مميزات مدرسة العربي للتكنولوجيا التطبيقية وأهم 9 شروط للقبول في المدرسة

أولياء أمور كتيرة بيدوروا على مدارس فنية يكون ليها مستقبل كويس لأولادهم، ومن المدارس اللي أثبتت نفسها في السنين الأخيرة هي مدارس التكنولوجيا التطبيقية، وفي المقال دا هنخص بالذكر مدرسة العربي للتكنولوجيا التطبيقية.

من مميزات مدرسة العربي للتكنولوجيا التطبيقية إنها بديل كويس للثانوية العامة ولمشاكلها، وبتمكن الطلاب من التطوير والابتكار، وبتعزز الدراسة التدريبية والتفاعلية بطرق تدريس مبتكرة.

عشان كدا هنتعرف أكتر عن المدرسة، ومميزاتها، وشروط التقديم والقبول فيها. 

ما هي مدرسة العربي للتكنولوجيا التطبيقية

قبل التعرف على مميزات مدرسة العربي للتكنولوجيا التطبيقية خلينا نقولك إن المدرسة أنشئت بالشراكة بين وزارة التربية والتعليم، وشركة العربي بهدف إعداد كوادر جديدة بكفاءات عالية تتناسب مع سوق العمل، وبدأت فصولها التعليمة خلال العام الدراسي 2018/2019. 

المدرسة موجودة بمحافظة المنوفية، ومنهجها الدراسي بيكون عبارة عن:

•  العلوم الأساسية الثقافية.
•  العلوم الفنية في مجال التخصص.
•  التدريب العملى.

المدرسة بتقبل الطلاب من الإدارات التعليمة الموجودة في بنها، وقويسنا بس، وبتوفر مجموعة العربي للطلاب بمدينة القليوبية والمنوفية أتوبيسات لنقلهم للمدرسة، ومدة الدراسة فيها بتكون 3 سنوات. 

وبنلاقي إن المدرسة بتحرص إن عدد الطلبة في الفصول يكون قليل عشان الطالب يقدر يستوعب كويس، فبنلاقي إن الفصل بيضم 24 طالب. 

كمان جميع الخريجين لديهم الأولوية في العمل في أحد فروع شركات العربي، بجانب إن المدرسة بتوفر للمتميزين فرصة استكمال التعليم في اليابان.

تخصصات مدرسة العربي للتكنولوجيا

من خلال دراسة على موقع ERIC التابع لوزارة التعليم الأمريكي عن التعليم التقني الصناعي وأهميته، بنلاقي إنه بالرغم من دخول الطلاب للتعليم الصناعي قبل كدا كان بناءً على المجموع، أو الخوف من الثانوية العامة إلا إن الموضوع اتغير في السنوات الأخيرة، وأصبح التعليم الصناعي له مستقبل كبير في مهن مختلفة.

عشان كدا بتوفر المدرسة مجموعة من الأقسام، والتخصصات التقنية لتلبية احتياجات السوق، واللي بتتمثل في: 

قسم الكهرباء

بيهتم قسم الكهرباء بتعليم الطلاب عن الأنظمة الكهربائية والإلكترونية، وبيشمل المنهج الدراسي للقسم:

• مبادئ الكهرباء.
• الدوائر الكهربائية.
• التحكم الكهربائي.
• أنظمة التحكم.
• الصيانة الكهربائية.

ومن مميزات مدرسة العربي للتكنولوجيا التطبيقية إن التعليم في تخصص الكهرباء بيشمل التدريب العملي على استخدام الأدوات، والمعدات الكهربائية، وتطبيقها لحل المشاكل اللي بتحصل في الواقع.

قسم الميكانيكا

بيركز تخصص الميكانيكا على تعليم الطلاب المبادئ والتطبيقات الميكانيكية. وبيتعلم الطلاب في القسم:

• دراسة المكونات الميكانيكية والآلات.
• دراسة المبادئ الأساسية للميكانيكا.
• التصميم الهندسي.
• التحليل الإجهادي.
• التصنيع والإنتاج.

وبيتم تدريس المواد النظرية، والعملية لتمكين الطلاب من فهم وتطبيق المفاهيم، والمهارات اللازمة للعمل في مجالات مختلفة.

قسم التبريد والتكييف 

بيقدم القسم تدريب متكامل في مجال تركيب وصيانة أنظمة التبريد والتكييف، وبيتعلم الطلاب في القسم:

• مبادئ التبريد.
• تصميم وتركيب أنظمة التبريد والتكييف
• صيانة معدات التبريد والتكييف.
• التحكم في درجة الحرارة.
• الأنظمة الباردة.

وكمان من مميزات مدرسة العربي للتكنولوجيا التطبيقية في تدريس قسم التبريد والتكييف إنها بتوفر فرص التدريب العملي للطلاب للعمل على أجهزة التبريد والتكييف الفعلية، وحل المشاكل التقنية.

قسم اللوجستيات

بيعد تخصص اللوجستيات من الأقسام المميزة، واللي بيعتبر من أكبر مميزات مدرسة العربي للتكنولوجيا التطبيقية، لإنه من المجالات المطلوبة في سوق العمل.

واللوجستيات عبارة عن عمليات تسويقية ومهنية بتهتم بإدارة البضائع والمنتجات، وطرق إنتاجها واستهلاكها، بمعنى إن الشركات ما تقدرش تتنج أو تستورد أي منتج بدون ما يحصل عملية تدقيق لوجستية عليه.

ومن مجالات عمل تخصص اللوجستيات:

• تسويق الخدمات اللوجستية والمبيعات.
• إدارة الخدمات اللوجستية الدولية.
• إدارة الواردات والصادرات.
• تخطيط وتحليل اللوجستيات.
• إدارة عمليات النقل الجوي.
• تخطيط الإنتاج والعمليات.
• تخطيط ورقابة المخزون.
• شركات خدمات الشحن.
• نظم المعلومات والرقابة.
• إدارة عمليات المخزن.
• إدارة سلاسل الإمداد.
• إدارة خدمة العملاء.
• خطوط الشحن.
• سوق الأسهم.
• إدارة التأمين.
• إدارة النقل.

وكمان الطالب بيقدر يتعلم بالقسم عن التخطيط وتنظيم ومراقبة السلع، والمواد، والخدمات بداية من إنتاجها لحد استهلاكها.

وبيشمل المنهج دراسة التخزين والتوزيع، وإدارة المخازن، والنقل والشحن، وتكنولوجيا المعلومات المتعلقة باللوجيستيات. 

وتبعًا لأبحاث researchgate عن أهمية تدريس اللوجستيات، قالت إن تم توثيق وظائف كتيرة خاصة بالقسم دا بالاقتصاد الأمريكي، وهي: 

• مساعد منسق الخدمات اللوجستية – Assistant Logistics Coordinator.
• منسق الخدمات اللوجستية – Logistics coordinator.
• مشرف اللوجستيات – Logistics supervisor.
• مدير اللوجستيات – Logistics manager.
• مدير سلسلة التوريد أو اللوجستيات – Supply Chain or Logistics Manager.

ودا بيدل على احتياج سوق العمل للتخصص بشكل متزايد عن الأول.

اقرأ أيضًا: أهم 8 معلومات عن مدرسة فريش الدولية للتكنولوجيا التطبيقية

مميزات مدرسة العربي للتكنولوجيا التطبيقية 

حرصت مجموعة العربي بالتعاون مع وزارة التربية والتعليم، والتعليم الفني في مصر على توفير مميزات كتيرة للطلاب خلال فترة دراستهم بالمدرسة، ومن مميزات مدرسة العربي للتكنولوجيا التطبيقية:

• تدريب الطلاب بيتم تحت إشراف من اليابانيين، واللي بيخليهم يحصلوا على خبرة عالمية بالمجالات.
• تدريب الطلاب بمصانع العربي، واللي بيضمن التطبيق العملي خلال الدراسة. 
• توفير بيئة تعليمية هي الأفضل للطلاب بما يتناسب مع منظومة التعليم الجديدة. 
• توفير  خدمات صحية متنوعة، واهتمام بالجانب الرياضي والترفيهي.
• توفير فرص عمل في أحد فروع شركة العربي لخريجيين المدرسة.
• توفير أتوبيسات مكيفة  لنقل الطلاب للمدرسة وأماكن التدريب.
• تطوير مستمر في المناهج لمتابعة احتياجات سوق العمل.
• توفير وجبة غذائية متكاملة للطلاب كل يوم.
• توفير أدوات، وخامات تدريب الطالب بالكامل.
• تقديم شهادة معتمدة دوليًا. 
• توفير الزي المدرسي للطلاب.

طلبات التقديم للدراسة في مدرسة العربي للتكنولوجيا 

تبعًا لما تم الإعلان عنه بالمدرسة، بنلاقي إن طلبات التقديم للعام الدراسي 2023-2024 هي: 

• استمارة الشهادة الإعدادية لنفس العام الحالي (الأصل + 5 صور)،  معتمدة بختم النسر،  وملصق عليها طابع صندوق دعم وتمويل وإدارة وتشييد المشروعات فئة 10 جنيهات.
• استمارة بيانات طلب المتقدم + طلب التحاق + تعهد عدد وأدوات (موجود بالمدرسة).
• 8 صور للطالب على خلفية بيضاء مقاس 4*6، مع كتابة اسم الطالب عليها بالكمبيوتر.
• شهادة ميلاد حديثة كمبيوتر مدون بها الرقم القومي للوالدين (أصل + 5 صور).
• 2 طابع صندوق دعم وتمويل وإدارة وتشييد المشروعات فئة 10 جنيهات.
• كشف طبي معتمد من التأمين الصحي، وعليه صورة شخصية للطالب.
• أصل و 3 صور من قرار المحكمة بالولاية التعليمية في حالة الانفصال.
• توقيع الطالب وولي الأمر على اللائحة السلوكية الموجودة بالمدرسة.
• أخذ مقاس الطالب في الملابس مع المسؤول داخل المدرسة.
• أصل و 3 صور من إيصال سداد المصروفات المدرسية.
• توقيع ولي الأمر على العقد الثلاثي الموجود بالمدرسة.
• أصل قرار الوصاية و 3 صور منه في حالة وفاة الأب.
• تقديم ما يفيد بتخفيض المصروفات -إن وجد-.
• 4 طابع نقابة المهن التعليمية فئة 1 جنيه.
• ملف أزرق بسوستة لحفظ الأوراق.
• 4 صور ألوان لبطاقة الأب والأم.
• 5 أظرف بريد مقاس صغير.
• أصل البطاقة الصحية.

وبيسلم الطالب/ ولي الأمر  المستندات في مقر إدارة المدرسة الموجود بمدينة قويسنا.

وكمان من مميزات مدرسة العربي إنها بتعلن عن موعد التقديم كل سنة، وعن أي أوراق مستجدة، بحيث يقدر الطالب يجهز الأوراق، والمستندات المطلوبة قبل ميعاد التقديم بمدة كافية. 

خطوات التقديم إلكترونيًا

بتساعد المدرسة الطلاب في التقديم بسهولة عن طريق فورم للتسجيل، واللي بيكون إضافة لمميزات مدرسة العربي للتكنولوجيا التطبيقية في تقديم الطلاب بشكل أسهل وأسرع، وخطوات التقديم عليه بتكون كالتالي:

1. كمل بياناتك الأساسية المطلوبة زي الاسم والمحافظة. 
2. اختار النظام التعليمي المناسب ليك.
3. حدد رغباتك حسب النظام اللي اخترته.
4. اضغط على إرسال الطلب.
5. اضغط على إرسال التنسيق.
6. ادفع 100 جنية رسوم قبول من خلال فوري أو البريد المصري.
7. تابع الإيميل الخاص بيك يوميًا لمعرفة ميعاد الاختبار.
8. احضر الاختبار في الموعد المحدد بدون تأخير.
9. تابع البريد مرة تانية لمعرفة نتيجة الاختبار. 
10. توجه بعد الرسالة التانية لدفع 150 جنيه (رسوم المقابلة الشخصية).

في المقابلة بتجيب معاك الملف الخاص بالأوراق المطلوبة للتقديم للمدرسة اللي ذكرناها قبل كدا، وبيترتب على المقابلة 3 حالات هما:

• حالة قايمة الانتظار: وهنا لازم تتابع بريدك الإلكتروني باستمرار عشان تكمل خطوات التقديم لما يتم مراسلتك بموعد تاني للمقابلة.
• حالة الرفض: بيتفتح ليك تخصصات تانية ممكن تقدم فيها، ووقتها بتدفع رسوم مرة تانية بمبلغ 150 جنيه، وبيتم عمل مقابلة تانية. 
• حالة قبولك بالمدرسة: بتوصلك رسالة على الموبايل بتفاصيل المدرسة، والتخصص اللي اخترته. 

المصروفات المطلوبة

ومن مميزات مدرسة العربي للتكنولوجيا التطبيقية إن مصروفاتها بتعد بسيطة مقارنتًا بمدارس تانية، تبعًا لما أعلنته مدرسة العربي عن مصاريف العام الدراسي 2024-2023:

• الصف الأول ثانوي فني خدمات 2020 جنيه، ولأبناء العاملين 1035.45 جنيه، وللمعفيين 800.90 جنيه.
• الصف الأول ثانوي عام خدمات 2220 جنيه، ولأبناء العاملين 1142.95 جنيه، وللمعفيين 65.90 جنيه.
• الصف الأول ثانوي عام 520 جنيه، ولأبناء العاملين 292.95 جنيه، وللمعفيين 65.90 جنية.
• الصف الأول ثانوي فني 220 جنيه، ولأبناء العاملين 135.45 جنيه، وللمعفيين 50.90 جنيه.

وبيتم إضافة مبلغ 10 جنيهات، كرسوم بريدية للمصروفات السابقة.

شروط قبول الطلاب في مدرسة العربي للتكنولوجيا التطبيقية 

من مميزات مدرسة العربي للتكنولوجيا التطبيقية اللي بتخليها من أهم المدارس التطبيقية، إن ليها قواعد وشروط لقبول الطلاب بنظامها التعليمي، ومن شروطها:

1. يحصل الطالب على شهادة الإعدادية بمجموع لا يقل عن 230 درجة.
2. يتاح التقديم للتابعين لإدارة بنين قويسنا، وإدارة بنها التعليمية فقط. 
3. يتاح التقديم لجميع أعمار الطلاب من سن 14 بحد أقصى 16 سنة.
4. يجتاز الطالب اختبار اللغة الانجليزية، والحاسب الآلي. 
5. لا يقبل طلاب الاعدادية الازهرية، أو الرياضية.
6. يجتاز الاختبارات الطبية، وكشوفات التدخين.
7. يجتاز اختبار القبول بنسبة لا تقل عن 50%.
8. لا يقبل التحويل من أي مدرسة تانية.
9. يجتاز الطالب المقابلة الشخصية.

وبيقدر الطالب يطلع على الشروط مدرسة العربي للتكنولوجيا التطبيقية من خلال الصفحة الرسمية على الفيسبوك، واللي بتوضح شروط وطرق التقديم كل أول عام دراسي. 

الخلاصة

كولي أمر محتاج تفكر كويس في مستقبل ابنك واختياراته، ومن مميزات مدرسة العربي للتكنولوجيا التطبيقية إنها من أوائل المدارس اللي اهتمت بالتعليم الصناعي والتقني في مصر، وبتقدم شهادة معتمدة دوليًا، بتتيح ليه العمل في مصانع داخل وخارج مصر.

وكمان بتضم تخصصات مختلفة أبرزها تخصص اللوجستيات، لإنه من أكتر التخصصات المطلوبة حاليًا في سوق العمل.

 بجانب إنها بتوفر فرصة التعيين بمجموعة مصانع وشركات العربي، اللي بتستعين بخبراء من اليابان في صناعة أجهزتها، وبينقلوا خبراتهم والتقنيات الحديثة للخريجين.

وبالتالي لو أنت من سكان بنها أو قويسنا وحابب تقدم لابنك في مدرسة فنية فاحرص إن مدرسة العربي تكون ضمن مجموعة المدارس اللي بتختار ما بينها. 

وأكيد لو عندك أي استفسار ما تترددش تكتبه في التعليقات عشان نجاوبك.