شروط الالتحاق بمدارس البترول بعد الإعدادية

شروط الالتحاق بمدارس البترول بعد الإعدادية

بمجرد انتهاء المرحلة الإعدادية، بيبدأ أولياء الأمور رحلة البحث عن مدرسة ثانوية تكون مختلفة لأولادهم، تساهم في تربيتهم وتعليمهم بشكل يؤهلهم لسوق العمل في المستقبل، علميًا وعمليًا، وكمان يعوّدهم على تحمل المسؤولية من بدري خصوصًا في سن زي سن المراهقة، ومن المدارس اللي بيغفل عنها بعض الآباء والأمهات أثناء فترة التقديم هي مدارس البترول، وعشان كدا في المقال دا هنتعرف على كل تفاصيلها وإيه المميزات اللي بتقدمها وشروط الالتحاق بيها.

ما هي مدارس البترول بعد الإعدادية؟

مدارس البترول من المدارس البديلة للثانوية العامة، واللي بنسبة كبيرة بتوفر لطلابها فرص عمل بعد ما يتخرجوا منها، سواء في شركات أو مصانع، ودا لأن أقسامها كلها عملية وتقنية، وبالتالي هي مكان بيأمّنلهم فرصة شغل بعد التخرج، وبيوفر لهم ميزة التقديم للكليات لو كانوا حابين يكملوا مسيرة تعليمهم.

كمان مدارس البترول بتنقسم لجزئين؛ منها الحكومي والخاص، وكل منهم بيشترك في مميزات كتيرة، ودا اللي خلاها مؤخرًا بقت وجهة مثالية لأولياء الأمور عشان يبعدوا عن الثانوية وفي نفس الوقت يتجهوا لمجالات مطلوبة على أرض الواقع.

مميزات مدارس البترول

مميزات مدارس البترولمدارس البترول مميزاتها كتيرة ومتنوعة، ولكن من أهم المميزات ونقاط القوة اللي بتتسم بيها إنها:

  • بتوفر للطلاب تدريب عملي داخل شركات النفط والموانئ على مدار العام بمرتبات شهرية عالية.
  • بيحصل الطلاب فيها على تدريبات عملية مكثفة داخل ورش المدرسة.
  • بتوفر للطلبة تأمين طبي وتأمين ضد الإصابات والمخاطر اللي ممكن يتعرضوا ليها أي شكل من الأشكال.
  • بتسمح مدارس البترول لخريجيها التسجيل في سجلات نقابة التطبيقيين.
  • بتتيح للخريجين الالتحاق بالكليات والمعاهد العليا المناسبة لتخصصاتهم من خلال مكتب التنسيق.
  • بيحصل خريج مدارس البترول على دبلوم فني بنظام 3 سنوات معتمد من إدارة الكفاية الإنتاجية ووزارة التربية والتعليم.
  • بتمّكن الطلاب من تأجيل التجنيد وخاصًة للي بلغوا سن التجنيد، كمان بتوفر إمكانية لخفض سنوات التجنيد لمدة عامين تبعًا لقوانين وزارة الدفاع.
  • بيحصل خريجي مدارس البترول على شهادة معترف بيها في جميع دول العالم، وليها الأولوية على أي شهادة تانية في الاتحاد الأوروبي.
  • مناسبة للبنين ومناسبة أيضًا للبنات.
  • بتؤهل خريجيها تحت يد نخبة من المتخصصين، عشان يكونوا مستعدين وجاهزين لمتطلبات سوق العمل.
  • بتقبل مدارس البترول الطلاب الحاصلين على الشهادتين الإعدادية العامة والأزهرية.
  • بتتم الدراسة في مدارس البترول بنسبة 70% بشكل عملي، و30% بشكل نظري.
  • بتطبق النظام الألماني من حيث الدراسة والتدريب العملي.

كمان لا بد من ذكر إن أقسام مدارس البترول كتيرة ومختلفة، يقدر من خلالها الطلبة إنهم يختاروا اللي مناسبهم وكمان اللي يناسب مجموعهم، وده هينقلنا للنقطة الجاية عشان نعرف إيه هي الأقسام دي.

أقسام مدارس البترول

مدارس البترول موجودة في أكتر من محافظة، وكل محافظة ليها أقسام خاصة بيها وتنسيق داخلي بيعتمد في الأساس على مجموع الطالب في الشهادة الإعدادية فمثلًا في:

محافظتي القاهرة والجيزة

في مدارس البترول الموجودة في القاهرة والجيزة بنلاقي:

  • قسم البترول يقبل الطلاب الحاصلين على 240 درجة في الشهادة الإعدادية.
  • قسم فني يقبل الحاصلين على مجموع 200 درجة في الشهادة الإعدادية.
  • قسم السيارات يقبل الحاصلين على مجموع 180 درجة في الشهادة الإعدادية.
  • قسم التبريد والتكييف يقبل الحاصلين على 160 درجة في الشهادة الإعدادية.
  • قسم الحاسب الآلي يقبل الحاصلين على مجموع 150 درجة في الشهادة الإعدادية، بالإضافة انه بشرط اجتياز امتحان قدرات في الحاسب الآلي.

محافظة الإسكندرية

الأقسام الموجودة في مدارس البترول بالإسكندرية هي:

تنسيق وشروط الالتحاق بمدارس البترول

التقديم في مدارس البترول بيتم تحت عدة شروط لازم تتوفر في الطلاب اللي بيتقدموا ليها، ومن أهمها:

1- يجب ألا يقل مجموع الطالب في الشهادة الإعدادية في نفس العام أو العام السابق عن 230 درجة من إجمالي الدرجات 280 درجة.
2- تفوق الطالب دراسيًا ولغويًا في اللغة الانجليزية وحاصل على مجموع عالي في المادة.
3- ألا يقل عمر الطالب عن 15 عاما، ولا يزداد عمره عن 18 سنة.
4- اجتياز الطالب المتقدم الكشف الطبي والنفسي.
5- تخطي كشف الهيئة والكشف الرياضي.
6- أن يكون الطالب مصري الجنسية
7- أن يكون المتقدم خريج نفس العام أو العام السابق.
8- عقد الامتحان الشفهي والتحريري في مادتي اللغة العربية والإنجليزية.
9- عقد مقابلة شخصية للطالب والتأكد من رغبته في الالتحاق بالمدرسة.

مصاريف مدارس البترول

زي ما ذكرنا؛ مدارس البترول في منها الحكومية وفي منها الخاصة، وطبعًا بتختلف مصاريف كل منهم، فبنلاقي:

مصاريف مدارس البترول الحكومية

مصاريف مدارس البترول الحكومية على مدار السنة هي أغلى الضعف تقريبًا من المدارس الثانوية العادية ولكن دا لأنها بتضمن مستقبل عملي لخريجيها مش بالضرورة بتضمنه مدارس الثانوية العامة.

مصاريف مدارس البترول بتبدأ من من مبلغ 1000 جنيه في السنة الدراسية.

مصاريف مدارس البترول الخاصة

مصاريف مدارس البترول الخاصةبيتم تحديدها على حسب القسم اللي الطالب هيدخله:

  • قسم البترول: 13 ألف جنيه.
  • قسم فني معمل سيارات: 10 آلاف جنيه.
  • قسم الحاسب الآلي: 9 آلاف جنيه.
  • قسم التبريد والتكييف: 9 آلاف جنيه.
  • قسم الكهرباء والإلكترونيات: 8 آلاف و500 جنيه.​​​​​​​

أماكن مدارس البترول

مدارس البترول من المدارس غير المنتشرة ولكنها موجودة في محافظات مختلفة زي:

محافظة القاهرة

وفيها مدرستين موجودين، وهما:

1- مدرسة الطيران على طريق كرداسة بالقرب من طريق المنصورية وتضم أقسام بترول- هندسة شبكات- حاسب آلي تخصص برمجة وصيانة- فني كيميائي

2- مدرسة الشروق الصناعية المطورة لنظم المعلومات بالمعادي.

محافظة الجيزة

مدرسة واحدة من مدارس البترول موجودة في محافظة الجيزة زي:

مدرسة الإسكندرية الثانوية الصناعية للبترول والنقل البحري والصناعات المتقدمة، واللي بتقع في منطقة حدائق الأهرام القديمة عند البوابة الثانية بوابة خفرع أمام عصير فرغلي، ويمكن التواصل معهم عن طريق الاتصال على الأرقام: 01091068440 – 01025770124.

محافظة الإسكندرية

مدرسة البترول في الإسكندرية ليها فرعين، أول فرع منهم هو:

1- مدرسة الإسكندرية الثانوية الصناعية للبترول والنقل البحري والصناعات المتقدمة واللي مكانها في منطقة الملاحة، بجانب قسم ثالث المنتزه، أمام شارع الملك.

يمكن التواصل معهم عن طريق الاتصال على الأرقام: 01010929317 – 01022317233 – 01024066662.

2- الفرع الثاني من مدرسة الإسكندرية الثانوية الصناعية للبترول والنقل البحري والصناعات المتقدمة واللي موجود على طريق 45 الدولي، حوض 6، طريق علي ماهر، أول سكة الشعيرة.

يمكن التواصل معهم عن طريق الاتصال على: 01213141516

وتقدر بردو تتواصل معاهم من خلال صفحتهم على الفيسبوك

محافظة الإسماعيلية

المحافظة دي موجود فيها مدرسة واحدة وهي المدرسة الفنية التجريبية المتقدمة لتكنولوجيا المعلومات قسم بترول، وتقع في الشيخ زايد بالإسماعيلية.

محافظة بورسعيد

هنا موجود مدرسة بترول باسم المدرسة الفنية التكنولوجية التجريبية قسم بترول في إدارة بورفؤاد، وعنوانها في شارع 23 ديسمبر حي المناخ.

محافظة مرسى مطروح

في محافظة مطروح بنلاقي المدرسة الفنية الصناعية بنين، واللي تعد من أقدم المدارس هناك، ومكانها بيقع بجوار الماسة بمدرسة مطروح الزيتية، بالقرب من قسم مطروح.

الأوراق المطلوبة للتقديم في مدارس البترول

بخصوص الأوراق المطلوبة للتقديم في مدارس البترول فهي عبارة عن:

– شهادة أصل و5 صور لشهادة ميلاد الطالب.
– أصل و4 صور للشهادة الإعدادية الخاصة بالطالب.
– 4 صور شخصية 4 في 6 حديثة.
– بطاقة صحية بمختوم من التأمين الصحي.
– طابع نقابة وطابع آخر تعليمي.
– تقديم بطاقة صحية للطالب بشرط أن يكون مختومًا من التأمين الصحي.
– صورة واحدة من بطاقة الرقم القومي لولي أمر الطالب.
– ملف التقديم يحتوي أيضًا على طلب الالتحاق لمدرسة البترول.

الخلاصة

مدارس البترول من المدارس اللي ليها ميزات كتيرة جدًا يقدر من خلالها الطالب إنه يدخل في سوق العمل بكل أريحية ويبدأ مسيرة تحمل المسؤولية من بدري.

مصاريف المدرسة نسبيًا مش كبيرة مقارنةً بباقي المدارس الحكومية أو الخاصة، أو حتى مقارنًة بمصاريف الثانوية اللي بيتم دفعها في الدروس والكتب، سواء كانت المدرسة حكومية بـ 1000 جنيه في السنة أو خاصة بتتراوح مصاريفها بين 8 – 13 ألف على حسب القسم اللي الطالب اختاره، غير إنها بتتواجد في 6 محافظات، وهي: القاهرة، الجيزة، الإسكندرية، الإسماعيلية، بورسعيد، مرسى مطروح.

وفي عصر زي عصر السرعة دلوقتي مهم أولياء الأمور يعرفوا يوجّهوا أولادهم للاختيار اللي يناسبهم مستقبليًا، ويطورهم، ويوفرلهم العلم والخبرة اللي هتساعدهم يكونوا أشخاص فعالة في المجتمع على أكمل وجه.

تقدر تعرف تفاصيل عن مدارس تانية  من خلال موقع دليل المدارس المصرية.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية

إقرأ أكثر..

  • No comments yet.
  • Add a comment