لو بتدور على جامعة تجمع بين التعليم الراقي والمستوى العملي اللي فعلاً بيأهل الطلاب لسوق العمل، فـ جامعة الدلتا للعلوم والتكنولوجيا تعد من أفضل الاختيارات اللي ممكن تفكر فيها.
ودا لإن الجامعة أثبتت نفسها خلال السنين اللي فاتت كواحدة من أبرز الجامعات الخاصة في مصر، خصوصًا في منطقة الدلتا، لأنها بتقدّم تجربة تعليمية متكاملة فيها تخصصات حديثة ومعامل مجهزة ومناهج على مستوى عالمي.
وفي المقال ده، هتعرف كل اللي التفاصيل عن جامعة الدلتا للعلوم والتكنولوجيا، من أول تأسيسها وموقعها المميز، لحد شروط القبول، التخصصات، والمصاريف.
نبذة عن إنشاء جامعة الدلتا للعلوم والتكنولوجيا
تعد جامعة الدلتا في المنصورة واحدة من أهم الجامعات الخاصة في مصر، وهي تابعة لمجموعة دلتا التعليمية.
اتأسست رسميًا بقرار جمهوري سنة 2007، وبكده تكون أول جامعة خاصة في منطقة دلتا مصر والوجه البحري.
بدأت رحلة جامعة الدلتا من نجاح مدارس ومعاهد مجموعة دلتا التعليمية اللي كانت دايمًا بتركّز على جودة التعليم العملي، زي معاهد الهندسة والخدمة الاجتماعية ونظم المعلومات الإدارية، واللي بدأ نشاطها من سنة 1996.
ومن هنا، بدأت فكرة تأسيس جامعة كاملة تجمع التخصصات دي في كيان واحد، يقدّم تعليم عالي بمستوى ينافس الجامعات الدولية.
والنهاردة جامعة الدلتا فيها 13 كلية معتمدة، وبتشتغل وفق معايير جودة وطنية ودولية، علشان تجهّز خريج يكون قادر ينافس في سوق العمل داخل مصر وخارجها.
موقع جامعة الدلتا للعلوم والتكنولوجيا
بتتميز جامعة الدلتا بموقعها الاستراتيجي على الطريق الساحلي الدولي في محافظة الدقهلية، وده بيخليها في قلب منطقة الدلتا اللي تُعد من أكتر المناطق كثافة سكانية في مصر.
والجامعة قريبة من أربع محافظات مهمة:
- حوالي 50 كم من المنصورة (عاصمة الدقهلية).
- حوالي 100 كم من طنطا (عاصمة الغربية).
- 20 كم من دمياط الجديدة.
- 50 كم من كفر الشيخ.
الموقع ده بيخلي الوصول للجامعة سهل جدًا من محافظات كتير، وده من أهم أسباب إقبال الطلاب عليها كل سنة، خصوصًا إنها بتخدم شريحة كبيرة من طلاب وجه بحري اللي بيدوروا على جامعة قريبة منهم وفي نفس الوقت بمستوى تعليمي متميز.
اتعرف على: كل ما يخص الجامعة الألمانية بالقاهرة.
كليات جامعة الدلتا للعلوم والتكنولوجيا
بتتميز جامعة الدلتا بعدد من الكليات المعتمدة اللي بتضم أحدث التخصصات المطلوبة للبحث والعمل:
- كلية الطب البشري
- كلية طب الفم والأسنان
- كلية العلاج الطبيعي
- كلية الطب البيطري
- كلية الصيدلة
- كلية التمريض
- كلية العلوم الصحية التطبيقية
- كلية هندسة الطاقة والبترول
- كلية الذكاء الاصطناعي
- كلية الهندسة
- كلية الحقوق
- كلية الإدارة
- كلية الآداب
متطلبات القبول في جامعة الدلتا للعلوم والتكنولوجيا
جامعة الدلتا بتفتح أبوابها لكل الطلبة الحاصلين على الشهادات المعتمدة من مصر أو من خارجها، بشرط استيفاء القواعد اللي بيحددها المجلس الأعلى للجامعات الخاصة كل سنة.
والقبول بيتم بناءً على المجموع الكلي، الرغبات، ونتيجة اختبارات تحديد المستوى مش على أسبقية التقديم.
الشهادات المقبولة
- دبلوم المدارس الصناعية ثلاث سنوات + سنتين بمعهد فني صناعي (للالتحاق بكلية الهندسة).
- الثانوية التجارية (ثلاث سنوات) للالتحاق بكلية إدارة الأعمال.
- دبلوم المعاهد الصحية للتقديم في كلية العلوم الصحية التطبيقية.
- الشهادات المعادلة العربية والأجنبية بشرط تحقيق النسبة المطلوبة.
- شهادة الثانوية الصناعية (خمس سنوات).
- شهادة الثانوية العامة المصرية.
بالنسبة لخريجي الدول العربية، بيتم استبعاد مواد زي (التربية الإسلامية – التربية الرياضية – التربية الوطنية) من المجموع قبل حساب النسبة النهائية.
أما الطلاب الحاصلين على شهادات أجنبية ولسه باقي انهم ينجحوا في امتحان العربي أو التربية الدينية، فبيكملوا المتطلبات دي قبل التخرج أو بيدخلوا امتحان خاص بينظمه المجلس الأعلى للجامعات.
متطلبات الشهادات الأجنبية (زي الثانوية الأمريكية)
- نجاح الطالب في 8 مواد على الأقل بالصف الثاني عشر مع استكمال الدراسة في الصفين العاشر والحادي عشر.
- اعتماد الشهادة من جهة أمريكية رسمية ومصدّقة من المستشار الثقافي المصري في واشنطن.
- حصول الطالب على SAT I بدرجة النجاح المطلوبة والمعلنة سنويًا.
وتُقبل باقي الشهادات الأجنبية والعربية حسب قواعد المجلس الأعلى للجامعات الخاصة.
ودي الشروط العامة للقبول
- القبول مش بالأسبقية، لكن حسب الدرجات واجتياز اختبارات تحديد المستوى في الرياضيات والإنجليزي.
- تحقيق الحد الأدنى للمجموع اللي بيحدده مجلس الجامعات الخاصة لكل كلية.
- استيفاء الدرجات المطلوبة لخريجي المدارس الفنية أو المعاهد.
- اجتياز الكشف الطبي والمقابلة الشخصية بنجاح.
والجامعة بتعلن نتائج القبول بشكل رسمي على موقعها الإلكتروني بعد مراجعة كل الطلبات.
شروط التقديم في جامعة الدلتا للعلوم والتكنولوجيا
بتستقبل جامعة الدلتا كل الطلاب المؤهلين للالتحاق بالكليات المختلفة، حسب رغبتهم ومجموعهم في الثانوية العامة أو الشهادات المعادلة.
والجامعة بتتعامل مع كل المتقدمين بعدل كامل من غير أي تفرقة أو تمييز، بغضّ النظر عن النوع أو اللون أو الديانة أو الجنسية، وده كله وفق القواعد اللي بيقرّرها المجلس الأعلى للجامعات ومجلس الجامعات الخاصة، نفس القواعد دي كمان بتُطبّق على الطلاب من ذوي الهمم.
الأوراق المطلوبة للتقديم في جامعة الدلتا
الجامعة بتتّبع قواعد وضوابط المجلس الأعلى للجامعات الخاصة في قبول الطلاب الجدد أو اللي هيحولوا من جامعات تانية.
وبيتم التقديم إلكترونيًا عن طريق موقع التنسيق الخاص بالجامعات الخاصة، بناءً على النتيجة العامة ورغبات الطلاب.
أولاً: الطلاب الجدد
اللي معاهم شهادة الثانوية العامة أو ما يعادلها بيقدّموا المستندات التالية:
- أصل شهادة الثانوية (موثّقة من السفارة أو الخارجية لو شهادة أجنبية).
- صورة من بطاقة الرقم القومي للمصريين أو جواز السفر للطلاب الوافدين.
- نموذج 6 جند من قسم الشرطة للطلاب فوق 19 سنة.
- نموذج التقديم الإلكتروني بعد ملء البيانات بالكامل.
- إثبات للموقف من التجنيد للطلاب تحت 22 سنة.
- نموذج 2 جند للذكور من منطقة التجنيد.
- شهادة ميلاد كمبيوتر حديثة
- 6 صور شخصية جديدة.
ثانياً: الطلاب المحوّلين
لو الطالب كان مقيد قبل كده في جامعة أو معهد، لازم يقدّم نفس المستندات اللي فوق بالإضافة إلى:
- كشف درجات مختوم بختم الجامعة نفسها للطلاب المحولين من الجامعات الخاصة، وبيتم معادلة المواد بشرط إنها ما تزيدش عن 50% من الساعات المطلوبة للتخرج في جامعة الدلتا.
- توصيف المقررات الدراسية اللي نجح فيها الطالب، وده بيكون معتمد من الجامعة اللي كان فيها، علشان يتم عمل المعادلة العلمية بين الكليات.
- كشف درجات مختوم بشعار الجمهورية من وزارة التعليم العالي للطالب اللي جاي من معهد عالي.
- كشف درجات رسمي موضح فيه المواد اللي درسها والدرجات اللي حصل عليها.
- تقرير معتمد من السفارة المصرية في حالة الطلاب الوافدين من الخارج.
مصروفات جامعة الدلتا للعلوم والتكنولوجيا لعام 2025
بتزيد المصروفات كل عام لجامعة الدلتا، ودي المصروفات اللي أعلنت عنها للعام الدراسي 2025 – 2026:
- كلية الطب البشري: 230,000 جنيه.
- كلية طب الفم والأسنان: 180,000 جنيه.
- كلية الصيدلة الإكلينيكية: 140,000 جنيه.
- كلية العلاج الطبيعي: 125,000 جنيه.
- كلية الذكاء الاصطناعي: 75,000 جنيه.
- كلية الطب البيطري: 70,000 جنيه.
- كلية هندسة الطاقة والبترول: 66,000 جنيه.
- كلية تكنولوجيا العلوم الصحية التطبيقية: 65,000 جنيه.
- كلية الهندسة: 61,000 جنيه.
- كلية التمريض: 60,000 جنيه.
- كلية الحقوق: 39,000 جنيه.
- كلية الإدارة: 39,000 جنيه.
- كلية الآداب: 36,000 جنيه.
دا بخلاف المصاريف الإدارية ومصروفات المعامل، وتقدر تتعرف عن كل ما يخص الجامعات الخاصة على صفحة Noureldine for Universities على الفيسبوك.
تنسيق جامعة الدلتا للعلوم والتكنولوجيا لعام 2025
التنسيق بيختلف كل عام على حسب مجاميع الثانوية العامة، ودي النسب المئوية اللي أعلنت عنها الجامعة لعام 2025:
- كلية الطب البشري: 85%.
- كلية طب الفم والأسنان: 80%.
- كلية الصيدلة الإكلينيكية: 75%.
- كلية العلاج الطبيعي: 78%.
- كلية الذكاء الاصطناعي: 70%.
- كلية الطب البيطري: 70%.
- كلية هندسة الطاقة والبترول: 68%.
- كلية تكنولوجيا العلوم الصحية التطبيقية: 60%.
- كلية الهندسة: 68%.
- كلية التمريض: 53%.
- كلية الحقوق: 53%.
- كلية الإدارة: 53%.
- كلية الآداب: 53%.
النظام الأكاديمي في جامعة الدلتا
كل كليات جامعة الدلتا للعلوم والتكنولوجيا بتشتغل بنظام الساعات المعتمدة، وده معناه إن كل مادة ليها عدد ساعات معين بيتضاف لرصيد الطالب الأكاديمي لحد التخرج.
- العام الدراسي: فصلين رئيسيين (إجمالي 30 أسبوع).
- الفصل الدراسي: مدته 15 أسبوع.
- الفصل الصيفي: 8 أسابيع.
كل طالب بيكون معاه مرشد أكاديمي من أول التسجيل علشان يساعده في اختيار المقررات ومتابعة مستواه الدراسي.
برامج الدراسات العليا بجامعة الدلتا للعلوم والتكنولوجيا
بتعلن جامعة الدلتا كل عام عن فتح باب التقديم لبرامج الدراسات العليا بنظام الساعات المعتمدة للفصل الدراسي الخريفي، ودي فرصة قوية لكل خريج حابب يطوّر نفسه أكاديميًا ومهنيًا في واحدة من الجامعات المتميزة في مصر.
وآخر موعد للتقديم بيكون يوم 15 أكتوبر من كل عام.
الكليات والبرامج المتاحة
1. كلية الهندسة
- ماجستير العلوم في هندسة الإلكترونيات والاتصالات.
- ماجستير العلوم في الهندسة المعمارية.
- ماجستير العلوم في الهندسة المدني.
2. كلية الصيدلة
- ماجستير في العلوم الصيدلية؛ تخصص الأدوية والسموم (الفارماكولوجي).
- دبلوم التحليل الكيميائي الحيوي.
3. كلية العلاج الطبيعي
- دبلوم تخصصي في العلاج الطبيعي للأطفال.
- دبلوم مهني في التغذية العلاجية وعلاج السمنة.
- دبلوم مهني في إصابات الملاعب.
- ماجستير العلاج الطبيعي للأطفال.
4. كلية إدارة الأعمال
درجة الماجستير المهني (MBA) باللغتين العربية والإنجليزية في تخصصات:
- إدارة الأعمال (تسويق – إدارة بنوك – لوجستيات).
- المحاسبة.
اتعرف على: مصاريف جامعة حلوان الأهلية لعام 2025 وشروط التقديم.
مميزات جامعة الدلتا للعلوم والتكنولوجيا
جامعة الدلتا من الجامعات اللي قدرت تثبت وجودها بسرعة، لأنها مش بس بتركّز على التعليم النظري، لكن كمان على التطبيق العملي والتأهيل الحقيقي لسوق العمل.
والجامعة معترف بيها من المجلس الأعلى للجامعات المصرية، وحاصلة على شهادة ضمان الجودة لكلية إدارة الأعمال، وده بيأكد التزامها بمعايير التعليم المحلية والدولية، ومن أبرز مميزاتها:
المميزات الأكاديمية والبحثية
الجامعة بتشتغل بمعايير عالمية وبتدي اهتمام كبير للبحث العلمي، وده ظهر في تصنيفها ضمن الثلث الأول عالميًا في جودة الأبحاث حسب تصنيف التايمز، وكمان دخولها في قوائم تصنيفات دولية زي QS العالمي.
وده بيخليها واحدة من الجامعات اللي بتوازن بين الدراسة الأكاديمية والبحث العلمي والتطبيق العملي.
التجهيزات والمرافق
الحرم الجامعي الخاص بجامعة الدلتا للعلوم والتكنولوجيا ممتد على مساحة 50 فدان، وبيضم كليات مستقلة، ومعامل حديثة، ومكتبات رقمية، وقاعات مجهزة بأحدث التقنيات.
الجامعة كمان فيها مستشفى تعليمي متكامل بـ 250 سرير، وده بيوفر للطلاب تدريب عملي في بيئة حقيقية بتأهلهم للحياة المهنية قبل ما يتخرجوا.
التدريب العملي وسوق العمل
الجامعة بتهتم جدا بالتدريب الميداني، فبتوفر فرص تدريب في المستشفى التعليمي الخاص بيها وكمان في مؤسسات ومستشفيات تانية من خلال شراكات قوية.
ده غير إنها بتقدم برامج مزدوجة دوليًا بالتعاون مع جامعات عالمية زي جامعة بليموث البريطانية،
يعني الطالب ممكن ياخد شهادة مصرية وأجنبية في نفس الوقت، وده من أكبر مميزات الجامعة.
الكوادر الأكاديمية ودعم الطلاب
جامعة الدلتا للعلوم والتكنولوجيا بتتميز بنخبة من أعضاء هيئة التدريس اللي عندهم خبرة أكاديمية وعملية كبيرة، ودا بيظهر من خلال إعلان إن 8 من أساتذة الجامعة اتصنفوا ضمن أفضل 2% من علماء العالم بتصنيف ستانفورد.
دا بالإضافة إن الجامعة بتركز على دعم الطلبة مش بس دراسيًا، لكن كمان من خلال أنشطة رياضية وثقافية واجتماعية بتساعدهم يعيشوا تجربة جامعية متكاملة.
الخاتمة
في النهاية، جامعة الدلتا للعلوم والتكنولوجيا بتثبت كل سنة إنها واحدة من الجامعات اللي بتقدّر التعليم الحقيقي وبتفتح فرص جديدة للخريجين اللي عايزين يطوّروا نفسهم علميًا ومهنيًا.
وبرامج الدراسات العليا اللي بتقدّمها الجامعة مش مجرد شهادات أكاديمية، دي تجربة متكاملة بتساعدك تبني مسار مهني أقوى وتواكب متطلبات السوق المحلي والعالمي.
سواء كنت خريج جديد أو عندك خبرة وعايز ترجع تكمل دراستك، جامعة الدلتا للعلوم والتكنولوجيا بتوفرلك بيئة تعليمية مميزة، نظام دراسي مرن، ومحتوى علمي معتمد من هيئات دولية.
أضف تعليق