المدارس الأمريكية المعتمدة في مصر | أهم 7 معلومات

 

الإقبال على المدارس الانترناشونال المعتمدة في مصر زاد في الفترة الأخيرة؛ وده بسبب ظهور بعض العيوب في المدارس الرسمية زي زيادة التكدس في الفصول، ووجود مناهج بتعتمد بشكل كبير على الحفظ والتلقين بدون ما يكون في فرصة للإبداع.

من ضمن المدارس الانترناشونال المعروفة هي المدارس الأمريكية المعتمدة في مصر، واللي بتتبع التقنيات الحديثة في التعليم وبتقدم مناهج تعليمية مميزة جدًا تساعد الطالب في تنمية مهاراته وتخليه قادر يواكب التطور حواليه.

ومع اختلاف المناهج أكيد بيكون في نظام دراسة مختلف، والنظام ده بيركز أكثر على الأنشطة اللي بيقوم بيها الطالب ومشاركته أثناء الدراسة.

في المقال ده هنتعرف بشكل مفصل عن المدارس الأمريكية المعتمدة الموجودة في مصر، ونوضح أهم مميزاتها وعيوبها عشان تقدر تختار المدرسة المناسبة لأولادك.

1. ما هي المدارس الأمريكية المعتمدة؟

المدارس الأمريكية المعتمدة في مصر هي مدارس بتتبع نظام تعليمي حديث، وبتدرس مناهج تم اعتمادها من أمريكا، والمناهج دي بتختلف تماما عن المناهج اللي بيتم شرحها في المدارس الرسمية -الحكومية سابقًا- في مصر؛ لإنها بتهتم بشكل كبير بتنمية قدرات الطالب ومهاراته بجانب مستواه الدراسي.

كمان المدرس مش بيتعامل مع المنهج إنه جزء لازم يتشرح والطالب يحفظه عشان يقدر يحل، هو يساعد الطالب إزاي يفكر صح وبيتيح فرصة للطالب إنه يبدع، على عكس الموجود في المدارس الرسمية.

المدارس الأمريكية المعتمدة بتمنح الطالب شهادة معتمدة تأهله إنه يكمل دراسته الجامعية خارج مصر، وده بعد دخوله امتحان SAT، لكن عشان يتم قبوله في الجامعات المصرية ويتم الاعتراف بالشهادة لازم يكون اجتاز امتحان EST المصري.

وبالتالي فالمدارس الأمريكية بتقدم ميزة كويسة جدا للطلبة اللي حلمهم يكملوا دراستهم بره مصر ويتعرفوا أكثر على نظام الدراسة في الجامعات الخارجية.

اقرأ عن ماهو امتحان EST

2. قائمة بالمدارس الأمريكية المعتمدة في مصر

المدارس الأمريكية المعتمدة بتعتبر من أشهر المدارس الانترناشونال الموجودة في مصر، وبالتالي بنلاحظ وجود العديد من المدارس الأمريكية في محافظات مصر.

في محافظة القاهرة

بنلاقي إن من المدارس الأمريكية المعتمدة:

أما في محافظة الإسكندرية

في محافظة الجيزة

في محافظة القليوبية

مدرسة الجيل الجديد الدولية

كمان بنلاقي مدرسة جلوري في الدقهلية، ومدرسة الفؤاد الدولية في الشرقية، وغيرهم من المدارس الأمريكية المعتمدة في محافظات مصر.

3. نظام الدراسة في المدارس الأمريكية المعتمدة

الدراسة في المدارس الأمريكية بتكون مختلفة تمامًا عن المدارس الرسمية -الحكومية سابقًا-؛ لإنها بتركز بشكل أساسي على تنمية المهارات، وإعداد طالب عنده القدرة على حل المشاكل اللي حواليه بطريقة إبداعية، على عكس المدارس الرسمية اللي بيكون هدفها تلقين الطالب عشان يقدر يحل كويس في الامتحانات اللي بتختبر مدى قدرته على الحفظ.

الدراسة بتكون متقسمة على 3 أو 4 فصول دراسية حسب نظام المدرسة، وخلال كل فصل بيكون في أنشطة كتيرة وتطبيقات مطلوبة بيتم تقييم الطالب من خلالها، بالإضافة إلى الامتحانات اللي بتتعمل في نهاية كل فصل دراسي.

الأنشطة والتطبيقات ومشاركة الطالب داخل المدرسة بيكون عليها الدرجة الأكبر -أكثر من 50 % من المجموع الكلي-، وبالتالي الطالب بيكون معاه فرصة إنه يجمع درجات كتيرة خلال فترة الدراسة.

كمان بالطريقة دي مش بيكون في ضغط نفسي على الطالب؛ لإنه مش بيكون مطالب إنه يحفظ المناهج في فترة معينة عشان يقدر ينجح.

نظام الدراسة في المدارس الأمريكية المعتمدة هو نظام متكامل بيبدأ من المرحلة الابتدائية وبيستمر لمدة 12 سنة، والطالب اللي بيتخرج بيكون معاه شهادة تعادل شهادة الثانوية العامة.

عشان الطالب يحصل على الشهادة النهائية اللي بتمكنه من دخول الجامعات المصرية لازم يجتاز امتحان EST زي ما وضحنا، وده امتحان بيتم وضعه تحت إشراف وزارة التربية والتعليم المصرية بدون تدخل من الجهات الأمريكية.

قبل وضع امتحان الـ EST كان بيتم إجراء امتحان SAT و ACT، لكن بعد حدوث بعض المشاكل زي تسريب امتحان SAT أصبح امتحان EST هو الوحيد المعترف به داخل مصر.

4. شروط الالتحاق بالمدارس الأمريكية المعتمدة

التحاق
شروط الالتحاق بالمدارس الأمريكية المعتمة في مصر

المدارس الأمريكية في مصر بتستقبل دفعات جديدة من الطلبة كل سنة، والقائمين على العمل بيكونوا حريصين جدًا إن الطالب اللي هيلتحق بالمدرسة يكون مؤهل فعلًا إنه يكمل ويتفوق فيها.

عشان كده بيكون في مجموعة من الشروط الواجب توافرها في الطالب عشان يقدر يلتحق بأحد المدارس الأمريكية المعتمدة في مصر.

من أهم الشروط المطلوبة:

  • لا يقل عمر الطفل عن 4 سنوات.
  •  إن الطالب يجتاز الاختبارات المطلوبة قبل التقديم؛ لإن اجتياز الاختبارات يعتبر بمثابة دليل واضح على إن الطفل فعلًا مؤهل للانضمام إلى المدارس الأمريكية المعتمدة في مصر.
  •  الأب والأم لازم يكونوا حاصلين على مؤهل عالي؛ لإن المناهج بيتم تقديمها باللغة الإنجليزية، وبالتالي ولي الأمر مش هيقدر يتابع كويس مع الطفل لو مستوى تعليميه قليل.
  • تقديم جميع الأوراق الرسمية المطلوبة، وبيكون في نشرة أو بيان بيوضح الأوراق دي بالظبط.

شروط التقديم في المدارس الانترناشونال سواء الأمريكية أو غيرها ممكن يحصل فيها تغيرات من وقت للتاني، ومن هنا لازم ولي الأمر يكون على دراية كافية بالشروط المطلوبة في سنة التقديم عشان يكون في فرصة لقبول الطفل.

5. مميزات نظام التعليم الأمريكي

اختلاف نظام التعليم الأمريكي عن الأنظمة التعليمية الثانية بيخليه يكتسب مجموعة من المميزات اللي بتخلي ولي الأمر يختاره لأولاده؛ لإنه مدرك إن النظام ده هيساعدهم على التفوق الوصول لحلمهم.

من أهم المميزات الموجودة في المدارس الأمريكية المعتمدة في مصر:

امريكية
مميزات المدارس الأمريكية المعتمدة في مصر

العمل على تطوير الطالب وتنمية مهاراته

المدارس الأمريكية المعتمدة في مصر زي ما بتهتم بمستوى الطالب الدراسي وبتكون حريصة إنه يوصل لمستوى متقدم فهي بردو بتركز على تنمية المهارات، وبيكون الطالب عنده مساحة كبيرة للإبداع.

وبكده نظام التعليم الأمريكي هيساعد الطالب يكتشف مهاراته الحقيقية ويطورها خلال سنوات الدراسة عن ممارسة الأنشطة المختلفة، وكمان بتشجعه إنه يشارك في الأنشطة دي؛ لإن نسبة كبيرة من المجموع النهائي للطالب بيكون معتمد على عليها.

الحصول على شهادة معتمدة تعادل شهادة الثانوية العامة

المدارس الأمريكية المعتمدة في مصر بتضمن للطالب فرصة الالتحاق بالجامعات الدولية واستكمال الدراسة خارج مصر، لإن الطالب بيكون معاه فرصة إنه يدخل امتحان SAT أو ACT.

أما إذا كان الطالب بيفضل استكمال الدراسة داخل الجامعات المصرية فامتحان EST -اللي بيكون إلزامي لجميع الطلبة عشان يتم الاعتراف بشهادتهم- هيكون كافي جدا

يعني في الحالتين الطالب هيحصل على شهادة معتمدة معادلة لشهادة الثانوية العامة اللي بيتم الحصول عليها من المدارس الرسمية في مصر.

وجود فرصة لتعويض النقص في الدرجات خلال العام الدراسي

السنة الدراسية في المدارس الأمريكية المعتمدة في مصر مقسمة إلى أكثر من فصلين دراسيين، وفي نهاية كل سنة بيتم حساب متوسط الدرجات اللي حصل عليها الطالب في كل الفصول دي.

بالتالي لو الطالب حصل على درجات قليلة في فصل دراسي منهم بيكون معاه فرصة للتعويض في الفصول الدراسية الثانية، وده مش بيأثر كتير على مجموعه النهائي.

تخفيف الضغط النفسي على الطالب

رغم إن المناهج في المدارس الأمريكية المعتمدة في مصر بتكون طويلة إلا إن الضغط النفسي على الطالب يكاد يكون مش موجود؛ لإنه بيحصل علىرجات كتيرة خلال العام الدراسي من خلال الأنشطة والمشاريع اللي بيعملها وبيكون في درجات بسيطة على الامتحانات النهائية.

بالتالي الطالب بيدخل الامتحان وهو معاه درجات عالية تساعده ينجح، ومن هنا الضغط النفسي بيقل.

6. عيوب نظام التعليم الأمريكي

أي نظام تعليمي في العالم بيكون فيه مجموعة من المميزات والعيوب، ودورنا كأولياء أمور هو إننا نقارن كويس بين المميزات والعيوب دي عشان نعرف هل النظام ده مناسب للطالب ولا في نظام تاني هيكون مناسب أكثر.

بالنسبة لنظام التعليم الأمريكي فبنلاحظ مجموعة من العيوب اللي بتخلي ولي الأمر يعيد النظر قبل ما يقدم لابنه فيه، والعيوب دي زي:

1
عيوب المدارس الأمريكية المعتمدة في مصر

بعض المناهج غير كافية لتأهيل الطلبة للكليات

المناهج اللي بيتم تدريسها في المدارس الأمريكية هي مناهج معتمدة من أمريكا زي ما وضحنا، والمناهج دي بتقدم قيمة علمية كويسة جدا مقارنة بالمناهج المصرية.

لكن في بعض المواد بنلاحظ إن المعلومات اللي بيدرسها الطالب خلال سنوات دراسته مش بتكون كافية إنه يحصل من خلالها على خلفية عن مناهج الكلية اللي حابب يكمل فيها.

المناهج الطويلة

بعض طلبة المدارس الأمريكية المعتمدة بيشتكوا إن المناهج بتكون طويلة إلى حد ما، فبيكون من الصعب عليهم إنهم يفهموها كلها بشكل كويس.

لكن عشان المناهج معتمدة على الفهم أكثر من الحفظ، وطريقة التعليم بتركز أكثر على الأنشطة والمشاركة فممكن نعتبر إن المناهج مقبولة.

إلغاء اعتماد امتحان SAT في مصر

امتحان SAT هو امتحان بيأهل الطالب إنه يلتحق بالجامعات الخارجية، وتم اعتماده في مصر لفترة، فكان الامتحان ده لواحده إثبات كافي إن الطالب مؤهل لدخول الجامعات المصرية.

لكن حصل بعض المشاكل في امتحان SAT  في الفترة الأخيرة، زي إنه كان بيتم تأجيله بعد تحديد موعده، وإنه تم تسريبه للطلبة، وبالتالي تم إصدار قرار بإلغاء اعتماد امتحان SAT في مصر.

الطلبة اللي بيكون حلمهم استكمال الدراسة في الخارج شايفين إن النقطة دي أصبحت ضمن عيوب المدارس الأمريكية، ولكن لسه في فرصة إنهم يحققوا حلمهم ويقدموا على امتحان SAT.

ارتفاع قيمة المصروفات المدرسية

المصروفات المدرسية اللي بتطلبها المدارس الأمريكية المعتمدة في مصر بتكون مرتفعة مقارنة بمصروفات المدارس الرسمية، وبالتالي بعض أولياء الأمور مش بيكون عندهم القدرة المادية لسداد كل المصروفات خلال سنوات الدراسة.

ومن هنا بنلاقي إن أولياء الأمور بيعيدوا تفكيرهم وحساباتهم تاني قبل التقديم لأولادهم في المدارس الأمريكية، وبعضهم بيفضل البديل بسعر أقل.

7. متوسط مصاريف المدارس الأمريكية المعتمدة

المدارس الأمريكية المعتمدة في مصر بتقدم مميزات كتيرة جدًا زي ما وضحنا، وبالتالي المميزات دي عشان يتم تقديمها بالشكل الأمثل لازم يكون في رسوم بيتم سدادها للمدرسة.

مصاريف المدارس الأمريكية بتختلف من مدرسة للثانية، وكمان بتختلف من مرحلة دراسية للثانية زي ما بيحصل في باقي المدارس الانترناشونال.

فمثلا متوسط المصاريف اللي بيتم سدادها في المدرسة المصرية الأمريكية فبتكون حوالي 55 ألف جنية في مرحلة رياض الأطفال.

أما بالنسبة للمدرسة الأمريكية الدولية فهنلاقي إن الأسعار بتبدأ من حوالي 121 ألف جنية في مرحلة رياض الأطفال، وبتزيد بشكل كبير لحد ما توصل إلى حوالي 160 ألف جنية في المرحلة الثانوية.

وده بيثبت فعلًا إن مصاريف المدارس الأمريكية المعتمدة في مصر بتختلف من مدرسة للثانية، ولازم ولي الأمر يقارن كويس بين المميزات اللي بتقدمها المدرسة والمصاريف اللي بتطلبها ويختار الأنسب للطالب والأنسب لحالته المادية.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids
انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق