اختبارات القبول في المدارس بقت خطوة أساسية ومهمة في حياة أي طفل وأسرته، خاصةً لما تكون المقابلة بالإنجليزي؛ كتير من الأمهات بيبقوا قلقانين من الأسئلة اللي ممكن تتوجه للطفل أو حتى ليهم كأولياء أمور.
عشان كدا في المقال دا هنقدّم دليل كامل عن أهم أسئلة انترفيو المدارس للطفل والوالدين بالإنجليزي، مع شرح لطريقة الإجابة عليها ببساطة، سواء كنتي بتحضري طفلك لاختبارات المدارس اللغات أو الانترناشونال عشان تتخطي المرحلة دي بنجاح وثقة، فتابعي معانا.
الدليل المبسط لاجتياز أسئلة انترفيو المدارس للطفل والوالدين بالإنجليزي
وقبل ما نعرضلك أبرز أسئلة الانترفيوهات هنوضح أهم النقاط التحضيرية واللي لازم تكون في بالكم كأولياء أمور، ومنها:
الاستعداد المسبق
خصصي وقت تتدربي فيه مع طفلك على الأسئلة الأساسية زي الألوان، والأرقام، وأسماء الأشكال، والفواكه، والخضروات، وبعض المواقف البسيطة.
دا بالإضافة لتحضيرك إنتي وباباه لأشهر الأسئلة عشان تظهروا هاديين وطبيعيين وأنتم بتجاوبوا.
التركيز على زرع الثقة
مهم تركّزي على لغة الجسد سواء ليكي أو لطفلك، ودا لإن الثقة مهمة جدًا وبتعبر عن شخصية الطفل والبيئة اللي عايش فيها، فحاولي تشجعي طفلك وتطمنيه وتطلبي منه يسمع ويرد بتركيز.
معرفة سياسة المدرسة
ابحثي عن القيم والأهداف اللي بتركز عليها المدرسة عشان تقدري تحضري إجابات متماشية مع رؤيتها، وكمان عشان تشوفي هل متوافقة مع متطلباتكم كأولياء أمور ولا لأ.
الاهتمام بالمهارات الاجتماعية للطفل
علّمي طفلك إزاي يتكلم بثقة قدام الناس من خلال الرد على الأسئلة والتعريف بنفسه بشكل بسيط عشان يقدر يتجاوز أسئلة انترفيو المدارس للطفل والوالدين بالإنجليزي.
التدرّب على الروتين اليومي
بعض المدارس ممكن تسأل الطفل عن الأنشطة اليومية البسيطة، عشان كدا ساعديه يفهم الروتين اليومي وأهدافه، زي ميعاد الصحيان والنوم، والرياضة، والأكل.
التحضير النفسي
شجعي طفلك على اعتبار المقابلة دي تجربة ممتعة مش اختبار وأياً كانت النتيجة فأنتم هتتقبلوها.
التوقيت المناسب للتدريب
خصصي وقت قصير يوميًا للتدرب عشان الطفل مايحسش بالضغط.
ومن خلال الخطوات دي تكوني حطيتي أساس قوي لدخول طفلك المدرسة المناسبة بثقة وراحة.
أسئلة انترفيو المدارس للطفل بالإنجليزي
أسئلة انترفيو المدارس للطفل والوالدين بالإنجليزي كتير وبتعتمد على أساسيات كتيرة لازم الطفل يكون على دراية بيها، ومن أهم الأسئلة الموجهة للطفل:
- What is your name?
الإجابة: دربي طفلك على الإجابة باسمه الكامل بثقة.
- How old are you?
الإجابة: “I am 4 years old” (حسب عمر الطفل).
- What is your favorite color/ animal/ food?
الإجابة: طبعاً هتكوني مدرباه على حفظ الحاجات دي ومُتقنها كويس وهتبقى إجابة مثلاً: “My favorite color is blue”
- Can you count from 1 to 10?
الإجابة: الطفل هيعد الأرقام ببساطة وهدوء، ولازم تتأكدي إنه بيعرف يفرق بينهم ومش بيتلغبط.
- What do you like to do for fun?
الإجابة: هنا هتعلميه يرد عن الأنشطة اللي بيحب يعملها بجمل بسيطة تماماً زي:
“I like to draw/play football/watch cartoons”
تقدري تتعرفي أكتر على: أسئلة انترفيو المدارس للأطفال| أشهر 10 أسئلة وأجوبتهم.
أسئلة انترفيو المدارس للوالدين بالإنجليزي
هنا بتكون الأسئلة معتمدة على التعارف على الأهل وطريقة تفكيرهم وتربيتهم للطفل، وعشان كمان المدرسة تقيم هل فعلاً هما متقبلين سياسة المدرسة وقواعدها ولا لأ؟ وهل رؤيتهم متوافقة مع أهداف المدرسة؟ وهل هي الاختيار الصحيح للأهداف اللي في دماغهم؟
ودي أهم أسئلة انترفيو المدارس للطفل والوالدين بالإنجليزي (الجزء الخاص بأولياء الأمور).
1- Do you work? How many hours do you work?
الإجابة:
- Father: “Yes, I work as a (Job Title), and I usually work for 8 hours a day”.
- Mother: “Yes, I work part-time for 5 hours, or I am a stay-at-home mom.”
الهدف من السؤال هو معرفة مدى توفر الوقت عند الوالدين لرعاية الطفل ومتابعته.
2- who will wait for your son when he returns if you arrive after him?
الإجابة:
“If we arrive after him, his grandmother/a trusted family member will wait for him at home.”
هنا المدرسة بتحاول تتأكد إن الطفل في بيئة آمنة بعد الرجوع من المدرسة.
3- what do you work? How many hours do you spend time with your family?( Ask for father)
الإجابة:
“I work as a (Job Title), and I make sure to spend 2–3 hours daily with my family, especially during dinner time.”
السؤال بيركز على توازن العمل والحياة الأسرية ومدى اهتمام الأب بالطفل.
4- Does your child go to nursery? For how long? What is its name?
الإجابة:
“Yes, he has been attending nursery for 2 years at (Name of Nursery).”
المدرسة بتحاول تعرف إذا كان الطفل عنده خبرة سابقة في التعليم.
5- What does your child do when he returns from the nursery?
الإجابة:
“He has a snack, does some coloring or puzzles, and then plays for a while”.
السؤال بيستفسر عن الروتين اليومي للطفل بعد الحضانة.
6- How do you give your child a punishment if he did anything wrong? Who takes the action of punishment first?
الإجابة:
“We use positive reinforcement and talk to him first to understand the problem.
Usually, the mother handles it initially, then the father steps in if needed”.
الهدف هنا هو معرفة أسلوب التربية وهل العقاب بيكون بشكل صحيح لتعديل السلوك أو لأ.
7- What do you do on weekends?
الإجابة:
“We spend time as a family, go to the park, or engage in activities like playing games or visiting relatives.”
hلمدرسة بتحاول تشوف الأنشطة اللي بتساعد الطفل على النمو الاجتماعي.
8- Does your child play any sport? Which club are you joining?
الإجابة:
“Yes, he plays football at (Name of Club), and he enjoys it very much.”
السؤال بيقيس اهتمام الأهل بالرياضة وتطوير مهارات الطفل البدنية.
9- What do you need from the school?
الإجابة:
“We need the school to provide strong academic support, help in character building, and ensure a safe environment for our child.”
الإجابة بتوضح توقعات الأسرة من المدرسة.
10- Does your child have a hobby?
الإجابة:
“Yes, he loves drawing and building with Lego”.
معرفة الهوايات بتساعد المدرسة في تقديم أنشطة تناسب الطفل.
11- How many hours does your child spend time watching TV? Which channel does your child watch?
الإجابة:
“He spends 1–2 hours a day watching educational channels like National Geographic Kids.”
الهدف هو معرفة نوعية المحتوى اللي بيتعرض له الطفل.
12- How do you reward your child? Do you spend time with your child?
الإجابة:
“We reward him with small gifts or extra playtime, and we make sure to spend quality time together daily.”
الهدف هو معرفة طريقة الأهل في تحفيز الطفل وإبراز أهمية الوقت العائلي.
أسئلة انترفيو المدارس اللغات للأطفال
المدارس الخاصة اللغات أو المدارس القومية اللغات بتهتم بعمل انترفيو مع الطفل عشان تقيم مدى توافقه مع المناهج التعليمية واستعداده ليها، ومن أهم الأسئلة اللي ممكن يتعرض لها الطفل:
1- What’s your name? & How old are you? & Can you count from 1 to 10?
دي بعض الأسئلة اللي بتتشابه فيها معظم المدارس اللغات كبداية تمهيدية للطفل، وتقليل التوتر معاه.
2- What color is this? Or What is the shape? Or What animal is this?
ممكن يتعرض على الطفل أي مجسم أو لعبة ويتسأل عن شكلها أو لونها، وممكن يتعرض عليه صورة حيوان عشان يتعرف عليه.
3- What is your favorite toy/game?
هنا الطفل هيتكلم بجمل بسيطة عن ألعابه المفضلة أو الوقت اللي بيقضيه إزاي.
أسئلة انترفيو المدارس الانترناشونال للأطفال والوالدين
المقابلة في المدارس الانترناشونال بتتضمن أسئلة انترفيو المدارس للطفل والوالدين بالإنجليزي اللي ذكرناها في الفقرات السابقة، بالإضافة لبعض الأسئلة اللي هنوضحهالك دلوقتي، وهي:
1- Can you tell me about your family?
هنا الطفل ممكن يجاوب عن شغل باباه أو مامته أو وقت بيقضوه سوا، أو أكتر حاجة بيعملها مع باباه ومامته، ودا واحد من أكتر أسئلة انترفيو المدارس للطفل والوالدين بالإنجليزي تكراراً.
Dad always plays with me on weekends, mom helps me with homework,….
معرفة الهوايات بتساعد المدرسة في تقديم أنشطة تناسب الطفل.
2- What is your favourite colour?
ممكن الطفل يجاوب باللون فقط.
3- What do you like to do in your free time?
بيسألوه عن هواياته أو رياضته المفضلة فممكن يقول:
“I like to play football, swimming,….”
4- Do you know the alphabet? Can you say it
هيقول الحروف لحد ما المعلم يوقفه، فمهم يكون حفظها كويس.
5- What’s your father’s or mother’s name?
هيجاوب باسم باباه أو مامته.
6- What do you see in this room/ Class?
ممكن يبقى في ألعاب أو شباك أو كرسي أو سبورة فمهم يعرف الحاجات دي.
7- What does your father do?
بيجاوب بمهنة باباه.
8- Point to your (any part of body)?
مهم يعرف كل أجزاء جسمه عشان لو اتسأل عنها.
دا غير إن المعلم ممكن يطلب منه يلعب مع بعض الأطفال، أو يقوم بأي نشاط عشان يقيم مهاراته الاجتماعية، وسرعة استجابته للبيئة اللي بيتواجد فيها.
الفرق بين أسئلة انترفيو المدارس الناشونال والانترناشونال
وبعد ما ذكرنا أبرز أسئلة انترفيو المدارس للطفل والوالدين بالإنجليزي، هنفرق لك بين الأهداف اللي بتبني عليها المدارس الانترفيو والأسئلة.
هنلاقي إن الأسئلة الخاصة بانترفيو المدارس بتختلف بين مدارس اللغات الناشونال والمدارس الانترناشونال بناءً على متطلبات المنهج الدراسي، والفلسفة التعليمية لكل نوع.
فالمدارس الانترناشونال بتركز بشكل كبير على شخصية الطفل واستعداده الأكاديمي والاجتماعي للتكيف مع النظام التعليمي العالمي، أما المدارس الناشونال فبتهتم أكتر بالجوانب التعليمية التقليدية، والتزام الأسرة بالقيم والانضباط.
وأخيراً، أسئلة انترفيو المدارس للطفل والوالدين بالإنجليزي من المواضيع اللي بتشغل بال أولياء الأمور وبتوترهم بشكل كبير.
وهدف المدارس منها هو التعارف على الأهل وعلى أهدافهم وخلفيتهم عن المدرسة ومدى توافق توقعاتهم مع اللي بتقدمه المدرسة من مناهج تعليمية، وأنشطة ترفيهية، وتنمية شخصية الطفل من جوانب كتيرة.
أما بالنسبة لأسئلة انترفيو المدارس للطفل والوالدين بالإنجليزي الموجهة للطفل بتكون بسيطة، وبتتدرج على حسب نوع المدرسة، فبتكون بسيطة لو المدرسة خاصة أو قومية لغات، وبتتنوع أكتر لو المدرسة انترناشونال لإن دا بيعتمد على خلفية الطفل من الحضانة، ونوع التعليم اللي اتقدمله.
أما بالنسبة لأسئلة الوالدين بتكون للتعرف عليهم، وعلى خلفيتهم التعليمية، والطريقة المُتبعة في تربية الطفل والتعامل معاه، عشان يدعموها ويتعرفوا على الطفل من خلالهم.
أضف تعليق