الكلية الحربية واحدة من أعرق الكليات في مصر، وتعتبر بوابة مهمة لأي شاب نفسه يخدم بلده ويبقى ضابط في القوات المسلحة. الكلية بتجمع بين الدراسة الأكاديمية والتدريب العسكري الصارم، علشان تخرّج ضباط عندهم التزام وانضباط وقدرة على القيادة.
لو بتدور على مكان الكلية الحربية في مصر فهي موجودة في مصر الجديدة، وبتستقبل سنويًا آلاف الطلبة اللي بيحلموا بارتداء البدلة العسكرية.
هنعرف في المقال دا كل التفاصيل عن الكلية، ونظام الدراسة، وتخصصاتها، وأبرز مميزات وعيوب الكلية الحربية عشان تقدر تاخد القرار الأنسب ليك ولابنك.
نبذة عن الكلية الحربية
لو بتفكر في مستقبل ابنك العسكري وبتدور على مكان قوي وراقي يطلع منه ضابط محترم؛ فالكلية الحربية المصرية تعتبر من أهم وأقدم المؤسسات العسكرية في الشرق الأوسط كله.
اتأسست سنة 1811 على يد محمد علي باشا، وكانت أول مدرسة حربية تهدف لتخريج ضباط متعلمين على أسس علمية حديثة وقتها.
ومرت بأنظمة مختلفة لحد ما وصلت للشكل الحالي؛ أربع سنين دراسة كاملة تشمل:
- تدريب صاعقة
- قفز مظلات
- قيادة مركبات
- التدريب العملي
وده من أهم مميزات وعيوب الكلية الحربية في نفس الوقت؛ الميزة إنها بتصنع ضابط حقيقي بمعنى الكلمة، والعيب إن المشوار صعب ومحتاج شخصية قوية جدًا، وهنتعرف أكتر على كل تفاصيلها خلال الفقرات الجاية.
أهداف الكلية الحربية
الكلية الحربية مش بس بتدرّس العلوم العسكرية، لكنها كمان بتركز على غرس القيم الوطنية والانتماء للوطن.
من أهم أهدافها:
- إعداد ضباط مقاتلين قادرين على قيادة وحداتهم بكفاءة.
- غرس حب الوطن والمسؤولية في نفوس الطلبة.
- تنمية روح الانضباط والشرف والالتزام.
- مواكبة التطورات العسكرية الحديثة.
وده بيوضح قد إيه مميزات وعيوب الكلية الحربية بتمثل مزيج ما بين الصرامة والتربية الوطنية.
مدة الدراسة في الكلية الحربية
مدة الدراسة في الكلية الحربية 4 سنوات دراسية كاملة، بيتلقى فيها الطالب تعليم أكاديمي وعسكري في نفس الوقت، علشان يتأهل للقيادة والإدارة في مجالات مختلفة داخل القوات المسلحة.
بعد التخرج، بيحصل الطالب على واحدة من الشهادات دي:
- بكالوريوس إدارة أعمال النقل واللوجيستيات.
- بكالوريوس الاقتصاد والعلوم السياسية.
- بكالوريوس الحاسبات والمعلومات.
- بكالوريوس العلوم العسكرية.
نظام الدراسة ده بيخلي مميزات وعيوب الكلية الحربية واضحة: فهي بتأهلك لحياة مهنية قوية وفي تخصصات مطلوبة؛ لكنها كمان محتاجة التزام وانضباط شديد.
الحياة داخل الكلية الحربية
حياة الطالب في الكلية الحربية منظمة جدًا وملتزمة. الطالب بيعيش في سكن داخلي كامل يشمل الإقامة والتغذية والزي العسكري والرعاية الطبية.
كمان بيتلقى مصروف جيب شهري، وبيشارك في أنشطة رياضية وعلمية متنوعة بتساعده يطور مهاراته ويكتسب ثقة في النفس.
اللي بيميز الكلية الحربية مصر الجديدة إنها بتقدّم بيئة تعليمية صارمة لكن متكاملة، بتعدّ الطلبة ليتعاملوا مع أصعب المواقف بعد التخرج.
أول 90 يوم في الكلية بيكونوا بمثابة اختبار حقيقي للطالب الجديد؛ بيتعلم فيهم الانضباط العسكري ويتعرف على تقاليد القوات المسلحة.
الفترة دي بيكون فيها:
- تدريبات مكثفة لبناء اللياقة البدنية والقدرة على التحمل.
- تدريب على القيادة واتخاذ القرار تحت الضغط.
- تعليم مهارات القتال والدفاع عن النفس.
الفترة دي ممكن تكون من أصعب فترات الدراسة، وده من عيوب الكلية الحربية لأنها محتاجة صبر وتحمل.
أقسام الكلية الحربية
الكلية الحربية فيها أقسام كتير بتأهّل الطالب لمجالات مختلفة داخل الجيش المصري، منها:
- الحرب الإلكترونية.
- الأسلحة والذخيرة.
- الإمداد والتموين.
- حرس الحدود.
- الاستطلاع.
- المدرعات.
- المدفعية.
- الإشارة.
- المشاة.
تعدد الأقسام ده من مميزات الكلية الحربية لأنه بيدي الطالب فرصة يختار التخصص اللي يناسب قدراته واهتماماته.
مميزات وعيوب الكلية الحربية
دلوقتي هنوضح أهم المميزات والعيوب للكلية ودا بناءً على تجربة طلاب وخريجين منها، ولكن دا بيعتمد كمان على طموح ابنك وشخصيته وقوة تحمله، وعلشان كدا مهم تنصح ابنك إنه يقدم للكلية لو اتأكد إنه تنطبق عليه الشروط وبيئة الدراسة مناسبة ليه، ودا طموحه أصلاً، وبعدها هيكون قراره سليم ومبني على قواعد واضحة.
المميزات
- إقامة كاملة تشمل السكن والتغذية والزي العسكري.
- تدريب متكامل يجمع بين الجانب العملي والعلمي.
- فرصة لبناء مستقبل قوي في القوات المسلحة.
- التعليم بأحدث الأساليب وبشكل منظم.
- رعاية طبية شاملة.
العيوب
- التدريبات الشاقة اللي ممكن تكون صعبة على بعض الطلاب.
- التغير الكبير في نمط الحياة بعد الالتحاق بالكلية.
- الالتزام الشديد بالأوامر والنظام اليومي.
- وجود اختبارات قبول صعبة ودقيقة جدًا.
رغم العيوب دي، إلا إن كتير من الشباب شايفين إن مميزات وعيوب الكلية الحربية جزء من التجربة اللي بتكوّن شخصية قوية ومسؤولة.
اتعرف على: عيوب الكلية الجوية بين الواقع والمتطلبات .. هل هي فعلاً عيوب؟
التيسيرات اللي الدولة وفّرتها للطلبة لتسهيل التقديم في الكلية الحربية
علشان تسهّل القوات المسلحة على الطلبة وأولياء الأمور، تم توفير مجموعة كبيرة من التيسيرات والخدمات في الكلية الحربية مصر الجديدة وقت التقديم، وده بيوضح جزء مهم من مميزات وعيوب الكلية الحربية من ناحية التنظيم والدعم اللي بيتقدَّم للمتقدمين.
من ضمن التيسيرات دي:
- فتح مكتب تنسيق القبول بالأكاديمية والكليات العسكرية في الكلية الحربية بمصر الجديدة من يوم 30 يوليو من كل عام.
- استقبال بيانات الطالب الأولية أونلاين من خلال الموقع الرسمي لمكتب التنسيق، وده لتسريع الإجراءات قبل تسليم الملف الورقي الأصلي.
- شرح مفصل لكل اختبار على الموقع الإلكتروني، علشان الطالب يعرف كل التفاصيل وهو في بيته.
- توفير كافتيريات وأماكن انتظار مجهزة للطلبة وأولياء الأمور في أثناء أداء الاختبارات.
- وجود ماكينات تصوير مستندات داخل اللجان لتوفير الوقت والمجهود.
- تطوير نظام إعلان النتائج، بحيث توصل للطالب النتيجة على رقم الموبايل برسالة SMS بدل ما يضطر يروح بنفسه للكلية.
اتعرف على: دليل ولي الأمر لاختيار الكلية الفنية العسكرية لابنه: المميزات، التخصصات، وفرص المستقبل.
الأوراق المطلوبة للتقديم في الكلية الحربية
لو ابنك ناوي يقدم السنة دي، فجزء مهم من فهم مميزات وعيوب الكلية الحربية هو إن إجراءاتها واضحة لكنها دقيقة، والمطلوب إن كل ورقة تكون مظبوطة 100% علشان التقديم يمشي من غير تعطيل.
وده ملخص كل الأوراق المطلوبة بشكل بسيط ومباشر.
أولًا: الأوراق الأساسية اللي لازم تكون جاهزة
1- أصل شهادة الثانوية العامة أو بيان نجاح رسمي
دي أهم ورقة، ولازم تكون مختومة وواضحة.
2- شهادة ميلاد مميكنة جديدة
الأفضل تكون مستخرجة قريب.
3- صورة بطاقة الرقم القومي للطالب وولي الأمر
لازم تكون الصورة واضحة ومحدثة.
4- صور شخصية حديثة 4×6 بخلفية بيضا
المطلوب 4 صور، ويفضل تكون لابنِك بنفس الشكل (المقصود طول الشعر و الذقن) اللي هيقدم بيه.
5- نموذج 2 جند (للذكور)
من منطقة التجنيد أو شهادة الإعفاء/التأدية لو موجودة.
ثانيًا: أوراق إضافية بتكمل الملف
1- بيان قيد مدرسي أو جامعي في حالة إن الطالب لسه مقيد في مكان تعليمي.
2- إيصال سداد رسوم التقديم سواء اتدفع إلكترونيًا أو في المكان المخصص.
3- استمارة التسجيل الإلكتروني بعد ما يتم التسجيل على موقع تنسيق الكليات العسكرية.
4- شهادة حسن سير وسلوك من المدرسة أو الجامعة.
5- صحيفة الحالة الجنائية (فيش وتشبيه) ويتكتب فيه موجه للكلية الحربية.
6- القيد العائلي للأب (وممكن للجد حسب المطلوب).
7- مفردات مرتب الأب والأم أو بيان بالمدخرات والممتلكات وده بيأكد الوضع القانوني والاجتماعي.
8- شهادات إضافية زي:
- المؤهل الجامعي لو الطالب خريج.
- شهادات معادلة الشهادات الأجنبية.
- شهادات التفوق الرياضي.
ملحوظة عن أول خطوة عند سحب ملف التقديم مفيش أي أوراق مطلوبة. الطالب بياخد الملف بالبطاقة الشخصية فقط، ولازم هو اللي يروح بنفسه عشان بيتم تصويره صور شخصية وقتها.
وحاول تبدأ بدري في استخراج الأوراق دي؛ لأنها بتاخد وقت طويل وممكن تأخرك في التقديم.
الشروط العامة للقبول في الكليات الحربية
لو ابنك أو بنتك نفسهم يدخلوا الكليات العسكرية، فمهم جدًا تعرفوا إن التقديم ليها ليه شروط دقيقة ومحددة جدًا، ودي أهم الشروط اللي لازم تتوافر في أي طالب بيقدم:
أولًا: الجنسية والسلوك
- يكون الطالب حسن السير والسلوك، وما يكونش اتحاكم في أي قضية جنائية أو مخالفة للشرف.
- لازم يكون الطالب مصري الجنسية من أب وأم وجدين مصريين مش بالتجنس.
- ما يكونش الطالب أو أي حد من والديه حاصل على جنسية تانية.
ثانيًا: المؤهل الدراسي
- لازم الطالب يكون حاصل على شهادة الثانوية العامة بنسبة لا تقل عن 65% للقسم العلمي، 70% للقسم الأدبي.
- التقديم بيكون لخريجي الثانوية العامة أو ما يعادلها، وكمان الحاصلين على الثانوية الصناعية (نظام 3 أو 5 سنين)، أو المؤهل الجامعي بشرط إن سنة التخرج تكون 2024 أو 2025.
- طالب الثانوية الأزهرية أو الشهادة الأجنبية لازم يعمل معادلة للمجموع قبل حساب النسبة.
ثالثًا: الحالة الاجتماعية والانضباط
- يكون أعزب، ولم يسبق له الزواج، ويتعهد إنه مش هيتجوز طول فترة الدراسة في الكلية الحربية.
- ما يكونش سبق له الفصل التأديبي أو الاستقالة من كلية أو معهد عسكري.
- ما يكونش معفي من الخدمة العسكرية لعدم اللياقة الطبية.
رابعًا: الشروط البدنية والطبية
- اجتياز الطالب اختبار اللياقة البدنية بنجاح، وكمان قفزة الثقة من ارتفاع 7.5 متر في أقل من 3 ثوانٍ بدون تردد.
- اللياقة الطبية مطابقة لتقارير القومسيون الطبي للقوات المسلحة.
- إعادة الكشف الطبي لا تجوز في نفس السنة لو الطالب غير لائق.
- الحد الأدنى للطول هو 170 سم لكل الكليات.
خامسًا: الاختبارات العامة والمعلومات
- اجتياز الطالب الاختبارات النفسية والاختبار الشخصي (الهيئة) بنجاح.
- نجاح الطالب في اختبارات المعلومات العامة والاختبار التفضيلي في اللغة الإنجليزية والحاسب الآلي.
في حالة تفوق الطالب في كل المراحل دا بيزود فرصة اختياره.
سادسًا: الأوراق المطلوبة والإقرارات
- تقديم تعهدات كتابية من الطالب بالالتزام بكل الشروط.
- وجوب تدقيق ومراجعة كل البيانات في الملف.
سابعًا: شروط خاصة بالمتخصصين (ذكور وإناث)
- البنات المقبولات في الكلية الحربية بيكونوا ملزمين بارتداء الزي العسكري المخصص والمصدق عليه من وزارة الدفاع طول فترة الدراسة وبعد التخرج.
- وجوب تقديم بيان المعاملة التجنيدية من إدارة أو منطقة التجنيد للذكور.
- الحد الأدنى للطول هو 170 سم للذكور و155 سم للإناث.
- السماح للضباط الاحتياط أو أفراد القوات المسلحة بالتقديم.
أهم المعلومات عن اختبارات الكلية الحربية
ودلوقتي هنتعرف على جزء مهم من مميزات وعيوب الكلية الحربية واللي بتختلف تقييمها من شخص للتاني، فالبعض بيلاقوا إنها ميزة مهمة ودا بيثبت إن الكلية بتدور على الأكفأ بدنياََ ونفسياََ وعقلياََ، والبعض شايف إنها اختبارات كتير ومرهقة وتعجيزية.
ودي معلومات تفصيلية عن كل اختبار عشان تفهم بالظبط شكل الاختبارات وتساعد ابنك في الاستعداد ليها.
1- اختبار السمات الشخصية
من أهم مراحل القبول في الكليات العسكرية هو اختبار السمات الشخصية، واللي بيهدف للتأكد إن الطالب مناسب فعلًا للحياة العسكرية، وإن رغبته في الالتحاق نابعة من إرادته هو مش بسبب ضغط من حد تاني.
الاختبار بيقيس قدرة الطالب على التكيّف مع نظام الانضباط والالتزام، وبيكشف إزاي ممكن يتصرف في المواقف المختلفة اللي ممكن يمر بيها جوه الكلية أو في الميدان بعد كده.
الاختبار ده بيتم في نفس اليوم اللي الطالب بيشتري فيه ملف التقديم، وبعدها بتوصل نتيجة الاختبار على الموبايل برسالة SMS.
ولو الطالب نجح، بيكون مكتوب في الرسالة ميعاد الحضور لمكتب التنسيق بالأكاديمية العسكرية علشان يكمل باقي اجراءات القبول والفحوصات الطبية.
2- اختبار المستوى الطبي
من أهم المراحل اللي بيمر بيها أي طالب بيقدّم في الكليات العسكرية هو اختبار المستوى الطبي. الهدف منه إنهم يتأكدوا إن الطالب لائق طبيًا ومستعد فعلاً للحياة العسكرية القاسية، سواء كانت في الكلية الحربية مصر الجديدة أو باقي الكليات العسكرية زي البحرية والجوية والفنية والطب العسكري.
الاختبار ده بيتم داخل القومسيون الطبي العسكري، وبيكون وفق معايير خاصة بالقوات المسلحة، مش زي الكشوفات المدنية أو المستشفيات العادية.
اللجنة الطبية هي الجهة الوحيدة المسؤولة عن النتيجة، وقرارها نهائي، يعني مش بيُقبل أي تحاليل أو تقارير من بره اللجنة.
الكشف بيشمل كل التخصصات الطبية، من النظر والسمع لحد القلب والرئة والعظام، وكل كلية ليها مستوى طبي معين لازم الطالب يحققه. والطلبة اللي مرشحين للكلية الجوية بيتحولوا للكشف في المجلس الطبي الجوي في شارع خضر التوني بمدينة نصر.
والنتيجة بتظهر في نفس اليوم داخل القومسيون، والطالب الناجح بيتحدد له فورًا ميعاد اختبار اللياقة البدنية.
وهنا بنشوف واحدة من مميزات وعيوب الكلية الحربية:
الميزة إنهم بيهتموا جدًا بصحة الطلبة وبيضمنوا إن اللي يدخل يكون قادر فعلاً على التحمل، لكن من العيوب إن المعايير الطبية دقيقة جدًا، وأي خلل بسيط ممكن يخلي الطالب يُرفض حتى لو ناجح في باقي الاختبارات.
ونصيحة مهمة لأي طالب ناوي يقدم:
- متاخدش أي دواء قبل الكشف الطبي علشان ممكن يغيّر في نتائج التحاليل.
- لازم تصرّح لو عملت أي عملية قبل كده أو عندك أي مرض مزمن.
- اهتم بنظافة أذنك قبل الكشف.
3- الاختبارات الرياضية
الاختبارات الرياضية واحدة من أهم وأصعب المراحل في التقديم لأي كلية عسكرية، خصوصًا الكلية الحربية مصر الجديدة، لأنها بتكشف عن مدى قوة الطالب ولياقته البدنية وتحمله للمجهود.
في اليوم المحدد للاختبار، لازم الطالب يكون موجود على الباب رقم 8 الساعة 6 الصبح بالضبط، ويلتزم بالزي الرياضي الكامل: فانلة، شورت، شراب، وجزمة خفيفة، وكمان مايوه لقفزة الثقة والسباحة.
الاختبار بيتقسّم لمجموعة من التمرينات اللي بتقيس السرعة، القوة، المرونة، والتحمّل، والدرجة النهائية فيه 200 درجة، والحد الأدنى للنجاح هو 100 درجة.
وبيتحسب التفوق الرياضي كميزة إضافية:
- البطولات الدولية: 20 درجة.
- بطولات الجمهورية: 15 درجة.
- بطولات المحافظات: 10 درجات.
أما عن قفزة الثقة، فهي شرط أساسي للقبول في أي كلية عسكرية. الطالب لازم يقفز من ارتفاع 7.5 متر في حمام السباحة خلال 3 ثواني فقط. ولو اتردد أو تأخر، بيتحسب عليه مُقصر وبيتوقف عن استكمال باقي الاختبارات.
وده يوضح لنا جزء من مميزات وعيوب الكلية الحربية:
الميزة إنها بتساعد الطالب يبني جسم قوي ولياقة عالية جدًا، وبتغرس فيه روح الشجاعة والانضباط. أما العيب فهو إن الاختبار فعلاً محتاج استعداد بدني ونفسي عالي، لأن أي تردد بسيط ممكن يخليه يخسر فرصته في القبول.
عشان كده، لو ابنك ناوي يقدم، حاول تساعده يبدأ يتمرن بدري على الجري، السباحة، وتمارين اللياقة، علشان يكون مستعد كويس ويقدر يثبت نفسه في يوم الاختبار.
4- اختبار القدرات النفسية
من أهم مراحل التقديم في الكلية الحربية هو اختبار القدرات النفسية، واللي بيتعمل بواسطة لجنة متخصصة من جهاز العمل النفسي بالقوات المسلحة.
والهدف من الاختبار ده إنهم يعرفوا إذا كان الطالب عنده استعداد نفسي يتحمّل ضغوط الحياة العسكرية، زي المواقف المفاجئة، التوتر، المسؤولية، والانضباط اليومي اللي بتتطلبه الكلية.
الاختبار ده بيكشف جوانب شخصية الطالب، زي قدرته على السيطرة على أعصابه، والتصرف في المواقف الصعبة، والتفكير السريع وقت الأزمات.
وبعد ما يخلص الطالب الاختبار النفسي، بيتحدد له ميعاد اختبار تاني اسمه الاختبار التفضيلي والمعلومات العامة، علشان اللجنة تقدر تكون صورة شاملة عن شخصيته ومستواه
المرحلة دي بتوضح جزء من مميزات وعيوب الكلية الحربية:
الميزة إنهم بيهتموا مش بس باللياقة البدنية، لكن كمان بنفسية الطالب واستعداده الذهني والعاطفي، وده بيساعد في تكوين ضابط متوازن يعرف يتصرف بحكمة تحت أي ضغط.
أما العيب، فهو إن بعض الطلبة ممكن يكونوا أكفاء جسديًا وعلميًا، لكن بسبب توترهم أو قلقهم وقت الامتحان النفسي، ممكن ما يجتازوش المرحلة دي.
علشان كده مهم جدًا إن الطالب يدخل اختبار القدرات النفسية وهو هادي وواثق في نفسه، ويفتكر إن الهدف مش تعجيزه، لكن التأكد إنه فعلاً مناسب لطبيعة الحياة داخل الكلية العسكرية، وده جزء أساسي من التجربة اللي بتميز مميزات وعيوب الكلية الحربية عن أي كلية مدنية تانية.
5- الاختبار التفضيلي والمعلومات العامة
بعد ما الطالب ينجح في الاختبارات النفسية والطبية والرياضية، بييجي دور الاختبار التفضيلي والمعلومات العامة، وده بيكون عبارة عن مجموعة من الأسئلة اللي بتقيس مدى ثقافة الطالب العامة، زي معلومات عن مصر، والعالم، والتاريخ، وبعض المفاهيم العامة اللي بتوضح مدى وعيه وإدراكه للأحداث.
كمان بيتضمن اختبار في اللغة الأجنبية والحاسب الآلي، لأن ضابط المستقبل لازم يكون متابع للتطورات التكنولوجية وقادر يتواصل بلغات مختلفة.
الاختبار ده بيكشف جانب مهم من مميزات وعيوب الكلية الحربية،
الميزة إنهم بيهتموا بتكوين ضابط شامل قوي في العلم، واللغة، والتكنولوجيا. أما العيب فهو إن بعض الطلبة اللي مش عندهم استعداد لغوي أو خلفية معرفية قوية ممكن يلاقوا صعوبة في المرحلة دي.
لكن في النهاية الهدف إنهم يختاروا أفضل العناصر اللي تقدر تمثل مصر بأفضل صورة في الداخل والخارج.
6- المقابلة الشخصية (اختبار الهيئة)
دي آخر وأهم خطوة في طريق القبول، وهي المقابلة الشخصية أو اختبار الهيئة. الطالب بيحضر في اليوم المحدد، ومفيش تأجيل أو تأخير، ودي فرصة واحدة بس.
الاختبار ده بيهدف لاختيار أحسن العناصر اللي فعلاً مؤهلة إنها تكون جزء من القوات المسلحة، وبيتركز على مجموعة عناصر أساسية:
- قوة الشخصية والقدرة على التصرف في المواقف الصعبة.
- وجود رغبة حقيقية وصادقة في الالتحاق بالكلية العسكرية.
- السمات الشخصية والنفسية المناسبة.
- الثقافة العامة ومدى الوعي.
- اللياقة الطبية والبدنية.
اللجنة بتكون من كبار ضباط القوات المسلحة، والهدف مش بس اختبار الطالب، لكن كمان تقييم حضوره، مظهره، وطريقته في الكلام.
وعلشان كده لازم الطالب يروح في أحسن مظهر، ويلتزم بالزي المطلوب.
7- اختبار العرض الطبي العام
بعد ما الطالب يعدّي الكشف الطبي الأول، بييجي دور اختبار العرض الطبي العام، وده اختبار دقيق جدًا بيتعمل علشان يتأكدوا إن الطالب حالته الصحية ممتازة من كل الجوانب، وإنه فعلاً قادر يتحمّل التدريب الشاق والحياة العسكرية اللي بتعتمد على الانضباط والمجهود المستمر.
في الاختبار ده، بيتم إجراء مجموعة من التحاليل المتقدمة والفحوصات الشاملة، وبيقوم بالكشف لجنة مختلفة من أطباء القومسيون الطبي، علشان يراجعوا كل النتائج ويتأكدوا إن الطالب ما عندوش أي أمراض أو مشكلات ممكن تمنعه من الاستمرار في الكلية.
ودي من أهم المراحل اللي بتوضح جانب كبير من مميزات وعيوب الكلية الحربية:
الميزة إن الكلية حريصة جدًا إنها تختار طلبة في كامل صحتهم البدنية، وده بيحميهم من التعرض لمشاكل مستقبلية أثناء التدريب أو الخدمة. أما العيب، فهو إن بعض الطلبة ممكن يتم استبعادهم لأسباب طبية بسيطة جدًا، حتى لو كانوا ناجحين في كل المراحل التانية، وده بيكون صعب نفسيًا عليهم.
لكن في النهاية، الهدف من اختبار العرض الطبي العام هو ضمان إن كل طالب مقبول في الكلية الحربية هيقدر يكمّل رحلته بنجاح وكفاءة من غير أي مخاطر صحية ممكن تأثر على أداؤه أو على مهامه في المستقبل.
إرشادات وتوجيهات عامة لكل اللي حابب يلتحق بالكلية الحربية
لو نفسك تلتحق بإحدى الكليات العسكرية، فخلّي بالك إن الطريق ده مش سهل، لكنه مليان شرف ومسؤولية كبيرة، لأنك بتسعى تكون جزء من القوات المسلحة المصرية، اللي بتحمل أهم مهمة في الدنيا حماية مصر والدفاع عنها.
ومن هنا لازم تكون عارف إن مميزات وعيوب الكلية الحربية مش بس في الدراسة أو التدريب، لكن كمان في الانضباط والالتزام اللي بيتطلبه الانضمام ليها.
ودي أهم إرشادات مكتب تنسيق القبول بالكليات العسكرية لازم كل طالب يلتزم بيها:
أولًا: الالتزام يبدأ من أول لحظة
تقييمك مش بيبدأ وقت الاختبارات، لكن من أول ما تروح تشتري الملف. يعني أي تصرف أو تأخير أو عدم التزام بالتعليمات ممكن يأثر على فرصك.
ثانيًا: دقة البيانات
اكتب كل البيانات المطلوبة بدقة، ومتهملش أي خانة لا عمدًا ولا نسيانًا؛ لأن أي خطأ بسيط ممكن يسبب تأخير أو حتى استبعاد.
ثالثًا: الالتزام بالمواعيد
المواعيد في الكلية الحربية مصر الجديدة مقدسة. يعني لازم تكون في المعاد المحدد لكل اختبار من غير تأخير، وأي تأخير أو غياب بيعتبر انسحاب من المسابقة، ومفيش فرصة تانية.
رابعًا: بذل المجهود الكامل
كل اختبار بيمثل فرصة لإثبات نفسك، فابذل كل مجهودك عشان تحقق أعلى الدرجات، لأن القبول بيكون تنافسي جدًا، والمقاعد محدودة.
خامسًا: المنافسة الشريفة
اعرف إنك داخل منافسة محترمة مع زملاءك اللي عندهم نفس الهدف. ومش كل اللي بينجح في الاختبارات بيتقبل؛ القبول بيروح لأفضل وأجدر العناصر اللي بيحققوا أعلى نتائج في كل المراحل مش في الدرجات الدراسية بس، لكن كمان في السمات الشخصية والبدنية والعقلية.
ودي من أهم مميزات الكلية الحربية، إنها مش بتقبل غير الأفضل فعلًا في كل النواحي، لكن من عيوبها إن المنافسة شديدة جدًا وممكن تكون مرهقة نفسيًا. وبرغم كده، النجاح فيها بيكون إنجاز كبير وشرف لأي شاب مصري.
إزاي تجهّز ابنك أو بنتك علشان يكون جاهز للتقديم في الكليات العسكرية؟
لو نفسك تشوف ابنك لابس البدلة العسكرية وواقف بفخر، فالموضوع محتاج استعداد من بدري جدًا.
التحاق الطالب بأي كلية عسكرية مش قرار في لحظة، لكنه نتيجة سنين من التربية، والانضباط، والاهتمام بالتفاصيل الصغيرة اللي بتفرّق.
ومن هنا بتبدأ رحلة إعداد ابنك اللي هتخليه مؤهل ينجح في اختبارات الكلية الحربية ويحقق حلمه. وفي السطور الجاية هتتعرف على أهم الحاجات اللي لازم تركّزي عليها مع ابنك:
أولًا: اعرف الشروط بدري
خليك على اطلاع دائم على الشروط العامة والخاصة لكل كلية عسكرية، علشان تعرف إيه اللي مطلوب قبل التقديم، سواء من درجات، أو مواصفات بدنية، أو لياقة طبية.
الوعي ده من بدري بيساعدك تجهّز ابنك صح وتتفادى أي مفاجآت وقت التقديم.
ثانيًا: الاهتمام بالتفوق الدراسي
الكلية الحربية مش بتكتفي إن الطالب يكون ناجح لكن الأفضلية دايمًا بتكون للي جايب أعلى الدرجات، وده من ضمن مميزات الكلية الحربية إنها بتختار الطلبة المتفوقين علميًا وبدنيًا في نفس الوقت.
ثالثًا: الصحة واللياقة البدنية
خلي ابنك يهتم بصحته من بدري أكله، نومه، ونشاطه. كمان مهم جدًا يمارس رياضة بشكل منتظم، خصوصًا السباحة، لأنها من الاختبارات الأساسية اللي بيتم عليها التقييم.
اللي عنده لياقة عالية أو متميز في ألعاب جماعية أو فردية، بيكون ليه أولوية كبيرة في القبول، ودي نقطة بتزود فرصته في المنافسة.
رابعًا: الثقافة والانفتاح
شجّع ابنك يقرأ ويتابع الأخبار العامة، ويكون عنده وعي وثقافة عامة تساعده في اختبارات المعلومات اللي بتمر بيها كل دفعة. ده مش بس هيخليه مميز في الاختبارات، لكن كمان هيبني شخصيته بشكل ناضج ومتوازن.
خامسًا: الصدق أهم من أي حاجة
وقت التقديم لازم الطالب يكون صادق في كل المعلومات اللي بيقدمها عن نفسه أو عن أسرته.
لأن أي خطأ أو تجميل متعمد ممكن يسبب استبعاده تمامًا، وده من عيوب الكلية الحربية إن المعايير فيها صارمة جدًا، لكن في نفش الوقت دي ميزة بتضمن إن اللي بينضم ليها يكون أهل للثقة والمسؤولية.
سادسًا: تجهيز الأوراق بدقة
من الضروري جدًا يكون مع الطالب بطاقة رقم قومي سارية ومجددة، ولازم يعرف إن فرصة شراء الملف بتكون مرة واحدة بس، يعني لو رسب في أي اختبار مش هيقدر يقدّم تاني في نفس السنة.
التحاق ابنك بالكلية الحربية مش مجرد خطوة دراسية، ده طريق طويل محتاج استعداد نفسي وجسدي وثقافي من بدري، وده اللي بيخلّي مميزات وعيوب الكلية الحربية واضحة:
المميزات إن الكلية هدفها تخرّج شباب في قمة الانضباط والكفاءة، لكن عيبها إنها مش بتدي فرصة غير للأفضل، فالمنافسة فيها شديدة جدًا.
في النهاية، لازم كل ولي أمر يعرف إن الانضمام للكلية الحربية مش مجرد رغبة أو حلم، لكن التزام طويل مبني على ضوابط صارمة جدًا، وده اللي بيخلي مميزات وعيوب الكلية الحربية واضحة.
فالمميزات بتتلخص في الانضباط والدقة والاحترام، والعيوب في صعوبة المنافسة وكثرة الإجراءات. لكن في الآخر، شرف الالتحاق بيها يستحق التعب.
أضف تعليق