في عالم بيتغير بسرعة وبيعتمد أكتر على الابتكار والعلم، ظهرت جامعة زويل للعلوم والتكنولوجيا كرمز للنهضة العلمية في مصر. من أول لحظة اتأسست فيها كان هدفها واضح؛ إنها تبقى منصة تعليم وبحث وابتكار تواكب أحدث المعايير العالمية، وتبني جيل قادر ينافس مش بس محليًا لكن كمان دوليًا.
جامعة زويل أكتوبر مش مجرد جامعة تقليدية، لكنها مشروع قومي بيجمع بين التعليم المتميز، البحث العلمي المتطور، وفرص ريادة الأعمال. ومن خلال جامعة زويل وأقسامها المتنوعة، الطلاب بيلاقوا تخصصات حديثة زي الطاقة المتجددة، تكنولوجيا النانو، الذكاء الاصطناعي، والعلوم الطبية الحيوية… مجالات كلها بترسم خريطة المستقبل.
ودا هيكون موضوع مقالنا هنتكلم فيه عن جامعة زويل للعلوم والتكنولوجيا، تخصصاتها، مصاريفها، وشروط القبول فيها، تابع معانا.
1- نبذة عن مدينة زويل للعلوم والتكنولوجيا
مدينة زويل اتأسست كصرح علمي مستقل غير هادف للربح، هدفه التعليم والبحث والابتكار. البداية كانت في 1 يناير 2000 لما اتحط حجر الأساس، لكن المشروع اتأخر سنين طويلة لحد ما حصلت ثورة 25 يناير 2011 واللي كانت نقطة تحول كبيرة.
وقتها الحكومة المصرية طلبت من العالم الكبير الراحل أحمد زويل إنه يشكل المجلس الاستشاري الأعلى ويعيد إطلاق المبادرة في نفس مكانها الأصلي.
وبالفعل، في 11 مايو 2011، مجلس الوزراء أصدر قرار بإنشاء المشروع القومي للنهضة العلمية، واللي اتسمّى “مدينة زويل للعلوم والتكنولوجيا”. وافتتاحها رسميًا كان في 1 نوفمبر 2011، ولما صدر القانون رقم 161 لسنة 2012 بقى الوضع القانوني للمدينة ثابت وواضح، وحدد أهدافها ومكوناتها.
مكونات مدينة زويل
مدينة زويل مش مكان واحد بس، هي عبارة عن 3 مكونات أساسية كل واحد ليه دور، لكنهم بيكملوا بعض:
- جامعة زويل للعلوم والتكنولوجيا: ودي قلب المدينة، المكان اللي بيتجمع فيه الطلبة عشان يتعلموا تخصصات متقدمة.
- معاهد البحوث: عبارة عن المعامل والمراكز اللي بتتم فيها الأبحاث على أعلى مستوى، وبتخلي الجامعة دايمًا مواكبة لأحدث التطورات العلمية.
- وادي العلوم والتكنولوجيا: ودا خاص بالجزء العملي اللي بيربط البحث العلمي بالصناعة، بحيث الأفكار الجديدة تتحول لمشروعات وشركات ناشئة تخدم الاقتصاد.
أهداف مدينة زويل
مدينة زويل للعلوم والتكنولوجيا مش مجرد جامعة، دي مؤسسة ليها رؤية استراتيجية واضحة، والأهداف الأساسية بتتلخص في إنها:
- تقرّب المسافة بين الجامعة والصناعة، بحيث العلم يتحول لتطبيقات تخدم البلد وتسد الفجوة بين النظري والعملي.
- تعمل برؤية شفافة باستراتيجيات واضحة ونتايج قابلة للقياس والمساءلة.
- توفر تعليم متميز للمصريين، وتخرج جيل عنده وعي ومهارات عالية.
- تعتبر الحلقة بين التعليم والبحث واحتياجات المجتمع.
- ترعى المواهب من بدري وتديهم الفرصة يبدعوا.
- تهيأ بيئة مناسبة للابتكار والتطوير.
2- كليات جامعة زويل للعلوم والتكنولوجيا وتخصصاتها
جامعة زويل للعلوم بتضم 4 كليات رئيسية، كل واحدة فيهم ليها تخصصات قوية بتغطي مجالات مطلوبة جدًا في سوق العمل المحلي والعالمي. الفكرة إن الجامعة مش مجرد مكان للدراسة، لكن مشروع قومي هدفه يطلع جيل جديد من العلماء والمهندسين ورواد الأعمال.
كلية الهندسة
من أكتر الكليات اللي عليها إقبال في جامعة زويل، لأنها بتضم تخصصات حديثة ومواكبة للتطورات العالمية، زي:
- هندسة الفضاء والطيران: مجال بيتوسع بشكل كبير في مصر والعالم.
- هندسة الاتصالات والمعلومات: أساس التحول الرقمي والتكنولوجي.
- الهندسة البيئية: لحل مشاكل التلوث وحماية الموارد الطبيعية.
- هندسة الطاقة المتجددة: للتركيز على الطاقة الشمسية والرياح.
- هندسة تكنولوجيا النانو: واحد من أهم تخصصات المستقبل.
كلية الحوسبة والذكاء الاصطناعي
بيضم 4 أقسام رئيسية:
- علوم الحوسبة والذكاء الاصطناعي من أحدث الكليات في جامعة زويل للعلوم والتكنولوجيا، وبتجهز الطلبة لمجالات الذكاء الاصطناعي وعلوم البيانات اللي بقت مطلوبة جدًا في كل الصناعات دلوقتي.
- علوم الحوسبة والمعلومات، ودا مجال بيجمع بين الرياضيات، الحوسبة، والبحث العلمي.
- تكنولوجيا المعلومات، ودا مجال واسع بيفتح فرص كتير في شركات التكنولوجيا
- تطوير البرمجيات (Software development).
كلية العلوم
كلية العلوم في جامعة زويل تعتبر الأساس في مجال البحث العلمي، وبتلعب دور مهم في تطوير العلوم والتكنولوجيا. الكلية بتقدّم 4 تخصصات مميزة، وكل واحد فيهم ليه مستقبل قوي:
- العلوم الطبية الحيوية: ودا بيشمل مجالات زي البيولوجيا الجزيئية والخلوية، علم الجينوم، البيولوجيا الحاسوبية، وتصميم الأدوية.
- الفيزياء التطبيقية: ودا تخصص بيحول النظريات الفيزيائية لحلول واقعية بنستخدمها في حياتنا اليومية.
- علوم المواد: لدراسة وتطوير خامات جديدة ممكن تُستخدم في الصناعات المتقدمة.
- علوم النانو: مجال حديث بيركز على دراسة المواد في نطاق صغير جدًا لتطبيقات دقيقة في الطب، الإلكترونيات، والطاقة.
كلية إدارة الأعمال
الكلية دي في جامعة زويل للعلوم والتكنولوجيا بتجمع بين الأساسيات الإدارية والابتكار في نفس الوقت، وبتقدم تخصصات زي:
- التسويق وريادة الأعمال وإدارة الابتكار.
- سلاسل الإمداد والتوريد وإدارة التكنولوجيا.
- التحليل الاكتواري وإدارة المخاطر.
- إدارة التمويل والاستثمار.
3- تنسيق جامعة زويل للعلوم والتكنولوجيا
أعلنت جامعة زويل عن تنسيق العام الدراسي 2025 – 2026 للشهادات العربية والأجنبية، والثانوية العامة والأزهرية:
- كلية علوم الحوسبة والذكاء الاصطناعي: 65% للشهادات العربية والأجنبية ، 61% للثانوية العامة والأزهرية.
- كلية إدارة الأعمال: 58% لطلاب الشهادات العربية والأجنبية، و55% للثانوية العامة والأزهرية.
- كلية العلوم: 60% لطلاب الثانوية العامة والأزهرية، والشهادات العربية والأجنبية.
- كلية الهندسة: 68% للثانوية العامة والأزهرية، و70% للشهادات العربية والأجنبية.
اتعرف على: أهم عيوب الجامعة العمالية.
4- هل جامعة زويل للعلوم والتكنولوجيا معتمدة؟
الجامعة معتمدة رسميًا في مصر. دا غير إن جامعة زويل أكتوبر بتندرج تحت الجامعات الخاصة المعترف بيها من وزارة التعليم العالي والمجلس الأعلى للجامعات. يعني الطالب اللي بيتخرج من هناك شهادته مُعترف بيها جوه مصر وبرّه كمان. ودا بيدي اطمئنان كبير للأهالي إن مستقبل أولادهم في أيد أمينة.
ودي أهم الاعتمادات الدولية لجامعة زويل:
برامج الهندسة والعلوم في جامعة زويل للعلوم والتكنولوجيا معتمدة دوليًا من هيئة الاعتماد الأمريكية ABET، ودي من أرقى وأقوى الجهات اللي بتقيم الجامعات على مستوى العالم. ودا بيأكد إن المناهج والمعامل فيها على أعلى مستوى.
غير التدريس، الجامعة عندها مراكز أبحاث على مستوى عالمي، زي: مركز التميز العلمي لأبحاث وتحليل الغذاء (CSEFRA) في جامعة زويل وأقسامها المختلفة، واللي أخد اعتماد دولي ISO 17025 من المجلس الوطني للاعتماد المصري (EGAC) وكمان من المنظمة الدولية لاعتماد المختبرات (ILAC). ودا بيأكد إن شغل البحث العلمي عندهم معترف بيه عالميًا.
والاعتمادات دي بتحقق مميزات مهمة جدًا للجامعة، زي:
- دراسات عليا بسهولة؛ ودا لإن الشهادات المعتمدة دي بتسهل على الطالب إنه يكمل ماجستير أو دكتوراه برّه من غير مشاكل معادلة في بعض الحالات.
- فرص شغل متميزة؛ فبنلاقي خريج الجامعة بيكون ليه فرص إنه يشتغل في كبرى الشركات سواء في مصر أو خارجها.
- مواكبة المعايير العالمية لإن المناهج هناك مش بس محلية، دي كمان متوافقة مع أحدث النظم الأكاديمية العالمية.
- مصداقية عالية؛ ودا لإن الجامعة ليها سمعة قوية جوه وبرّه مصر، وبتدي ثقة في جودة التعليم.
اقرأ: كل ما تريد معرفته عن الجامعة الألمانية بالقاهرة.
5- مصاريف جامعة زويل للعلوم والتكنولوجيا
بتتحدد مصاريف الجامعة على حسب الكلية وعدد الساعات المعتمدة اللي الطالب هيسجلها. ودي المصاريف اللي أعلنت عنها الكلية للعام الدراسي 2025 – 2026:
كلية الهندسة وكلية العلوم
الكليتين نفس المصاريف للساعة المعتمدة باختلاف عدد الساعات للتخرج من كل كلية.
- الطلاب المصريين: 4200 جنيه مصري للساعة المعتمدة.
- الطلاب غير المصريين: 350 دولار أمريكي للساعة المعتمدة.
والطالب لازم يكمّل على الأقل 144 ساعة معتمدة عشان يتخرج من كلية الهندسة، و 130 ساعة فقط لكلية العلوم.
كلية علوم الحوسبة والذكاء الاصطناعي
- الطلاب المصريين: 3080 جنيه مصري للساعة المعتمدة.
- الطلاب غير المصريين: 250 دولار أمريكي للساعة المعتمدة.
وطالب الكلية لازم يكمل على الأقل 132 ساعة معتمدة خلال فترة دراسته عشان يحصل على شهادة التخرج.
كلية إدارة الأعمال
- الطلاب المصريين: 2800 جنيه مصري للساعة المعتمدة.
- الطلاب غير المصريين: 250 دولار أمريكي للساعة المعتمدة.
وطالب كلية إدارة الأعمال في جامعة زويل أكتوبر لازم يكمل على الأقل 132 ساعة معتمدة علشان يتخرج.
ملاحظات مهمة عن المصاريف
- قابلية التغيير: المصاريف مش ثابتة، وممكن يحصل تحديث من سنة للتانية، عشان كدا دايمًا الأفضل متابعة الموقع الرسمي لـ جامعة زويل وأقسامها عشان تكون المعلومات دقيقة وحديثة.
- رسوم تسجيل غير قابلة للاسترداد: بعد قبول الطالب في جامعة زويل أكتوبر، لازم يدفع رسوم تسجيل حوالي 10,000 جنيه مصري (ومش بيتم استردادها) حتى لو مكملش.
- رسوم إضافية: ممكن يتضاف رسوم إدارية أو رسوم معامل قيمتها بتتراوح بين 15,000 لحد 30,000 جنيه.
جامعة زويل للعلوم والتكنولوجيا موفّرة للطلاب نظام دفع مريح بحيث يقدروا يسددوا المصاريف على أربع دفعات خلال السنة الدراسية. ودا بيخلي الأمر أسهل على الأهالي وبيوزع العبء المالي بدل ما يكون مرة واحدة.
6- شروط القبول بجامعة زويل للعلوم والتكنولوجيا 2025
لو عايز تنضم لـ جامعة زويل في 2025، فيه شوية شروط وخطوات أساسية لازم تتبعها.
المؤهل الدراسي
حصول الطالب على شهادة الثانوية العامة أو الثانوية الأزهرية أو ما يعادلها من مدرسة معتمدة، سواء كانت عربية أو أجنبية.
الشعبة الدراسية المطلوبة
حصول الطالب على شهادة الثانوية من الشعبة العلمية سواء (علمي رياضة أو علمي علوم) لكليات الهندسة والعلوم، والقسم الأدبي متاح ليه كلية إدارة الأعمال فقط.
الحد الأدنى للمجموع
الحصول على المجموع المطلوب للقبول، واللي بيتحدد وبيتعلن عنه كل سنة حسب نظام الجامعة.
اختبارات القبول
اجتياز اختبارات القبول في الرياضيات، الفيزياء، الكيمياء، والتفكير النقدي. ودي بتقيس مستوى الطالب الأكاديمي واستعداده للتخصص.
اختبار اللغة الإنجليزية
اجتياز اختبار تحديد مستوى في الإنجليزي، ودا مهم علشان أغلب الدراسة في الجامعة بتكون بالإنجليزي.
المقابلة الشخصية
آخر خطوة في التقديم هي اجتياز المقابلة الشخصية، ودي الجامعة بتستخدمها علشان تقيم شخصية الطالب واهتمامه بالمجال اللي مقدم عليه.
اقرأ: كل ما تريد معرفته عن مصاريف جامعة حلوان الأهلية 2025 وشروط التقديم.
7- خطوات التقديم في جامعة زويل أكتوبر
التقديم في جامعة زويل بيجمع بين التقديم الإلكتروني والورقي، ودي الخطوات المطلوبة سنويًا:
- التقديم الإلكتروني هو الخطوة الأولى لتقديم طلب الالتحاق أونلاين من خلال الموقع الرسمي لـ جامعة زويل أكتوبر.
- رفع المستندات كنسخة إلكترونية من المستندات المطلوبة زي بطاقة الرقم القومي وصورة شخصية.
- دفع رسوم التقديم بعد التسجيل، بيجيلك رقم تعريف خاص وتعليمات لدفع رسوم التقديم، والرسوم دي غير قابلة للاسترداد.
- اجتياز بعض الاختبارات في الرياضيات، الفيزياء، الكيمياء، بالإضافة لاختبار تحديد مستوى اللغة الإنجليزية. (خاص بالكليات العلمية)
- المقابلة الشخصية بعد اجتياز الاختبارات، بيكون فيه مقابلة شخصية لتقييم الطالب بشكل أوسع.
- القبول النهائي بيكون بعد استكمال كل الخطوات دي بنجاح.
ففي حالة الرغبة في التقديم بيبدأ الطالب بملئ استمارة التقديم الخاصة بـ جامعة زويل وأقسامها من خلال الرابط الرسمي، ودي الصفحة الرسمية للجامعة على الفيس بوك لمتابعة أي معلومات جديدة.
8- تفاصيل برنامج المنح
الأهالي دايمًا بيسألوا: هل فيه منح متاحة لطلاب جامعة زويل للعلوم والتكنولوجيا؟ والإجابة: أيوة بالفعل الجامعة بتوفر فرص حقيقية من خلال برنامج المنح الجامعية اللي بتنفذه الجامعة الأمريكية بالقاهرة بتمويل من الوكالة الأمريكية للتنمية الدولية (USAID).
والبرنامج دا معمول خصيصًا علشان يدي للطلاب المتميزين فرصة يكملوا دراستهم الجامعية في مؤسسات مرموقة زي الجامعة الأمريكية بالقاهرة أو جامعة زويل أكتوبر.
أهم التفاصيل:
- مدة المنحة: بتغطي فترة من 4 لـ 5 سنين دراسة كاملة، وفي بعض الحالات ممكن تشمل كمان سنة تمهيدية إضافية للطلاب اللي محتاجين دعم أكاديمي قبل ما يبدأوا دراستهم الأساسية.
- الطلاب المستفيدين: أي طالب بيستوفي شروط القبول سواء في الجامعة الأمريكية أو في جامعة زويل وأقسامها المختلفة، يقدر يستفيد من البرنامج دا.
- القيمة التعليمية: المنحة مش بس بتغطي المصاريف، لكنها كمان بتدي فرصة للطالب إنه يدرس في بيئة أكاديمية متميزة وتحت إشراف نخبة من الأساتذة.
أهمية المنحة
وجود منحة بالشكل دا في جامعة زويل للعلوم والتكنولوجيا بيأكد إن الجامعة مش بس بتركز على المصاريف أو الموارد المالية، لكن كمان بتدي فرصة للطلبة الموهوبين إنهم يحققوا حلمهم حتى لو ظروفهم المادية صعبة. ودا بيساعد على بناء جيل جديد متعلم ومبتكر، ودي الرسالة اللي قامت عليها مدينة زويل من البداية.
الخاتمة
جامعة زويل للعلوم والتكنولوجيا مش مجرد مؤسسة تعليمية، لكنها مشروع قومي بيجمع بين العلم، البحث، والابتكار.
من أول تاريخ تأسيسها لحد اعتمادها المحلي والدولي، وجامعة زويل أثبتت إنها بتقدم نموذج مختلف للتعليم في مصر. ومع وجود كليات متنوعة زي الهندسة، العلوم، علوم الحوسبة، وإدارة الأعمال، ومع مصاريف واضحة ونظام دفع ميسر أصبحت جامعة زويل أكتوبر اختيار مثالي للطلاب الطموحين.
دا بالإضافة لبرنامج المنح الدراسية اللي بيأكد وجود فرصة مفتوحة قدام الموهوبين مهما كانت ظروفهم.
باختصار، جامعة زويل وأقسامها بتمثل مستقبل التعليم والبحث العلمي في مصر.
أضف تعليق