ما هو الفرق بين نظام IB و IG؟

مع بداية دخول الأطفال لسن المدارس بيبدأ ولي الأمر يحتار إيه أفضل نوع مدرسة يدخّل فيه ابنه أو بنته، وإيه النظام اللي هيمشي عليه في مرحلة الثانوي؛ عشان يضمن له مستقبل أفضل عن طريق تعليمه بشكل متميز.

في المقال هنتعرف على الفرق بين نظام IB و IG اللي كتير من أولياء الأمور مهتمين يعرفوا تفاصيلهم، وبيفكروا في إلحاق أولادهم بيهم.

ما هو نظام الـ IGCSE؟

الـ IGCSE هو اختصار لـ International General Certificate for Secondary Education، وهي عبارة عن شهادة دولية عامة للمرحلة الثانوية، بيدرسها الطالب باللغة الإنجليزية، وبتكون تحت إشراف جامعة كامبريدج في بريطانيا. ويقدر الطالب يدرس فيها من سن 5 سنوات حتى سن 16 سنة.

بيعتمد نظام الـ IGCSE على دراسة مواد منفصلة، وبعدين بيمتحن فيها الطالب في نهاية السنة عشان يقيس مدى معرفته، وتمكنه من المواد اللي درسها، وبيحصل على IG في كل مادة بشكل منفصل، وبتخضع الامتحانات دي لإشراف، ورقابة المجلس الثقافي البريطاني.

النظام بيقدم مجموعة واسعة، وكبيرة من المواد، والمجالات المختلفة زي اللغات، العلوم، والرياضيات وغيرهم، اللي يقدر الطالب يتوسع فيها، ويكمل بعدين في المجال اللي بيتمناه.

ما هو نظام البكالوريا الدولية IB؟

نظام الـ IB هو اختصار لـ International Baccalaureate واللي بدأ من جنيف في سويسرا، وحتى الآن هي مقر أساسي ليه، وتدريجيًا انتشر في جميع أنحاء العالم.

بيشمل نظام البكالوريا الدولية جميع المراحل العمرية بدايةً من سن الـ 3 سنوات حتى سن 19 سنة، ودا من أهم الفرق بين نظام IB و IG، لأنه بيقدم 4 برامج مختلفة على حسب الفئة العمرية كالتالي:

• برنامج Primary Years Programme) PYP) من سن 3 سنوات حتى سن 12 سنة.
• برنامج Middle Years Programme) MYP) من سن 11 سنة حتى سن 16 سنة.
• برنامج Diploma Programme) DP) من سن 16 سنة حتى سن 19 سنة.
• برنامج مرتبط بمجال الطالب، ومسيرته المهنية من سن 16 سنة حتى سن 19 سنة.

بيظهر الفرق بين نظام IB و IG في إن نظام الـ IB بيتيح للطالب الدراسة باللغة اللي يفضلها من اللغات التالية:

• الإنجليزية.
• الفرنسية.
• الأسبانية.
• الألمانية.

في نهاية كل برنامج بيكون في امتحانات كتابية لتقييم مستوى الطالب، والمقياس الأساسي بيكون من 1 كحد أدنى و 7 كحد أعلى، بالإضافة إلى إن الطالب طول فترة الدراسة بيتطلب منه أبحاث، وبيشارك في نشاطات مختلفة سواء فنية، أو رياضية، أو نشاط تطوعي.

مع العلم بإن كل اللي بيقدمه الطالب من أبحاث، وواجبات، أو امتحانات بتتصحح من خلال مصححين من البكالوريا الدولية بنفسها.

اقرأ ايضًا: أفضل مدارس البكالوريا الدولية IB في مصر

الفرق بين نظام IB و IG من حيث المواد

تُعد المواد هي النقطة الفاصلة اللي بتساعد وليّ الأمر على اختيار نظام دونًا عن التاني، وبتتمثل مواد النظامين في الآتي:

مواد نظام الـ IG

بيظهر الفرق بين نظام IB و IG من حيث المواد في إن كل مادة من مواد نظام الـ IG بيحصُل فيها الطالب على مؤهل IG بشكل منفصل، وبتنقسم المواد في النظام إلى:

• لغة أولى، هي اللغة الإنجليزية.
• لغة تانية بيختارها الطالب ما بين الفرنسي، أو الألماني، أو الإيطالي.
• الرياضيات، اللي ممكن يستبدلها بمحاسبة، أو اقتصاد، أو إدارة أعمال، لو مش حابب يدرس الرياضيات.
• مادة أو أكتر من المواد العلمية، أو الأدبية.

مستويات تعليم نظام الـ IG

لتدريس المواد اللي ذكرناها بيعتمد التعليم في نظام الـ IG على 3 مستويات، وهي:

1. مستوى عادي Ordinary level، بيدرس الطالب فيه المواد الأساسية قبل ما يختار المجال اللي هيكمل فيه.
2. مستوى متقدم Advanced level، بيحدد الطالب فيه المواد اللي ليها علاقة بالمجال اللي هيكمل في دراسته قدام.
3. مستوى تكميلي Advanced subsidiary، بيدرس الطالب أساسيات متعلقة بمجال كليته اللي حابب يدخلها.

والمستويات دي من أهم عوامل الفرق بين نظام IB و IG.

للتعرف على مواد نظام الـ IG بالتفصيل اقرأ أيضًا: ما هي مواد نظام الـ IGCSE في مصر؟

مواد نظام الـ IB

الفرق بين نظام IB و IG كبير من حيث المواد، فمواد نظام الـ IB عبارة عن 6 مواد أساسية، وهي مواد التخصص على حسب المجال اللي حابب الطالب يكمل فيه، بيقدر يختارها الطالب من 6 مجموعات كالتالي: 

المجموعة الأولى: اللغوية، والأدبية

تشمل تلك المجموعة: 

• اللغة الأولى، وغالبًا بتكون الإنجليزية، وبيدرس فيها الطالب كافة الأساسيات لفهم الأدب، والثقافة وإتقان اللغة بكافة فروعها بأفضل شكل.
• اللغة الثانية، وبيختار الطالب فيها أي لغة من اللغات التالية: الإيطالية، الألمانية، الأسبانية، وغيرها.

المجموعة الثانية: العلمية

بتركز المجموعة دي على تطوير الطلاب في المجالات العلمية المختلفة، وبتشمل مواد المجموعة دي:

• علوم الأرض، والبيئة.
• الرياضيات.
• الكيمياء.
• الفيزياء.
• الأحياء.

المجموعة الثالثة: الإنسانية

وهنا بيدرس الطالب كل ما له علاقة بالعلوم الإنسانية، وبتتمثل مواد المجموعة دي فيما يلي:

• علم الاجتماع.
• علم النفس.
• الجغرافيا.
• الفلسفة.
• الاقتصاد.
• التاريخ.

المجموعة الرابعة: الفنون

من أهداف المجموعة دي تطوير الجوانب الفنية، والإبداعية عند الطلاب في مجالات مختلفة زي:

• التصوير الفوتوغرافي.
• الفنون الرقمية.
• التصميم.
• الرسم.
• النحت.

المجموعة الخامسة: التربية البدنية وعلوم الصحة

وبتظهر تفاصيل المجموعة دي فيما يلي: 

• التربية البدنية، وبتهدف إلى تنمية المهارات الحركية، وتحسين اللياقة البدنية والعضلية.
• علوم الصحة، وبتشمل مواضيع زي: النمط الحياتي الصحي، وعلوم التغذية، والصحة النفسية.

 وبيختار المواد دي سواء مجال علمي أو أدبي، بالإضافة إلى الـ CAS وهي اختصار لـ (Creativity, action, service) وهي عبارة عن نشاطات مش بتأثر على مجموعه النهائي، لكنه ملزم بيها مع الأبحاث، والمقال اللي بيكتبه مع ما يعرف بنظرية المعرفة – TOK، اللي بيكون دورها تنمية مهارات التفكير بأنواعه، والإبداع عند الطالب.

بالإضافة إلى إن الطالب بيمتحن مع المدارس الحكومية بعض المواد زي: اللغة العربية، والتربية الدينية، والتربية القومية.

الفرق بين نظام IB وIG من حيث المميزات

لكل نظام من النظامين مميزات مختلفة يقدر ولي الأمر يفاضل ما بينهم عشان يختار الأفضل لابنه، وبتتضح كالآتي:

 مميزات نظام الـ IG

1. تقديم مواد وتخصصات واسعة، وكبيرة، يقدر يختار الطالب من بينها اللي يناسب ميوله، ودا عامل مهم في الفرق بين نظام IB و IG.
2. التركيز الأساسي على العلم، والمعرفة، والمهارات اللي بيكتسبها الطالب أكتر من الدرجات، والمجموع النهائي.
3. اختيار الطالب للتخصص اللي بيفضله من بدري، وبالتالي هيقدر يتعمق فيه، ويعرف عنه أكتر من صغره.
4. تنمية قدرات الطالب المختلفة سواء العقلية، أو الشخصية، ومهارات التفكير والتحليل، وغيرها.
5. اعتمادية النظام عالميًا، ودا بيتيح للطالب الدراسة في أي جامعة في العالم.
6. دراسة المنهج البريطاني بدون تحمل مشقة، أو تكاليف السفر لبريطانيا.

مميزات نظام الـ IB

يُعد الفرق بين نظام IB و IG من حيث المميزات مش كبير جدًا؛ لأنهم الاتنين بيهتموا بتنمية مهارات الطالب بأفضل شكل، لتأهيله للحياة الجامعية، ومن أبرز مميزات نظام البكالوريا الدولية:

• تعليم الطالب مهارات البحث العلمي من الصغر، من البحث، والكتابة، والتعديل، عشان يكمل مسيرته الجامعية، وكمان الدراسات العليا بشكل صحيح، وأسهل ليه فيما بعد.
• إتاحة دخول الطالب للجامعات الدولية مباشرة بدون أي امتحان، وكمان دخول الجامعات الأعلى تصنيفًا في العالم بسهولة، ودا من أهم المفاضلات في الفرق بين نظام IB و IG.
• اكتساب الطالب لمهارات متنوعة ومختلفة زي: التفكير، والتحليل، والبحث، والتواصل.
• حصول الطالب على شهادة دولية معترف بيها في كل أنحاء العالم.

الفرق بين نظام IB وIG من حيث العيوب

على الرغم من إن النظامين ليهم مميزات كتيرة ومختلفة، إلا إن عيوبهم من الأمور اللي لا بد من ذكرها عشان ولي الأمر يضعهم في الحسبان قبل اختيار النظام المناسب لابنه، ومن أبرز عيوب كل نظام:

عيوب نظام الـ IG

• عدم قدرة الطالب على اختيار التخصص الأنسب بنفسه، لأنه أحيانًا بيكون فاقد للمعرفة الكافية اللي على أساسها هيختار تخصصه، بالإضافة لصغر سنه، فبالتالي الأهل هما اللي بيختاروا بالنيابة عنه.
• اعتماد النظام على الإنجليزية في أغلب المواد، ودا بالتالي بيأثر على اللغة العربية، وبتُهمل مع الوقت.
• عدم وفرة معلمي نظام الـ IG، وبالتالي لو الطالب بيحتاج دروس خاصة، بيواجه صعوبة في إنه يلاقيهم.
• ضغط الطالب طوال سنوات دراسته، ودا بيرجع لطبيعة الامتحانات المكثفة.

عيوب نظام الـ IB

عيوب كل من النظامين بيظهر فيها بشكل واضح الفرق بين نظام IB و IG بسبب اختلاف نظام الدراسة بينهم، ومن أبرز عيوب نظام الـ IB: 

• الإتاحة المحدودة لخريجين نظام البكالوريا الدولية في الجامعات المصرية الحكومية هي 5٪ بس، ودا تأكيد مهم على الفرق بين نظام IB و IG.
• صعوبة التأقلم مع النظام، بالنسبة للطلاب اللي انضموا ليه من أنظمة أخرى، فبيحتاجوا فترة طويلة للتكيّف مع أساليبه.
• إلزام الطالب بواجبات، وأبحاث، وأنشطة مختلفة بجانب الامتحانات وبالتالي تعرّضه لضغط كبير في المجهود، والوقت.
• فقدان الطالب فرصة الاختيار الواسعة، فهو محكوم بالمواد اللي متاح دراستها في المدرسة اللي قدم فيها.
• صعوبة النظام للطلاب اللي بيعانوا من بطء التعلم، أو التأخر الدراسي، أو صعوبات التعلم.

الخلاصة

أهم شيء قبل ما تعرف الفرق بين نظام IB و IG إنك تدرك مهارات ابنك وقدراته، وإيه الهدف اللي عاوز يحققه، وعلى الأساس دا، ابدأ اختار مع ابنك النظام اللي هيسهل عليه طريق تحقيق حلمه، سواء كان نظام الـ IG أو نظام الـ IB، أو حتى غيرهم من الأنظمة، والمدارس المتاحة.