أرخص مدارس انترناشونال في مصر 2023 | تبدأ من 15 ألف جنيه

بيؤدي اختلاف طريقة التدريس، والمناهج التعليمية، ونظام المدرسة بوجه عام في المدارس الدولية المصرية إلى اختلاف المصاريف المطلوبة، وبالتالي بنلاقي إن بعض أولياء الأمور بيدوروا على أرخص مدارس انترناشونال بتقدم تعليم كويس لأولادهم كبديل للمدارس الحكومية -الرسمية حديثًا-.

في المقال دا هنتعرف على أبرز المدارس اللي أسعارها بسيطة بالنسبة للمدارس الانترناشونال، تابع معنا.

أنواع المدارس الانترناشونال في مصر

في الفترة الأخيرة لاحظنا وجود أنواع كتيرة من المدارس الانترناشونال في مصر، وكل مدرسة منهم بتتبع نظام تعليمي مختلف، هدفه خلق جيل قادر على الإبداع، ومواكبة التطور اللي حواليه، ومن أشهر أنواع المدارس دي ما يلي:

المدارس الأمريكية

بتُعد المدارس الأمريكية من أشهر المدارس المعتمدة في مصر، وبنلاحظ إقبال كبير عليها كل بداية عام دراسي؛ ودا لإنها بتتميز بأكثر من نقطة زي:

1. وجود فرصة لتعويض النقص في الدرجات، وبالتالي بيقل الضغط النفسي على الطالب.
2. تقديم شهادة معتمدة تعادل شهادة الثانوية العامة في مصر.
3. التركيز على تطوير مهارات الطالب خلال العام الدراسي.
4. وجود مناهج حديثة تكاد تخلو من الحفظ.
5. الاهتمام بالجانب التطبيقي، والأنشطة. 

بجانب المميزات دي كمان بنلاقي إن المدارس الأمريكية بتساعد الطالب إنه يتقن اللغة الإنجليزية بلهجة صحيحة؛ لإن المناهج اللي بتدُرّس فيها بتكون باللغة الإنجليزية.

وعشان عدد كبير من أولياء الأمور بيحرصوا إنهم يقدموا لأولادهم تعليم مميز بالشكل دا؛ فبيختاروا المدارس الأمريكية بعد ما يتأكدوا إنها مناسبة فعلًا لمهارات الطالب،

المدارس الألمانية

بتؤهل المدارس الألمانية الطلبة المصريين لاستكمال دراستهم الجامعية في ألمانيا، ومن أبرز مميزاتها:

1. تعزيز الفهم، والبحث، والتجربة من خلال الدروس، والمشروعات العملية الجماعية.
2. تقديم شهادة Abitur المعتمدة، اللي بتتيح للطالب الدراسة في جامعات ألمانيا.
3. إتاحة الفرصة للطلبة لاكتساب مهارات اللغة، وتعلم الثقافة الألمانية.
4. تقديم بيئة محفزة لتنمية الابتكار، والتفكير الإبداعي.
5. تقديم مناهج معتمدة على التقنيات الحديثة.

المدارس الألمانية بتحرص على إن الطالب الملتحق بيها يبقى مؤهل فعلًا لدراسة مناهجها، فالطالب بيخضع وقت التقديم لمجموعة من الاختبارات عشان يقدروا يحددوا؛ هل هيبقى مستعد للدراسة بالطريقة دي، أو لأ، والاختبارات دي بتكون موجودة في جميع المدارس الألمانية على مستوى الجمهورية لكن بتختلف في طريقتها.

المدارس الكندية

بتختلف الدراسة في المدارس الكندية عن باقي المدارس الانترناشونال؛ لإن الدراسة فيها بتكون بنظام المادة مش نظام الفصل الدراسي، بمعنى إن الطالب بيركز على دراسة مادة معينة، وبعد ما يخلصها بيبدأ في مادة جديدة، ودا نظام مش موجود في باقي المدارس.

وبعد ما الطالب يخلص دراسته في المدارس الكندية بيحصل على شهادة OSSD، ودي شهادة معتمدة بتأهل الطالب لاستكمال دراسته الجامعية في كندا.

المدارس البريطانية

بتتبع المدارس دي النظام البريطاني في التعليم، وبتبقى تحت إشراف المجلس الثقافي البريطاني واللي بيُعد المشرف الأول على نظام التعليم البريطاني في مصر. بالتعاون مع وزارة التربية والتعليم المصرية، ووزارة التعليم العالي.

نظام الدراسة في المدارس البريطانية مفيد بشكل كبير للطلبة اللي حابين يكملوا في مجال البحث العلمي؛ لإنها بتهتم بتعليم الطالب إزاي يبحث عن المعلومات المطلوبة منه، ويوصلها بطريقة صحيحة، إلا إن المناهج الدراسية فيها بتشبه إلى حد ما مناهج المدارس الرسمية في كونها مناهج طويلة.

أرخص مدارس انترناشونال في القاهرة

عدد كبير من المدارس الانترناشونال في مصر باختلاف أنواعها موجودة في القاهرة؛ ودا بسبب زيادة عدد السكان فيها، واحتياجهم كل فترة لمزيد من المدارس عشان ما يحصلش تكدس للطلبة في الفصول، ولو هنتكلم عن أرخص المدارس فبنلاقي:

أرخص مدارس انترناشونال أمريكية

من أشهر، وأرخص المدارس الأمريكية المعتمدة الموجودة في القاهرة:

مدرسة ريتاج الدولية

وتفاصيلها كما يلي:

• السعر: بيبدأ من 57 ألف جنيه لمرحلة رياض الأطفال.
• العنوان: شارع آل عثمان، امتداد شارع حسن المأمون، خلف مسجد السلام، مدينة نصر.
• رقم التواصل: 01028886241.

مدرسة سان مايكل امريكان كوليدج

تُعد واحدة من أرخص مدارس انترناشونال في القاهرة، وبالنسبة لبياناتها:

• السعر: بيبدأ من 42.700 جنيه لمرحلة رياض الأطفال للعام الدراسي 2023-2024.
• العنوان: شارع 105 – ميدان الحرية – المعادي – القاهرة.
• رقم التواصل: 01221557558.

مدرسة حوتب الدولية

من المدارس اللي عليها إقبال كبير من أولياء الأمور، والتفاصيل الخاصة بها:

• السعر: بيبدأ من 50 ألف جنيه لمرحلة رياض الأطفال.
• العنوان: الكيلو 21، بعد بنزينة توتال، طريق مصر اسماعيلية الصحراوى، القاهرة.
• رقم التواصل: 0226583356.

أرخص مدارس انترناشونال ألمانية

من أبرز المدارس الألمانية الدولية:

المدرسة الألمانية الإنجيلية الثانوية

المدرسة دي أسعارها بتكون عالية في مرحلة رياض الأطفال؛ لإن المرحلة دي بتحتاج لكثير من الأنشطة والرعاية المختلفة. ولكن مع تغيير المرحلة الدراسية بتنخفض تكاليفها، ودا عكس المتعارف عليه في باقي المدارس الانترناشونال في مصر، وتفاصيلها كالتالي:

• السعر: بيبدأ من 95 ألف جنيه لمرحلة رياض الأطفال.
• العنوان: 6 شارع الدقي، الدقي، القاهرة.
• رقم التواصل: 0237481649.

وبتنقسم رسوم المدرسة دي إلى:

رسوم مدرسية

بتشمل: 

1. طبيب المدرسة، والأدوية، وطبيب الأسنان 390 جنيه.
2. بطاقة الطالب المدرسية، وإدارة البيانات 200 جنيه.
3. دعم التجهيزات، والبنية الأساسية 1420 جنيه.
4. تأمين على الطلبة ضد الحوادث 500 جنيه.
5. رسوم نشاط، وخدمات 2860 جنيه.

رسوم مدرسية أخرى

بتنقسم إلى:

1. رسوم امتحانات للطلبة الجدد في فصل 4n تصل إلى 1500 جنيه.
2. مصروفات الفترة التجريبية -فصل 4n- تصل إلى 2000 جنيه.
3. رسوم فترة الملاحظة -3 أيام- في مرحلة الحضانة 2300 جنيه.

الرسوم الإدارية 

بيصل إجمالي سعرها لـ 4493 جنيه مصري، وبتشمل مصاريف: صور بيان درجات السنين الدراسية، صور شهادة الأبيتور، إعتماد شهادة الأبيتور، الغرامات، تكاليف التصوير)

مدارس بيفرلى هيلز الألمانية

ويقدر الطالب من خلال شهادة المدرسة دي، بالالتحاق بأي جامعة في العالم، أما عن بياناتها:

• السعر: بيبدأ من 28 ألف جنيه لمرحلة رياض الأطفال.
• العنوان: كمبوند بيفرلي هيلز أكتوبر، الشيخ زايد.
• أرقام التواصل: 38576402 – 38578086.

مدرسة سان شارل بورومى

ودي مدرسة خاصة للطالبات فقط، وبتحصل الطالبة في نهاية مسيرتها التعليمية على شهادتين معتمدتين: شهادة الثانوية العامة الألمانية (Abitur)، وشهادة الثانوية المتخصصة، ودول شهادتين بيأهلوا البنات للدراسة بالجامعات المصرية، والألمانية، أما عن البيانات التابعة للمدرسة دي: 

• السعر: بيبدأ من 84 ألف جنيه -بالإضافة إلى المصروفات المدرسية الأخرى- لمرحلة رياض الأطفال.
• العنوان: 8 شارع محمد محمود – باب اللوق.
• رقم التواصل: 0237481649.

أرخص مدارس انترناشونال كندية

من المدارس الكندية المشهورة بين أولياء الأمور هي:

المدرسة الكندية الدولية

وتُصنف كواحدة من أفضل المدارس الدولية في مصر، وتفاصيلها كالتالي:

• السعر: بيبدأ من 97 ألف جنيه لمرحلة رياض الأطفال.
• العنوان: التجمع الخامس، في المنطقة السادسة بالحي الرابع، أمام مسجد القدس، وخلف مجلس مدينة القاهرة الجديدة بالقطامية.
• رقم التواصل: 01066663313.

مدرسة بريتش كولومبيا الكندية 

وهي من واحدة من أفضل نظم التعليم دوليًا، والبيانات التابعة لها:

• السعر: بيبدأ من 119 ألف جنيه لمرحلة رياض الأطفال.
• العنوان: مدينة الشروق – القاهرة.
• رقم التواصل: 01066663313.

مدرسة التراث الدولية

من المدارس اللي بتقدم خدمات تعليمية عالية الجودة، وأهم تفاصيلها:

• السعر: بيبدأ من 112 ألف جنيه لمرحلة رياض الأطفال.
• العنوان: القرية السياحية الثانية، السادس من أكتوبر.
• رقم التواصل: 38253692.

أرخص مدارس انترناشونال بريطانية

من أشهر المدارس البريطانية المعتمدة في القاهرة، واللي أسعارها رخيصة بالنسبة لباقي المدارس:

المدارس الرسمية الدولية

هي مدارس حكومية دولية بتطبق المناهج البريطانية (IG)، وبتكون تحت إشراف وزارة التربية والتعليم، ومؤسسة المدارس الدولية، وبتندرج تحت قائمة أرخص مدارس انترناشونال بريطانية في مصر، وبياناتها كالتالي:

• السعر: بيبدأ من 15 ألف جنيه لمرحلة رياض الأطفال.
• العنوان: شارع رقم 2، الحي الثالث، قسم أول 6 أكتوبر.
• رقم التواصل: 01013258627.

المدرسة البريطانية الدولية

تُعد من المؤسسات الأكاديمية الرائدة في مصر، وبياناتها:

• السعر: بيبدأ من 195858 جنيه لمرحلة رياض الأطفال.
• العنوان: طريق مصر إسكندرية الصحراوي، بيفرلي هيلز مدينة 6 أكتوبر.
• رقم التواصل: 20238270444.

مدرسة ايثوس الدولية

تًعد من أفضل المدارس البريطانية الموجودة في مدينة 6 أكتوبر، والشيخ زايد، بالتالي مصاريفها بتكون أعلى من باقي المدارس اللي ذُكرت، ودا لأنها بتهدف لتوفير تعليم بريطاني عالي المعايير، وأبرز بياناتها:

• السعر: بيبدأ من 70 ألف جنيه لمرحلة رياض الأطفال.
• العنوان: 6/20 خلف كمبوند رويال سيتي، مدخل 1، الشيخ زايد، 6 أكتوبر.
• أرقام التواصل: 01028966660، 01028966663.

أرخص مدارس انترناشونال في الإسكندرية

من المدارس الدولية في محافظة الإسكندرية: 

أرخص مدارس انترناشونال أمريكية

من المدارس الأمريكية اللي أسعارها رخيصة في الإسكندرية:

مدارس أكاديمية بريليانس 

والمدرسة دي بتوفر المناهج الأمريكية، والبريطانية، وبياناتها كالتالي:

• السعر: بيبدأ من 18000 جنيه لمرحلة رياض الأطفال.
• العنوان: الطريق الدولي الساحلي، امتداد شارع 45، ميامي.
• رقم التواصل: 01204148888.

المدرسة المصرية الأمريكية

من المدارس اللي سعرها بسيط مقارنة بباقي المدارس الدولية، وتفاصيلها:

• السعر: بيبدأ من 36900 جنيه لمرحلة رياض الأطفال.
• العنوان: الطريق الدائري – خلف مطار النزهة، طريق الأسكندرية مطروح.
• رقم التواصل: 034307222.

مدرسة صلاح الدين الدولية

من المدارس الرائدة في مجال التعليم الدولي، وتفاصيلها:

• السعر: بيبدأ من 59300 جنيه لمرحلة رياض الأطفال.
• العنوان: 4 أبيس، طريق الإسكندرية الدائري.
• رقم التواصل: 01060630404.

مدرسة ايليت الدولية

وتفاصيلها كما يلي:

• السعر: بتبدأ من 33 ألف جنيه لمرحلة رياض الأطفال.
• العنوان: أبيس، خلف مطار النزهة، طريق الإسكندرية الدائري.
• أرقام التواصل: 01200850451، 01093307078، 3822237، 3822217.

أرخص مدارس انترناشونال ألمانية

من أبرز المدارس الألمانية اللي أسعارها معقولة في إسكندرية:

مدرسة فيوتشر الالمانية الدولية

بياناتها كالتالي:

• السعر: بيبدأ من 24500 ألف جنيه للمرحلة التمهيدية.
• العنوان: شارع البرنس، متفرع من شارع مصطفي كامل، مندرة قبلي.
• أرقام التواصل: 039586481، 035333147.

مدرسة سان شارل بورومى

ليها فرع في القاهرة زي ما ذكرنا، وبالنسبة للفرع اللي في إسكندرية فتفاصيله كما يلي:

• السعر: بيبدأ من 71500 ألف جنيه لمرحلة رياض الأطفال.
• العنوان: 32 شارع صلاح الدين، العطارين.
• رقم التواصل: 033980146.

أرخص مدارس انترناشونال بريطانية

بتتمثل في النقاط الآتية:

المدرسة البريطانية 

تُعد من أرخص أسعار المدارس الدولية بوجه عام، وتفاصيلها كالآتي:

• السعر: بيبدأ من 15 ألف جنيه لمرحلة رياض الأطفال.
• العنوان: شارع محمود ابو العلا، المتفرع من شارع كفر عبده، سيدي جابر.
• أرقام التواصل: 035232764، 035232765، 035221305.

المدرسة الأوروبية

أسعارها بسيطة بالنسبة لباقي المدارس الدولية، وبتمنح شهادات مختلفة زي:

• البكالوريا الفرنسية – BAC.
• الدبلومة الأمريكية.
• الشهادة البريطانية – (IG).
• الثانوية العامة المصرية.

أما عن بياناتها: 

• السعر: بيبدأ من 22 ألف جنيه لمرحلة رياض الأطفال.
• العنوان: شارع نبوى المهندس – المندرة قبلي.
• أرقام التواصل: 01000744757، 035174420، 035172007.

أرخص مدارس انترناشونال في محافظات الدلتا

أغلب المدارس الدولية بتتواجد أكتر في المحافظات الكبيرة زي: القاهرة، والإسكندرية، ولكن في عدد لا بأس به من المدارس دي في باقي محافظات الدلتا، بنعرضه في النقاط التالية: 

أرخص مدارس انترناشونال أمريكية في الشرقية

من المدارس الأمريكية الموجودة في محافظة الشرقية، وبالتحديد في مدينة الزقازيق:

مدارس الفؤاد الدولية

من المدارس اللي اعتُمدت مؤخرًا من لجنة الاعتماد الدولي CITA، وبياناتها:

• السعر: بيبدأ من 20 ألف جنيه لمرحلة رياض الأطفال.
• العنوان: شارع الشهيد الطيار، متفرع من طريق الأحرار، خلف البنك الرئيسي للتنمية والائتمان الزراعي، الزقازيق.
• أرقام التواصل: 0552375551، 0552375552

أرخص مدارس انترناشونال أمريكية في الدقهلية

من المدارس الدولية الأمريكية اللي عليها إقبال كبير، وخاصةً في مدينة المنصورة:

مدارس جلوري الأمريكية

من المدارس اللي بتقدم المناهج البريطانية أيضًا بجانب المناهج الأمريكية، وتفاصيلها:

• السعر: بيبدأ من 39 ألف جنيه لمرحلة رياض الأطفال.
• العنوان: أول طريق نبروة بجوار شركة الكلثوم.
• أرقام التواصل: 201200141808، 201220369652.

أرخص مدارس انترناشونال بريطانية في القليوبية

من أشهر المدارس اللي أسعارها بسيطة في محافظة القليوبية:

مدرسة اكسفورد مودرن سكول

وبيانات المدرسة دي:

• السعر: بيبدأ من 33400 ألف جنيه لمرحلة رياض الأطفال -ودا حسب آخر تحديث لعام 2022-
• العنوان: شارع وابور الطحين، الخصوص, القليوبية.
• أرقام التواصل: 01033232211، 01033232244.

مدرسة جرين فالي

التفاصيل الخاصة بها كالتالي:

• السعر: بيبدأ من 45 ألف جنيه لمرحلة رياض الأطفال -ودا تبعًا لآخر تحديث عام 2021-
• العنوان: شارع موسى بن نصير، متفرع من محور السادات، الحي الأول، مدينة العبور، خلف المركز الثقافي الإسلامي.
• أرقام التواصل: 0244780801، 024478080، 0244780803، 01159079769.

أرخص مدارس انترناشونال في الوجه القبلي

عدد المدارس الانترناشونال الموجودة في محافظات الوجه القبلي بتكون قليلة جدًا، ولكن من أبرزها:

مدارس المنيا البريطانية

المدرسة دي بتيجي في المقدمة لما نتكلم عن أرخص مدارس انترناشونال في الوجه القبلي وفي الجمهورية بشكل عام، وأهم بياناتها:

• السعر: بيبدأ من 15500 جنيه لمرحلة رياض الأطفال.
• العنوان: 17 شارع الزهراء، المنيا الجديدة.
• أرقام التواصل: 0862912002،  086291202.

مدرسة ايليت الدولية بسوهاج

ودي تُعد أول مدرسة دولية في صعيد مصر تُدرس مناهج كامبريدج الدولية، والتفاصيل الخاصة بها:

• السعر: بيبدأ من 73391 جنيه لمرحلة رياض الأطفال.
• العنوان: سوهاج الجديدة، الحي الثالث، منطقة الياسمين.
• رقم التواصل: 01099993029.

مدارس سان جورج الدولية ببني سويف

من أشهر المدارس الدولية في بني سويف، والتفاصيل الخاصة بها:

• السعر: بيبدأ من 35000 جنيه لمرحلة رياض الأطفال -وذلك تبعًا لآخر تحديث لعام 2022-
• العنوان: قرية بياض العرب ببني سويف.
• رقم التواصل: 01228116364.

في النهاية 

نكون عرضنا لك أبرز، وأرخص مدارس انترناشونال في مصر، في مختلف المحافظات على مستوى الجمهورية، عشان تقدر تقرر الاختيار الأنسب لطفلك بعد ما تتعرف على المناهج، والأنظمة التعليمية اللي بتقدمها كل مدرسة.