الفرق بين المدارس الرسمية للغات والرسمية المتميزة للغات

بعد ظهور عدة مشكلات في المدارس الرسمية -الحكومية سابقًا- لاحظنا اتجاه عدد كبير من أولياء الأمور ناحية المدارس الرسمية للغات -التجريبية سابقا-، واللي تعتبر بديل مميز للمدارس الرسمية.

المدارس دي بتنقسم إلى نوعين: مدارس رسمية (عادية) للغات، ومدارس رسمية مميزة، وكلهم بيقدموا خدمات تعليمية متطورة، وبنلاقي إن الفرق بين المدارس الرسمية للغات والرسمية المتميزة للغات بيكمن في عدد الطلبة في الفصول، والمصاريف الدراسية،وغيرهم.

مع وجود العديد من النقاط اللي بتميز المدارس الرسمية للغات عن المدارس الرسمية بنلاقي بعض العيوب اللي بتخلي أولياء الأمور يغيروا قرارهم ويبحثوا عن مدارس أفضل.

في المقال دا هنتعرف أكثر على الفرق بين المدارس الرسمية للغات والرسمية المتميزة للغات في مصر، ونعرف أهم المميزات والعيوب الموجودة في كل مدرسة.

ما هي المدارس الرسمية للغات؟

المدارس الرسمية للغات هي مدارس خاضعة لإشراف وزارة التربية والتعليم المصرية، ويبذل القائمون عليها قصارى جهدهم في تقديم نظام تعليمي متميز يمكن الطالب من استيعاب المناهج العلمية والاستفادة منها قدر الإمكان.

المدارس دي بتحرص على إتقان الطالب للغة الإنجليزية، فبتبدأ في تدريس اللغة من مرحلة الحضانة، عشان الطالب يكون عنده فرصة كويسة لفهم أساسيات اللغة ومفرداتها أثناء دراسته.

الطالب هنا بيدرس المنهج المصري لوزارة التربية والتعليم، وبيدرس المواد الأساسية زي مادة الرياضيات والعلوم باللغة الإنجليزية، بالإضافة إلى منهج المستوى الرفيع في اللغة الإنجليزية -منهج Connect plus-.

تدريس باقي اللغات الأجنبية في المدارس الرسمية للغات بيبدأ من الصف الأول الإعدادي، أما في المدارس المتميزة فبيبدأ من الصف الرابع الابتدائي، وهنا بيوضح الفرق بين المدارس الرسمية للغات والرسمية المتميزة للغات في الاهتمام بتدريس اللغات للطالب.

ما هي المدارس الرسمية المتميزة للغات؟

المدارس الرسمية المتميزة للغات هي أحد أنواع المدارس التجريبية اللي لازالت معروفة في مصر بتقديم نموذج تعليمي أفضل بكتير من اللي بيتم تقديمه في المدارس الحكومية، وبتحرص على تنمية مهارات الطالب عن طريق ممارسة العديد من الأنشطة أثناء فترة تواجده في الفصل.

المدرسة بتركز كمان على تقييم مستوى الطالب بشكل مستمر، فبيكون في امتحانات كل فترة تحدد المستوى العلمي للطالب؛ عشان المدرس يقدر يعمل خطة تعليمية مناسبة للطالب، وكمان ولي الأمر يكون عنده معلومات كافية عن مستوى ابنه الدراسي.

المدارس الرسمية المتميزة بتعتبر خيار مميز للحصول على تعليم بجودة عالية وبمصاريف دراسية مناسبة لمتوسطي الدخل من أولياء الأمور في مصر وأقل بكثير من مصاريف المدارس الخاصة والانترناشونال، عشان كدا عدد المقبلين عليها كل سنة بدأ يزيد في السنوات الأخيرة.

الفرق بين المدارس الرسمية للغات والرسمية المتميزة للغات بيظهر في مدى الاهتمام بتدريس اللغات زي ما ذكرنا، بالإضافة إلى عدة فروق أخرى زي الشروط المطلوبة لالتحاق الطالب بالمدرسة، ومصاريف كل مدرسة منهم، والفروق دي هنتعرف عليها دلوقت بالتفصيل.

الفرق بين المدارس الرسمية للغات والرسمية المتميزة للغات في شروط الالتحاق

المدارس الرسمية للغات والرسمية المتميزة بتفتح أبوابها كل عام للتقديم في بداية شهر يونيو، وبتستمر في استقبال ملفات الطلبة الجدد لمدة شهر، ومن الطبيعي إن كل مدرسة يكون لها مجموعة من الشروط اللي لازم تتوافر في الطالب عشان يتم قبوله، وفي حالة عدم توافر أحد الشروط دي بيتم رفض ملف الطالب.

المدارس الرسمية للغات بتشترط إن سن الطالب لا يقل عن 5 سنوات، وإن عنوان الطالب في الملف يكون تابع للإدارة التعليمية المنتمية إليها المدرسة، بمعني إن الطالب ماينفعش يلتحق بمدرسة خارج نطاقه السكني.

أما عن شروط الالتحاق بالمدارس الرسمية للغات فبنلاقي إن المدرسة بتقبل الطفل بداية من عمر 4 سنوات و 6 أشهر، والطالب يقدر يدخل أي مدرسة خارج المربع السكني بدون أي مشكلة، ودا بيفرقها عن المدارس الرسمية للغات.

بنلاحظ إن الفرق بين المدارس الرسمية للغات والرسمية المتميزة للغات في شروط الالتحاق كمان إن الأخيرة بتشترط حصول الوالدين على مؤهل تعليمي عالي؛ عشان يقدروا يتابعوا مع الطالب ويساعدوه في فهمه للمواد العلمية وفي مذاكرته بوجه عام، لكن المدارس الرسمية للغات مش بتشترط دا.

الفرق بين المدارس الرسمية للغات والرسمية المتميزة للغات في المصاريف

مصاريف المدارس الرسمية للغات بتتراوح بين 1,700 – 2,195 جنيه مصري و تشمل الكتب و الأنشطة و التطوير ، والمصاريف دي تعتبر مناسبة لمحدودي الدخل في مصر، ومناسبة كمان للخدمات اللي بتقدمها المدرسة، عشان كدا بنلاحظ إقبال عدد كبير عليها كل سنة.

أما مصاريف المدارس الرسمية المتميزة للغات فبتكون أعلى شويه؛ لإنها بتقدم خدمات تعليمية وتطويرية بجودة أغلى من المدارس الرسمية للغات، فبتصل مصاريفها إلى 1,700 – 3,800 جنيه مصري و تشمل الكتب و الأنشطة والتطوير، ولكن المصاريف دي أقل بكتير من مصاريف المدارس الخاصة أو الانترناشونال في مصر، وبالتالي بيختارها بعض أولياء الأمور كبديل أرخص للمدارس الخاصة.

الفرق بين المدارس الرسمية للغات والرسمية المتميزة للغات في المناهج

المدارس الرسمية للغات والرسمية المتميزة هما مدارس ملك لوزارة التربية والتعليم المصرية، وبالتالي بيتم تدريس نفس المناهج المصرية هنا ولكن مع وجود بعض الاختلافات.

في المدارس الرسمية للغات بيتم تدريس منهج الحكومة المصرية بالكامل، ومادة العلوم والرياضيات بيكونوا باللغة الإنجليزية، بالإضافة إلى برامج خاصة بالمدارس دي.

وبالنسبة للمدارس الرسمية المتميزة للغات فبيتم أيضًا تدريس منهج الحكومة المصرية إلى جانب بعض المناهج الأخرى اللي بتساعد الطالب على إتقان اللغات بسهولة.

الفرق بين المدارس الرسمية للغات والرسمية المتميزة للغات في المميزات

المدارس الرسمية للغات والرسمية المتميزة للغات بيشتركوا في بعض المميزات واللي من أهمها:

• وجود عدد محدود من الطلبة في الفصول
• تدريس المناهج المصرية بطريقة متطورة
• تقديم شهادة الثانوية العامة المعتمدة
• الاهتمام باللغة الانجليزية
• الحرص على التقييم المستمر لمستويات الطلبة

لكن بنلاقي إن المدارس الرسمية المتميزة للغات بتنفرد بعدة مميزات أعلى، ومن أشهرها:

• تدريس اللغة الأجنبية الثانية بداية من المرحلة الابتدائية
• الاهتمام بممارسة الأنشطة المختلفة داخل المدرسة
• تطوير مهارات الطالب باستمرار
• وجود مساحات كبير من الملاعب بالمدرسة

عيوب المدارس الرسمية للغات والرسمية المتميزة للغات

توجد بعض العيوب في المدارس الرسمية للغات والرسمية المتميزة، والعيوب دي بتخلي ولي الأمر يتراجع عن قرار التقديم لابنه في واحدة منهم ويبحث عن مدرسة تقدم خدمات تعليمية أفضل، ومن أشهر العيوب دي:

• تدريس نفس المناهج المصرية
• اعتماد الدراسة على نظام الحفظ والتلقين
• وجود قصور في اللغة العربية عند الطلبة
• تركيز الطالب على الحصول على الدرجات دون اهتمام بفهم المادة العلمية

الخلاصة

المدارس التجريبية في مصر هي مدارس خاضعة لإشراف وزارة التربية والتعليم المصرية، وبتدرس المناهج المصرية التقليدية بجانب مناهج أخرى خاصة بيها؛ والمناهج دي بتساعد الطلبة على إتقان اللغة الانجليزية وتنمية مهاراتهم اللغوية فيها.

للمدارس التجريبية في مصر نوعين: المدارس الرسمية للغات، والمدارس الرسمية المتميزة للغات، وتوجد عدة فروق جوهرية بين المدارس دي.

الفرق بين المدارس الرسمية للغات والمدارس الرسمية المتميزة للغات بيظهر في طريقة تدريس المناهج، ومدي اهتمام كل مدرسة بالأنشطة، وعدد الطلبة في الفصول، والمصاريف السنوية المطلوبة، وغيرهم زي ما وضحنا.

وبالتالي عشان نعرف نختار بينهم لازم يكون عندنا دراية كافية بالفروق دي، ونقارن بينها كويس عشان نقدر نحدد الأنسب للطالب والأنسب لمستوانا المادي، للتعرف أكتر على جميع أنواع المدارس المصرية ممكن تنضم لجروب دليل المدارس المصرية على فيسبوك.