اختيار الجامعة المناسبة لابنك أو بنتك يمكن يكون من أهم القرارات اللي بتاخدوها كأهل؛ خصوصًا لو بتدوروا على مكان يقدّم تعليم قوي، بيئة آمنة، وتأهيل حقيقي لسوق العمل.
ومع زيادة الجامعات الخاصة في مصر، أصبحت جامعة مصر الدولية واحدة من أكتر الاختيارات اللي بيسأل عنها الأهالي بسبب سُمعتها الأكاديمية القوية، واعتمادها المحلي والدولي، وكمان تنوّع التخصصات اللي بتقدمها.
في المقال ده هنعرف كل التفاصيل اللي تهمك قبل ما تقرر تختار جامعة مصر الدولية:
من مميزاتها، وتخصصاتها، ونسب القبول، لحد المصاريف، والأوراق المطلوبة، وخطوات التقديم.
نبذة عن جامعة مصر الدولية
اتأسست الجامعة سنة 1996 بقرار رئاسي وهي واحدة من الجامعات الخاصة الرائدة في مصر، مقرها في مدينة العبور بمحافظة القليوبية، وبتقدم تعليم يجمع بين المناهج المصرية والمعايير الدولية.
الجامعة مشهورة بكونها بتوفر بيئة تعليمية حديثة ومتطورة، مجهزة بأحدث المرافق زي المعامل والمكتبات ومراكز اللغات، بالإضافة إلى أعضاء هيئة تدريس مؤهلين من جنسيات متعددة بيقدموا دعم أكاديمي مستمر للطلاب.
بتضم الجامعة حوالي 7 كليات رئيسية بتقدم برامج أكاديمية متنوعة منها كلية الصيدلة، كلية علوم الهندسة والفنون، كلية علوم الحاسب، كلية إدارة الأعمال والتجارة الدولية، كلية الإعلام والاتصال، وكلية الألسن.
جامعة مصر الدولية معتمدة رسميًا من المجلس الأعلى للجامعات المصرية، وبرامج إدارة الأعمال فيها معتمدة من هيئة ACBSP الأمريكية، وده بيعزز من قيمة الشهادة محليًا ودوليًا.
ومن أحدث التطورات الأكاديمية فيها تقليل مدة دراسة الهندسة لأربع سنوات بنظام الساعات المعتمدة، وظهور الجامعة في تصنيفات دولية زي Times Higher Education Impact Rankings 2025 ضمن أفضل الجامعات عالمياً.
دا غير إن الجامعة دايمًا بتطور برامجها ومرافقها لتلبية احتياجات الطلاب وسوق العمل الحديث.
تخصصات الدراسة في جامعة مصر الدولية
لو ابنك أو بنتك بيفكروا يقدموا في جامعة مصر؛ فمهم جدًا تعرفوا التخصصات المتاحة في الكليات المختلفة، وطبيعة كل برنامج بيقدم إيه. وعلشان الصورة تبقى أوضح، دي نظرة مبسّطة على أهم التخصصات:
1- كلية اللغويات التطبيقية (الألسن)
التخصص الأساسي اللي الطالب بيطلع بيه من الكلية هو بكالوريوس اللغة الإنجليزية في اللغويات التطبيقية. ومعاه مجموعة تخصصات فرعية بتدي للطالب مرونة أكبر في سوق العمل، ومنها:
- تخصص فرعي في الترجمة لتدريس اللغة الإنجليزية كلغة أجنبية.
- تخصص فرعي في اللغة الإنجليزية لإدارة الأعمال.
- تخصص فرعي في الترجمة للإعلام وإدارة الأعمال.
- تخصص فرعي في الكتابة لوسائل الإعلام.
- تخصص فرعي في تكنولوجيا الإعلام.
الكليه دي مناسبة للطلاب اللي عندهم اهتمام باللغة الإنجليزية وعايزين يفتحوا مجالات شغل متنوعة قدامهم.
2- كلية إدارة الأعمال والتجارة الدولية
لو الطالب مهتم بالدراسة العملية وسوق العمل، كلية إدارة الأعمال في جامعة مصر الدولية بتقدم حوالي 8 تخصصات مختلفة، وكل تخصص ليه مستقبل كبير، ومنها:
- إدارة استخبارات الأعمال
- الاقتصاد والتجارة الدولية
- إدارة التسويق والاتصالات
- إدارة الموارد البشرية
- إدارة سلسلة التوريد
- ريادة الأعمال
- محاسبة
- تمويل
الكلية دي مناسبة جدًا للطلاب اللي بيدوروا على مجالات ليها طلب كبير في الشركات داخل مصر وبره.
3- كلية علوم الحاسوب
لو ابنك أو بنتك عندهم شغف بعالم التكنولوجيا، فكلية علوم الحاسوب في جامعة مصر الدولية بتقدم 3 تخصصات رئيسية حديثة جدًا ومناسبة لسوق العمل:
- علوم الحاسوب (CS)
- نظم المعلومات (IS)
- هندسة البرمجيات (SE)
والتخصصات دي بتأهل الطالب إنه يدخل مجالات البرمجة، تطوير الأنظمة، إدارة قواعد البيانات، وتحليل المعلومات.
4- كلية العلوم الهندسية والفنون والاتصالات
كلية الهندسة في جامعة مصر الدولية فيها مجموعة كبيرة من التخصصات اللي بتناسب الطلاب اللي بيحبوا الإبداع والتصميم والتكنولوجيا. وأهم الأقسام الرئيسية فيها:
الهندسة المعمارية
وبيضم مجموعة تخصصات فرعية مهمة:
- هندسة المناظر الطبيعية
- العقارات والتنمية العمرانية
- الحفاظ على التراث
- التصميم الحسابي
- العمارة البيئية
- التصميم الداخلي
هندسة الإلكترونيات والاتصالات
وبيضم تخصصات فرعية مطلوبة بشكل كبير في السوق:
- الأنظمة الذكية
- شبكات البيانات
- أنظمة الاتصالات
الكليات دي بتفتح فرص كبيرة في مجالات التصميم، التطوير، وإدارة المشاريع الهندسية.
5- كلية طب الفم والأسنان
كلية طب الفم والأسنان في جامعة مصر الدولية تعتبر من أقوى الكليات، والبرنامج بيشمل دراسة كل اللي محتاجه الطالب علشان يتخصص في مجال طب الأسنان بشكل شامل. ومن أهم المواد والتخصصات اللي بيدرسها الطالب:
- التشخيص الفموي وطب الفم
- الإحصاء الحيوي ومنهجية البحث
- الجراحة العامة والأنف والأذن
- علم السلوك والتعليم المهني
- الرعاية السريرية المتكاملة
- علم الأنسجة الفموية
- أطقم الأسنان القابلة للإزالة
- الأحياء الدقيقة والمناعة
- التشريح العام
- المواد الحيوية
- علم الأنسجة العام
- الكيمياء الحيوية
- علم وظائف الأعضاء
- علم أمراض الفم
- تركيبات الأسنان الثابتة
- طب الأسنان الجراحي
- علم الأمراض
- أشعة الوجه والفكين
- علاج لب الأسنان
- أساسيات الانسداد
- أخلاقيات المهنة
- طب اللثة
- التخدير
طب أسنان الأطفال
- الصحة العامة وطب الأسنان الوقائي
- الطوارئ وإدارة عيادات الأسنان
- زراعة الأسنان الأساسية
- تقويم الأسنان
برامج الماجستير في كلية طب الأسنان
- طب الأسنان الترميمي
- تركيبات الأسنان الثابتة
- طب أسنان الأطفال
- طب الأسنان التجميلي
- علاج لب الأسنان
- زراعة الأسنان
- تركيبات الأسنان
- تقويم الأسنان
- بيولوجيا الفم
- أمراض اللثة
6- كلية الصيدلة
لو ابنك مهتم بدراسة الصيدلة، الكلية في جامعة مصر الدولية بتقدم مجموعة تخصصات أساسية قوية، من أهمها:
- البحث العلمي ومعلومات الأدوية
- علم الأدوية والعلاجيات
- العلوم الطبية الأساسية
- العلوم الإدارية والمساندة
- العقاقير والنباتات الطبية
- الأحياء الدقيقة والمناعة
- الكيمياء الحيوية
- الكيمياء الصيدلانية
تخصصات الماجستير في كلية الصيدلة
- الكيمياء العضوية الصيدلانية
- الكيمياء التحليلية
- الكيمياء الطبية
7- كلية الاتصال الجماهيري
كلية الاتصال الجماهيري في جامعة مصر الدولية مناسبة للطلاب اللي بيحبوا الإعلام وصناعة المحتوى، ومن أهم برامجها:
- الإنتاج السمعي والبصري
- الاتصال التسويقي المتكامل
- إنتاج الأخبار
مدة الدراسة في جامعة مصر الدولية
مدة الدراسة في جامعة MIU بتختلف حسب الكلية والتخصص، وبتتراوح بين 4 لـ 5 سنين:
- الهندسة: مدة الدراسة فيها اتقلّصت لـ 4 سنين بنظام الساعات المعتمدة.
- طب الأسنان: بتستمر عادة لمدة 5 سنين.
باقي البرامج الأكاديمية بتشتغل بنظام الساعات المعتمدة، والسنة بتتقسم لفصلين دراسيين أساسيين، ومعاهم فصل صيفي اختياري.
مميزات جامعة مصر الدولية
لما تيجوا تفكروا في اختيار جامعة مناسبة لأولادكم، هتلاقوا إن جامعة مصر من الأماكن اللي بتقدم مميزات مهمة وبتسهّل على الطالب بداية مشواره الجامعي. ومن أهم المميزات دي:
مرونة في التقديم
الجامعة بتقبل طلاب الثانوية العامة أو الشهادات المعادلة بحد أدنى 55%، وده بيختلف حسب كل كلية، فده بيدي فرصة أكبر للطلاب اللي عايزين يكملوا في مجال معين.
بنية تحتية قوية
الحرم الجامعي مجهز بمعامل حديثة وقاعات مطوّرة، وفي التزام بالحضور العملي والنظري علشان الطالب يستفيد لأقصى درجة.
الرسوم الدراسية
مصاريف جامعة مصر الدولية مناسبة مقارنة بجامعات كتير، وكمان في إمكانية للتقسيط على دفعات، بشرط إن القسط الأول يتسدد وقت التسجيل.
اعتماد محلي ودولي
كل البرامج الدراسية معتمدة من وزارة التعليم العالي محليًا، وكمان ليها اعتماد دولي بيعكس جودة المناهج والمعايير الأكاديمية.
حياة طلابية نشيطة
الجامعة فيها أنشطة رياضية وثقافية كتير بتخلي تجربة الطالب مش بس دراسة، دي كمان بتوفر لهم حياة جامعية كاملة ومتنوعة.
التجربة الثقافية
الِلي بيدرس في جامعة مصر الدولية بيكتشف جزء من تاريخ وثقافة مصر، خصوصًا إن المجتمع الطلابي فيها متنوع جدًا وجاي من جنسيات مختلفة.
لغة الدراسة
أغلب البرامج تُدرّس باللغة الإنجليزية، وده بيساعد الطالب يكون جاهز لسوق العمل العالمي.
تنوع التخصصات
الجامعة بتقدم مجموعة كبيرة من التخصصات زي إدارة الأعمال، الهندسة، الألسن، الإعلام، الصيدلة، وطب الأسنان، ونسبة القبول بتكون من أول 70% حسب المجال.
اتعرف على: كل ما تريد معرفته عن الجامعة الألمانية بالقاهرة.
اتعرف على الحرم الجامعي والسكن والحياة الطلابية في جامعة مصر الدولية
جامعة مصر من الجامعات اللي بتوفر مميزات في أكتر من جانب ودا هنوضحه من خلال:
الحرم الجامعي والخدمات الأكاديمية
الحرم الجامعي في جامعة مصر متطور جدًا ومزوّد بمعامل حديثة ومرافق بتخدم العملية التعليمية بشكل فعّال.
أساتذة الجامعة من جنسيات مختلفة، وده بيخلق بيئة تعليمية متنوعة ومفتوحة، وكمان فيه دعم أكاديمي ومتابعة مستمرة للطلاب طول سنين دراستهم.
أما بالنسبة للتكاليف، فـ مصاريف جامعة مصر الدولية تعتبر مناسبة مقارنة بالجامعات الخاصة التانية، ومع إمكانية التقسيط كمان. وبيتوفر للطلاب المتفوقين منح وخصومات بتخفّف من تكلفة الدراسة.
السكن والخدمات المعيشية
الجامعة بتوفر سكن جامعي مريح ومجهز خاص للطلاب الوافدين، علشان يحسّوا إنهم في بيتهم.
كمان فيه خدمات نقل خاصة من وإلى الجامعة، بالإضافة لمطاعم وكافيتريات بتقدم وجبات متنوعة تناسب كل الأذواق.
الحياة الطلابية والأنشطة
الجامعة مهتمة جدًا بالحياة الطلابية، وبتنظم فعاليات ثقافية ورياضية تساعد الطلاب الوافدين يندمجوا بسرعة مع زملائهم المصريين.
وفيه رحلات داخلية لزيارة أماكن سياحية وثقافية في مصر، وده بيعرّف الطلاب على البلد بشكل أحسن. كمان الجامعة بتشجع إنشاء أندية طلابية وجمعيات علمية، ودي بتساعد في تطوير المهارات الشخصية والعملية للطلاب.
الأوراق المطلوبة للتقديم في جامعة مصر الدولية 2025
أعلنت الجامعة عن الأوراق المطلوبة للتقديم لعام 2025:
- أصل شهادة الثانوية العامة أو شهادة معادلة (للطلاب اللي واخدين شهادات عربية أو أجنبية).
- أصل شهادة الميلاد كمبيوتر.
- 6 صور شخصية حديثة مقاس 4×6.
- صورة بطاقة الرقم القومي للطالب ووليّ الأمر، أو صورة جواز السفر لو الطالب غير مصري.
للطلاب اللي معاهم شهادات أجنبية، لازم:
- موافقة معادلة من المجلس الأعلى للجامعات.
- بيان درجات مفصل (Transcripts).
- توثيق الشهادات من الجهات الرسمية.
للطلاب الوافدين:
- كل الأوراق لازم تكون مترجمة للعربي أو الإنجليزي، ولازم تتوثّق من السفارة المصرية في دولة الطالب.
- بعض الكليات ممكن تطلب تقرير طبي معتمد لإثبات اللياقة الصحية.
- إيصال سداد رسوم التقديم.
والأفضل دايمًا التواصل مع مكتب القبول للتأكد لو فيه مستندات إضافية حسب كل كلية أو لو حصل أي تحديث.
شروط القبول في جامعة مصر الدولية 2025
شروط القبول في جامعة مصر واضحة وبسيطة، وبتضمن إن الطالب يبدأ دراسته بدون أي تعقيد. وأهم الشروط:
- يكون الطالب حاصل على شهادة الثانوية العامة المصرية أو شهادة معادلة معتمدة (زي IGCSE، الدبلومة الأمريكية، البكالوريا الدولية، أو غيرها.
- يكون الحد الأدنى للقبول حوالي 70% لمعظم الكليات، ومع ارتفاع المجموع بتزيد فرص دخول التخصصات اللي عليها طلب كبير.
الطلاب الحاصلين على شهادات أجنبية لازم:
- يحصلوا على معادلة من المجلس الأعلى للجامعات.
- يستوفوا المستندات الإضافية المطلوبة لكل نوع شهادة.
- يقدموا شهاداتهم موثقة بالكامل.
نسب القبول في جامعة مصر الدولية 2025 لكل كلية
كل كلية في جامعة مصر ليها حد أدنى مختلف للقبول، والتخصصات الطبية والهندسية بتحتاج مجموع أعلى. وده الحد الأدنى لكل كلية:
1. كلية طب الفم والأسنان
الحد الأدنى للقبول: 80%.
2 . كلية الصيدلة
الحد الأدنى للقبول: 70%، (ويفضل مجموع 80% فأعلى علشان فرص أفضل).
3. كلية علوم الهندسة والفنون
الحد الأدنى للقبول: 70% (وموصى بيه يكون بين 75 – 80%).
4. كلية علوم الحاسب وتكنولوجيا المعلومات
الحد الأدنى للقبول: 70% (الأفضلية لمجموع 80%).
5. كلية إدارة الأعمال والتجارة الدولية
الحد الأدنى للقبول: 70% (ويفضّل يكون أعلى)
6. كلية الإعلام والاتصال الجماهيري
الحد الأدنى للقبول: 70% (وجود مجموع أعلى من 80% بيساعد على زيادة فرص القبول).
7. كلية الألسن (لغات وترجمة)
الحد الأدنى للقبول: 70%.
اتعرف على: جامعة الدلتا للعلوم والتكنولوجيا بالمنصورة: المصاريف، شروط القبول، والبرامج الدراسية.
مصاريف جامعة مصر الدولية 2025 / 2026 (للمصريين)
أعلنت الجامعة عن المصاريف الدراسية والإدارية لكل كلية للعام الدراسي 2025 – 2026:
1- كلية طب الفم والأسنان: 279,000 جنيه سنويًا.
المصروفات الإدارية: 18,000 جنيه.
2- كلية الصيدلة (فارم دي / كينيكال): 158,000 جنيه سنويًا.
المصروفات الإدارية: 12,000 جنيه.
3- كلية الهندسة (عمارة): 136,250 جنيه سنويًا.
المصروفات الإدارية: 12,000 جنيه.
4- كلية الهندسة إلكترونيات واتصالات: 125,350 جنيه سنويًا.
المصروفات الإدارية: 12,000 جنيه.
5- كلية علوم الحاسب: 159,000 جنيه سنويًا.
المصروفات الإدارية: 11,000 جنيه
6- كلية الإعلام: 150,000 جنيه سنويًا.
المصروفات الإدارية: 15,000 جنيه.
6- كلية الألسن: 89,000 جنيه سنويًا.
المصروفات الإدارية: 11,000 جنيه.
7- كلية إدارة الأعمال والتجارة الدولية: 150,000 جنيه سنويًا.
المصروفات الإدارية: 15,000 جنيه.
تكاليف الدراسة في جامعة مصر الدولية للطلاب الوافدين (بنظام النقاط)
الرسوم بتختلف حسب نسبة الثانوية والتخصص، ودي الأرقام لكل كلية:
أولًا: كلية الصيدلة
- الحاصلون على 80% فأكثر: 2750 دولار للفصل الأول + 2750 للفصل الثاني + 12,000 جنيه رسوم إدارية.
- من 75% إلى أقل من 80%: 3000 دولار/فصل.
- من 70% إلى أقل من 75%: 3250 دولار/فصل.
- أقل من 70%: 4850 دولار/فصل.
ثانيًا: كلية الهندسة وعلوم الفنون
- الحاصلون على 80% فأكثر: 2750 دولار لكل فصل + 12,000 جنيه رسوم إدارية.
- من 75% إلى أقل من 80%: 3000 دولار/فصل.
- من 70% إلى أقل من 75%: 3250 دولار/فصل.
- أقل من 70%: 4850 دولار/فصل.
ثالثًا: كلية علوم الحاسب
- الحاصلون على 80% فأكثر: 2750 دولار لكل فصل + 11,000 جنيه رسوم إدارية.
- من 75% إلى أقل من 80%: 3000 دولار/فصل.
- من 70% إلى أقل من 75%: 3250 دولار/فصل.
- أقل من 70%: 4850 دولار/فصل.
رابعًا: كلية إدارة الأعمال والتجارة الدولية
- الحاصلون على 80% فأكثر: 2500 دولار لكل فصل + 15,000 جنيه رسوم إدارية.
- من 75% إلى أقل من 80%: 2750 دولار/فصل.
- من 70% إلى أقل من 75%: 3000 دولار/فصل.
- أقل من 70%: 3750 دولار/فصل.
خامسًا: كلية الإعلام
- الحاصلون على 80% فأكثر: 2500 دولار لكل فصل + 15,000 جنيه رســوم إدارية.
- من 75% إلى أقل من 80%: 2750 دولار/فصل.
- من 70% إلى أقل من 75%: 3000 دولار/فصل.
- أقل من 70%: 3750 دولار/فصل.
في النهاية، جامعة مصر الدولية بتقدّم تجربة تعليمية قوية تجمع بين الاعتماد الأكاديمي، وتنوع التخصصات، والمرافق الحديثة اللي بتدعم الطالب في كل خطوة.
اتعرفنا على مميزات الجامعة ومصاريفها وشروط القبول فيها، وكمان أبرز الأوراق المطلوبة للتقديم سواء للطلاب المصريين أو الوافدين.
فلو بتفكر تختار لابنك أو بنتك مكان يوفر تعليم محترم ومستقبل مهني أفضل، فالجامعة تعتبر اختيار موثوق. المهم تحدد التخصص اللي يناسب قدراتهم، وتتبع خطوات التقديم اللي وضحناها.
ومع المعلومات دي كلها، تقدر تاخد قرار مطمئن ومدروس لمستقبل أولادك.
أضف تعليق