بتتميز مصر بوجود عدد كبير من الأنظمة التعليمية؛ ودا بيتيح للطلبة فرصة التعرف على المناهج والثقافات المختلفة، وكمان بعد دراستهم في الأنظمة دي بيحصلوا على شهادة معتمدة بتؤهلهم للدراسة في أكبر الجامعات في الخارج، ومن أكثر الأنظمة التعليمية المميزة هو نظام التعليم الفرنسي.
المدارس الفرنسية في مصر بتطبق نظام تعليمي مميز، هدفه تكوين شخصية مؤثرة في المجتمع، وقادرة على مواجهة التحديات المختلفة.
والمدارس بتحصل على مصاريف سنوية مقابل تطبيق النظام دا. ومصاريف المدارس الفرنسية في مصر بتزيد كتير عن مصاريف المدارس الرسمية؛ ودا لإنها بتقدم خدمات تعليمية ومميزات أكثر للطلبة.
وفي المقال دا هنتعرف أكتر على المدارس الفرنسية، وهنعرف أهم المميزات والعيوب الموجودة فيها، ونعرض لكم أشهر المدارس وأسعارها.
ما هي المدارس الفرنسية في مصر؟
المدارس الفرنسية في مصر هي مدارس دولية، هدفها تدريس مناهج فرنسية حديثة مناسبة لقدرات الطالب، والمناهج دي بتركز على تكوين الوعي، وزيادة ثقافة الطالب، والإطلاع على الثقافات المختلفة من منظور تعليمي.
المدارس بتقدم شهادة البكالوريا الفرنسية، والشهادة دي بتمكن الطالب من الالتحاق بالجامعات والمعاهد الفرنسية المختلفة، واستكمال الدراسة في فرنسا.
مصاريف المدارس الفرنسية في مصر
المدارس الفرنسية مش مدارس مجانية؛ هي بتقدم خدماتها مقابل رسوم سنوية زي باقي المدارس الإنترناشونال.
وبنلاحظ إن مصاريف المدارس الفرنسية في مصر بترتفع عن ياقي المدارس الانترناشونال، ودا يعد ضمن الأسباب الرئيسية ورا قلة عدد الطلبة المسجلين في المدارس الفرنسية مقارنة بالمدارس الأخرى.
مصاريف المدارس الفرنسية لمرحلة KG
مرحلة رياض الأطفال هي مرحلة فارقة في حياة الطفل؛ لإنها بتشكل وعيه، وبيتعرف من خلالها على الظواهر اللي بيدور حوله، وإزاي يتعامل معاها.
في النظام الفرنسي بنلاقي إن المدرسة بتحرص على تقديم أفضل نموذج تعليمي للأطفال في المرحلة دي، فبتركز على الأنشطة المناسبة لسن الطفل، واللي منها بتحسن إدراكه وفهمه للي حواليه.
مصاريف المدارس الفرنسية في مصر بتختلف من مدرسة للتانية زي باقي المدارس الانترناشونال، فبنلاقي إن المصاريف بتوصل لأكتر من 147,000 جنيه استرليني، إلى جانب المصاريف الإضافية اللي بتطلبها المدرسة خلال فترة الدراسة.
مصاريف المدارس الفرنسية في مصر للمرحلة الابتدائية
المرحلة الابتدائية في المدارس الفرنسية بتكون رحلة ممتعة للطلبة؛ ودا لإنها بتركز على تطويرهم وتنمية مهاراتهم بشكل مستمر من خلال ممارسة الأنشطة المختلفة.
كمان المدارس دي بتراعي فرق المستويات بين الطلبة، وبتهتم بكل طالب موجود فيها، وبتساعده يحقق حلمه ويكون عنصر مؤثر في المجتمع.
أما عن مصاريف المدارس الفرنسية في المرحلة دي فبنلاقيها بتوصل لـ 127,000 جنيه استرليني.
مصاريف المدارس الفرنسية للإعدادية
ومصاريف المدارس الفرنسية في مصر للمرحلة تعتبر مرحلة انتقالية في حياة الطالب، لإنها بتفصل بين مرحلتين مختلفتين، والطالب بعدها بينتقل للمرحلة الثانوية ويصبح شخص مسئول عن اختياراته اللي هتحدد مجال دراسته الجامعية.
المدرسة الفرنسية بتأهل الطالب كويس جدا للمرحلة الثانوية، وكمان بتهتم بمشاركته الفعالة خلال اليوم الدراسي؛ عشان تتعرف على قدراته وتعرف إيه اللي بيميزه.
مصاريف المدارس الفرنسية في المرحلة الإعدادية 183,000جنيه استرليني، وبتختلف المصاريف من مدرسة للتانية، فممكن تزيد أو تقل شوية عن الرقم دا.
مصاريف المدارس الفرنسية في مصر للمرحلة الثانوية
المرحلة الثانوية في المدارس الفرنسية تعادل الثانوية العامة في نظام التعليم المصري، وبعدها الطالب بيحصل على شهادة البكالوريا الفرنسية اللي بتأهله للالتحاق بالجامعات المصرية، وجامعات ومعاهد فرنسا.
الطالب بيخضع لكتير من الامتحانات التقييمية في المرحلة الثانوية، والاختبارات دي بتساعد الطالب على تحديد مستواه، وبيعرف من خلالها مواطن القصور عنده، ويبدأ يركز عليها عشان يحصل على درجات مرتفعة في الامتحانات النهائية.
مصاريف المدارس الفرنسية في مصر في المرحلة الثانوية بتكون مرتفع إلى حد ما؛ ودا لإن المدرسة بتبذل جهد كبير مع الطالب في المرحلة دي عشان يقدر يتفوق فيها ويدخل الجامعة اللي حابب يكمل دراسته فيها.
بنلاقي إن مصاريف المدارس الفرنسية في مصر ففي بعض المدارس بتتخطى 214,000 جنيه استرليني، وبعض أولياء الأمور بيشوفوا إن دا رقم كبير وغير مناسب لقدرتهم المادية، فبيختاروا لأولادهم مدارس انترناشونال تانية بمصاريف أقل.
قائمة بالمدارس الفرنسية في مصر
مع نجاح نظام التعليم الفرنسي في مصر بدأ يكون في توسع في المدارس اللي بتطبق النظام دا؛ عشان الطالب يقدر يحصل على فرصة تعليم مميزة، ومن أشهر المدارس الفرنسية في مصر:
مدرسة ليسيه الفرنسية بالقاهرة
تعد مدرسة ليسيه الفرنسية -المدرسة الفرنسية الدولية- من أقدم المدارس الفرنسية في مصر، وبتديرها وكالة التعليم الفرنسية بالخارج.
المدرسة بتشمل جميع التخصصات، وبتقدم خدماتها للطلبة المصريين والفرنسيين، لكن بيكون في أولوية أعلى للفرنسيين.
أما عن مصاريف مدرسة ليسيه الفرنسية فتبعًا لموقع International Schools Database بنلاقيها كالآتي:
السن | المستوى | المصاريف |
3 | KG 1 | 147,879 جنيه استرليني |
4 | KG 2 | 147,879 جنيه استرليني |
5 | KG 3 | 147,879 جنيه استرليني |
6 | مستوى دراسي 1 | 127,575 جنيه استرليني |
7 | مستوى دراسي 2 | 127,575 جنيه استرليني |
8 | مستوى دراسي 3 | 127,575 جنيه استرليني |
9 | مستوى دراسي 4 | 127,575 جنيه استرليني |
10 | مستوى دراسي 5 | 127,575 جنيه استرليني |
11 | مستوى دراسي 6 | 183,072 جنيه استرليني |
12 | مستوى دراسي 7 | 183,072 جنيه استرليني |
13 | مستوى دراسي 8 | 183,072 جنيه استرليني |
14 | مستوى دراسي 9 | 183,072 جنيه استرليني |
15 | مستوى دراسي 10 | 214,542 جنيه استرليني |
16 | مستوى دراسي 11 | 214,542 جنيه استرليني |
17 | مستوى دراسي 12 | 214,542 جنيه استرليني |
عنوان المدرسة: المعادي – القاهرة.
طريقة التواصل: 0227260900
مدرسة كونكورديا الفرنسية الدولية
تنضم مدرسة كونكورديا لوكالة التعليم الفرنسي في الخارج، وتشمل جميع المراحل الدراسية، وبتمنح لخريجيها شهادة البكالوريا الفرنسية BAC.
مصاريف مدارس كونكورديا بتبدأ من 120,000 جنيه مصري لمرحلة رياض الأطفال، بالإضافة لرسوم إضافية تقدر ب 11.500 جنيه مصري، ودا لسنة 2022.
العنوان: حي البنفسج – المنطقة الأولى.
رقم الإدارة: 0229200101
مدرسة ليسيه بالزاك الدولية
بتضم مدرسة ليسيه بالزاك عدد كبير من المدرسين الخبراء، اللي بيكونوا حاصلين على شهادة التدريس من الجامعة الفرنسية بالإضافة إلى شهادات أخرى، وبتحرص على تقديم منهج تعليمي راقي للجنسيات المختلفة.
المدرسة بتتميز كمان باهتمامها باللغة العربية، وحرصها على إتقان الطالب للغة، وبنلاقي إن مصاريفها بتبدأ من ما يقارب من 66,850 جنيه مصري لمرحلة رياض الأطفال سنة 2023.
عنوان المدرسة: شارع التسعين – التجمع الخامس – القاهرة الجديدة.
للتواصل مع الإدارة: 0225379358
مدارس القرية الذكية Smart village
وأسعار مدراس القرية الذكية قريبة من مصاريف المدارس الفرنسية في مصر فأسعارها برضو مرتفعة بالنسبة لباقي المدارس الإنترناشونال ودا لإنها؛ بتهتم بتطبيق نظام التعليم الفرنسي على أكمل وجه؛ فبتركز على زرع القيم السامية في الطلبة وتنمية مهاراتهم باستمرار، وبتنقسم مدارس القرية الذكية لمدرستين:
مدرسة ليسيه فولتير – Lycèe Voltaire
ومصاريف مدرسة ليسيه فولتير بيختلف من مرحلة لمرحلة، وبتتقسم المصاريف كالآتي:
المستوى الدراسي | سنة ولادة الطالب | رسوم التدريس | رسوم المصادر والاعتماد الأكاديمي | مصاريف الأنشطة |
PS | 2020 | 103,949 | 17,500 | 3000 |
MS | 2019 | 103,949 | 17,500 | 3000 |
GS | 2018 | 103,949 | 17,500 | 3000 |
CP | 2017 | 107,225 | 18,500 | 3000 |
CE1 | 2016 | 107,225 | 18,500 | 3000 |
CE2 | 2015 | 109,845 | 18,500 | 3000 |
CM1 | 2014 | 109,845 | 19,000 | 3000 |
CM2 | 2013 | 112,470 | 19,000 | 3000 |
الصف السادس | 2012 | 115,745 | 19,500 | 7000 |
الصف الخامس | 2011 | 115,745 | 19,500 | 7000 |
الصف الرابع | 2010 | 119,022 | 19,500 | 7000 |
الصف الثالث | 2009 | 121,645 | 20,000 | 7000 |
مرحلة الثانوية | 2008 | 121,645 | 20,000 | 7000 |
الصف الأساسي | 2007 | 124,263 | 20,000 | 7000 |
المرحلة النهائية | 2006 | 126,888 | 20,000 | 7000 |
مدرسة كيبلينج- Kipling School
الصف | السن في 1/10/2022 | رسوم التدريس | رسوم المصادر والاعتماد الأكاديمي | مصاريف الأنشطة |
ما قبل الحضانة | 2.5 | 52,101 | 16,000 | 3000 |
تأسيس 1 | 3.5 | 93,673 | 17,000 | 3000 |
تأسيس 2 | 4.5 | 93,673 | 17,000 | 3000 |
الصف 1 | 5.5 | 97,177 | 18,000 | 3000 |
الصف 2 | 6.5 | 97,177 | 18,000 | 3000 |
الصف 3 | 7.5 | 99,984 | 18,000 | 3000 |
الصف 4 | 8.5 | 99,984 | 18,500 | 3000 |
الصف 5 | 9.5 | 102,789 | 18,500 | 3000 |
الصف 6 | 10.5 | 106,296 | 18,500 | 7000 |
الصف 7 | 11.5 | 106,296 | 19,500 | 7000 |
الصف 8 | 12.5 | 109,801 | 19,500 | 7000 |
الصف 9 | 13.5 | 112,607 | 17,000 | 7000 |
الصف 10 | 14.5 | 112,607 | 12,250 | 7000 |
الصف 11 | 15.5 | 115,456 | 9500 | 7000 |
الصف 12 | 16.5 | 118,217 | 9500 | 7000 |
ومصاريف المدرسة غير شاملة لكتب الصف الـ 10،11،12، وإنما بتتحدد بعد كده.
وعنوان المدرستين واحد وهو: القرية الذكية، ب149، الكيلو 28، طريق القاهرة الإسكندرية الصحراوي، السادس من أكتوبر.
للتواصل مع الإدارة: – 235370100 – 235370200 235370135- 235370136
مدرسة ليسيه نفرتاري
مدرسة ليسيه نفرتاي الدولية بتشتهر بتقديم تعليم عالي الجودة؛ فهي بتقدم أكثر من نظام تعليمي متميز، وبناءً عليه بتمنح شهادات مختلفة للطلبة زي شهادة البكالوريا الفرنسية، والشهادة البريطانية، وشهادة الثانوية العامة وغيرهم.
المصاريف اللي بتطلبها المدرسة لقسم الفرنساوي بتكون 32,000 جنيه مصري لمرحلة رياض الأطفال، وبتوصل إلى حوالي 37.490 جنيه في المرحلة الابتدائية.
مصاريف المدرسة بتزيد مع التطور في المراحل الدراسية، فبالنسبة للصف السادس بتكون حوالي 42,400 جنيه مصري، ودا لسنة 2023.
عنوان المدرسة: طريق مصر الإسماعيلية الصحراوي – القاهرة.
للتواصل مع الإدارة: 26562521– 26562522 – 26562526
مدرسة القلب المقدس
مدرسة القلب المقدس هي مدرسة فرنسية معتمدة من وزارة التعليم الفرنسي ووزارة التربية والتعليم المصرية ومقرها القاهرة، وبتضم بنات فقط.
مصاريف المدرسة دي لعام 2023 كالآتي:
المستوى | رسوم القبول (للطلاب الجدد) | رسوم وسائل الراحة (سنويًا) | الرسوم الدراسية (شهريًا) | رسوم الامتحان (نصف سنوي) |
Nursery | 3500 | - | 1450 | 600 |
L.K.G | 3500 | 3000 | 1450 | 600 |
U.K.G | 3500 | 3000 | 1450 | 600 |
الصف 1 لـ 5 | 3500 | 3000 | 1450 | 1000 |
الصف 6 لـ 8 | 4000 | 3500 | 1600 | 1000 |
الصف 9 | 4000 | 5000 | 1950 | 1000 |
الصف 10 | - | 5000 | 2200 | 1000 |
الصف 11 | 4000 | 7000 | 2350 | 1200 |
الصف 12 | - | 7000 | 2600 | 1350 |
عنوان المدرسة: 17 شارع المعسكر الروماني – بالقرب من صيدلية العزبي – رشدي – إسكندرية.
للتواصل مع الإدارة: 0224453534 – 01227878523
اقرأ أيضًا عن: أشهر المدارس الفرنسية.
مميزات المدارس الفرنسية في مصر
بعد ما عرفنا مصاريف المدارس الفرنسية في مصر واللي بترتفع نسبيًا مقارنتًا بباقي المدارس الإنترناشونال، ودا لإنها بتقدم نظام تعليمي فريد من نوعه بيهتم بشكل كبير بشخصية الطالب ومهاراته، وبيركز دائمًا على تطويرهم، بالإضافة إلى إنه بيوفر للطالب المصري مناهج حديثة معتمدة بدون ما يكون في اضطرار للسفر، كمان من أهم مميزات نظام التعليم الفرنسي اللي مش بتكون موجودة في باقي الأنظمة الأخرى:
تقديم شهادة البكالوريا الفرنسية
شهادة البكالوريا الفرنسية هي شهادة معتمدة من وزارة التربية والتعليم المصرية ووزارة التعليم الفرنسية، وبتكون بمثابة شهادة الثانوية العامة في المدارس الرسمية.
الشهادة دي بتأهل الطالب للالتحاق بالجامعات والمعاهد الفرنسية حسب مجال دراسته.
إتقان الطالب للغة الفرنسية على مدار الدراسة
الدراسة في جميع المراحل التعليمية في المدارس دي بتكون باللغة الفرنسية، ومع الوقت الطالب بيقدر يتقن اللغة الفرنسية ويتكلم بيها.
ودا بيساعده على التعامل بشكل كويس لما يسافر فرنسا لاستكمال دراسته الجامعية.
زيادة وعي الطالب وقدرته على النقد
المدارس الفرنسية بتهتم بزيادة وعي الطالب على مدار سنوات دراسته، فعلى سبيل المثال بنلاقي إن دراسة مادة الفلسفة بتكون إجبارية لجميع الطلاب في المرحلة الثانوية، ودا بيساعدهم على التحليل النقدي للي بيدور حولهم، ومنها بيقدروا يكونوا فكر معين عن الظواهر حواليهم.
كمان الطالب في المدارس الفرنسية بيكون متطلع بصفة مستمرة على الثقافات الأخرى، ودي حاجة بالطبع بتزود وعيه، وتخليه منفتح على العالم.
عيوب المدارس الفرنسية في مصر
عدد الطلبة المقبلين على المدارس الفرنسية في مصر كل سنة دراسية بيكون أقل من المقبلين على باقي المدارس؛ ودا نتيجة وجود بعض المشكلات في تطبيق نظام التعليم الفرنسي في مصر اللي من أشهرها:
عدم الاهتمام باللغة العربية
المدارس الفرنسية في مصر بيتعاملوا مع اللغة الفرنسية كلغة أم، وبالتالي بنلاحظ إن بعض الطلبة في المدارس دي بيكون عندهم قصور في اللغة العربية نتيجة عدم الاهتمام بها.
ونتيجة كدا بنلاقي إن بعض أولياء بيرفضوا يقدموا لأولادهم في المدارس الفرنسية، وبيفضلوا عنها باقي المدارس الانترناشونال.
ارتفاع مصاريف المدارس الفرنسية في مصر
المدارس الفرنسية بتقدم مناهج مختلفة عن المناهج المصرية، بالإضافة إلى الخدمات التعليمية الأخرى، وبالتالي بتكون مصاريف المدارس الفرنسية في مصر أعلى من المصاريف المتعارف عليها في المدارس الرسمية.
لكن بعض أولياء الأمور وخصوصًا متوسطي الدخل بيواجهوا صعوبة في سداد المصروفات دي خلال فترة دراسة الطالب، وبالتالي بيختاروا بديل تاني للمدارس الفرنسية يقدم مناهج متميزة لكن بأسعار أقل تناسب قدرتهم المادية.
الخلاصة
المدارس الفرنسية في مصر هي مدارس انترناشونال معتمدة بتبدأ من مرحلة رياض الأطفال وتستمر إلى المرحلة الثانوية، وبتتميز بتقديم نموذج تعليمي متميز.
المدارس بتقدم خدماتها مقابل مصاريف سنوية، ومصاريف المدارس الفرنسية في مصر بتختلف باختلاف المدرسة والسنة الدراسية.
بتتميز المدارس الفرنسية بإنها بتقدم شهادة البكالوريا الفرنسية، وبتساعد الطالب على إتقان لغة جديدة، بالإضافة إلى الاهتمام بتنمية قدرات الطالب، لكن ظهرت بعض العيوب في المدارس دي أدت إلى تراجع أولياء الأمور عن التقديم فيها زي: قصور اللغة العربية عند الطلبة، وارتفاع مصاريفها.
اختيارك لمدرسة ابنك بيتوقف عليه مستقبله بالكامل، فلازم تحرص على اختيار مدرسة مناسبة لقدراته؛ عشان يقدر ينجح ويحقق أهدافه.
أضف تعليق