المدارس الداخلية في مصر | مميزاتها، وعيوبها، ومصاريفها

المدارس الداخلية في مصر

بيتساءل كتير من أولياء الأمور عن أنظمة المدارس الداخلية في مصر، ودا لأنها أشبه بمنظومة كاملة متكاملة؛ بتعلم الطالب أكاديميًا، وبتقوّمه سلوكيًا، وبتطور مهاراته في شتى الجوانب، بهدف تجهيزه للحياة بشكل فعال، عشان يقدر فيما بعد يعتمد على ذاته، ويستغل قدراته بأفضل شكل.

بنعرض لك من خلال المقال أبرز تفاصيل المدارس الداخلية، تابع معنا.

ما هي المدارس الداخلية؟

هي مؤسسات تعليمية، توفر بيئة تربوية متكاملة، وإقامة للطلاب داخل الحرم المدرسي، مع احتمالية إقامة المدرسين، والعاملين بيها أيضًا.

بدأ تواجد المدارس الداخلية في مصر منذ خمسينات القرن العشرين، وانتقلت فكرتها من الغرب؛ بالتحديد أثناء الاحتلال البريطانى لمصر، واستمرت بعد انتهائه. 

بتختلف هياكل المدارس الداخلية من مكان للتاني حسب المستوى التعليمي (ابتدائي، متوسط، ثانوي)، بالإضافة إلى التخصصات المتاحة، ولكن كل المدارس بيستمر مكّوث الطالب فيها بشكل كامل، وما بيرجعش لبيت أهله إلا في الإجازات.

ومع تطور التعليم، وتنوع نظمه المختلفة قلَّ عدد المدراس الداخلية فى مصر، وأصبحت مخصصة للمتفوقين فى أغلب الأحيان، إلى جانب إن كتير منها بقى يندرج تحت التصنيف العسكري.

ما مميزات المدارس الداخلية في مصر

مميزات المدارس الداخلية في مصر

بتتمتع المدارس الداخلية في العموم بعدة مزايا بتساعد على البناء السوي، والسليم للطالب، وبتتمثل أبرزها في:

1- زيادة الاستقلالية

وضع الطالب في بيئة بعيدة عن أهله، وبدء الاعتماد على ذاته في أغلب الوقت يعد من أهم المزايا اللي بتحققها المدارس الداخلية، ودا لأن بكدا أغلب قراراته هتكون معتمدة على نفسه وتجاربه بشكل كبير، وبالتالي هيكتسب مهارات كتيرة تعلمه الاستقلالية زي:

  • تطوير المهارات الذاتية، لإن المدارس الداخلية هي عالم مختلف عن بيئة الطالب، ودا بيساعده يكتشف، ويتعامل مع حاجات جديدة تطور مهاراته بشكل ملحوظ.
  • تحمّل المسؤولية، لإن المدارس الداخلية بيتحمل الطالب مسؤولية أفعاله كاملة، وعواقبها وبالتالي بيكون الشخص عارف حقوقه، وواجباته.
  • حل المشكلات، فيقدر يواجه التحديات اللي في طريقه، ويدور على حلول، ويجرب بنفسه لحد ما يوصل للي هو عاوزه.
  • الاعتماد على النفس، فبيتعلم يدير وقته، ويحافظ على مستلزماته، ويضبط مواعيد نومه، واستيقاظه.

2- تحسين المهارات الاجتماعية

من أبرز مميزات المدارس الداخلية هي إنها بتساعد الطالب على تكوين علاقات اجتماعية باستمرار، وتحسين مهاراته المختلفة في التعامل مع المواقف، والأشخاص.

فبجانب إن المدارس بشكل عام بتنمي المهارات الاجتماعية عند الطلاب من خلال الفعاليات الجماعية زي الأنشطة الرياضية، والمشاريع السنوية وغيرها، إلا إن الموضوع بيختلف في المدارس الداخلية، لإن الطالب بيعيش فعليًا مع زملائه، وبيواجهوا مختلف الأحداث، والتحديات سوا.

مع العلم إن وجود المدرسين كموجهين، ومرشدين أغلب الأوقات مع الطلبة بيضيف لخبراتهم، وبيزيد من معرفتهم بشكل كبير في شتى مجالات الحياة مش في الدراسة بس.

3- تشجيع التنوع الثقافي

تقبّل الناس بيبدأ من التعامل مع مختلف الخلفيات الثقافية، وفي المدارس الداخلية في مصر  أحيانًا بيتعامل الطالب مع شخصيات من محافظات متنوعة، اللي بالتأكيد كل حد فيهم بيكون عنده خبرات، وأحداث غير التاني، ودي بحد ذاتها ميزة بتتيحها المدرسة للطالب بشكل غير مباشر، وبكدا البيئة المدرسية بتتحول لصورة مصغرة من العالم الخارجي، اللي بتجهز الطالب للتعايش مع المجتمع.

4- تطوير المهارات الإبداعية

بتساعد المدارس الداخلية في مصر على اتساع مدارك الطلاب، وتنمية ابتكارهم، ودا عن طريق:

  • التنوع في المواد، والأنشطة، على سبيل المثال: إتاحة ورش العمل، والمشاريع العلمية، والأنشطة الفنية.
  • التوجيه، والدعم، والإرشاد من قِبل المعلمين، ومشاركة الطلاب بخبراتهم للاستفادة منها.
  • توفير بيئة تعليمية ملهمة، ومشجعة لكافة أفكارهم مهما كانت غريبة.
  • تشجيع التفكير الحر، والخوض في تجارب جديدة، ومختلفة.

5- توفير التوجيه المهني 

من مميزات المدارس الداخلية أنها بتتيح خدمات التوجيه المهني لطلابها، عشان الطالب يقدر يحدد هو محتاج يكمل مستقبله في إيه بالظبط، ودا بيحصل من خلال:

  • استكشاف الاهتمامات، والقدرات، وتوجيه الطالب للتخصص اللي يساعده على تطويرها، ودي تعد من أهم مميزات المدارس الداخلية في مصر..
  • تقديم الإرشاد الشخصي، ودا عن طريق جلسات فردية لمناقشة الأمور اللي محتار فيها الطالب بما يخص مستقبله، ومساعدته على مواجهة التحديات دي، واختيار الحلول الأنسب ليه.
  • تقديم معلومات مهنية، فبيتوفر لهم أغلب التفاصيل الخاصة بمختلف المجالات المهنية عشان يعرفوا يقرروا إيه المجال الملائم ليهم فيما بعد.
  • تقديم مساعدة في إعداد السيّر الذاتية، ومقابلات العمل، فبتمد المدرسة يد العون لطلابها عشان تؤهلهم لسوق العمل بأفضل شكل.

6- مساعدة الطالب على التفوق الدراسي 

تُعد المدارس الداخلية في مصر بيئة خصبة لمساعدة الطلاب على التفوق الدراسي، فبتوفر لهم كافة الطرق،  والأساليب، والوسائل، والأنشطة عشان يتعلموا بطريقة مثالية، ويجربوا، ويستكشفوا كمان بإيديهم في مختلف مجالات العلوم، وبكدا بيحصلوا على تجربة تعليمية ممتازة تمهد ليهم الطريق أنهم يتميزوا عن غيرهم من الطلاب.

عيوب المدارس الداخلية 

عيوب المدارس الداخلية في مصر

زي ما المدارس الداخلية في مصر ليها مميزات كتيرة، ومتنوعة، ليها أيضًا عيوب لازم ولي الأمر يعرفها، ويضعها في الحسبان قبل التقديم لطفله فيها، ومن أبرز العيوب دي:

1- الانفصال عن الأهل

مع وضع الطالب في بيئة مختلفة بعيدة عن أهله تمامًا بتتحول مدرسته الداخلية لبيته الأساسي، وزمايله ومدرسيه هما أسرته البديلة، وبالتالي بيبدأ ينفصل تدريجيًا عن أهله، ودا بيسبب:

  • قلة الرقابة الأسرية، فعلى الرغم من تواجد المدرسين، إلا إن الطالب بيكون أكثر احتكاكًا بغيره من الطلبة، اللي كلهم أكيد بيحتاجوا لحد يقوّم سلوكهم باستمرار، وللأسف دا مابيكونش متاح على طول.
  • قلة الدعم العاطفي، اللي ليه دور كبير في خلق شخصية سوية عاطفيًا، ونفسيًا، وقلته مع الوقت بتأثر في نمو الطالب بالسلب، وخاصةً لو سنه صغير، بيكون في أشد الاحتياج لأهله.

2- قلة الحرية الشخصية

من أبرز مشكلات المدارس الداخلية في مصر  هو إنها على الرغم من إتاحتها لأنشطة، وفعاليات للطلبة، إلا إنها بتحجم حرية الطالب، ولو كان داخلها من صغره فهي بتقلل من فرص نمو الطفل في البيئة الطبيعية اللي فيها أحداث، ومواقف مختلفة، وانطلاق في الحياة بشكل عام.

بجانب دا كمان، ومع كبر سن الطالب، المدرسة بتصبح بيئة مملة بالنسباله، وبتقلل من حريته الشخصية في التصرف براحته، أو على الأقل؛ التصرف زي غيره من الطلاب اللي في سنه في البيئة الخارجية.

3- الضغط الدراسي

إحاطة الطالب ببيئة تعليمية من جميع الاتجاهات طول الوقت ميزة كبيرة، لكنها أيضًا بتمثل ليه ضغط نفسي، وذهني كبير، ودا بسبب: 

  • التحديات الأكاديمية، وخاصةً إن معايير المدرسة بتكون عالية جدًا، وأغلب اللي بيكونوا فيها من المتفوقين، ودا بيخلي الطالب تحت ضغط طول الوقت عشان يواكب المنافسة بينه وبين زملائه.
  • قلة الخصوصية، ودا من أكتر المشاكل اللي بيواجهها الطالب في المدارس الداخلية في مصر، اللي بسببها بيفقد استرخائه مع نفسه، ودا بيكون عامل مساعد في زيادة ضغطه أكتر.
  • عدم وجود عامل يساعدهم على التنفيس عن ضغوطاتهم، فمهما كانت المدرسة كبيرة إلا إنها بتظل بيئة محدودة صعب الخروج منها، ومع الوقت بيملّوا من روتينهم فيها.

4- انطواء الطلاب

على الرغم من إن أبرز مميزات المدارس الداخلية في مصر هو إنها بتساعد الطالب على تكوين شبكة علاقات اجتماعية كويسة، إلا إن دا بيتوقف على نوعية شخصيات الطلاب، فالطلاب اللي بطبيعتهم انطوائيين بيواجههوا صعوبة كبيرة في التأقلم مع نوعية المدارس دي، ودا بيزيد كمان لو المدرسة ما بتقدمش الدعم النفسي، والعاطفي المناسب لطلابها، وبالتالي بيحصل انغلاق للطلاب أكتر على أنفسهم، وزيادة معاناة وجودهم في المدرسة.

مصاريف المدارس الداخلية في مصر

المدارس الداخلية في مصر عددها مش كبير زي المدارس الحكومية، أو اللغات، أما عن مصاريفها فبتتفاوت من مدرسة للتانية كالتالي:

1- مدارس المتفوقين للعلوم، والتكنولوجيا بنين، وبنات “مدارس ستيم STEM”

هي مدارس داخلية للطلاب المتفوقين، بيلتحق بها الطالب بعد المرحلة الإعدادية، وبتتبع النظام العلمي فقط فى التدريس مع بعض المواد الادبية البسيطة، ومواد اللغات زي أي مدرسة خاصة، أو حكومية، وموجودة في محافظات عديدة في مصر، زي: 

  • البحر الأحمر.
  • الإسماعيلية.
  • كفر الشيخ.
  • الدقهلية. 
  • المنوفية.
  • القاهرة.
  • الأقصر.
  • أسيوط.

مصاريف مدارس ستيم STEM

بالنسبة لمصروفاتها فبتُقدر بـ 4000 آلاف جنيه مصري سنويًا، 1000 منها مصروفات أساسية للمدرسة، و3000 تأمين خاص باللاب توب اللي الطالب بيستلمه في بداية الدراسة، على أن يتم تسديد المبلغ الأخير فى بداية دخول الطالب المدرسة، مع إمكانية إرجاعه لولىّ الأمر بعد التخرج.

أما عن مدارس المتفوقين للعلوم والتكنولوجيا الدولية فبيستوجب سداد الرسوم كاملة، واللي بتبلغ 30 ألف جنيه سنويًا.

بتقدم المدارس الداخلية في مصر كمان بعض المنح بالتعاون مع جهات أخرى زي وزارة التربية والتعليم، ومن أشهرها منحة مصر الخير اللي بتصل لـ 40 منحة بنسبة أقصاها 50% من المصروفات للطلاب، والطالبات المتفوقين.

2- المدارس العسكرية

تُعد المدارس العسكرية من أشهر المدارس الداخلية فى مصر اللي بتُتاح فقط للطلاب الذكور، إلا في بعض البرامج زي المدرسة العسكرية للتمريض اللي بتفتح أبوابها للإناث بعد انتهاء المرحلة الإعدادية.

مصاريف المدارس العسكرية

تُعد مصاريف المدرسة العسكرية بسيطة جدًا، فقيمتها لا تتعدى 100 جنيه بالعام الدراسي الواحد، والمبلغ دا بيشمل كل الأقسام المتنوعة بها.

3- المدارس العسكرية الرياضية

بتستقبل المدرسة العسكرية الرياضية كل عام دفعة جديدة من الطلاب بدءًا من الصف الرابع الإبتدائي لحد المرحلة الثانوية، وبتقبل الطلاب الذكور الماهرين بالرياضات بكل أنواعها، أما عن أماكن تواجدها فهي موجودة في كذا محافظة، زي:

  • الإسماعيلية.
  • الإسكندرية.
  • السويس.
  • أسيوط.
  • القاهرة.
  • المنيا.

مصاريف المدارس العسكرية الرياضية 

بالنسبة للمصاريف فهي مش بتمثل عائق للطلاب أثناء تقديمهم، ودا لأنها لا تتعدى الـ 100 جنيه سنويًا، لكن على الرغم من المصاريف القليلة دي، إلا أن أثناء التقديم بيعدي الطالب باختبارات متعددة لازم ينجح فيها عشان يتقبل زي الاختبارات:

  • الرياضية.
  • النفسية.
  • الصحية.

بكدا نكون ذكرنا أغلب التفاصيل الخاصة بالمدارس الداخلية في مصر، من مميزات، عيوب، مصاريف، وأماكن، عشان الصورة تكون واضحة قدام ولي الأمر قبل ما يقرر الخيار الأفضل لابنه، وفي كل الأحوال مهم نركّز في إيه اللي هيناسب الطفل، وهيتماشى مع قدراته، وإمكاناته قبل ما ناخد أي خطوة تخص مستقبله، وحياته.

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية لو عندك اي استفسار

إقرأ أكثر..

  • سعد الدوسري
    مايو 16, 2021 at 10:10 ص

    ابني يبلغ من العمر ١٢ انهى الابتدائية هذا العام لكن مستواه جداً متدني
    ارغب في الحاقه بمدرسة داخليه خلال الاجازه الصيفية تزيد من تحصيله العلمي

    • محمود علي
      سبتمبر 2, 2021 at 9:45 ص

      السلام عليكم، عندي أولادي تؤام ١٤ سنه عاوز اقدم لهم مدرسه داخليه لحين بدأ الدراسه،

      • حاسن العمري
        مايو 19, 2022 at 3:16 م

        برجاء الإفادة هل يوجد برامج لإستقبال الطالب من سن ٧ سنوات وحتى الثانوية

        • نرمين عبدالله
          أغسطس 26, 2022 at 4:18 ص

          اختي ف سن ال15 عاوزة ادخلها المدرسة وعاوزة افهم الدنيا ايه وكل التفاصيل ورقمكم وفين

        • عبده عامر
          يناير 10, 2023 at 1:42 م

          لو سمحت عندى طفل 10سنين كنت حابب ادخلوا مدرسه دخلى انا من العاشر من رمضان كنت عايز اعرف اقرب مدرسه واتفاصلهااا اى بعد ازنك

      • ممكن اعرف اماكن المدارس الداخليه
        مارس 16, 2024 at 3:26 ص

        ممكن اعرف اماكن المدارس الداخليه

        المزيد على موقع دليل المدارس المصرية: المدارس الداخلية في مصر | مميزاتها، وعيوبها، ومصاريفها https://egyptschools.info/?p=10141

    • د نورهان
      مارس 29, 2022 at 2:17 م

      لو سمحتو عاوزه تفاصيل المدرسه الداخليه للأولاد
      مصاريف ونظام؟

      • لوسمحت عايزه رقم لتواصل
        أكتوبر 7, 2023 at 6:56 م

        محتاجه رد ضروري

        • AMR
          ديسمبر 2, 2023 at 8:46 ص

          لو سمحت لو واصلت لرقم ليهم ممكن تبعته

    • Aya mosleh
      مايو 8, 2022 at 12:12 ص

      اخويا أولى اعدادي هل ف مدارس داخليه؟؟

      • عبده عامر
        يناير 10, 2023 at 1:44 م

        ابنى 10سنين عايز ادخلوا مدرسه دخلى ممكن تفاصيل

      • Gehad tarek
        ديسمبر 12, 2023 at 9:12 ص

        لوسمحت ضروري عايزه مدرسه داخلي من أولي ابتدائي لابن اخويا

        • دكتور نيڤين
          فبراير 9, 2024 at 11:00 ص

          عاوزه اقدم لابني ١٤سنه للمدرسه داخلية

  • حسام
    يونيو 25, 2021 at 8:53 م

    بنتى 5سنوات وارغب فى دخولها مدرسة داخلية

    • ابنى ٨ سنين اورغب فى ان ادخله مدرسة داخلية
      يناير 14, 2022 at 9:31 ص

      ابنى ٨ سنين وأرغب فى ادخله مدرسة داخلية عايزة اعرف فين المكان والمصاريف كام

      • مي حسن علي
        أغسطس 31, 2022 at 2:33 ص

        ابني ٨ سنوات اريد له مدرسه داخليه بالقاهره

  • nbras
    يوليو 5, 2021 at 8:43 ص

    اني من العراق وارغب بارسال ابني لمدرسة داخليه عمره ١٤سنه

  • farah
    يوليو 20, 2021 at 8:35 ص

    انا من القاهره و
    عاوزه ادخل مدرسه داخليه عندي 16

  • KhadeJah
    أغسطس 14, 2021 at 2:26 م

    عندي طفلان بنت عندها 7 سنوات وولد عنده 3 سنوات ارغب في الحاقهم مدارس داخلية

  • عندى ولد 31
    سبتمبر 26, 2021 at 11:22 م

    عندى ولد عنده13سنه عايزة ادخله مدرسه داخليه

  • يوسف محمد محمد
    أكتوبر 5, 2021 at 12:09 ص

    انا من المنيا وعايز مدرسه دخلبه حلوه في القاهره عند 14 سنه

    • ياريت انا كمان بدور على مدرسة داخلي
      نوفمبر 6, 2023 at 9:52 م

      بدور على مدرسة داخلي لابني ١٤ سنه في تانيه اعدادي

  • sahrs0473@gmail.com
    أكتوبر 16, 2021 at 10:57 م

    عندي طفل ١٠ سنوات عايزه ادخول

    • حبيبه احمد سيد
      نوفمبر 17, 2023 at 7:33 م

      عندي توأم 9 سنوات عوزه ادخلهم مدرسه داخليه بنات التفاصيل

  • ساره
    أكتوبر 19, 2021 at 1:27 م

    عند بنت عندها ٩سينن وعايزها مدراسه داخليه وتعديل سلوك

    • Yasmin
      أبريل 10, 2022 at 2:20 م

      نفس الموضوع بنت اخويا عندها ٩ سنوات وعاوزه ادخلها مدرسه دخلي مفيش عنوان او رقم تليفون للمدارس

    • لوسمحت عايزه رقم لتواصل
      أكتوبر 7, 2023 at 6:57 م

      محتاجه رد ضروري

  • مي
    يناير 15, 2022 at 12:04 ص

    عايزه مدرسه داخليه للتعليم الاعدادي للبنات تكون ف القاهره او الجيزه

  • نور
    فبراير 7, 2022 at 11:18 ص

    عايز ادخل بنتي مدرسة داخلية للصف الثالث الثانوي

    • ايه ميزه المدارس الداخليه... لاني خايفه علي سلوك ولادي
      فبراير 21, 2022 at 12:03 ص

      خايفه علي سلوك ولادي من المدارس الداخليه

    • عبده عامر
      يناير 10, 2023 at 1:42 م

      لو سمحت عندى طفل 10سنين كنت حابب ادخلوا مدرسه دخلى انا من العاشر من رمضان كنت عايز اعرف اقرب مدرسه واتفاصلهااا اى بعد ازنك

  • مني فارس
    فبراير 21, 2022 at 12:03 ص

    خايفه علي سلوك ولادي من المدارس الداخليه

  • Jory Mero
    يوليو 14, 2022 at 11:32 م

    ابنى 11سنه عاوزة ادخله مدرسة داخليه هو دماغية كويسة جده لو ركز ف الدراسة بس مش بعرف يذاكر من وجود ولاد عامه واللعب معاهم مبقاش يحب يذاكر

  • سهام
    فبراير 28, 2023 at 10:10 م

    عايزه اقدم للاولاد في مدرسه داخلي هم في سن الابتدائيه اعرف التفاصيل ازاي وفين الاماكن القريبه من المعادي وازاي احصل على معلومه التقديم وهل لها مصروفات وكم

  • رضوي
    أبريل 10, 2023 at 3:50 ص

    اخويا خلاص اخر سنه في ابتدائي وكنت عايزه مدرسه داخلي وكنت عايزه اعرف اماكن المدارس فين والافضل ليه

  • Asmaa
    مايو 13, 2023 at 6:10 م

    اخويا فى ستة ابتدائي وعايزين ندخله مدرسة داخلية ايه النظام والمصاريف

  • دعاء
    يوليو 23, 2023 at 4:36 م

    ابنى ٣ سنوات ٣ شهور حابه ادخله مدوسه داخليه لفترة وجيزة لتعديل السلوك قبل دخوله للمدرسه لمدة شهر فقط

  • محمد
    سبتمبر 23, 2023 at 8:14 م

    ابني ٤ ابتدائي ينفع يكمل في مدرسة داخليه لتعديل السلوك

  • Nesma
    نوفمبر 9, 2023 at 5:57 ص

    لو سمحتم انا اخويا ف ٤ إبتدائي وكنت عايزه ادخله مدرسه داخليه لتعديل سلوكه ممكن اعرف الأماكن والشروط وكيفيه التواصل

  • Um mahmoud
    نوفمبر 22, 2023 at 6:20 ص

    ابنى فى سنه خامسه ابتدائي ينفع احوله أى مدرسه داخليه

  • Gehad tarek
    ديسمبر 12, 2023 at 9:15 ص

    عايزه عناوين المدارس الداخليه ابتدأ من المرحله الابتدائيه ضروري

  • Donia
    ديسمبر 23, 2023 at 9:38 م

    ممكن اتواصل مع حد

  • محمدتامر عبد القادر
    يناير 8, 2024 at 9:52 م

    هل يوجد مدرسه داخلى تالته إعدادى والمصاريف كام والمكان فين

  • Hanan
    فبراير 20, 2024 at 2:52 م

    هل يقبل الطالب الغير مصري في المدارس الداخلية المصرية

  • مريات
    مارس 13, 2024 at 2:35 ص

    عاوزه اعرف المدارس الداخلية في القاهره بنات

  • ali lamona
    مارس 23, 2024 at 6:45 م

    ابنى 10سنين وعايز اقدمله فى مدرسه داخلي ينفع يتحول من حكومه لى داخلى و لو ينفع مصاريف السنه كام واى التفاصيل كامله

أضف تعليق