مشهد متكرر في بيوت كتير: طفل صغير بيكحّ طول الليل، صوته مخنوق، نفسه مش منتظم، ووشه مرهق من التعب… والأهل محتارين! نديه دواء؟ نروح للدكتور؟ ولا في حل طبيعي؟
في الحقيقة، “البلغم” من أكتر المشاكل المزعجة اللي بتصيب الأطفال سواء كانوا رُضّع أو أكبر شوية. وعلشان الأدوية مش دايمًا الخيار الأول خاصةََ مع الأطفال الصغيرين، كتير من الأمهات بيدوّروا على طرق طبيعية تكون فعّالة وآمنة في نفس الوقت، وهنا بييجي دور الأعشاب.
في المقال دا؛ هنقدملك دليل شامل عن علاج البلغم عند الأطفال بالأعشاب، وهنتكلم عن أشهر الأعشاب اللي ليها تأثير ملحوظ في تهدئة الجهاز التنفسي وطرد البلغم، وهنوضح إزاي تستخدميها بأمان، وإمتى تروحي للدكتور، وإزاي تفرقي بين البلغم العادي والمقلق.
فلو بتدوري على حلول طبيعية تخلي طفلك يتنفس براحة وينام من غير ما يصحى كل شوية من الكحة… تابعي القراءة.
علاج البلغم عند الأطفال بالأعشاب | أفضل الأنواع وأكثرها فعالية
تبعاً لدراسة اتنشرت على موقع ResearchGate فإن بعض الأعشاب ليها تأثير فعال لطرد البلغم وتهدئة السعال بطريقة آمنة للأطفال والكبار ودا لاحتوائها على مواد فعالة ومنها:
الزنجبيل
الزنجبيل من الأعشاب المعروفة بقدرتها على طرد البلغم وتخفيف الكحة. كمان ليه تأثير قوي في تقليل التهابات الحلق وفتح الشعب الهوائية، ودا بيساعد الطفل يتنفس براحة أكتر.
وتقدري تستخدميه في علاج البلغم عند الأطفال بالأعشاب بإنك تضيفي شريحة زنجبيل طازجة على كوب ماء ساخن، وتسيبيها تتنقع 10 دقايق، وبعدها تقدميها للطفل كل 3 أو 4 ساعات.
الزعتر
الزعتر من الأعشاب اللي ليها مفعول سحري في علاج مشاكل الجهاز التنفسي، خصوصًا في حالة التهاب الشعب الهوائية؛ بيهدي السعال، بيريح عضلات الصدر، وكمان بيساعد الجسم يقاوم البكتيريا.
ومن طرق علاج البلغم عند الأطفال بالأعشاب باستخدام الزعتر، إنك تنقعي معلقتين صغيرين من الزعتر الناشف في ماء ساخن لمدة 10 دقايق، وبعد كدا تصفيه وتقدميه دافئ للطفل.
الكركم
يعُد الكركم من الأعشاب القوية الغنية بمضادات الأكسدة، ودا لاحتوائه على مادة فعالة تُعرف باسم الكركمين، واللي بتساهم في تقليل التهابات الرئة والتخفيف من إنتاج المخاط الزائد. دا غير إن الكركم بيساعد على تعزيز جهاز المناعة وحماية أنسجة الرئة من تأثير العوامل البيئية الضارة.
ممكن تستخدميه في علاج البلغم عند الأطفال بالأعشاب عن طريق خلط معلقة صغيرة من الكركم المطحون في كوب ماء دافئ، ويتشرب مرتين أو تلاتة في اليوم، وممكن تضيفي عليه نقطة عسل أو شوية خل تفاح علشان الطعم يكون ألطف.
النعناع
تبعاََ لدراسة اتنشرت على موقع SageJournals فإن عشبة النعناع وزيتها من أفضل الأعشاب المضادة للفيروسات ونزلات البرد، ودا لإنه بيساعد على فتح الشعب الهوائية وتسهيل التنفس، ودا بفضل مادة المنثول اللي بتساعد على ارتخاء العضلات في القصبات الهوائية.
عشبة الفاساكا
تُستخدم عشبة الفاساكا أو ما يُعرف بجوز مالابار بشكل تقليدي في دعم صحة الجهاز التنفسي، ودا لاحتوائها على مركب طبيعي يُساعد على توسيع الشعب الهوائية وتسهيل التنفس.
دا بالإضافة إنها بتساهم في إذابة البلغم وطرده، وبالتالي يُنظّف الرئتين من المخاط المتراكم، وتستخدم من خلال وضعها على كوب شاي أو ماء دافئ، أو في شكل كبسولات كمكمل غذائي.
الريحان (التولسي)
يُعرف الريحان، وخصوصًا النوع المقدس “تولسي” بخصائصه العلاجية في تهدئة السعال وتنقية الرئتين. لإنه يحتوي على مركبات زي الأوجينول اللي بتساعد على طرد البلغم وتخفيف الاحتقان، بالإضافة إلى دعم الجهاز المناعي في مقاومة العدوى التنفسية.
ويمكن الاستفادة منه بإضافة أوراقه إلى الطعام أو تحضير شاي التولسي الدافئ.
شجرة الكينا (الأوكالبتوس)
تعمل على تفتيت البلغم وتنظيف المجاري الهوائية سواء من خلال استنشاق البخار أو تناول شاي الأوكالبتوس.
عرق السوس
واحد من أفضل طرق علاج البلغم عند الأطفال بالأعشاب، ودا لإنه بيساعد في تليين الأغشية المخاطية وتنشيط الجهاز التنفسي، ولا يستخدم أكتر من مرة يومياً.
اللبان الذكر
زيت لبان الذكر ليه خصائص مضادة للالتهاب، وبيفيد جدًا لما يكون سبب الكحة هو البرد أو التهاب الشعب الهوائية. تقدري تستخدميه كدهان خفيف على صدر الطفل.
الجينسنغ
يُعزز القدرة التنفسية ويُحسن مناعة الأطفال ضد الالتهابات، وله خصائص مقاومة للفيروسات.
البلسان (Elderberry)
غني بالفلافونويدات ويُقلل من أعراض البرد ويُنشّط المناعة ضد الفيروسات التنفسية.
جذر أوشا (Osha Root)
يعزز تدفق الدم في الرئتين، ويُخفف الاحتقان ويُفتح الممرات الهوائية، لكنه يُستخدم فقط لفترات قصيرة مش بشكل يومي.
الأناناس
الأناناس فيه مادة اسمها “البروميلين” بتساعد على تذويب البلغم وتقليل الالتهاب. يفضل شُرب الطفل كوب عصير أناناس 3 مرات في اليوم، أو ياكل شرايح منه.
الليمون والبرتقال
الليمون والبرتقال من أكتر الحاجات اللي بتساعد في علاج البلغم عند الأطفال بالأعشاب، ودا لأنهم غنيين بفيتامين C اللي بيقوي مناعة الطفل.
الليمون كمان بيساعد في مقاومة البكتيريا اللي ممكن تكون سبب في البلغم. تقدري تعملي مشروب دافئ بنص ليمونة في كوب ماء، وتضيفيله نقطة عسل، وتديه للطفل 3 مرات في اليوم.
ويفضل شرب عصير برتقال فريش مرة يومياً لزيادة المناعة.
الزيوت الطبيعية بدل الأعشاب
لو مش حابة تستخدمي أعشاب مباشرة، فيه طريقة تانية لـ علاج البلغم عند الأطفال بالأعشاب وهي الزيوت الطبيعية.
ممكن تحطي نقط من زيت النعناع، أو زيت الزعتر، أو زيت القرنفل، أو زيت الأوكالبتوس في ماء ساخن وتخلي الطفل يستنشق البخار (طبعًا تحت إشرافك وبحرص). الطريقة دي بتساعد على تفتيح النفس وتقليل البلغم اللي في الصدر.
طرق مساعدة لعلاج البلغم عند الأطفال بالأعشاب
في بعض الطرق بتساعدك في طرد البلغم أسرع وتحافظ على جهاز طفلك التنفسي، ومنها:
1. الغرغرة بالماء والملح
من الحاجات البسيطة اللي بتساعد في طرد البلغم من الحلق، هي الغرغرة بماء دافئ عليها رشة ملح؛ نستخدمها أكتر من مرة في اليوم بس نخلي بالنا إن الطفل ميبلعش الميه.
2. العسل
العسل معروف إنه بيقوي المناعة وبيقلل الالتهابات، فبيكون مفيد في حالات البلغم. نقدر نديه للطفل ملعقة صغيرة 3 مرات يوميًا، بس لازم ننتبه إن العسل مينفعش للأطفال أقل من سنة.
3. رفع رأس الطفل أثناء النوم
لو ابنك بيعاني من البلغم أو احتقان، ارفعي راسه شوية وهو نايم باستخدام وسادة، عشان دا بيساعد على تصريف المخاط وبيقلل السعال.
4. ترطيب الجو
لما الهوا بيكون جاف بيزود البلغم؛ علشان كدا مهم نرطّب الجو في أوضة الطفل بجهاز بخار أو نحط ميه في طبق قريب من السرير.
5. الحمام الدافي
حمام دافي لمدة 5 دقايق يملأ الحمام بالبخار، ودا بيساعد الطفل يتنفس أحسن ويطرد البلغم.
6. السماح بالكحة
الكحة طريقة الجسم لطرد المخاط، فمينفعش نمنع الطفل يكح أو يبلع البلغم. لازم نعلمه إنه يتخلص منه بطريقة صحيحة.
7. البعد عن المهيجات
زي الدخان أو الكيماويات أو المعطرات القوية، لأنها ممكن تزود الحساسية وتخلي البلغم أكتر.
8. شرب السوائل
زي الشوربة، الماء، والسوايل الدافية؛ دا بيرطّب جسم الطفل وبيساعد في إذابة البلغم وطرده.
علاج البلغم عند الرضع
الأطفال الرضع بيكونوا عرضة للإصابة بنزلات البرد بشكل كبير لضعف مناعتهم، وبتكون في الغالب مصاحبة لبلغم وسعال، ودا بيسبب توتر وقلق لأي أم، وبتبدأ تدور على طرق طبيعية تساعده يحس بالراحة.
ومن الحاجات اللي ممكن تفيد الأعشاب الطبيعية اللي ليها دور في إذابة البلغم وتسهيل خروجه، ومنها:
عشبة اللوبيليا
مشهورة بقدرتها على تقليل إنتاج المخاط في الجسم ومساعدة الجسم يتخلص منه من غير ما تزود الكحة. وبتستخدم من زمان في الطب الشعبي لعلاج الكحة المصحوبة ببلغم والتهاب الشعب الهوائية.
عشبة لوباريا الرئوية
بتكبر عادة على لحاء شجر البلوط، وليها تأثير مهدّي على الأغشية المخاطية، وبتساعد في تنظيف الحلق من البلغم، وبتعتبر آمنة للأطفال لما تستخدم بشكل سليم.
عشبة الراسن (الإلكامبان)
بتساعد جدًا في تخفيف البلغم وطرده، خصوصًا في حالات السعال الشديد أو الربو. وليها خصائص بتهدي التهابات الجهاز التنفسي وبتخلي الطفل يتنفس أسهل.
وطبعًا قبل ما نستخدم أي نوع من الأعشاب للرضع، لازم نرجع لطبيب الأطفال الأول علشان نتأكد إن العشبة مناسبة لحالة الطفل وسنه، خصوصًا إن مش كل الأعشاب تنفع لكل الأعمار.
اتعرفي على: أبرز أسباب الغيرة عند الأطفال ونصائح فعالة للتغلب عليها.
إيه أسباب البلغم عند الأطفال حديثي الولادة؟
وبترجع إصابة الطفل لنزلات البرد والسعال والبلغم عدد من الأسباب أهمها:
برد أو التهاب في الأنف
لما الطفل يجيله برد أو حساسية جسمه بيبدأ يكوّن مخاط كتير عشان يحارب الفيروسات. ودا ساعات بينزل من الأنف على الحلق، ويخلّي البيبي يكح أو صوته يتغير.
التهاب الشعب الهوائية
في الحالة دي بيكون فيه مخاط كتير في صدر الطفل، ودا بيخليه يتعب في التنفس، ويحصل صوت أزيز.
نزلات البرد والإنفلونزا
بيبان عليهم أعراض زي الرشح، والكحة، والسخونية، وكل دا ممكن يخلي البلغم يزيد.
الارتجاع المعدي
أوقات الطفل بيرجع اللبن أو الحليب، ودا ممكن يخلي الحلق يتأثر ويبدأ الجسم ينتج بلغم كطريقة دفاع.
الجو حواليه مش مناسب
زي الدخان أو التراب أو البرد الشديد… كل الحاجات دي ممكن تزود فرصة البلغم.
علشان كدا، قبل ما تفكري في علاج البلغم عند الأطفال بالأعشاب، مهم تعرفي السبب الأول وتتفاديه قدر الإمكان.
إزاي تتخلصي من البلغم عند الطفل حديث الولادة؟
البلغم مش بس بيضايق البيبي، دا ممكن يسبب مشاكل في التنفس أو التهابات، فمهم جدًا نتصرف بسرعة، ومن أهم الوسائل اللي هتساعدك:
زودي السوائل
لو طفلك بيرضع طبيعي زودي عدد الرضعات. ولو بدأ يشرب مياه زودي شوية كمان. الجسم المرتوي بيخلي البلغم أخف وأسهل في الخروج، دا بالإضافة للسوايل الدافية المسموحة ليه زي الكراوية، والينسون، والحلبة، والنعناع.
استخدمي شفاط الأنف
أداة بسيطة لكن فعالة. قبل ما تستخدميها حطي شوية محلول ملحي في أنفه وبعدها اسحبي المخاط بلطف.
قرّعيه على ضهره برفق
لو البيبي نايم على بطنه أو مائل لقدّام شوية، طبطبي على ضهره برفق، دا بيساعد يخرج البلغم.
رطّبي الجو
شغّلي جهاز ترطيب في أوضته، أو حتى حطي فوطة مبلولة على التكييف. الرطوبة بتخلي النفس أسهل.
نظفي المكان حوالين البيبي
نظافة السرير، الهدوم، وحتى لعبه بتفرق جدًا. الغبار والدخان والروائح القوية بتزود البلغم.
جربي الزيوت الطبيعية لكن بحذر
زي زيت الليمون أو الأوكالبتوس، نقطتين على الوسادة أو في مبخرة ممكن تساعده يتنفس أسهل. بس طبعًا بعيد عن جسمه مباشرة.
خلي جسمه دافي طول الوقت
البرد بيزود البلغم، فدفي البيبي خصوصًا لو الجو برد أو فيه تقلبات.
ودا طبعاََ بالإضافة لاستخدام علاج البلغم عند الأطفال بالأعشاب بعد استشارة الطبيب عن الأنواع المسموحة ليه.
إمتى لازم تروحي للدكتور فورًا؟
رغم إن علاج البلغم عند الأطفال بالأعشاب والطرق الطبيعية ممكن يجيب نتيجة كويسة؛ بس مهم تتابعي حالة طفلك دايمًا، وتعرفي إمتى الموقف محتاج تدخل طبي.
شوفي الأعراض دي لو ظهرت على طفلك لازم تروحي لأقرب دكتور:
- لون البلغم غريب؟ زي الأخضر، البني، أو حتى فيه لون أحمر؛ دا ممكن يكون علامة على عدوى أو وجود دم، ودا ما ينفعش يتسكت عليه.
- صعوبة في التنفس؟ يعني طفلك بينهج بسرعة، صدره بيهبط وهو بيكح، أنفه بتفتح وتقفل بسرعة؟ أو لونه بيزرق حوالين فمه؟ ساعتها لازم تروحي على طول.
- ترجيع كتير ومش قادر يحتفظ بالأكل؟ أو مش بيأكل خالص وباين عليه التعب أو النرفزة؟ كل دي علامات إن جسمه مش مستحمل البلغم.
- سخونية عالية أكتر من 38.5 وشفايفه نشفت أو نفسه بقى ريحته مش حلوة؟ دي علامات واضحة على عدوى.
- الكحة طولت؟ بقالها أكتر من أسبوعين؟ أو بتتعبه ومش عارف ينام منها؟ لازم تتابعي.
- ظهور حاجة من أذنه زي إفرازات؟ ممكن تكون نتيجة التهاب في أذنه من البلغم.
في كل الحالات دي، مهم تتحركي بسرعة وتوديه لدكتور متخصص، عشان الاطمئنان والعلاج الصح هيساهم في شفاءه أسرع.
في النهاية، علاج البلغم عند الأطفال بالأعشاب يُعد اختيار طبيعي وآمن في كتير من الحالات، خاصةً مع الأعشاب اللي بتساعد في تهدئة السعال وتسهيل التنفس. لكن مهم نستخدمها بحذر، ونتابع حالة الطفل كويس، خصوصًا لو استمر البلغم أو ظهرت أعراض مقلقة.
وافتكري إن دايمًا راحة طفلك تبدأ من وعيك واختيارك الصح.
المصادر
Mucus Mayhem – Home Remedies for Phlegm and Mucus in Kids.
Top 6 Herbal Remedies for Coughs and Respiratory Relief.
أضف تعليق