الالتحاق بالجامعات الأمريكية حلم عدد كبير من الطلبة في مصر، لكن الشهادة المصرية ما بتكونش كافية إنهم يلتحقوا بالجامعات دي.
وبنلاقي إن امتحان السات الأمريكي بيساعد الطلبة اللي حابه تكمل تعليمها الجامعي في أمريكا إنهم يحققوا حلمهم، بدون ما يحتاجوا لشهادات معادلة أو غيرها.
لكن قبل التقديم لازم يكون في تدريب على امتحان السات الأمريكي لفترة كافية قبل الامتحان؛ عشان الطالب يقدر يجتازه بسهولة، ويلتحق للجامعة.
وفي المقال دا هنتعرف على معلومات أكتر عنه، وأقسامه، وإزاي يتدرب الطالب على اجتيازه.
ما هو امتحان السات؟
امتحان السات SAT هو امتحان تأهيلي لدخول الجامعات الأمريكية، بتشرف عليه مؤسسة غير ربحية في أمريكا اسمها مؤسسة College board، وبعد اجتياز الامتحان بيستلم الطالب شهادة معتمدة تأهله لدخول الجامعات الأمريكية، واستكمال دراسته خارج مصر.
في النظام المصري -نظام الثانوية العامة- بنلاقي إن الجامعات بتعتمد بس على مجموع الطالب في الصف الثالث الثانوي بدون ما يكون في أي امتحانات تأهيلية أخرى، لكن في النظام الأمريكي بيعتبروا إن الاعتماد بشكل كامل على المجموع الكلي -الـ GPA- ما بيكونش عادل، عشان كدا لازم الطالب يدخل امتحان السات، ويجتازه قبل ما يسجل في الجامعة.
الامتحان يعتبر فرصة لتدريب الطالب على اللغة الإنجليزية الأمريكية -Academic English- وما بيكونش صعب؛ لأنهم بيسيبوا فترة كبيرة قبل ميعاده تسمح بالتدريب عليه بشكل كويس قبل الدخول، وكمان نظام الأسئلة ما بيعتمدش على الحفظ، هو بس بيقيس مدى الاستيعاب، وسرعة البديهة.
اعتُمِد امتحان السات في مصر لفترة طويلة، وأي طالب مصري اجتاز الامتحان دا قدر يدخل أي جامعة مصرية بدون ما يحتاج إنه يدخل امتحانات تانية، ودا طبعًا بعد تحقيق باقي الشروط اللي بتطلبها الجامعة.
لكن بعد حدوث بعض المشاكل في امتحان السات زي الإلغاء أكثر من مرة نتيجة حدوث التسريبات قررت مصر إنها تلغي اعتماده، وتستبدله بامتحان EST، والامتحان دا بيكون تحت إشراف وزارة التربية والتعليم المصرية، ومفيش أي تدخل فيه من النظام الأمريكي.
وبالتالي أي طالب بيدرس في المدارس الأمريكية المعتمدة في مصر لازم يدخل امتحان EST المصري ويجتازه؛ عشان يتم الاعتراف بشهادته، ويتقبل في الجامعات المصرية.
أقسام امتحان السات، وأقسام امتحان EST البديل
امتحان السات الأمريكي مكون من جزئين:
الجزء الأول: SAT 1
الجزء دا هو امتحان عام، وبيكون مهم للطلبة اللي حابين يكملوا دراستهم في الكليات الأدبية.
بعض الجامعات بتكتفي بالجزء دا فقط من امتحان السات، ومش بتطلب اجتياز امتحان SAT 2، وبالتالي لازم يكون في تدريب على امتحان السات دا كويس جدًا قبل دخوله، عشان الطالب يقدر يحصل على الدرجات المطلوبة للتقديم في الجامعة.
امتحان SAT 1 بيكون على مادتين فقط؛ مادة الرياضيات، ومادة اللغة الإنجليزية، واللغة الإنجليزية مقسمة لأكثر من جزء، فبنلاقي الامتحان في النهاية مكون من 4 أقسام، كالتالي:
قسم الرياضيات
امتحان السات بيختبر مهارات الطالب في مادة الرياضيات، وبالتالي بيعكس مدى قدرته على التعامل مع المشكلات، وحلها في وقت بسيط.
الامتحان عبارة عن 45 سؤال، والأسئلة مش مركزة على القوانين الرياضية بس؛ لأن الهدف الأساسي مش معرفة هل الطالب حافظ القانون ولا لأ، الهدف هو معرفة هل هو قادر على حل المشكلة، والوصول لفكرة المسألة في وقت معين تحت ضغط، ولا غير مؤهل لكدا.
أسئلة قسم الرياضيات بتكون أسئلة اختيار من متعدد -MCQ- وجزء منها بيكون ممنوع استخدام الآلة الحاسبة فيه؛ عشان يكون قدام الطالب فرصة أكبر للتفكير، والوصول للحل الصحيح.
قسم القراءة
القسم دا تابع للغة الإنجليزية، وبيتكون من 52 سؤال من مواضيع مختلفة، وهنا بيكون في مجموعة من الجمل، والفقرات اللي باللغة الإنجليزية، وبيكون مطلوب فهمها بشكل كويس قبل الحل.
القسم دا مهم جدًا في امتحان السات، لإنه التمكن من الوصول للإجابات الصحيحة بيعكس إتقان الطالب للغة، واستعداده إنه يكمل دراسته الجامعية باللغة الإنجليزية.
قسم الكتابة، واللغة
قسم الكتابة هو تاني قسم تابع للغة الإنجليزية، وأسئلته بتكون 44 سؤال اختيار من متعدد، والأسئلة في القسم دا بتختبر فهم الطالب لقواعد اللغة، وبعض الأسئلة بتكون عن معاني الكلمات، ومهارات الكتابة، التحرير.
قسم المقال
قسم المقال هو القسم الوحيد في امتحان السات اللي بيكون دخوله اختياري، فالطالب هنا معاه حق الاختيار بين إنه يقدم على جزء المقال في الامتحان، أو إنه يكتفي بالأجزاء الثانية فقط.
التقديم على جزء المقال بيكون له رسوم إضافية بجانب الرسوم الأساسية للامتحان، وفي حالة التقديم عليه لازم يكون في تدريب على امتحان السات في الجزء دا بشكل كويس عشان الطالب يقدر يحل فيه بأفضل طريقة.
الثاني: SAT 2
امتحان SAT 2 بيكون متخصص أكثر، والطالب بيكون معاه صلاحيات إنه يختار المواد اللي هيمتحن فيها بناءً على التخصص اللي حابب يكمل فيه دراسته الجامعية، ومواضيع الامتحان بشكل عام بتكون في 5 مواد:
- اللغات (لغة فرنسية أو غيرها).
- اللغة الإنجليزية.
- الرياضيات.
- التاريخ.
- العلوم.
الطالب بيختار من الـ 5 مواضيع دول المواد اللي هيمتحن عليها، يعني مثلاً لو حابب يدخل كلية طبية مش هيكون مضطر إنه يدرس التاريخ.
بالنسبة لامتحان EST المصري فبيكون شبيه بامتحان السات، فبيكون مستويين؛ مستوى EST 1، ودا مهم بالنسبة للكليات الأدبية، ومستوى EST 2 متخصص أكثر، وبيكون ضروري لدخول بعض الكليات زي الكليات الطبية.
تعرف أيضًا على: سعر امتحان sat في مصر
أهم النصائح للتدريب على امتحان السات
قبل دخول أي امتحان لازم يكون في تدريب عليه بشكل كويس؛ عشان الطالب يقدر يحل بدون ما تواجهه صعوبة، والكلام دا أكيد بينطبق على امتحان السات.
أي تدريب على امتحان السات هيساعد الطالب يؤدي كويس في الامتحان، ويجيب الدرجات المطلوبة في مرة واحدة، بدل ما يضطر إنه يدخل نفس الامتحان أكثر من مرة. ومن أهم النصائح اللي هتساعد الطالب على اجتيازه:
1- المذاكرة قبل الامتحان بفترة كافية
بعض الطلبة بيبدأوا مذاكرة لامتحان السات قبل ميعاده بفترة بسيطة، فبيكون في ضغط كبير عليهم إنهم يراجعوا على حاجات كتيرة في وقت قليل، وفي النهاية ما بيلحقوش يخلصوا كل المطلوب منهم خلال الفترة دي وبيحسوا بصعوبة.
عشان كدا لازم الطالب يبدأ تدريب على امتحان السات، ومذاكرة له قبل ميعاده بفترة كافية، ويُفضل بالنسبة لطلبة المدارس الأمريكية إن بداية مذاكرتهم تكون مع دخولهم Grade 10؛ لإنهم بالطريقة دي هيكون معاهم وقت كبير جدًا للتدريب على امتحان السات قبل التقديم عليه.
2- دخول امتحانات تجريبية قبل الامتحان الأساسي
امتحانات السات بتسبب خوف، وقلق للطالب؛ لإن مستوى صعوبتها بيكون أعلى إلى حد ما من الامتحانات التقليدية، والمستوى دا كمان بيختلف من امتحان للتاني في نفس السنة.
بالتالي لازم نكسر عند الطالب الرهبة دي، عشان يكون قادر على التفكير كويس أثناء الامتحان بدون توتر.
الطالب ممكن يتخلص من الرهبة دي بسهولة بإنه يدخل امتحان السات التجريبي قبل الامتحان الأساسي؛ عشان يتعود على نظامه، ويكون مؤهل نفسيًا له.
3- التدريب على نماذج الامتحانات السابقة
لازم يكون في تدريب على امتحان السات بحل الأسئلة اللي موجودة في الامتحانات السابقة؛ لإن بالطريقة دي هيكون الطالب بياخد أقصر طريق لاجتياز امتحان السات بسهولة.
وزي ما ذكرنا إن مستوى الامتحان بيختلف من مرة للتانية، وبالتالي الطالب قدامه فرصة يتعرف على المستويات المختلفة للامتحان، ويتعود عليها، وهنا يكون حصل على تدريب على امتحان السات الأمريكي بطريقة ذكية.
4- المتابعة مع مدرس متخصص
بعض الطلبة بتفضل إنها تتدرب على امتحان السات مع مدرس متخصص، إلا إن بعضهم بيحب يجمع المصادر اللي هيذاكر منها للامتحان، ويتابع مع نفسه.
عشان يكون في تدريب على امتحان السات الأمريكي بشكل مميز يسهل على الطالب المذاكرة فالأفضل إنه يستعين بمدرس متخصص؛ لإنه بيكون على دراية كافية بنظام الامتحانات السابقة.
كمان المدرس بيكون عارف أنسب المصادر اللي الطالب يقدر يذاكر منها للامتحان؛ لإن كثرة المصادر بتسبب تشتت، وبالتالي المدرس هيقصر عليه الطريق.
5- تجنب القلق، والتوتر قدر الإمكان قبل الامتحان
القلق قبل دخول أي امتحان بيكون إحساس طبيعي، ومع التعود على نظام الامتحان، وحل الأسئلة الكتير هيبتدي الإحساس ده يقل.
لكن سيطرة القلق، والتوتر على الطالب قبل فترة الامتحان بيخليه مش قادر يركز كويس، أو يفكر أثناء الامتحان، وبيضيع فرصة حصوله على درجات عالية.
وبالتالي إلى جانب وجود تدريب على امتحان السات لازم يكون في محاولة لتهدئة الطالب، وتحسين حالته النفسية قبل دخوله الامتحان.
نموذج امتحان السات
الحصول على تدريب على امتحان السات قبل الامتحان بفترة كافية هيساعد على اجتياز الامتحان بسهولة زي ما ذكرنا.
ومع تدريب الطالب على نماذج الامتحانات السابقة هيبدأ يفهم نظام الأسئلة، ويعرف مواضع القصور عنده، وبالتالي هيركز في مذاكرته أكثر على الأجزاء اللي بيواجه صعوبة في حلها.
اتعرف من هنا على: نماذج لامتحان السات الأمريكي.
بكدا نكون اتعرفنا على مختلف تفاصيل النوع دا من الاختبارات، من أجزائه، وأقسام كل جزء منه، وكيفية التدريب على امتحان السات، عشان يقدر الطالب يحقق فيه نتائج كويسة، وأهمية مذاكرة نماذجه السابقة، عشان في النهاية يجتازه بساطة، وسهولة بإذن الله.
كمان لازم الطالب يحافظ على هدوئه ويتجنب القلق والتوتر قبل الامتحان؛ عشان يقدر يستوعب الأسئلة كويس ويوصل في الحلول الصحيحة لها في الوقت المحدد للامتحان.
أضف تعليق