لو بتدور على جامعة تجمع بين التعليم البريطاني المميز والمستقبل المضمون في مصر، فـ الجامعة البريطانية في مصر من أكتر الاختيارات اللي تستاهل التفكير.
الجامعة موجودة في الشروق وبتقدّم تجربة دراسة مختلفة تمامًا، لأنك بتتعلم بمناهج معتمدة من جامعات بريطانية، وفي نفس الوقت بتعيش التجربة هنا في بلدك من غير ما تسافر أو تتحمّل مصاريف الدراسة برا.
الجميل كمان إن الجامعة البريطانية مش بس تهتم بالدراسة النظرية، لكنها بتركز على التطبيق العملي والتدريب المستمر، وده اللي بيخلّي خريجها جاهز فعلاً لسوق الشغل سواء في مصر أو برا.
في المقال ده، هنتكلم بالتفصيل عن كل اللي محتاج تعرفه عن الجامعة البريطانية في مصر، من موقعها وتخصصاتها وشروط التقديم، لحد مصاريف الجامعة ونظام الدراسة فيها، علشان تقدر تاخد قرارك وإنت متطمن وواثق إنها الجامعة المناسبة ليك ولإبنك.
نبذة عن الجامعة البريطانية في مصر
الجامعة اتأسست سنة 2005 بحضور الأمير ويليام وعدد من الشخصيات الأكاديمية الكبيرة من بريطانيا، والهدف منها إنها تكون جسر يربط بين التعليم البريطاني المتطور والطلاب المصريين.
بالنسبة للشراكة الأكاديمية فالجامعة متعاونة مع جامعات بريطانية كبيرة زي London South Bank University، واللي بتعتمد نفس المناهج البريطانية في الدراسة، ودا بيجعل الجامعة البريطانية في مصر واحدة من أهم الجامعات الخاصة اللي بتقدّم تعليم بمعايير دولية على أرض مصرية.
وبتضم الجامعة كليات وتخصصات هندسية، طبية، وإنسانية كتير، كلها بتشتغل بنفس النظام الأكاديمي اللي موجود في الجامعات البريطانية الأم داخل المملكة المتحدة.
اللي بيميز الدراسة هناك إن الطالب بيحصل على تعليم بريطاني كامل من غير ما يسافر، يعني بياخد شهادة معتمدة من بريطانيا وهو في مصر، وده بيخلّيها من أكتر الخيارات المناسبة للطلاب اللي بيدوروا على تعليم راقي وفرصة شغل عالمية بعد التخرج.
الجامعة كمان بتركّز على الجانب العملي والتطبيقي، فبتوفر معامل حديثة، وتدريب ميداني بيجهّز الطالب لسوق العمل المحلي والدولي.
وكل المواد بتتدرّس باللغة الإنجليزية، وهيئة التدريس فيها من أكاديميين بريطانيين ودوليين متخصصين في مجالاتهم، وده بيدي تجربة تعليم قريبة جدًا من اللي في الجامعات الأصلية ببريطانيا.
كمان خريج الجامعة البريطانية بيقدر يكمّل دراسته في جامعات المملكة المتحدة من غير أي صعوبة، لأن المناهج معترف بيها هناك رسميًا.
وده بيدي الطالب ميزة كبيرة سواء قرر يكمّل ماجستير في الخارج أو يشتغل في مجال تخصصه جوّه مصر أو برّه.
اقرأ: كل ما تريد معرفته عن مصاريف جامعة حلوان الأهلية 2025 وشروط التقديم.
عنوان الجامعة البريطانية في مصر
موقع الجامعة البريطانية يعتبر من أكتر الحاجات اللي بتميزها، لأنها موجودة في مدينة الشروق على طريق السويس الصحراوي في منطقة القاهرة الجديدة.
المكان نفسه قريب من المدن الجديدة التانية زي مدينتي والعاصمة الإدارية، وده بيخليها موقع استراتيجي سهل الوصول ليه ومناسب جدًا للطلاب اللي جايين من أكتر من محافظة.
كليات وتخصصات الجامعة البريطانية في مصر
اللي بيميز الجامعة البريطانية إنها بتقدّم تعليم شامل ومتنوع من خلال 12 كلية بتغطي كل المجالات الأكاديمية الحديثة.
والبرامج الدراسية فيها بتواكب المعايير البريطانية، وبتأهّل الطلاب لسوق العمل المحلي والدولي.
1- كلية الفنون والتصميم
تمنح الطالب شهادتين؛ شهادة محلية مصرية من BUE، وشهادة دولية من جامعة مانشستر متروبوليتان MMU.
بتقدّم برامج متنوعة في:
- الرسوم المتحركة التوضيحية
- الفنون والوسائط المختلطة
- الأزياء والمنسوجات
- تصميم الألعاب
- العمارة الداخلية
2- كلية الآداب والعلوم الإنسانية
تمنح الطالب شهادة محلية وشهادة مزودجة من جامعة لندن ساوث بانك LSBU – المملكة المتحدة.
وبتضم تخصصات زي:
علم النفس الأساسي والتطبيقي
يبدأ الطالب بسنة تمهيدية لتأسيس المهارات، و3 سنين لدراسة علم النفس المعرفي، الإدراك البشري، الشخصية، العواطف والدوافع.
بيتضمن البرنامج تدريب عملي في جهات مرموقة زي صندوق علاج الإدمان، مراكز تعليمية متخصصة، الأمانة العامة للصحة النفسية.
اللغة والثقافة الصينية
برنامج مميز يجمع تعلم اللغة الصينية وثقافتها وآدابها، بيبدأ بسنة تمهيدية لتقوية المهارات اللغوية العربية، الإنجليزية، الصينية.
والسنين اللي بعدها بتركز على دراسة الأدب الصيني، الترجمة، والثقافة.
اللغة الإنجليزية وآدابها
برنامج مزودج بيتضمن مسارات مختلفة زي: الأدب، اللغويات التطبيقية، الترجمة.
وبيكون متاح اختيار وحدات معينة لتنمية مهارات متنوعة.
3- كلية الاقتصاد وإدارة الأعمال (BAEPS)
ودي من الكليات المميزة في الجامعة، وبتشمل:
- العلوم السياسية
- إدارة الأعمال
- الاقتصاد
4- كلية الإعلام والاتصال (CMM)
بتقدّم برامج متخصصة في:
- الاتصالات التسويقية المتكاملة
- دراسات الأفلام والإعلام
- الصحافة والإعلام الرقمي
- الراديو والتلفزيون
5- كلية طب الأسنان
تُعد من الكليات اللي عليها إقبال كبير، وبتضم تخصصات متقدمة زي جراحة الأسنان وعلوم الفم والتقويم، بمناهج معتمدة دوليًا.
بتتيح الجامعة برنامج البكالوريوس 5 سنوات، و8 برامج ماجيستير مختلفة زي: تقويم الأسنان، بيولوجيا الفم، جراحة الفم والوجه والفكين، تركيبات الأسنان، علاج جذور الأسنان، طب الأسنان الجراحي العلاجي والتحفظي، أمراض اللثة، أسنان الأطفال.
6- كلية الهندسة
تُعد من أكبر وأهم الكليات داخل الجامعة البريطانية في مصر، وبتقدّم مجموعة واسعة من التخصصات اللي بتواكب أحدث التطورات التكنولوجية في العالم، ومن بين التخصصات المتاحة:
- هندسة الكهرباء والاتصالات
- الميكاترونكس والروبوتات
- هندسة الإدارة والتشييد
- الهندسة الميكانيكية
- الهندسة المعمارية
- الهندسة الكيميائية
- الهندسة المدنية
- نظم الحاسب
الكلية بتركّز على الدمج بين الدراسة النظرية والتطبيق العملي، وبتأهّل الطالب إنه يكون جاهز لسوق العمل داخل مصر وخارجها.
وانضم حديثاً برنامج هندسة الطاقة في الجامعة البريطانية في مصر ودي واحدة من الكليات الحديثة اللي بتركّز على مجالات الطاقة المستدامة والتكنولوجيا المتطورة، علشان تواكب احتياجات سوق العمل العالمي في مجالات الطاقة المتجددة والبيئة.
وبيضم مسارات متنوعة زي:
- هندسة القوى الميكانيكية المتجددة
- هندسة البترول وتكنولوجيا الغاز
- الطاقة الكهربائية المتجددة
- العمارة البيئية المستدامة
- الكيمياء الحيوية
الكلية بتأهّل الطلاب لفهم طرق إنتاج الطاقة النظيفة، وتصميم أنظمة تكنولوجية حديثة تحافظ على البيئة وتقلّل من الانبعاثات، وده بيخلي خريجيها مطلوبين بشدة في شركات الطاقة والمشروعات الصناعية داخل مصر وخارجها.
7- كلية علوم الكمبيوتر ونظم المعلومات (ICS)
الكلية دي مصممة خصيصًا لتخريج مهندسين قادرين يواكبوا الثورة الرقمية، وبتضم تخصصات مهمة زي:
- شبكات الحاسب ونظم المعلومات
- الذكاء الاصطناعي
- هندسة البرمجيات
- علوم الكمبيوتر
كل البرامج دي تدرّس بمعايير بريطانية حديثة، وبتأهّل الطالب للمنافسة في مجالات التكنولوجيا والبرمجة على مستوى عالمي.
8- كلية التمريض
تهدف الكلية لتخريج ممرضين وممرضات مؤهلين لتقديم رعاية صحية متكاملة وعالية الجودة.
الدراسة فيها بتركّز على الجوانب العلمية والعملية في مجال الرعاية الصحية، وبتغطي مسارات متنوعة زي:
- التدريب العملي في المستشفيات والمراكز الطبية
- صحة المجتمع والإدارة التمريضية
البرنامج كمان بيساعد الطلبة على تطوير مهارات التفكير النقدي وحل المشكلات، وبيجهزهم لسوق العمل داخل مصر وخارجها، خصوصًا مع اعتماد الكلية البريطاني والدولي.
وبيوفر درجتين من الماجستير:
- الأكاديمي (التمرين الطبي والجراحي أو تمريض صحة المجتمع أو تمريض الصحة النفسية والعقلية).
- المهني (تمريض القلب المتقدم للبالغين).
9- كلية الصيدلة
كلية الصيدلة في الجامعة البريطانية في مصر من الكليات الرائدة اللي بتقدّم تعليم متطور لإعداد صيادلة متميزين قادرين يواكبوا أحدث التطورات في مجال صناعة الدواء والرعاية الصيدلية.
الكلية بتركّز على الدمج بين المعرفة النظرية والتطبيق العملي علشان تخرج دفعات قادرة تساهم فعليًا في تطوير منظومة الرعاية الصحية في مصر وخارجها، والطلاب بيقدروا يختاروا بين برنامجين رئيسيين:
- بكالوريوس في الصيدلة السريرية (Pharm D Clinical)
- بكالوريوس في الصيدلة (Pharm D)
البرنامج السريري بيركّز على الجوانب التطبيقية في رعاية المرضى، تقديم الاستشارات الدوائية، والمشاركة في القرارات العلاجية، وده بيخلي الخريج مؤهل يشتغل في المستشفيات والمراكز الطبية الحديثة بثقة وكفاءة.
كمان الكلية بتقدّم برامج دراسات عليا زي ماجستير العلوم الصيدلية في تخصصات دقيقة زي علم الأدوية والسموم؛ اللي بيساعد الطلبة يفهموا تأثير الأدوية وآليات عملها، ويشاركوا في الأبحاث العلمية وتطوير الأدوية الجديدة.
ببساطة، كلية الصيدلة في الجامعة البريطانية في مصر مش بس بتأهّل الطالب لسوق العمل، لكنها كمان بتفتح قدامه طريق للبحث والتطوير العلمي في مجال الدواء والرعاية الصحية.
10- كلية القانون الإنجليزي والمصري
بتتميز الكلية بمناهج ثنائية اللغة وتدريب عملي حقيقي، مع تأهيل قانوني دولي يفتح فرص للعمل في كبرى المكاتب القانونية.
والتخصصات: القانون الدولي والمصري.
11- كلية الطب البيطري
بتتميز الكلية بالدراسة النظرية والعملية المتكاملة اللي بتشمل تدريب سريري وخبري متقدم، لتخريج أطباء بيطريين جاهزين للعمل الميداني مباشرة.
- التخصصات: طب وجراحة الحيوانات.
- الدرجات: بكالوريوس – ماجستير.
12- كلية العلاج الطبيعي
بتتميز بتدريب سريري متقدم داخل مراكز مجهّزة بأحدث الأجهزة العلاجية، مع إشراف أكاديمي متخصص وتأهيل علمي قوي بيخلي الطالب جاهز لممارسة المهنة فور التخرج.
- التخصصات: العلاج والتأهيل البدني.
- الدرجات: بكالوريوس – ماجستير.
اتعرف على: أهم 8 معلومات عن جامعة زويل للعلوم والتكنولوجيا.
شروط القبول في الجامعة البريطانية في مصر
القبول في الجامعة البريطانية بيتم حسب القواعد اللي حددها المجلس الأعلى للجامعات الخاصة، وعلشان كده المنافسة فيها بتكون قوية لأن الأولوية دايمًا بتكون للطلاب اللي جايبين أعلى الدرجات.
كمان من أهم الشروط إن الطالب يكون عنده مستوى كويس جدًا في اللغة الإنجليزية، لأنها لغة الدراسة الأساسية في الجامعة.
المتطلبات العامة للقبول للبكالوريوس
علشان تقدم في الجامعة البريطانية في مصر لازم تكون حاصل على شهادة الثانوية العامة أو شهادة دولية معترف بيها، وفي حالة الشهادات الأجنبية لازم تقدم إثبات إنك درست 12 سنة كاملة من التعليم قبل الجامعي.
دا بالإضافة لاستيفاء الحد الأدنى للدرجات اللي بتحدده الجامعة لكل برنامج، والالتزام بسداد الرسوم في مواعيدها وتقديم المستندات المطلوبة موثقة من السفارة المصرية ووزارة الخارجية.
متطلبات اللغة الإنجليزية
بما إن الدراسة كلها باللغة الإنجليزية، الجامعة بتطلب إنك تقدم إثبات على مستوى إتقانك للغة، وده ممكن يتم بطريقتين:
إما إنك تخضع لاختبار اللغة في الجامعة نفسها، أو إنك تقدم شهادة معتمدة من الشهادات التالية:
- شهادة IELTS الأكاديمية بدرجة لا تقل عن 5.0.
- شهادة TOEFL الأكاديمية بدرجة لا تقل عن 60.
أما الطلاب الحاصلين على شهادات دولية معينة فبيُعفوا من اختبار اللغة، زي:
- الدبلوم الكندي بشرط الحصول على 75% على الأقل في مادة اللغة الإنجليزية.
- البكالوريا الدولية (IB) بشرط النجاح في مادة اللغة الإنجليزية بتقدير 1 أو أكتر.
- شهادة IGCSE بشرط إن مادة اللغة الإنجليزية بتقدير C أو أعلى.
- دبلوم المدرسة الثانوية الأمريكية (SAT 1) بدرجة لا تقل عن 1000.
شروط القبول في الدراسات العليا
يشترط الحصول على درجة البكالوريوس من جامعة معترف بها بتقدير لا يقل عن “جيد”.
بعض البرامج ممكن تتطلب مقابلة شخصية أو اختبار قبول لتحديد مدى جاهزية الطالب للدراسة الأكاديمية المتقدمة.
شروط القبول في الماجستير
يشترط أن يكون الطالب حاصل على درجة البكالوريوس من جامعة معترف بها، بتقدير عام لا يقل عن “جيد”.
إتقان اللغة الإنجليزية شرط أساسي، ويُطلب من الطالب تقديم شهادة TOEFL أو IELTS لإثبات مستوى اللغة.
يجب على الطالب الوافد تقديم كشف طبي معتمد يثبت خلوه من الأمراض المعدية أو أي شيد ممكن يعيق العملية التعليمية.
بالإضافة لتوثيق جميع الأوراق الدراسية من وزارة الخارجية والسفارة المصرية في بلد الطالب.
شروط القبول في الدكتوراه
يجب أن يكون الطالب حاصل على درجة الماجستير بتقدير لا يقل عن جيد في نفس التخصص أو في مجال ذي صلة.
والحصول على موافقة رسمية من السفارة أو الجهة المانحة في حالة الطلاب الوافدين.
بالإضافة لتقديم خطة بحثية مبدئية توضح موضوع الدراسة وجدواه الأكاديمية.
الجامعة البريطانية بتوفر بيئة بحثية متكاملة تحت إشراف أساتذة من جامعات بريطانية مرموقة، وده بيساعد الطلاب على إنتاج أبحاث تطبيقية قادرة على المنافسة والنشر في المجلات الدولية.
تصنيف الجامعة البريطانية في مصر محليًا وعالميًا
تُعتبر الجامعة البريطانية من الجامعات اللي ليها سمعة قوية سواء داخل مصر أو في المنطقة العربية.
- التصنيف العالمي: بتقع في الفئة 1001 – 1200 ضمن تصنيف الجامعات العالمية.
- التصنيف المحلي: المركز السابع بين الجامعات المصرية.
- تصنيفها في المنطقة العربية: بتحتل المركز من 81 إلى 90.
وده بيوضح إنها من الجامعات اللي قدرت تفرض اسمها في وقت قصير وسط جامعات كبيرة في الشرق الأوسط.
الأوراق المطلوبة للتقديم في الجامعة البريطانية في مصر
علشان تسجّل في الجامعة البريطانية لازم تجهّز شوية أوراق أساسية بتختلف على حسب إذا كنت طالب مصري أو غير مصري، ودي التفاصيل:
1- لجميع المتقدمين:
- استمارة التقديم الخاصة بـ الجامعة البريطانية في مصر بعد ما تكمّلها بالكامل.
- إيصال دفع رسوم التقديم (لا يتم استردادها).
- عدد (6) صور شخصية بحجم جواز السفر.
- شهادة الميلاد الأصلية.
2- للطلاب المصريين:
- صورة من البطاقة الشخصية (الهوية الوطنية).
- استمارة الخدمة العسكرية (نموذج 2 أو 6 جند).
3- للطلاب غير المصريين:
- شهادة طبية وشهادة فحص فيروس نقص المناعة (HIV).
- نسخة من جواز السفر ساري المفعول.
4- لطلاب IGCSE / GCSE:
- أصل بيان الدرجات أو الشهادات الأصلية مختومة من المجلس البريطاني ووزارة الخارجية المصرية.
- إثبات 12 سنة دراسة أو شهادة المدرسة الإعدادية الأصلية.
5- لطلاب الثانوية العربية:
أصل شهادة الثانوية العامة موثّقة من السفارة المصرية أو وزارة الخارجية المصرية.
مميزات الدراسة في الجامعة البريطانية في مصر
بتتميز الجامعة البريطانية (BUE) إنها بتجمع بين نظام التعليم البريطاني وجودة البيئة الدراسية في مصر، ومن أبرز مميزاتها:
1. شهادات مزدوجة واعتراف دولي
الجامعة البريطانية بتعطي شهادتين بعد التخرج: واحدة مصرية معتمدة من المجلس الأعلى للجامعات، والتانية بريطانية من جامعة شريكة في المملكة المتحدة.
وده معناه إن الطالب يقدر يشتغل أو يكمل دراسته في أي مكان في العالم بسهولة لأن شهادته معترف بيها دوليًا.
2. جودة تعليم بريطاني
الجامعة ماشية بنفس المعايير الأكاديمية البريطانية الصارمة، سواء في طريقة التدريس أو المناهج.
كل المواد بتتدرّس بالإنجليزي، وده بيقوّي مهاراته اللغوية جدًا وبيجهّزه لسوق العمل الدولي.
3. اعتماد دولي ومحلي
الجامعة حاصلة على اعتماد من جهات كبيرة زي:
- الهيئة القومية لضمان الجودة والاعتماد في مصر (NAQAAE)
- وكالة ضمان الجودة للتعليم العالي في بريطانيا (QAA)
وده معناه إن الجامعة ملتزمة بأعلى معايير التعليم والجودة.
4. بيئة جامعية متكاملة
الجامعة البريطانية في مصر مش بس مكان للدراسة، دي بيئة كاملة فيها معامل حديثة، مكتبات ضخمة، ملاعب وسكن طلابي.
كمان فيها أنشطة وجمعيات طلابية بتخلي الحياة الجامعية ممتعة ومليانة تفاعل.
5. فرص تدريب وشغل
الجامعة مهتمة جدًا بتجهيز الطلبة لسوق العمل، فبتوفّر برامج تدريب عملية واتفاقيات مع شركات ومؤسسات علشان الطلبة ياخدوا خبرة حقيقية قبل التخرج.
6. موقع استراتيجي
الجامعة موجودة في مدينة الشروق، وده موقع مريح وآمن وقريب من القاهرة الجديدة والعاصمة الإدارية؛ يعني سهلة الوصول، وكمان بتتميز ببيئة هادية ومناسبة للدراسة.
7. منح دراسية متنوعة
الجامعة بتقدّم منح كاملة وجزئية للطلاب المتفوقين علشان تشجعهم وتساعدهم في المصاريف، وده بيدي فرصة للطلاب من خلفيات مختلفة إنهم يحققوا حلمهم.
8. هيئة تدريس متميزة
أعضاء هيئة التدريس في الجامعة من أفضل الأكاديميين اللي عندهم خبرة قوية في التدريس والبحث العلمي، وده بيضمن تجربة تعليمية على مستوى عالي جدًا.
عيوب الجامعة البريطانية في مصر
زي أي جامعة كبيرة، الجامعة البريطانية ليها شوية تحديات لازم الطالب يكون عارفها:
اختبارات الكفاءة
الجامعة بتعتمد على اختبارات لتقييم مستوى الطالب قبل القبول، وده ممكن يكون صعب شوية على بعض الطلبة خصوصًا اللي مش متعودين على نوع الامتحانات دي.
ضغط الدراسة
المناهج هناك مكثفة ومواعيد التسليم صارمة، فمحتاج تركيز وتنظيم وقت كويس جدًا.
نظام التعليم البريطاني
بعض الطلبة ممكن يواجهوا صعوبة في التأقلم على النظام البريطاني في أول فترة، خصوصًا إنه مختلف شوية عن الطريقة التقليدية اللي متعودين عليها.
مصاريف الجامعة البريطانية في مصر 2025
بتختلف مصاريف الجامعة البريطانية (BUE) حسب الكلية والفئة اللي بينتمي ليها الطالب.
كليات مجموعة التكنولوجيا والفنون
1– بكالوريوس الهندسة (مع مرتبة الشرف)
- الفئة (أ*): 226,000 جنيه
- الفئة (أ): 242,000 جنيه
- الفئة (ب): 266,000 جنيه
- الفئة (ج): 290,000 جنيه
2– بكالوريوس الفنون والتصميم (مع مرتبة الشرف)
- الفئة (أ*): 196,000 جنيه
- الفئة (أ): 207,000 جنيه
- الفئة (ب): 223,500 جنيه
- الفئة (ج): 240,000 جنيه
3- كلية هندسة الطاقة والبيئة (بكالوريوس العلوم مع مرتبة الشرف)
- الفئة (أ*): 190,000 جنيه
- الفئة (أ): 200,000 جنيه
- الفئة (ب): 215,000 جنيه
- الفئة (ج): 230,000 جنيه
4- بكالوريوس العلوم في المعلوماتية وعلوم الحاسب
- الفئة (أ*): 208,000 جنيه
- الفئة (أ): 221,000 جنيه
- الفئة (ب): 240,500 جنيه
- الفئة (ج): 260,000 جنيه
كليات العلوم الاجتماعية
1- بكالوريوس إدارة الأعمال (مع مرتبة الشرف)
- الفئة (أ*): 211,000 جنيه
- الفئة (أ): 224,500 جنيه
- الفئة (ب): 244,750 جنيه
- الفئة (ج): 265,000 جنيه
2- بكالوريوس العلوم السياسية (مع مرتبة الشرف)
- الفئة (أ*): 166,000 جنيه
- الفئة (أ): 172,000 جنيه
- الفئة (ب): 181,000 جنيه
- الفئة (ج): 190,000 جنيه
3- بكالوريوس العلوم في الاقتصاد (مع مرتبة الشرف)
- الفئة (أ*): 166,000 جنيه
- الفئة (أ): 172,000 جنيه
- الفئة (ب): 181,000 جنيه
- الفئة (ج): 190,000 جنيه
4- بكالوريوس الإعلام والاتصالات (مع مرتبة الشرف)
- الفئة (أ*): 169,000 جنيه
- الفئة (أ): 175,500 جنيه
- الفئة (ب): 185,250 جنيه
- الفئة (ج): 195,000 جنيه
5- بكالوريوس علم النفس (مع مرتبة الشرف)
- الفئة (أ*): 184,000 جنيه
- الفئة (أ): 193,000 جنيه
- الفئة (ب): 206,500 جنيه
- الفئة (ج): 220,000 جنيه
6- بكالوريوس القانون (مع مرتبة الشرف)
- الفئة (أ*): 166,000 جنيه
- الفئة (أ): 172,000 جنيه
- الفئة (ب): 181,000 جنيه
- الفئة (ج): 190,000 جنيه
كليات اللغات
1- بكالوريوس اللغة الإنجليزية وآدابها (مع مرتبة الشرف
- الفئة (أ*): 115,000 جنيه
- الفئة (أ): 118,000 جنيه
- الفئة (ب): 121,000 جنيه
- الفئة (ج): 130,000 جنيه
2- بكالوريوس اللغة والثقافة الصينية (مع مرتبة الشرف
- الفئة (أ*): 62,000 جنيه
- الفئة (أ): 69,000 جنيه
- الفئة (ب): 79,500 جنيه
- الفئة (ج): 90,000 جنيه
الكليات الطبية
1- طب الأسنان (بكالوريوس جراحة الفم والأسنان)
- الفئة (أ*): 274,000 جنيه
- الفئة (أ): 288,000 جنيه
- الفئة (ب): 302,000 جنيه
- الفئة (ج): 330,000 جنيه
2- الصيدلة السريرية (Pharm D Clinical)
- الفئة (أ*): 152,000 جنيه
- الفئة (أ): 169,000 جنيه
- الفئة (ب): 194,500 جنيه
- الفئة (ج): 220,000 جنيه
3- صيدلة (Pharm D)
- الفئة (أ*): 146,000 جنيه
- الفئة (أ): 162,000 جنيه
- الفئة (ب): 186,000 جنيه
- الفئة (ج): 210,000 جنيه
4- بكالوريوس التمريض (مع مرتبة الشرف)
- الفئة (أ*): 69,400 جنيه
- الفئة (أ): 71,800 جنيه
- الفئة (ب): 75,400 جنيه
- الفئة (ج): 79,000 جنيه
5- كلية العلاج الطبيعي
- الفئة (أ*): 194,000 جنيه
- الفئة (أ): 203,000 جنيه
- الفئة (ب): 216,500 جنيه
- الفئة (ج): 230,000 جنيه
الرسوم دي تشمل منح جزئية مجتمعة بحد أقصى 10,000 جنيه مصري للطلاب المتفوقين،
وكمان في خصم خاص لطلبة العلاج الطبيعي (30 ألف جنيه مصري) والتمريض (10 آلاف جنيه مصري) للعام الدراسي 2025 – 2026.
نظام الأقساط
الدفع في الجامعة البريطانية بيكون على 3 دفعات في السنة الدراسية، بالشكل ده:
- الدفعة الأولى: 40% وتسدد عند القبول
- الدفعة الثانية: 30% قبل 30 نوفمبر 2025
- الدفعة الثالثة: 30% قبل 28 فبراير 2026
الرسوم الدراسية والأقساط في الجامعة البريطانية في مصر 2025 / 2026
الجامعة البريطانية (BUE) بتقدّم منح جزئية متنوعة للطلاب المتفوقين،
وده علشان تشجّعهم على الاستمرار في التفوق الأكاديمي وتخفف عليهم الأعباء المادية.
أنواع المنح الدراسية:
- منح دراسية كاملة للمتفوقين الثانوية العامة وأعلنت الجامعة عن قبولها لـ 10 طلاب لعام 2025.
- المنح الأكاديمية بتوصل لحد 20% من المصروفات الدراسية (A*-A-B-C).
- في منح تانية بتوصل لـ 15% للطلبة اللي عندهم إنجازات رياضية مميزة.
كل المنح دي بتتطبق على الرسوم الدراسية فقط، ومش بتشمل مصروفات المختبرات أو التأمين.
المنحة بتتجدد كل سنة بناءً على مستوى الطالب وإنجازاته خلال العام، وعلشان الطالب يحتفظ بالمنحة لازم يحافظ على نجاحه الأكاديمي المستمر.
سياسة استرداد المصروفات
في حالة رغبة الطالب في الانسحاب أو تأجيل الدراسة، الجامعة بتطبّق سياسة واضحة:
- خصم 10% من الدفعة المقدمة لو الانسحاب قبل بداية الدراسة.
- خصم 50% من القسط الأول لو الانسحاب لحد نهاية الشهر الأول من الترم.
- بعد 21 ديسمبر 2025 لا يُسمح باسترداد أي جزء من القسط الأول أو الثاني.
- بعد 1 مارس 2026 لا يمكن استرداد أي رسوم دراسية سنوية كاملة.
- بعد الشهر الأول لا يمكن استرداد أي مبلغ من القسط الأول.
- رسوم التقديم غير قابلة للاسترداد.
المتقدمين للكليات العسكرية والشرطية بيحصلوا على خصم 50% من المبلغ المدفوع بعد تقديم إثبات التسجيل.
رسوم التأمين (قابلة للاسترداد)
- كلية طب الأسنان: 20000 جنيه
- كلية الفنون والتصميم: 10000 جنيه
- كلية العلاج الطبيعي: 10000 جنيه
- كلية نظام التحكم الصناعي: 10000 جنيه
تنسيق الجامعة البريطانية في مصر 2025
لو ناوي تقدم في الجامعة البريطانية وبتدور على مؤشرات التنسيق، فالأرقام المبدئية للسنة الدراسية 2025 بتوضح إن القبول فيها بيكون متفاوت حسب الكلية والتخصص.
وده أبرز مؤشرات الحد الأدنى للقبول:
- كلية العلاج الطبيعي: من 77%.
- كلية الطب البيطري: من 67%.
- كلية طب الأسنان: من 77%.
- كلية علوم الحاسب: من 60%.
- كلية الهندسة: من 68%.
- كلية الصيدلة: من 71%.
أما بالنسبة لباقي الكليات والتخصصات، فـ الحد الأدنى للقبول بيبدأ من 53%.
الخلاصة
في النهاية، نقدر نقول إن الجامعة البريطانية في مصر مش مجرد جامعة خاصة عادية، دي مؤسسة بتجمع بين جودة التعليم البريطاني وبيئة الحياة الجامعية في مصر.
صحيح الدراسة فيها محتاجة انضباط ومجهود، بس المميزات اللي الطالب بياخدها بعدها بتستاهل كل التعب من شهادة معترف بيها دوليًا، لتدريب عملي بيأهّله لسوق العمل، وهيئة تدريس على أعلى مستوى.
يعني لو بتدور على مكان يقدملك تعليم محترم، بيهتم بالتطبيق مش الحفظ،
وبيفتحلك فرص داخل مصر وبرّه كمان، فـ الجامعة البريطانية في مصر هتكون اختيار يستحق التفكير فعلًا.
أضف تعليق