شروط الالتحاق بمدارس البترول بعد الإعدادية

شروط الالتحاق بمدارس البترول بعد الإعدادية

إيه هي شروط الالتحاق بمدارس البترول بعد الإعدادية؟

بمجرد انتهاء المرحلة الإعدادية، بيبدأ أولياء الأمور رحلة البحث عن مدرسة ثانوية تكون مختلفة لأولادهم، تساهم في تربيتهم وتعليمهم بشكل يؤهلهم لسوق العمل في المستقبل، وكمان يعوّدهم على تحمل المسؤولية من بدري خصوصًا في سن زي سن المراهقة، ومن المدارس اللي بيغفل عنها بعض الآباء والأمهات أثناء فترة التقديم هي مدارس البترول.

هنعرض لك من خلال المقال أهم تفاصيل مدارس البترول بعد الإعدادية، وشروط الالتحاق بيها، فتابع معنا.

ما هي مدارس البترول بعد الإعدادية؟ 

مدارس البترول من المدارس البديلة للثانوية العامة، واللي بنسبة كبيرة بتوفر لطلابها فرص عمل بعد ما بيتخرجوا منها، سواء في شركات أو مصانع، ودا لإن أقسامها كلها عملية وتقنية، وبالتالي هي مكان بيأمّن لهم فرصة عمل بعد التخرج، وكمان بيوفر لهم ميزة التقديم للكليات لو كانوا حابين يكملوا مسيرة تعليمهم.

وبتنقسم مدارس البترول لجزئين؛ منها الحكومي والخاص، وبيشترك كل منهم في مميزات كتيرة، ودا اللي خلاها مؤخرًا بقت وجهة مثالية لأولياء الأمور، عشان يبعدوا عن الثانوية العامة، وفي نفس الوقت يتجهوا لمجالات مطلوبة على أرض الواقع.

مميزات مدارس البترول

مميزات مدارس البترول

قبل ما نجاوب عن سؤال “إيه هي شروط الالتحاق بمدارس البترول بعد الإعدادية؟” فلازم تكون على اطلاع بمميزاتها، عشان تقدر تحدد هل المميزات دي مناسبة لابنك ولا لأ. 

ومن أبرز مميزات المدارس دي بنلاقي: 

  • تقديم شهادة لها أولوية في الاتحاد الأوروبي، ومعترف بيها في دول العالم. 
  • حصول الخريج على دبلوم فني بنظام 3 سنوات معتمد من إدارة الكفاية الإنتاجية.
  • إتاحة فرصة الالتحاق بالكليات، والمعاهد المناسبة لتخصصات خريجيها. 
  • توفير تأمين طبي، وتأمين ضد الإصابات والمخاطر اللي ممكن الطلبة يتعرضوا لها. 
  • توفير إمكانية لخفض سنوات التجنيد لمدة عامين تبعًا لقوانين وزارة الدفاع. 
  • تمكين الطلاب من تأجيل التجنيد، وخاصًة للي بلغوا سن التجنيد.
  • قبول الطلاب الحاصلين على الشهادتين الإعدادية العامة والأزهرية.
  • توفير تدريب عملي داخل شركات النفط والموانئ على مدار العام.
  • الاهتمام بالدراسة العملية بنسبة 70%، والنظرية بنسبة 30%. 
  • السماح لخريجيها التسجيل في سجلات نقابة التطبيقيين.
  • مناسبة للبنين والبنات.

تنسيق مدرسة البترول بعد الإعدادية لعام 2023

المدارس لم تعلن عن تنسيق محدد لمدارس البترول لحد دلوقتي للعام 2023 – 2024، ولكن من المتوقع إن الحد الأدنى للقبول يتراوح من 230 درجة فيما أعلى زي تنسيق السنة اللي فاتت، وبيختلف التنسيق على حسب كل قسم.

شروط الالتحاق بمدارس البترول بعد الإعدادية

التقديم في مدارس البترول بيتم تحت عدة شروط لازم تتوفر في الطلاب اللي بيتقدموا ليها، ومن أهمها:

  • ألا يقل مجموع الطالب في الشهادة الإعدادية في نفس العام أو العام السابق عن 230 درجة من إجمالي الدرجات 280 درجة، إلا في أقسام معينة.
  • يكون الطالب متفوقاً في اللغة الإنجليزية، وحاصل على مجموع عالي في المادة.
  • يجتاز الامتحان الشفهي والتحريري في مادتي اللغة العربية والإنجليزية.
  • يجتاز المقابلة الشخصية، للتأكد من رغبته في الالتحاق بالمدرسة. 
  • ألا يقل عمر الطالب عن 15 سنة، ولا يزيد عن 18 سنة.
  • يجتاز الطالب المتقدم الكشف الطبي والنفسي.
  • يشترط تخطي كشف الهيئة والكشف الرياضي.
  • يكون المتقدم خريج نفس العام، أو العام السابق. 
  • يكون الطالب مصري الجنسية.

بعد ما ذكرنا أهم شروط الالتحاق بمدارس البترول بعد الإعدادية، هنعرفك على أقسام المدرسة وتنسيق كل قسم.

أقسام مدارس البترول

المدارس موجودة في أكتر من محافظة، وكل محافظة ليها أقسام خاصة بيها، وتنسيق داخلي بيعتمد في الأساس على مجموع الطالب في الشهادة الإعدادية، لكن تشترك جميعها في نفس شروط الالتحاق بمدارس البترول بعد الإعدادية ما عدا التنسيق:

محافظتي القاهرة والجيزة 

بالنسبة لتنسيق مدارس البترول الموجودة في القاهرة والجيزة بنلاقي: 

  • قسم الحاسب الآلي يقبل الحاصلين على مجموع 150 درجة في الشهادة الإعدادية، بالإضافة لشرط اجتياز امتحان القدرات في الحاسب الآلي. 
  • قسم البترول يقبل الطلاب الحاصلين على 240 درجة.
  • قسم السيارات يقبل الحاصلين على مجموع 180 درجة.
  • قسم التبريد والتكييف يقبل الحاصلين على 160 درجة. 
  • قسم فني يقبل الحاصلين على مجموع 200 درجة.

محافظة الإسكندرية

وبيختلف تنسيق محافظة الإسكندرية عن القاهرة والجيزة،  دا غير تنوع الأقسام فبنلاقي: 

  • قسم الملابس الجاهزة (بنات فقط) يقبل الحاصلين على 140 درجة. 
  • قسم صيانة ماكينات الحياكة يقبل الحاصلين على 140 درجة.
  • قسم البترول والبتروكيماويات يقبل الحاصلين على 170 درجة.
  • قسم النقل البحري والملاحة يقبل الحاصلين على 170 درجة.
  • قسم الإلكترونيات الصناعية يقبل الحاصلين على 140 درجة.
  • قسم التبريد والتكييف يقبل الحاصلين على 150 درجة. 
  • قسم هندسة الحاسب الآلي والشبكات 150 درجة. 

مصاريف مدارس البترول

شروط الالتحاق بمدارس البترول بعد الإعدادية واحدة في كل المدارس، ولكن المصاريف تختلف في القسم الخاص عن الحكومي.

مصاريف مدارس البترول الحكومية 

مصاريف مدارس البترول الحكومية على مدار السنة هي أغلى الضعف تقريبًا من المدارس الثانوية العادية، فبتبدأ مصاريف مدارس البترول من مبلغ 1000 جنيه في السنة الدراسية.

مصاريف مدارس البترول الخاصة

بيتم تحديدها على حسب القسم اللي الطالب هيدخله فبنلاقي:

  • قسم الكهرباء والإلكترونيات: 8 آلاف و500 جنيه.​​​​​​​
  • قسم فني معمل سيارات: 10 آلاف جنيه.
  • قسم التبريد والتكييف: 9 آلاف جنيه.  
  • قسم الحاسب الآلي: 9 آلاف جنيه.
  • قسم البترول: 13 ألف جنيه. 

ودي كانت المصاريف المطروحة السنة اللي فاتت، وللتأكد من وجود زيادة يجب التواصل مع إدارة المدارس.

أماكن مدارس البترول

مدارس البترول من المدارس غير المنتشرة في مختلف المحافظات، وبتتواجد في 6 محافظات، هما: 

مدارس البترول بمحافظة القاهرة 

وفيها مدرستين، وهما:

مدرسة الطيران

المدرسة دي موجودة على طريق كرداسة بالقرب من طريق المنصورية، وبتضم أقسام:

  • بترول
  • هندسة
  • شبكات
  • حاسب آلي (تخصص برمجة وصيانة) 
  • فني كيميائي.

مدرسة الشروق الصناعية المطورة لنظم المعلومات

عنوان المدرسة: ميدان الفاروق شارع 150 أمام استراحة سفارة فينزويلا بالمعادي.

للتواصل: 01050001462- 01033884414 – 01033884552.

مدارس البترول بمحافظة الجيزة

يوجد مدرسة واحدة وهي مدرسة الإسكندرية الثانوية الصناعية للبترول والنقل البحري والصناعات المتقدمة، واللي بتقع في منطقة حدائق الأهرام القديمة عند البوابة الثانية بوابة خفرع أمام عصير فرغلي.

ويمكن التواصل مع إدارة المدرسة عن طريق الاتصال على الأرقام: 01091068440 – 01025770124. 

مدارس البترول بمحافظة الإسكندرية

مدرسة البترول في الإسكندرية ليها فرعين، وهما: 

الفرع الأول لمدرسة الإسكندرية الثانوية الصناعية للبترول والنقل البحري والصناعات المتقدمة

العنوان: منطقة الملاحة، بجانب قسم ثالث المنتزه، أمام شارع الملك. 

أرقام التواصل: 01010929317 – 01022317233 – 01024066662.

الفرع الثاني لمدرسة الإسكندرية الثانوية الصناعية للبترول والنقل البحري والصناعات المتقدمة

العنوان: طريق 45 الدولي، حوض 6، طريق علي ماهر، أول سكة الشعيرة.

أرقام التواصل: 01213141516 

وتقدر بردو تتواصل معاهم من خلال صفحتهم على الفيسبوك.

مدارس البترول بمحافظة الإسماعيلية 

تتوفر مدرسة واحدة بالإسماعيلية وهي المدرسة الفنية التجريبية المتقدمة لتكنولوجيا المعلومات قسم بترول، وتقع في الشيخ زايد بالإسماعيلية. 

محافظة بورسعيد 

يوجد بها مدرسة بترول باسم المدرسة الفنية التكنولوجية التجريبية قسم بترول في إدارة بورفؤاد.

 وعنوانها: شارع 23 ديسمبر حي المناخ. 

محافظة مرسى مطروح

في محافظة مطروح بنلاقي المدرسة الفنية الصناعية بنين، واللي تعد من أقدم المدارس هناك، ومكانها بيقع بجوار الماسة بمدرسة مطروح الزيتية، بالقرب من قسم مطروح. 

الأوراق المطلوبة للتقديم في مدارس البترول 

الأوراق المطلوبة للتقديم في مدارس البترول

بعد التأكد من توافر شروط الالتحاق بمدارس البترول بعد الإعدادية، وحصول الطالب على التنسيق المطلوب، بتكون دي الأوراق المطلوبة للتقديم: 

  • صورة واحدة من بطاقة الرقم القومي لولي أمر الطالب. 
  • ملف التقديم ويكون فيه طلب الالتحاق بمدرسة البترول. 
  • بطاقة صحية مختومة من التأمين الصحي. 
  • أصل الشهادة الإعدادية، و 4 صور منها.
  • 4 صور شخصية 4 * 6 حديثة.  
  • طابع نقابة وطابع آخر تعليمي. 
  • شهادة ميلاد  أصل و 5 صور منها.

وبكدا نكون ذكرنا أهم شروط الالتحاق بمدارس البترول بعد الإعدادية، والأوراق المطلوبة، وأماكن تواجدها، إليك أهم مميزات مدارس البترول.

اتعرف أكتر على: أهم 4 أنواع المدارس الثانوية في مصر.

ما هي الكليات المتاحة بعد مدرسة البترول؟ 

بعد ما ذكرنا أهم شروط الالتحاق بمدرسة البترول بعد الإعدادية، ومميزاتها، هنعرض لك أهم الكليات اللي ممكن يلتحق بيها الخريجين:

  • المعهد العالي للهندسة والتكنولوجيا. 
  • كلية الهندسة بعد إجراء معادلة. 
  • المعهد العالي للحاسب الآلي. 
  • كلية التعليم الصناعي. 
  • كلية التربية العام. 
  • المعهد الفني للآثار. 

الخلاصة

مدارس البترول من أهم بدائل الثانوية العامة، وبتتميز إنها بتوفر للطالب دخول سوق العمل بكل أريحية، وبيكون على كفاءة عالية لحصوله على تدريب في شركات ومصانع البترول طوال فترة الدراسة.

ويجب توافر شروط الالتحاق بمدارس البترول بعد الإعدادية، وبالتنسيق المطلوب لكل قسم لسهولة التحاق الطالب بيها، وبالنسبة لمصاريف المدرسة فهي مش عالية بالمقارنة بالمميزات، والفوايد اللي بتعود على الطالب في الجانب المهني.

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية لو عندك اي استفسار

إقرأ أكثر..

  • jana
    مايو 29, 2023 at 12:28 م

    The school is very good

  • Karem al sed
    يوليو 14, 2023 at 12:44 م

    Thank you very much

أضف تعليق