في وقتنا الحالي “السمنة عند الأطفال” بقت مشكلة بتزيد يوم بعد يوم، والمرض دا مش بس بيأثر على شكل الطفل وثقته بنفسه، لكن كمان بيسبب له مشاكل صحية كبيرة زي السكر والضغط وألم المفاصل حتى وهو صغير. ودا بيوجب على الأهل البحث عن حلول آمنة وفعالة تساعدهم لحل المشكلة دي.
ومن ضمن الطرق اللي بدأت تلفت الانتباه مؤخرًا هي “علاج السمنة عند الأطفال بالأعشاب” لأنها طبيعية وآمنة وسهل استخدامها، خصوصًا لما بتكون جزء من نظام غذائي صحي ونشاط بدني منتظم.
في المقال دا هنتكلم عن علاج السمنة عند الأطفال بالأعشاب، وإيه أسباب السمنة عند الأطفال، وإزاي نفرق بين السمنة وزيادة الوزن المناسبة لعمر الطفل، تابعي معانا.
يعني إيه السِمنة عند الأطفال؟
السمنة عند الأطفال معناها إن وزن الطفل أعلى بكتير من الوزن الطبيعي اللي يناسب سنه وطوله. ودا بيتحسب بحاجة اسمها “مؤشر كتلة الجسم” أو BMI، ولو الرقم دا وصل أو عدى 95% من الأطفال اللي في نفس سنه ونفس جنسه، بيكون بيعاني من السمنة، ولو الرقم بين 85% و95% دا معناه إنه وزنه زايد لكن لسه مش سمنة.
الموضوع مش مجرد وزن على الميزان، لأن الطفل طول الوقت بيكبر وبيتغير طوله ووزنه. عشان كدا الدكتور بيبص كمان على حاجات تانية زي التاريخ العائلي، الضغط، السكر، الأكل اللي الطفل بياكله، وكمان هو بيتحرك أد إيه كل يوم.
وواحدة من الطرق اللي بيلجألها ناس كتير هي علاج السمنة عند الأطفال بالأعشاب كحل آمن وبسيط يساعد الطفل يخس بشكل طبيعي ومن غير أدوية تقيلة.
أعراض السمنة عند الأطفال
في مؤشرات كتير بتبين إن الطفل بيعاني من السمنة، أهمها:
- بيتعب بسرعة من أقل مجهود، زي إنه يتنفس بصعوبة لما يجري أو يلعب شوية، وبيشخر وهو نايم؛ ودا بيكون بسبب الدهون اللي بتتراكم حوالين الرئة.
- بيشتكي من وجع في ركبته، ودا طبيعي مع الوزن الزيادة اللي بيمثل حمل على المفاصل.
- بيظهر في التحاليل كمان؛ زي ارتفاع السكر أو الكوليسترول أو الدهون في الدم.
- بتبدأ ثقته في نفسه تقل مع الوقت، ودا بيظهر في تعامله مع اللي حواليه.
- بيكون فيه تغيرات في البلوغ، زي البلوغ المبكر للبنات أو تأخره عند الولاد.
- بيكون مؤشر كتلة الجسم (BMI) أكتر من 95%، ودا بيكون دليل واضح.
- بيظهر تغيرات جلدية زي اسمرار الرقبة أو مناطق تانية في الجسم.
- بتظهر علامات تمدد في الجلد خصوصًا في البطن أو الضهر.
- بيتكرر معاه حالات الإمساك أو ارتجاع في المعدة.
- بيظهر بروز في منطقة الصدر للولاد.
أسباب السمنة عند الأطفال
كتير من الأطفال اللي بيعانوا من السمنة بيكون السبب مزيج بين الوراثة وأسلوب الحياة. يعني الموضوع مش بس في الأكل، لكن كمان في الجينات والعادات اللي حوالينا؛ فبتنقسم الأسباب لـ:
أسباب سلوكية
ودي بتكون بسبب عادات يومية غلط، منها:
1. العادات الغذائية السيئة
لما الأهل يقدموا لأولادهم وجبات سريعة مليانة دهون وسكر، أو مشروبات غازية كتير، دا بيزود فرص إصابتهم بـ السمنة عند الأطفال بشكل كبير.
2. قلة الحركة والكسل
لو الطفل بيقعد بالساعات قدام التابلت أو الموبايل، ومش بيلعب أو بيتحرك، جسمه بيبدأ يخزن الدهون بدل ما يحرقها، ودا بيخليه عرضة أكتر لـ السمنة.
أسباب طبية
ودي بتكون لأسباب مرضية أو جينية، ومنها:
متلازمة برادر-ويلي
دي حالة وراثية نادرة، الطفل بيحس فيها بجوع دايم، وما بيعرفش يوقف أكل بسهولة، وكمان جسمه بيحرق السعرات أبطأ من الطبيعي، وأعراضها ممكن تكون:
- هرمونات جنسية قليلة.
- ضعف في العضلات.
- زيادة الوزن السريع.
والحالة دي مافيهاش علاج نهائي، لكن لو اتشخصت بدري، ممكن الأهل ياخدوا خطوات تمنع السمنة أو تقلل منها.
متلازمة كوشينغ
دي حالة بتحصل بسبب زيادة هرمون التوتر “الكورتيزول” في الجسم، ورغم إنها شائعة أكتر عند الكبار، لكن ممكن تصيب الأطفال كمان، أعراضها:
- وش دائري (بنقول عليه “وش قمري”).
- وزن بيزيد بسرعة، لكن النمو بيبطأ.
- علامات تمدد على الجلد.
- تعب أو اكتئاب.
- حب شباب.
الأسباب ممكن تكون أورام أو استخدام أدوية فيها كورتيزون لفترة طويلة، والعلاج حسب السبب: ممكن يكون جراحة، أدوية، أو علاج إشعاعي.
قصور الغدة الدرقية
الغدة الدرقية بتتحكم في سرعة الحرق في الجسم، فلما بتكون بطيئة الجسم بيحرق أقل، ودا بيخلي الوزن يزيد، ومن أعراض القصور:
- تأخر في النمو أو قصر القامة.
- زيادة وزن ملحوظة.
- شحوب في الجلد.
- تعب وخمول.
علاج السمنة عند الأطفال بالأعشاب
الأعشاب ليها دور كبير في المساعدة لعلاج أمراض كتير، ودا لاحتوائها على مواد فعالة، ومن أهم الأعشاب اللي أثبتت فعالية ضد السمنة:
الشاي الأخضر
تبعاً لدراسة اتنشرت على موقع Sage Journals فإن الشاي الأخضر أثبت فعالية كبيرة مضادة للسمنة، ودا لإنه بيزود معدل حرق الدهون.
وتقدري تقدمي لطفلك كوب أو 2 من الشاي الأخضر يوميًا، وهتبدئي تشوفي نتيجة ملحوظة مع الوقت، وخاصةََ لو استمر عليه بدون انقطاع.
بذور الكتان
بذور الكتان بتساعد في تقليل الأكل لإنها بتدي إحساس بالشبع، وكمان بتقوي مناعة الجسم، فممكن تضاف على الزبادي أو السلطة.
فلفل كايين
الفلفل الحار مش بس طعمه حار، دا كمان بيساعد في إنقاص الوزن لأنه بيحتوي على مادة اسمها الكابسيسين، وهي بتحفز الجسم على حرق مزيد من السعرات الحرارية.
ممكن تعملي مزيج من الفلفل الحار، بذور الخردل، الزنجبيل والفلفل الأسود وتضيفيه في الطبخ.
لكن خلي بالك، خلي الكمية قليلة لو طفلك مش متعود على الأكل الحار عشان ما يتأثرش.
حب الهيل
الهيل أفضل طرق علاج السمنة عند الأطفال بالأعشاب؛ لإنه بيساعد في حرق الدهون وتقليل الوزن.
البابونج
طعمه حلو ومنعش، ومناسب للأطفال جدًا، ممكن يتشرب على الريق أو قبل الأكل، بيساعد في تهدئة المعدة وبيريّح النفسية وبيقلل الوزن.
بذور الشمر
بذور الشمر تعد من أفضل طرق علاج السمنة عند الأطفال بالأعشاب، لإنها بتساعد في إنقاص وزن الأطفال، وبتتميز إنها بتقلل الرغبة في تناول الطعام وبتخلي الطفل يحس بالشبع بشكل أكبر.
وكمان بتساعد في تحسين امتصاص العناصر الغذائية وبتقلل من تخزين الدهون في الجسم.
اعطيه كوب من بذور الشمر يوميًا، هتلاحظي نتائج حلوة مع الوقت.
الزنجبيل
الزنجبيل واحد من طرق علاج السمنة عند الأطفال بالأعشاب، ودا لفوايده الكبيرة للمعدة ولجسم الطفل.
ومنها: إنه بيساعد في الهضم، ومضاد قوي للميكروبات والالتهابات، وكمان بيساعد في تقليل الشهية ورفع معدل الحرق.
يعني لو حبيتي تضيفيه للمشروبات أو حتى الأكل، هيكون إضافة مفيدة وصحية.
مستخلص أوراق الصبار (كارالوما)
دي عشبة هندية موجودة في شكل كبسولات، بتساعد على تقليل الشهية وبالتالي بتقلل سمنة البطن.
لكن الدراسات عليها لسه محدودة، ولازم استخدامها يكون باستشارة دكتور.
البقدونس
البقدونس واحد من أبرز طرق علاج السمنة عند الأطفال بالأعشاب، ودا لأنه مليان ألياف بتدي إحساس بالشبع، وكمان بيساعد الجسم يطرد الميّة الزايدة.
ممكن يتقدم في السلطة أو مشروب بعد الغلي.
الروزماري (إكليل الجبل)
الروزماري فيه حمض مهم بيحرق الدهون، تقدري تنقعيه في مياه، وقدّميه للطفل على الريق كل يوم.
الكركم
تبعاََ لدراسة اتنشرت على موقع Oriental Journal of Chemistry فإن مادة الكركمين الموجودة بالكركم من أبرز طرق علاج السمنة عند الأطفال بالأعشاب.
وبتتميز مادة الكركمين بإنها بتساعد في تنظيم السكر، تقليل الالتهاب، وحرق الدهون.
ممكن يتضاف للأكل أو اللبن، لكن علشان تظهر نتيجته، لازم الكمية تكون مناسبة ومستمرة.
أوراق النعناع
النعناع مش بس بيساعد في الهضم، كمان له دور كبير في إنقاص الوزن.
حضري له كوب شاي نعناع وخليه يشربه مرة أو مرتين في اليوم، هتلاحظي تحسن في هضم الأكل وكمان تحسن في وزنه.
البن الأخضر
البن الأخضر من أشهر طرق علاج السمنة عند الأطفال بالأعشاب، ودا لاحتوائه على مضادات أكسدة قوية، زي حمض الكلوروجينيك اللي بيساعد في خفض الوزن وسمنة البطن، وكمان مفيد للقلب.
وبيتقدم كمكمل أو مشروب، بس لازم تحت إشراف طبي لو هيتاخد بشكل منتظم.
القرفة
القرفة مشهورة إنها بتسد الشهية وتحرق الدهون، فلما تخلطيها مع شوية عسل وليمون في ماء دافئ، وتقدميها للطفل الصبح بتساعده يحس بالشبع وتحسّن الهضم.
الكمون
الكمون غني بمضادات أكسدة، وبيساعد في تنظيم سكر الدم، استخدامه بإنك تنقعيه من بالليل في ماء مغلي، وادّيه للطفل الصبح على الريق.
الليمون
الليمون واحد من أشهر طرق علاج السمنة عند الأطفال بالأعشاب، ودا لإنه بيساعد الجسم يتخلص من الدهون، وغني بفيتامين C اللي بيرفع مناعة الطفل، وممكن يتحط في ماء دافئ ويتشرب على الريق.
اتعرفي على: طرق علاج البلغم عند الأطفال بالأعشاب.
إيه دور علاج السمنة عند الأطفال بالأعشاب؟
وزي ما ذكرنا فإن الأعشاب بتقلل الوزن بطرق مختلفة تبعاََ لفعالية المادة الموجودة فيها، فبتلاقيها:
- بتزود معدل الحرق: زي الزنجبيل والشاي الأخضر، بيزودوا نشاط الجسم في حرق الدهون.
- بتمنع احتباس المياه: لأن في أعشاب بتزود التبول وتقلل المياه الزيادة في الجسم.
- بتنظم الهضم: أعشاب معينة بتحسن عملية الهضم، وتقلل الانتفاخ والإمساك.
- بتقلل الشهية: أعشاب زي البابونج بتساعد الطفل يحس بالشبع أسرع.
وطبعًا مش بنقول إن الأعشاب كفاية لوحدها، لكن مع نظام غذائي ونشاط بسيط، هتفرق كتير.
اتعرفي كمان على: طرق علاج الديدان عند الأطفال بالأعشاب.
عوامل بتزود خطر السمنة عند الأطفال
وزي ما ذكرنا أسباب السمنة عند الأطفال ففي عوامل خطر بتزود من ورن الطفل، ومنها:
- شرب عصاير غازية وسكرية بدل الماء.
- ضغط نفسي بيخلي الطفل ياكل كتير.
- الأكل السريع والمليان دهون وسكر.
- مشاكل اقتصادية أو توتر في البيت.
- أدوية معينة ممكن تزود الوزن.
- عدم ممارسة الرياضة أو اللعب.
- خلل في الغدة الدرقية أو النخامية.
- السهر والأكل قبل النوم.
- قعدة طويلة قدام الشاشات.
كل دي عوامل لازم ناخد بالنا منها، علشان نقدر نبدأ خطة صح لعلاج المشكلة دي بجانب علاج السمنة عند الأطفال بالأعشاب، لأنه طبيعي وأكتر أمان للأطفال، خاصةََ لو تحت إشراف طبيب متخصص.
إيه هي مخاطر السمنة عند الأطفال؟
تبعاََ لدراسة اتنشرت على موقع NIH أثبتت المخاطر الكبيرة اللي بتسببها السمنة على حياة الأطفال والمراهقين، ومنها:
مشاكل في الحركة
الطفل بيلاقي صعوبة في الجري أو اللعب، بيشتكي من آلام في رجله وركبته، وتقوس في ضهره.
أمراض مزمنة
الأطفال اللي عندهم سمنة بيكونوا أكتر عرضة للإصابة بالسكر، وارتفاع الضغط والكوليسترول، ومشاكل في القلب والتنفس.
نوم مضطرب
الطفل ممكن يتنفس بصعوبة أو يصحى كتير بالليل بسبب ضيق النفس.
بلوغ مبكر
السمنة ممكن تأثر على الهرمونات، فتسرع البلوغ أو ظهور الحيض عند البنات.
قلة التركيز
الوزن الزايد بيأثر على النفس والأكسجين اللي بيوصل للمخ، ودا ممكن يخلي الطفل يحس بخمول وصعوبة في التركيز.
أثر نفسي
الطفل ممكن يحس إنه مختلف أو يتعرض للتنمر، ودا يسبب له اكتئاب أو فقدان الثقة في نفسه.
الخلاصة
يعد علاج السمنة عند الأطفال بالأعشاب اختيار طبيعي وآمن ممكن يساعد في تقليل الوزن وتحسين صحة الطفل، بشرط أنه يكون جزء من خطة شاملة تشمل التغذية السليمة، والنشاط البدني، والنوم الكافي.
ومن الأعشاب اللي أثبتت فعاليتها في تقليل الوزن؛ الزنجبيل، الشمر، الكركم، والشاي الأخضر، بالإضافة لبعض المشروبات الطبيعية اللي بتقدم فوائد كتير تدعم الجسم في التخلص من الدهون الزائدة.
لكن افتكري دايماََ استشارة الطبيب قبل استخدام أي نوع من الأعشاب دي شيء مهم لضمان السلامة والفعالية.
المصادر
19 Home Remedies to Treat Childhood Obesity.
أضف تعليق