كيفية تعليم اللغة الإنجليزية للأطفال من 2 إلى 5 سنوات

كيفية تعليم اللغة الإنجليزية للأطفال من 2 إلى 5 سنوات

بمجرد ما بيبدأ الطفل يتكلم بيكون أهله حريصين على تعليمه اللغات، فبتبدأ رحلة البحث عن كيفية تعليم اللغة الإنجليزية للأطفال من 2 إلى 5 سنوات، بجانب تعليمه مفردات اللغة العربية ومعانيها، والمهارات المختلفة. 

والسبب في حرصهم على تعليم الطفل الإنجليزية؛ هو مواكبة العصر اللي بنعيشه، وكمان لتسهيل اللغة عليه بعد كدا، وما تكونش أزمة بالنسبة له زي كتير من الأطفال لما بيبدأوا ينتظموا في المدارس. 

ودا هيكون موضوع المقال، هنتكلم عن أهم الطرق لتعليم اللغة الإنجليزية للأطفال بالتفصيل، والفوائد والمعوقات لتعليم الطفل اللغة من سن صغير. 

ما أهمية تعليم اللغة الإنجليزية للأطفال من 2 إلى 5 سنوات 

تبعاً لدراسة نشرها موقع ResearchGate تحت عنوان هل نعلم اللغة الإنجليزية للأطفال دون سن السادسة اتعمل فيها استطلاع رأى لـ 300 أم -بيمثلوا شرائح مجتمعية مختلفة- عن تعليم اللغة الإنجليزية للأطفال في سن مبكر، ومدى تأثيرها على تعلمهم اللغة العربية، وإيه تأثير دا على المراحل الدراسية اللاحقة.

وجدوا إن 70% من الأمهات شايفين إن أفضل سن لتعليم اللغة الإنجليزية للأطفال من 2 إلى 5 سنوات، وخاصةً السنة الرابعة والخامسة.

و70% بيفضلوا وضع أطفالهم في السن دا في حضانة متخصصة لتعليم اللغة، وبيفضل 50% دمج استخدام اللغتين العربية والإنجليزية في البيت، و70% شايفين إن تعليم الأطفال اللغة في سن مبكر مالوش أي تأثير سلبي في تعلم اللغة العربية في نفس الوقت، وإن دا كان ليه تأثير إيجابي كبير عن مستوى الأطفال في المراحل الدراسية اللاحقة.

ولقوا كمان إن سبب ضعف الطلاب في اللغة الإنجليزية في المرحلة الإعدادية والثانوية هو إنهم ما درسوش اللغة من سن مبكر، لإن الطفل في السن دا بيكون استيعابه أفضل بكتير، وبيقدر يحفظ ويسجل كل اللي بيتعلمه.

ووفقاً لدراسة اتنشرت على ResearchGate عن أهمية تعليم اللغة التانية في سن مبكر بنلاقي إن دا بيعود على الطفل بفوائد كتيرة منها:

  • زيادة الفرص المستقبلية
  • تحسين الطلاقة اللفظية
  • تحسين قدرات التعلم
  • تحسين الثقة بالنفس
  • تعزيز نشاط الدماغ
  • التفوق الأكاديمي

وعشان كدا بيبان أهمية وفوائد تعليم اللغة الإنجليزية للأطفال من 2 إلى 5 سنوات، من خلال النقاط دي:

سهولة تعلم اللغة الإنجليزية 

تعليم اللغة الإنجليزية للأطفال في السن دا بيكون أمر مش صعب خالص، وخاصةً لو تم بطرق صحيحة وشيقة زي ما هنذكر في الفقرات اللي جاية,

بالعكس، بيكون الطفل أشبه بالاسفنجة اللي عندها سهولة في الامتصاص للمعلومات من حولها.

ثنائية اللغة عند الطفل 

وفقاً لما نشرته Michigan State University عن أهمية تعليم الطفل لغتين من بداية إدراكه بشكل سليم، إن دا بيخليه يتمتع بذكاء أعلى، ويفهم الأنماط والأشكال بشكل أكبر، بالإضافة إن الطفل دا هيكون أفضل في تجاهل المشتتات، وعنده قدرة أعلى على حل المشكلات. 

تسهيل المعرفة للطفل 

تعليم اللغة الإنجليزية للأطفال من 2 إلى 5 سنوات بيسهل عليه أمور كتير بعدين، ودا لإن اللغة الإنجليزية بتعد واحدة من أهم اللغات المستخدمة في العلم، والأبحاث، وأجهزة الكمبيوتر وكمان هي لغة السياحة، والدبلوماسية، وغيرها.

توسيع الإدراك 

بيختلف إدراك الطفل اللي بيتعلم اللغة من سن صغير عن أي طفل تاني، فبنلاقي عنده القدرة على الاستيعاب والتفكير باختلاف عن غيره، وكون الطفل هيمتلك لغة تسهل عليه الاطلاع على بيئات مختلفة، هيوسع أفقه، وتقبله للاختلافات. 

معوقات تعليم اللغة الإنجليزية للأطفال من 2 إلى 5 سنوات 

معوقات تعليم اللغة الإنجليزية للأطفال من 2 إلى 5 سنوات

على الجانب التاني بتظهر معوقات وسلبيات لتعلم اللغة، ومنها: 

صعوبة إيجاد الخبرة الكافية 

ذكرنا قبل كدا إن عشان نحصل على كل الإيجابيات لتعليم اللغة من سن مبكر، فدا لازم يتم بشكل صحيح، ومدروس، ومناسب للطفل.

فبالرغم من وجود عدد كبير من المهتمين بتعليم اللغة الإنجليزية، لكن كتير منهم لا يمتلك الخبرة الكافية والمناسبة لتعليمه بشكل صحيح.

ولازم ناخد بالنا إن تعليم الطفل بيحتاج مهارات خاصة، وقدرة على إيصال المعلومة بطريقة مختلفة عن الأكبر في العمر. 

ففي حالة إن الأبوين اللغة عندهم كويسة ومستواهم التعليمي عالي، بيكون المطلوب هو تحضير خطة لتعليم اللغة الإنجليزية للأطفال من 2 إلى 5 سنوات بالطريقة الأنسب لكل سنة، مع الاستعانة بحضانة تساعد في الأمر دا.

عدم وجود حافز قوي عند الطفل 

بتظهر صعوبة في تعلم اللغة لو الطفل ما عندوش دافع، عشان كدا مهم نحفزه بطرق مختلفة وممتعة لتعلم اللغة، ونوضح له أهمية دا بشكل مبسط يفهمه، ويستوعبه حسب سنه. 

ارتفاع التكلفة 

في أوقات كتير بتتواجد الرغبة عند الأهل، لكن ما بيقدروش يقوموا بالمهمة دي مع الطفل لإن ما عندهومش الخبرة الكفاية.

وبيلاقوا فكرة توفير معلم خبرة، أو حضانة مختصة لتعليم اللغة الإنجليزية للأطفال من عمر 2 إلى 5 سنوات، وتحفيزه بأساليب مبتكرة بيكون مكلف، ومش كل أولياء الأمور بيقدروا عليه.

التقصير في تعليم اللغة الأم

ومن المفاهيم الغلط عند بعض أولياء الأمور إن تعلم اللغة التانية هيأثر بالسلب على تعلم الطفل للغته الأصلية، والكلام دا بتنفيه أبحاث كتير.

فوفقاً لما نشرته جامعة واشنطن نيوز بناءً على تجارب اتعملت على الأطفال في سن أقل من 6 سنوات بنلاقي إن الأطفال يقدروا يتعلموا لغتين من غير ما واحدة تأثر على التانية. 

وأظهر التعداد السكاني الأمريكي إن 27% من الأطفال تحت سن 6 سنوات بيتعلموا لغة تانية، ودا مبيأثرش على لغتهم الأصلية. 

ومن أكبر الأخطاء اللي بتحصل في وقت تعليم اللغة الإنجليزية للأطفال من 2 إلى 5 سنوات في مصر، هي عدم الاهتمام بتعليم اللغة العربية وتعزيزها عند الطفل.

ودا خطأ شائع وبيأثر على الطفل في الدراسة بعد كدا، لإن زي ما دا سن مناسب لتعليم الطفل اللغة الإنجليزية، فهو نفس الوقت اللي هيكّون فيه ثروته اللغوية من لغته الأصلية، وهي الأهم لإنها بتحدد هويته، وبتقوي اللغة عنده.

واللغة العربية هي الأهم للطفل، دا غير إنها لغة ثرية وبتحتاج تعلم مهارات الكتابة والقراءة للطفل عشان يكون مستواه كويس، واللغة التانية مهمة للطفل لكن مش بنفس القدر، فدي نقطة فاصلة لازم أولياء الأمور ياخدوا بالهم منها.

طرق فعالة لتعليم اللغة الإنجليزية للأطفال من 2 إلى 5 سنوات 

قبل ما تُقدم على الخطوة دي، لازم نعرف الطفل، ونفهمه، ونفهم سلوكه، ومهاراته، وبالتالي هنحدد الطرق اللي نقدر نستخدمها في تعليمه؛ عشان تكون مناسبة معاه، ودا لإنها بتختلف من طفل لآخر باختلاف شخصياتهم، وبيئاتهم، وقدراتهم.

والطريقة الأساسية لتعليم اللغة الإنجليزية للأطفال من 2 إلى 5 سنوات، هي التركيز على تنمية الأربع مهارات الأساسية للغة، وهي: 

  • الاستماع
  • الكتابة  
  • القراءة 
  • التحدث 

بشكل عام تعلم أي لغة لأي سن مهما كان بيتضمن تعلم المهارات الأربعة دي، عشان فعلًا الشخص دا يكون متقن للغة، وقادر يستخدمها في حياته. 

وبالنسبة للأطفال، فكل مهارة منهم ليها طرق فعالة هنقدر ننميها من خلالها بأفضل شكل ممكن يتناسب مع الطفل، وقدراته العقلية والذهنية، بحيث يكون فيها تحفيز، والطفل يتقبل التعلم بكل يسر وسهولة، وكأنها لعبة ممتعة بيحب يمارسها.

أولاً: طرق لتعليم مهارة الاستماع

طرق لتعليم مهارة الاستماع

من أوائل المهارات اللي الطفل محتاج يتقنها في دليل كيفية تعليم اللغة الإنجليزية للأطفال من 2 إلى 5 سنوات؛ هي مهارة الاستماع لإنها بتعتبر مهارة مركزية، وتنميتها بتأثر بالإيجاب على باقي المهارات، وبالتالي هنلاقي الطفل بيكتسب باقي المهارات بسهولة أكبر، ومن أهم الطرق لتطويرها:

تخصيص وقت لمشاهدة الكرتون 

تخصيص وقت معين لمشاهدة الكرتون باللغة الإنجليزية، أو بعض البرامج الخاصة بالطفل مش بس هيفيده في التمرين على مهارة الاستماع، لكن كمان في التدريب على باقي المهارات التانية، وبطريقة مسلية ومفيدة.

زي مثلًا الاستماع لكلمات أجزاء الجسم مكررة، أو إعادة بعض العادات اليومية، زي: استيقظ صباحاً، وأغسل أسناني، وأتناول فطوري، وهكذا. 

تشغيل برامج باللغة الانجليزية في البيت 

تشغيل البرامج باللغة بدون توجيه الطفل لاستماعها أو مشاهدتها هينمي عند الطفل المهارة دي حتى لو كان بشكل غير مباشر، ودي من الطرق المفيدة والفعالة لتعليم اللغة الإنجليزية للأطفال من 2 إلى 5 سنوات. 

سماع الطفل لنفسه 

جرب تخلي الطفل يقرأ نص ويسجله بنفسه، ويرجع يسمعه بعد كدا. النشاط دا هيقوي عند الطفل مهارة القراءة، بالإضافة لمهارة الاستماع. 

خلق أحاديث في البيت باللغة الإنجليزية  

خلق الأحاديث باللغة الإنجليزية في البيت، أو في أثناء التنزه مثلًا؛ لمحاولة إن الطفل يتعود على استخدام اللغة في الحياة اليومية؛ وتعد من أفضل الطرق لتعليم اللغة الإنجليزية للأطفال من 2 إلى 5 سنوات، لإنها بتعلمه يفكر ويوصف المشهد اللي شايفه باللغة. 

الاستماع للقصص الصوتية 

استماع الطفل للقصص الصوتية مع وجود القصة معاه عشان يقدر يتابع الأحداث هيساعد بشكل كبير على تحسين مهارة الاستماع عنده. 

الاختلاط بأفراد يتحدثون الإنجليزية 

توفير فرصة لاختلاط الطفل ببيئة أطفالها وأهلها بيتكلموا اللغة الإنجليزية هتكون فكرة جيدة، وهيتعلم منها اللغة بجانب الاطلاع على ثقافات مختلفة، زي: الحضانة زي ما قلنا قبل كدا. 

ثانياً: طرق لتعليم مهارة الكتابة 

واحنا في طريقنا لـ كيفية تعليم اللغة الإنجليزية للأطفال من 2 إلى 5 سنوات، بنلاقي إن مهم الطفل يعرف شكل الحروف والكلمات، ويقدر يكتبها من أول ما يقدر يمسك القلم بشكل كويس.

ومن الطرق اللي ممكن تساعد: 

الكتابة بدون استخدام الورقة والقلم 

الابتعاد عن الطريقة التقليدية للكتابة هيحفز الطفل أكتر، فممكن تجرب إنه يكتب من غير ورقة وقلم، فمثلًا خليه يكتب على الرمل، أو على الملح، أو وفر له سبورة بأقلام هيكون الأمر ممتع أكتر ليه. 

لعبة ساعي البريد 

خلي طفلك يكتب رسالة موجهة ليك، وأنت ترد عليه، وكأنها رسائل بريدية وفي صندوق مخصص ليها، وحسب مستوى الطفل بتكون الرسالة. 

بطاقات الكلمات 

مش لازم الطفل يكتب الحروف بالورقة والقلم؛ لكن ممكن يكّون كلمات وجمل بسيطة باستخدام بطاقات ملونة؛ مجرد إنه يعيد ترتيبها بشكل صحيح. 

نطق الحروف أثناء التجول 

خلي الطفل يقول حروف الكلمة اللي سمعها، أو شافها وأنتو ماشيين في الطريق، أو في البيت أو في أي مكان. 

كتابة أسماء الصور 

وفر لطفلك صور، وخليه يكتب اسم الحاجة اللي موجودة في الصورة قدامه، أو ممكن يكون جمل ولو بسيطة؛ يوصف فيها الصورة حسب تمكّنه من اللغة. 

كتابة قصة باللغة الانجليزية 

خلي طفلك يكتب قصة باللغة الإنجليزية، ولو كانت بسيطة، وممكن يرسم فيها صور، ويسميها باسمه. 

ثالثاً: تعلم مهارة القراءة

أول خطوة لتعلم القراءة في دليل كيفية تعليم اللغة الإنجليزية للأطفال من 2 إلى 5 سنوات هي تعلم شكل وصوت الحرف.

لإن مهم الطفل يعرف إيه شكل الحرف سواء Capital أو Small، ويعرف طريقة نطقه الصحيحة، ودا اسمه “phonetics”، دا بالإضافة لتعليمه نطق بعض الحروف لما بتجتمع زي (ch, sh ,th) وغيرهم. 

بالإضافة إلى إن سرد القصص للأطفال من عمر سنة ونص لـ 5 سنوات بيساعد على تعلم أصوات الكلام، وتطور مهاراته اللغوية، ومن أشهر طرق تعليم  القراءة للأطفال:

التدريب والتدرج 

جرب تبدأ مع طفلك التدريب على الجمل المكونة من كلمتين، وبعدين 3 كلمات، وهكذا بالتدريج لحد ما يظهر تقدم في وقت قصير. 

روتين ثابت 

ثبت لطفلك يوميًا وقت محدد للقراءة، ولو كان بسيط، لإن القراءة 10 دقائق بس بشكل ممتع ومتكرر هتسهل على طفلك التعلم. 

استخدام الكتب المصورة 

الألوان دايمًا بتكون ملفتة للأطفال، عشان كدا ممكن توفر له الكتب اللي فيها صور ملونة، أو كتب التلوين، ويكون فيها كلمات يقرأها مع التلوين، لإنها بتثبت أكتر في ذهن الطفل. 

التعلم بالقدوة 

مهم تكون عندك عادة القراءة اللي هيكتسبها منك الطفل. جرب يكون في وقت مشترك تقرأ أنت وطفلك فيه بالإنجليزي، أو اقراله وهو يسمعك، بدون ما توجه ليه أمر الاستماع، اقرأ في محيط جلوسه بحيث تلفت انتباهه. 

البطاقات الملونة 

جرب تكتب الكلمات اللي المفروض طفلك يتعلم قراءتها على بطاقات ملونة، وفيها رسوم، وخليها قدامه دايمًا، عشان يتعود عليها، ويربط بين قرائتها وشكل كتابتها. 

رابعًا: طرق تعليم التحدث 

من الخطوات المهمة لتعليم اللغة الإنجليزية للأطفال من 2 إلى 5 سنوات هي مهارة التحدث والنطق بشكل صحيح، ومهارة التحدث هتكون كويسة عنده لو أتقن مهارة الاستماع، والكلام عنده هيكون سهل.

بدليل إن معظم الألفاظ اللي بيقولها الطفل في أول عمره بيكون كلام سمعه من أمه وأبوه. ومن الطرق الفعالة لتنمية المهارة دي عنده: 

تخصيص وقت لتحدث الطفل مع أطفال مثله باللغة الإنجليزية 

الأمر هيكون فيه متعة للطفل ومشاركة، وكل ما كان الطفل وصديقه مقربين، هيكون الأمر ممتع ومفيد أكتر، مع وجود الإشراف من الأهل والتوجيه اللي هيساعد إن الحوار يكون صحيح وسليم. 

وصف الأشياء 

جرب تخلي طفلك يبدأ بوصف المهمة اللي بيعملها، والأدوات اللي بيستخدمها، أو خليه يحكي لك موقف حصل معاه في يومه باللغة الإنجليزية، عشان تزود قدرته على تفعيل الكلمات اللي محتاجها في يومه، وتكوين جمل صحيحة مش مجرد تعلم حروف وكلمات. 

ورش عملية 

لو كان متاح في منطقتك ورش متخصصة لممارسة الأطفال اللغة الإنجليزية ما تتردش تسجل لطفلك فيها، لإنه هيكتسب جرأة وثقة بالنفس، وهيستفيد من مخزون الكلمات اللي يعرفها ويوظفها. 

التمثيل 

مثّل مع طفلك مشاهد يتقمص فيها الطفل دور البطل، ويكون الحوار باللغة الإنجليزية. الطفل هيستمتع جداً بالأمر دا، وممكن تشارك أفراد الأسرة في التمثيل والحوار، وهيكون نشاط جماعي مميز.

وأخيراً، كلمة السر لتعليم اللغة الإنجليزية للأطفال من 2 إلى 5 سنوات هي اللعب، فكل ما قدرنا نوصل للطفل اللغة بطريقة ممتعة ومسلية كل ما كانت استجابة الطفل، وتفاعله، وتعلمه أفضل.

ودا من خلال التركيز على المهارات الأساسية للغة؛ القراءة، والكتابة، والتحدث، والاستماع، وتطبيق الأنشطة اللي ذكرناها. 

المصادر

How to start teaching kids English at home

Benefits of learning english at an early age 

English for children ages 2 to 4

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية لو عندك اي استفسار

إقرأ أكثر..

  • لا توجد تعليقات بعد.
  • أضف تعليق