عدم التركيز عند الأطفال أسبابه وعلاجه | أهم الإرشادات

عدم التركيز عند الأطفال أسبابه وعلاجه

 

من أهم المشاكل اللي هنلاقي كتير من الآباء والأمهات بيعانوا منها هي عدم التركيز عند الأطفال عشان كده هنتطرق في المقال دا لموضوع عدم التركيز عند الاطفال أسبابه وعلاجه.

من طبيعة المرحلة العمرية اللي بتسبق سن المدرسة يكون الطفل ضعيف التركيز لفترات طويلة وسهل تشتيت انتباهه لكن ومع بداية دخوله المدرسة بتكون مشكلة كبيرة بتقلق الأهل إذا ظل الطفل بيعاني من عدم التركيز وتبدأ رحلة البحث عن عدم التركيز عند الأطفال أسبابه وعلاجه عشان يعرفوا الأسباب وإذا كان طفلهم طبيعي أو لا وإذا كان بيواجه مشكلة ايه هي طرق العلاج المناسبة.

مدى الانتباه والتركيز الطبيعي عند الأطفال attention span

بحسب طبيعة المرحلة العمرية اللي بيعيشها الطفل ومدى نمو قدراته ومهاراته وبتكون درجة تركيزه واتباهه.

وقبل ما نحدد ونقول إن الطفل بيعاني من عدم التركيز ونبدأ بالبحث عن عدم التركيز عند الأطفال أسبابه وعلاجه، محتاجين نعرف امتى فعلًا يكون الطفل بيعاني من عدم تركيز مش مجرد أمر طبيعي للمرحلة العمرية اللي هو فيها.

ونقدر نحدد متوسط عدد دقائق التركيز والانتباه للتعليمات الموجه للطفل حسب عمره ونقدر نقسمها لفئات كما يلي:

– العمر من سنتين إلى 3 سنوات: متوسط دقائق التركيز عنده من أربع إلى ست دقائق
– الطفل من سن 4 إلى 5 سنوات: متوسط دقائق التركيز عنده من 8 إلى 12 دقيقة
الطفل من سن 6 إلى 8 سنوات: متوسط دقائق التركيز عنده من 12 إلى 18 دقيقة
– الطفل من سن 8 إلى 10 سنوات: متوسط دقائق التركيز عنده من 16 إلى 24 دقيقة
– الطفل من سن 10 إلى 12سنة: متوسط دقائق التركيز عنده من 20 إلى 30 دقيقة
– الطفل من سن 12 إلى 14سنة: متوسط دقائق التركيز عنده من 24 إلى 36 دقيقة
– الطفل من سن 14 إلى 16 سنة: متوسط دقائق التركيز عنده 28 إلى 42 دقيقة
– من سن 16 سنة: متوسط دقائق التركيز عنده 32 إلى 48 دقيقة

أعراض عدم التركيز عند الأطفال

عدم التركيز عند الأطفال أسبابه وعلاجه

عشان نتأكد إن الطفل بيعاني من عدم التركيز بنلاحظ عليه ظهور بعض الأعراض والسلوكيات هنذكر بعضها عشان تكون ضمن الدليل لـ عدم التركيز عند الأطفال أسبابه وعلاجه عشان كده مهم نراقب سلوك الطفل وتصرفاته ونشوف مدى تكرارها والاماكن اللي بتظهر فيها عشان نقدر نوصل لمعرفة ايه اللي بيعاني منهالطفل بالفعل وبالتالي نقدر نقدم له المساعدة بالشكل الصحيح حسب حالته.

بعض أعراض عدم التركيز عند الطفل بتتمثل في:

  1. صعوبة الجلوس في مكان واحد لفترة زمنية ولو كانت بسيطة.
  2. صعوبة في اتباع التعليمات والإرشادات مهما كانت سهلة وواضحة.
  3. إظهار سلوكيات عدوانية أو مزاج متقلب صفة دورية وغيرهم من السلوكيات الغير الطبيعة لطفل في نفس عمره.
  4. ضعف الخط وسوءه مقارنة بأصدقائه في نفس العمر.
  5. فقدان أغراضه وأدواته بشكل مستمر.
  6. صعوبة الحصول على أصدقاء أو الاحتفاظ بهم.
  7. ضعف بعض المهارات الحركية زي الجري والقفز وكأنه بيتصرف بحماقة وعدم وعي وتركيز.
  8. الشرود بصفة مستمرة والتأمل في السماء أو في السقف لفترات طويلة.

متى يتحول عدم التركيز لـ ADHD؟

لتشخيص الطفل باضطراب فرط الحركة ونقص الانتباه لازم بتظهر على الطفل ثلاث أعراض رئيسية:

  • الاندفاع
  • فرط النشاط
  • عدم التركيز

وعشان يتم تشخيص الطفل باضطراب فرط الحركة والانتباه لازم دا يتم من قبل طبيب متخصص واللي بدوره هيقوم بجمع البيانات والملاحظات من خلال كل شخص تعامل معاه الطفل، ولازم تكون الأعراض دي ظهرت على فترات طويلة وبشكل مستمر وفي أكثر من مكان مختلف البين والمدرسة النادي وغيرهم.

لازم يتحرى الوالدين والمعلمين وكل من له صلة بالطفل الدقة وهم بيجابوا على أسئلة مقياس التصنيف الخاص بالطفل عشان يحصلوا على تقييم دقيق.

وبعدها الطبيب المسؤول هيبدأ يستبعد الأمراض والمشكلات اللي ممكن يكون لها نفس الأعراض اللي عند الطفل.

من المهم كمان مقارنة قدرته على الانتباه مع الآخرين في نفس العمر، في دراسة نشرت سنة 2012 إن الأولاد الأصغر سن بيكونوا عرضة أكثر للإصابة باضطراب فرط الحركة ونقص الانتباه بنسبة 30٪ من الأولاد الأكبر سن، وإن البنات الأصغر سن بيكونوا عرضة أكثر بنسبة 70٪ من البنات الأكبر سن.

عدم التركيز عند الأطفال أسبابه وعلاجه

لو لاحظنا على الطفل إنه فعلًا بيعاني من عدم تركيز ونقص انتباه بنبدأ نبحث عن عدم التركيز عند الأطفال أسبابه وعلاجه في محاولة لمعرفة ايه هي الأسباب وإذا كان ممكن يتجنبوها، وايه اللي ممكن يعملوه عشان يعالجوا الطفل.
هنتناول الأسباب والعلاج بالتفصيل.

أسباب عدم التركيز عند الأطفال

أسباب عدم التركيز عند الأطفال

من أهم أعراض اضطراب فرط الحركة عند الأطفال صعوبة الانتباه عشان كدا لما بيلاقي الوالدين إن الطفل عنده صعوبة في التركيز أول حاجة بتيجي في دماغهم إنه اضطراب فرط الحركة ونقص الانتباه، لكن في أسباب تانية ممكن تخلي عند الطفل عدم تركيز ودي هنتعرف عليها عشان يكون معاك دليل شامل لـ عدم التركيز عند الأطفال أسبابه وعلاجه

من أشهر الأسباب بنلاقي:

القلق

القلق بيعمل على حبس الدماغ وبيكون ذهن الطفل مشغول ومشوش فتلاقي الطفل خايف من ارتكاب الأخطاء أو الإحراج فالبتالي بيحاول يشغل نفسه وميركزش مع معلمه حماية لنفسه.

اضطراب الوسواس القهري

الطفل اللي بيعاني من الوسواس القهري هتلاقي عنده مركز كبير لتشتيت الانتباه في المقابل أنه بيحاول يمنع الأحداث السيئة عن طريق محاولته لترتيب المكان أو العد في رأسه أو التفكير في الحاجة إلى غسل يديه.

الصدمات

الأطفال اللي تعرضت للعنف بشكل كبير أو تعرضوا لأحداث صعبة في حياتهم بيظهر عليهم عدم التركيز وخصوصًا لو كان في مرحلة ما بعد الصدمة وهنجد الطفل بيعاني من إحساس دائم بعدم الأمان.

اضطرابات التعلم

الأطفال اللي بتعاني من عُسر القراءة مثلًا هنلاقيهم بيحاولوا يشتتوا أنفسهم بحيث ميظهروش بمظهر أقل من زملائهم، أو لو بيعاني من مادة الرياضيات هيسمح بأي حاجة تشتت انتباهه عشان ميكملش المادة دي.

روتين الطفل اليومي

قلة النوم، واتباع نظام غذائي غني بالسكريات والدهون، وعدم وجود غذاء صحي، استخدام الأجهزة الإلكترونية بشكل مفرط كلها عوامل بتأثر على تركيز الطفل.

الحالة الصحية

بعض الأدوية اللي ممكن بيتناولها الطفل أو مشاكل صحية زي نقص الحديد أو ضعف وظيفة الغدة الدرقية بتسبب عدم التركيز.

أسباب الإصابة بـ ADHD

في محاولة لمعرفة أسباب ADHD كجزء من البحث عن عدم التركيز عند الأطفال أسبابه وعلاجه هنجد إن في محاولات من العلماء لدراسة أسبابه وعوامل الخطر لمحاولة إيجاد أفضل طرق للعلاج أو تفاديه قبل حدوثه، لكن رغم ذلك إن الأسباب غير معروفة بشكل دقيق لكن يتوقع إن الأمور دي لها تأثير بشكل ما وعامل في الإصابة:

الوراثة

يعتقد العلماء إن الجينات هي أحد أهم العوامل الإصابة باضطراب فرط الحركة والانتباه، فلو ظهر في تاريخ العائلة المرضي شخص كان مصاب بالاضطراب دا فاحتمال وارد يكون انتقل إلى الطفل بصفة وراثية.

اضطراب في الدماغ وتغيير في بنيته

بيلاحظ إن الأطفال المصابة بالاضطراب بيكون نشاط المنطقة الدماغية المسؤولة عن النشاط والانتباه منخفضة، وممكن تعرض الطفل للارتجاج يأثر على عليه أو بعض التأثيرا الأخرى في الدماغ.

تعرض الجنين للتدخين والملوثات

اضطراب فرط الحركة أسبابه ممكن تتواجد من قبل ما يولد ودا لما بتكون الأم مدخنه أو ببتعاطى أي نوع من أنواع المخدرات، أو إذا تعرضت الأم لمواد سامة وملوثات طوال فترة الحمل، دا من شأنه يأثر على نشاط الخلايا العصبية للجنين ويكون أكثر عرضة للإصابة بالإضافة إلى تعرض الأم للإصابات في أثناء الحمل أو حتى تعرض الطفل للإصابات في الشهور الأولى.

نصائح لعلاج عدم التركيز في البيت

من المهم مراعاة عمر الطفل واختلاف احتياجاته ومحاولة الحفاظ على روتين يومي بما يتناسب مع سنه وجدوله الدراسي ولعبه، لأنها أهم الطرق في العلاج اللي بيتضمنها دليل عدم التركيز عند الأطفال أسبابه وعلاجه

ساعات نوم كافية

المهم إن الطفل يحصل على ساعات نوم تتناسب مع سنه، بالإضافة إن ساعة الاستيقاظ والنوم تكون محددة ويبتعد عن السهر لأنه بيأثر على التركيز.

غذاء صحي

كل أكله بيتناولها الطفل بتأثر على سلوكه ونموه وحركته، عشان كده من المهم إن وجبات الطفل تكون صحي وسليمه خاليه من السكريات والدهون المضرة، والاعتماد على الفواكه والخضروات والمكسرات ومحاولة تقديم الوجبات بشكل يحبه الطفل وفي مواعيد ثابته.

تقليل من الأجهزة الإلكترونية

من المهم تحديد ساعات الترفيه للطفل باستخدام الأجهزة اللوحية أو مشاهدة التلفزيون، وتجنب التعامل معاها قبل النوم بفترة كافية عشان متسببش نشاط في دماغ الطفل قبل النوم فيصعب عليه النوم في الوقت المحدد.

لعب الرياضة

هتوفر الرياضة للطفل فرصة لتنشيط جسمه والمحافظة على صحته الجسدية والعقلية والنفسية، بالإضافة إلى إنها تمرين جيد على التركيز.

الطرق الطبية لعلاج ADHD

ي دليل علاج “عدم التركيز عند الأطفال أسبابه وعلاجه” أحد طرق علاج ADHD عند الأطفال بيتمثل في الدواء وتناول أدوية معينة على حسب وصفة الطبيب بجانب أنواع العلاج السلوكي والمعرفي.

تناول الأدوية هيساعد الطفل على إدارة أعراض اضطراب فرط الحركة ونقص الانتباه في حياتهم، وتساعدهم على التحكم في سلوكياتهم اللي بتسبب صعوبة مع العائلة والأصدفاء والمجتمع.

الطبيب بيوصف للطفل الدواء على حسب حالته، وممكن الطفل تظهر عليه بعض الأعراض الجانبية زي انخفاض الشهية أو مشاكل في النوم وفي بعض الأطفال مش بتظهر عليهم أي أعراض وممكن يستجيب طفل لأحد الأدوية بشكل كويس لكن بيكون ليه تأثير مخالف مع غيره، عشان كده مهم اتباع تعليمات الطبيب ولو ظهر أي أعراض على الطفل في حين تناول الدواء يتم الرجوع إليه واستشارته.

مهم ما نعتمدش على أدوية بس في علاج اضراط فرط الحركة والانتباه عند الطفل لكن كمان اتباع العلاج السلوك والمعرفي هيساعد الطفل بشكل كبير على إدراك تصرفاته ومشاعره واللي بيمر بيه وبالتالي مع متابعة المعالج والأهل والمهتمين بالطفل هيبدأ الطفل يغير سلوكه ويتحكم في تصرفاته بشكل أكبر وأفضل ودا هيتم بالتدريج مع الممارسة واتباع تعليمات المعالج.

متى ألجأ لمساعدة طبيب؟

متى ألجأ لاستشارة طبيب نفسي لعلاج طفلي؟

لو لقيت طفلك أظهر تكرار الأعراض اللي سبق وذكرناها وفي أماكن مختلفة، ولو لقيت معلم الطفل بينبهك لسلوك الطفل وأن الطفل بيعاني من أعراض ظهور اضطراب فرط الحركة والانتباه فخد طفلك وزوروا طبيب الأطفال وهو هيساعدك بالتوجيه السليم.

الدكتور هيتطلب منك ومن كل شخص بيتعامل مع الطفل بعض الملاحظات والدقة في الإجابة على بعض الأسئلة والتقييم، أو إذا كان الطبيب معندوش الخبرة الكافية في الجزء دا فهيحلك على طبيب نفسي وهو هيساعدك بطريقة أفضل لتشخيص ومعرفة إذا ما كان الطفل فعلًا بيعاني من اضراب فرط الحركة والانتباه ولا هو بيعاني من عدم التركيز ومن هنا يتم التوجيه إلى عدم التركيز عند الأطفال أسبابه وعلاجه وكمان ممكن يساعدك ويوجه ليك النصائح اللي تفيدك وتفيد طفلك.

متترددش في طلب المساعدة في أي وقت من الطبيب أو المعلم أو المشرف على الطفل.قبل ما تبدأ تبحث عن عدم التركيز عند الطفل أسبابه وعلاجه اعرف إذا كان تركيز وانتباه طفلك حسب سنه أمر معقول أو لا، وراعي دايمًا إن مش كل عدم تركيز وقلة انتباه معناه الإصابة بـ ADHD.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

ماث شيت – Math Worksheet 2

ماث شيت – Math Worksheet 2 يحتوي  علي الارقام و الاعداد للاطفال في مرحلة الكي جي للتدريبات علي توصيل الارقام و كتابتها و المراجعة عليها

كي جي 1 انترفيو – KG 1 Interview Worksheet

كي جي 1 انترفيو – KG 1 Interview Worksheet بيساعدك تدرب طفلك علي اسئلة اللي بيتعرض ليها اثناء التقديم لاي مدرسة لمرحلة الحضانة تدريبات اخري

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق