد الدراسية

مواد الثانوية العسكرية هي نفسها المواد اللي بيدرسها طالب الثانوية العامة زي الكيمياء، والفيزياء، والأحياء، واللغات وغيرهم.

وبجانب المواد دي، بيتم إضافة مواد التربية العسكرية -وبتكون خارج المجموع- اللي بتعلم الطالب طريقة استخدام الأسلحة، وطريقة التعامل في الحرب ومنها بيتعلم الانضباط والالتزام.

عدد سنوات الدراسة

الدراسة في المدارس العسكرية في مصر بتستمر لمدة 3 سنوات، بس من أحد عيوب المدارس العسكرية في رأي الناس إن الدراسة بتكون مستمرة على مدار اليوم مش ساعات بسيطة زي نظام الثانوية العامة؛ عشان يقدروا يخلصوا التمرينات المطلوبة منهم، وده بيضطر الطلبة للمبيت في السكن اللي بتوفره الدولة لهم.

إشراف وزارة التربية والتعليم المصرية

الدراسة في المدارس العسكرية في مصر بتكون تحت إشراف وزارة التربية والتعليم المصرية، وهي المسئولة عن وضع المناهج والامتحانات وغيرهم.

لكن الفرق هنا بين الثانوية العسكرية والثانوية العامة إن القائمين على النظام بيكونوا من أبناء الجيش المصري، سواء المشرفين على الطلبة والمسئولين عن رعايتهم، أو المسئولين عن الشرح ودي ميزة مهمة بسببها أولياء الأمور بيتغاضوا عن عيوب المدارس العسكرية.

والنقطة دي بتوضح إن المنظومة الدراسية في المدارس العسكرية في  مصر بتكون منضبطة جدًا وقائمة على الالتزام، عشان كده بيكون في مجموعة شروط للالتحاق بالمنظومة دي للتأكد من استعداد الطالب للتكيف مع نظامها.

شروط الالتحاق بالمدارس العسكرية

شروط الالتحاق بالثانوية العسكرية

التقديم في منظومة الدراسة العسكرية  بيحتاج توافر مجموعة من الشروط عشان يتم قبول الطالب، وفي حالة عدم توافر شرط واحد بيكون الظالب غير مؤهل للالتحاق بالنظام ده، كثرة الشروط دي بيعتبرها البعض واحدة من عيوب المدارس العسكرية في مصر لكنها شروط مهمة زي ما هنعرف…

من أهم الشروط المطلوبة للالتحاق بالمدارس العسكرية في مصر:

1- الجنسية المصرية للطالب والأبوين

الالتحاق بنظام المدارس العسكرية في مصر بيكون متاح فقط للطلبة المصريين ومفيش صلاحيات لأي طالب غير مصري تمكنه من التقديم أوالقبول في النظام.

كمان الوالدين لازم يكونوا مصريين، وبيتم تقديم أوراق توضح جنسيتهم للتأكد من توافر الشرط ده.

2- حسن السير والسلوك

وقت تقديم الأوراق في المدارس العسكرية بيتم عمل مجموعة من التحريات حول الطالب وأسرته؛ للتأكد من حسن السير والسلوك، وده لإن نظام المدارس العسكرية في مصر بيكون قائم بشكل كبير على الانضباط زي ما قولنا.

وطبيعي في حالة وجود مشكلة في البيانات الخاصة بالطالب أو أحد أفراد أسرته بيتم رفض أوراقه.

3- تقديم موافقة من ولي الأمر

القائمين على نظام المدراس العسكرية في مصر بيكونوا حريصين على موافقة ولي الأمر على التحاق الطالب بالمدارس، وعشان كده بيكون مطلوب تقديم أوراق رسمية تثبت الموافقة.

4- اللياقة البدنية للطالب

من شروط القبول في المدارس العسكرية في مصر إن الطالب يكون لائق بدنيًا ورياضيًا، وطوله متناسب مع وزنه، وبيكون في حد أدنى الطول.

طلبة المدارس العسكرية في مصر بيعملوا تمارين رياضية كتيرة جدا على مدار اليوم، وبالتالي لو في طالب غير لائق مش هيقدر يكمل التمارين عشان كده المدرسة مش بتقبل بيه.

5- اجتياز الاختبارات

قبل الطالب ما يتقبل في المدارس العسكرية لازم يدخل مجموعة من الاختبارات المختلفة وينجح فيهم كلهم؛ وده لإن الاختبارات دي بتوضح مدى استعداد الطالب للانضمام إلى النظام ده من الدراسة.

6- تقديم جميع الأوراق المطلوبة

تقديم الملفات للمدارس العسكرية بيكون في أوقات معينة من السنة، وبيتم تحديد فترة قبول الملفات من قِبل وزارة الدفاع في مصر.

في الفترة دي لازم الطالب يقدم كل الأوراق المطلوبة واللي بيتم الإعلان عنها زي الصور الشخصية للطالب، وشهادة ميلاده، وصور للقيد العائلي وغيرهم.

عيوب المدارس العسكرية

عيوب المدارس العسكرية

بعض أولياء الأمور بيرفضوا يقدموا لأولادهم في المدراس العسكرية في مصر، وبكده الطالب مش بيقدر يحصل على ورقة موثقة من ولي الأمر بموافقته، وهنا بتكون أوراق الطالب ناقصة ومش بيتم قبوله.

من عيوب المدارس العسكرية في مصر واللي بتكون سبب في عدم موافقة ولي الأمر على الالتحاق بيها:

صعوبة توافر جميع الشروط المطلوبة للقبول

من أهم عيوب المدارس العسكرية هي إن التقديم في المدراس العسكرية بيتطلب مجموعة من الشروط زي اجتياز الاختبارات الصحية وعدم وجود إعاقة، واجتياز اختبار الهيئة، والاختبارات العلمية وغيرهم.

وبيكون في احتمالية كبيرة لعدم اجتياز الطالب كل الاختيارات أو اجتيازها مع عدم توافر باقي الشروط، وفي الحالتين بيعتمد القائمين على النظام إن الطالب ده لا يصلح للالتحاق بنظام المدارس العسكرية.

التدريبات الشاقة

الطلبة في المدراس العسكرية في مصر بتعمل أنواع كتيرة من التمارين الرياضية والتدريبات على مدار اليوم، وبعض التمارين دي بتكون صعبة على الطلاب، مع وجود احتمالية حدوث إصابات للطلبة.

كمان التدريبات الكتيرة مش بتكون مناسبة للطالب الكسول؛ لإن النظام ده بيتطلب الاستعداد الدائم لأداء التمارين والتدريبات.

رغم إن البعض بيعتبر التمارين الكتيرة من عيوب المدراس العسكرية، إلا إن التمارين دي بتساعد الطالب يتفوق في الألعاب الرياضية وينافس على بطولات كبيرة بعد كده.

وبعيدًا عن الألعاب الرياضية فهي بتأهله يتعامل مع الظروف الصعبة بصمود وبدون استسلام، والشخص ده يمكن الاعتماد عليه بعد كده في الحروب.

لازم الطالب يكون عنده لياقة بدنية

من أهم الشروط المطلوبة للقبول في المدراس العسكرية هي اللياقة البدنية للطالب، وإن يكون طوله مناسب لوزنه زي ما قولنا، والنقطة دي بيتم تحديده في الاختبارات البدنية اللي بيعملها الطالب.

وفي حالة عدم اجتياز الطالب الاختبارات دي بيتم رفضه مع عدم إمكانية للطعن على نتائج الاختبارات إلا عن طريق جهات عسكرية، وهنا بيسقط حق الطالب في الالتحاق بالمدارس العسكرية، ودا من أهم عيوب المدارس العسكرية.

الخلاصة

الثانوية العسكرية هي مرحلة بعد الشهادة الإعدادية بتمنح خريجيها شهادة معتمدة من وزارة التربية والتعليم المصرية بتأهلهم للالتحاق بأي كلية بشرط الحصول على الحد الأدنى من الدرجات اللي بتطلبها للكليات دي.

بالإضافة لكونها بتأهل الطلبة لدخول الكليات الحربية والمعاهد العسكرية التابعة للقوات المسلحة المصرية؛ لإنها بتعلم الطلبة طريقة استخدام الأسلحة الحربية وإزاي يقدروا يتعاملوا في الحروب.

المدارس العسكرية في مصر تتطلب مجموعة من الشروط للتقديم والقبول زي إن الطالب مصري، ولائق بدنيًا، ويجتاز جميع الاختبارات المطلوبة زي ما وضحنا.

أما عن عيوب المدارس العسطرية فهي بتتطلب شروط كتيرة وارد تكون مش متوفرة عند عدد كبير من الطلبة، بالإضافة إلى وجود التدريبات الشاقة اللي ممكن تسبب أذى جسدي للطلبة.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

فصول السنة ورك شيت – Seasons Worksheet

سنتعرف علي فصول السنة الاربعة بالترتيب (الشتاء – الربيع – الصيف – الخريف) و سنتعلم و نتعرف علي حالات الطقس من خلال صورة موضحة لكل

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق