الفرق بين المدارس الناشونال والانترناشونال في مصر

الفرق بين المدارس الناشونال والانترناشونال في مصر

دايمًا ولي الأمر بيقابل صعوبة في اختيار مدرسة مناسبة لطفله، ولإن قراره دا بيترتب عليه مستقبله، فلازم يكون على دراية كافية بنظام  التعليم بالمدارس اللي حابب يختار بينهم، ويعرف أهم المميزات والعيوب الموجودة قبل ما ياخد قراره النهائي، ومن أشهر المدارس اللي ولي الأمر بيحتار بينهم هي المدارس الناشونال والانترناشونال.

عشان كدا في المقال ده هنعرض إيه هو الفرق بين المدارس الناشونال والانترناشونال في مصر، وإيه أهم المميزات والعيوب لكل نوع، عشان نسهل على ولي الأمر قرار اختيار المدرسة الأنسب لابنه.

ما هو التعليم الناشونال؟

هو نظام تعليمي بيتبع المناهج المصرية، وبيطبقها بالطريقة التقليدية المتعارف عليها، وبتُسمى كمان بالمدارس الأهلية، وبيخضع طلابها للاختبارات الخاصة بوزارة التربية والتعليم المصرية.

وهي النوع الغالب في مصر، وعدد كبير من الطلبة بيقبل عليها كل سنة؛ ودا لإن المصاريف اللي بتطلبها من ولي الأمر بتكون بسيطة جدًا، فبتكون مناسبة لمحدودي ومتوسطي الدخل في مصر.

وطريقة التعليم في المدارس الناشونال بتكون مميزة أكتر من الموجودة في المدارس الرسمية في مصر؛ لإنها بتهتم باللغات، وإتقان الطالب ليها، واللي بتكون ميزة أكبر في المدارس الدولية كمان، ودي نقطة جوهرية في الفرق بين المدارس الناشونال والانترناشونال.

دا غير الاهتمام بمهارات الطالب، والأنشطة اللي بينفذها خلال السنة الدراسية، واللي بتكون أكتر من المدارس الرسمية؛ لإن عدد الطلبة في الفصول بيكون أقل إلى حدٍ ما. 

كمان مناهج التعليم الناشونال أغلبها بيكون قائم على الحفظ والتلقين، والغرض منها حصول الطالب على درجات عالية تؤهله للانتقال من سنة دراسية للتانية. 

وهنا بيظهر بوضوح الفرق بين المدارس الناشونال والانترناشونال في مصر؛ لإن الدراسة في النظام الانترناشونال بتبعد تماماً عن الحفظ التلقين. 

فبيكون تركيز الطالب مُنصب ناحية الحصول على درجات عالية، فبيبدأ بحفظ المناهج التعليمية في الغالب من غير ما يدي لنفسه وقت إنه يفهمها كويس؛ عشان يقدر يستفيد منها أو يطبقها.

وعشان النقطة دي بيبدأ أولياء الأمور يبحثوا عن نظام تعليمي آخر يقدم مميزات أعلى للطالب، ويساعده على التفوق، والوصول لهدفه، وتفكيرهم غالباً بيكون ناحية المدارس الانترناشونال.

ما هو التعليم الانترناشونال؟

هو تعليم بيقدم مناهج مختلفة عن المتعارف عليها في المدارس الرسمية، أو الخاصة في مصر، والمناهج دي بتكون دولية، بمعنى إن نظام التعليم الأمريكي في مصر بيقدم مناهج معتمدة من أمريكا، والنظام الكندي بيتبع المناهج الكندية، وهكذا. 

وبيحصل الطالب في نهاية الدراسة على شهادة معتمدة من الدولة المسؤولة عن النظام دا، بتؤهله لاستكمال دراسته في الخارج. 

الفرق بين المدارس الناشونال والانترناشونال كبير جداً؛ لإن المدارس الانترناشونال:

  1. بتطبق أحدث التقنيات التعليمية في النظام اللي بتقدمه.  
  2. بتخرج جيل قادر على مواكبة التغيرات حواليه، والتعامل معاها بحكمة. 
  3. بتركز مناهجها  على زيادة وعي الطالب. 
  4. بتنمي مهارات الطالب بشكل مستمر. 
  5. ما بتعتمدش أبداً على نظام الحفظ التلقين.

ودا بيخلي الطالب متطلع دايمًا على الثقافات الدولية من خلال نمط تعليمي مختلف عن اللي بيتم تطبيقه في المناهج المصرية، وبيكون منفتح على العالم من خلال دراسته.

أنواع المدارس الناشونال

أنواع المدارس الناشونال

من الحاجات اللي بنلاحظها في الفرق بين المدارس الناشونال والانترناشونال هي أنواع المدارس دي، فبنلاقي إن المدارس الناشونال منقسمة إلى نوعين وهما:

مدارس ناشونال عربي

بتقدم مناهج وزارة التربية والتعليم المصرية باللغة العربية، وبتركز على تدريس مادة التربية الدينية، وتعليم القرآن الكريم في المدارس الخاصة الإسلامية. 

وبعض المدارس الناشونال اللي بتقدم مناهجها باللغة العربية بتكون تابعة للكنائس في مصر، وبتكون خاصة بالطلاب المسيحيين وغير مناسبة للطلاب المسلمين، وبتهتم بتدريس التعاليم المسيحية، إلى جانب تدريس اللغة الفرنسية.

ودي نقطة مهمة في الفرق بين المدارس الناشونال والانترناشونال وهي وجود مدارس ناشونال مهتمة بتعليم الدين وأساسياته للطلبة.

مدارس ناشونال لغات

هي مدارس بتتبع أيضًا المنهج المصري؛ لكنها بتدرس المواد الأساسية باللغة الإنجليزية: زي مادة العلوم، والرياضيات، وبتحرص على تدريس اللغة الإنجليزية من بداية دخول الطفل المدرسة، وبعد فترة الطالب بيختار لغة أجنبية تانية، ويبدأ في دراستها لحد ما يتقنها. 

عدد الطلبة في فصول المدارس دي بيكون أقل من اللي موجود في المدارس الرسمية، وبالتالي بيكون في اهتمام بمهارات الطالب بشكل أكبر زي ما وضحنا، وعدد كبير من أولياء الأمور بيعتبر النوع دا من المدارس متوسط بين المدارس الرسمية والانترناشونال؛ لإنها بتقدم مميزات أعلى من الرسمية، وبمصاريف دراسية أقل من الانترناشونال.

أنواع المدارس الانترناشونال

أنواع المدارس الانترناشونال

الفرق بين المدارس الناشونال والانترناشونال في مصر، إن المدارس الانترناشونال بتقدم عدد كبير من المناهج الدولية، وكل مدرسة منهم بتقدم منهج تابع للدولة اللي بتشرف عليها، ومن أنواعها:

المدارس الانترناشونال الأمريكية

هي مدارس معتمدة بتقدم منهج أمريكي متميز بطريقة تسمح للطالب إنه يشارك في عدد كبير من الأنشطة داخل الفصل، ويبدع باستمرار بدون الحاجة للحفظ.

إلى جانب اهتمامها برفع مستوى الطالب الدراسي وتفوقه؛ فبنلاحظ إنها بتهتم بجميع الجوانب الشخصية، وبتساعده على تطوير مهاراته، وإنه يكون شخص مؤثر بشكل إيجابي في المجتمع اللي حواليه.

المدارس الأمريكية بتقدم شهادة الدبلومة الأمريكية المعتمدة بعد اجتياز الطالب امتحان SAT أو ACT، ومنها بيقدر يقدم في الجامعات الأمريكية، وعدد كبير من الجامعات حول العالم.

وبعد كدا تم اعتماد شهادة امتحان SAT و ACT في مصر لفترة طويلة، بمعنى إن الطالب يقدر يدخل أي جامعة مصرية بعد اجتيازه واحد من الامتحانين، وتوافر جميع الشروط المطلوبة في الجامعة.

لكن بعد حدوث بعض المشاكل في الامتحانات دي أصدرت وزارة التربية والتعليم المصرية قرارًا بإلغاء اعتمادهم واستبدالهم بامتحان EST المصري.

المدارس الانترناشونال البريطانية

هي مدارس بتتبع منهج بريطاني معتمد بيشرف على تطبيقه المجلس الثقافي البريطاني بالتعاون مع وزارة التربية والتعليم المصرية ووزارة التعليم العالي.

 وبتمنح المدارس البريطانية شهادة IGCSE بعد الانتهاء من المرحلة الثانوية، والشهادة دي بتعادل شهادة الثانوية العامة في المدارس الحكومية، وبتتيح للطالب فرصة استكمال الدراسة الجامعية في الخارج، والتعرف على الأنظمة التعليمية المختلفة.

وبيتميز نظام التعليم البريطاني بدرجة عالية من المرونة، بمعنى إن الطالب بيقدر يختار المواد اللي حابب يدرسها، ويقسمها زي ما يحب، وبالتالي مابيكونش في ضغط نفسي كبير على الطالب أثناء فترة دراسته، ودي نقطة مهمة في الفرق بين المدارس الناشونال والانترناشونال. 

المدارس الانترناشونال الكندية

هي من أشهر أنواع المدارس الانترناشونال في مصر، وبتقدم مناهج مميزة بهدف خلق جيل قادر على الإبداع والتفكير المنطقي في حل المشكلات اللي بتواجهه.

نظام الدراسة قائم على نظام المادة الواحدة، مش نظام الفصل الدراسي على عكس المتعارف عليه، دا غير إن الطالب في المرحلة الثانوية بيختار مواد التخصص اللي حابب يكمل فيها دراسته الجامعية، ومش بيكون مضطر يدرس مواد خارج نطاق اهتمامه، واللي بيعتبرها الطلاب نقطة مختلفة ومميزة في الفرق بين المدارس الناشونال والانترناشونال أيضاً.

المدارس دي بتقدم شهادة الدبلومة الكندية OSSD، وهي شهادة معتمدة بتؤهل الطالب للالتحاق بالجامعات المصرية والكندية، ومنها بيقدر يحقق حلم السفر لكندا،  واستكمال دراسته فيها.

المدارس الانترناشونال الألمانية

هي مدارس بتتبع نظام Abitur، ودا نظام تعليمي شامل بيستمر لمدة 12 سنة، وبيقدم شهادة Abitur المعتمدة اللي بتؤهل الطالب لاستكمال دراسته في الجامعات الألمانية، والتقديم في أي جامعة حابب يكمل فيها هناك بعد توافر باقي الشروط المطلوبة في الجامعة دي. 

المدارس الألمانية بتحرص على تقييم مستوى الطالب الدراسي باستمرار؛ فبيكون في امتحانات تقييمية كل فترة تحدد مستوى الطالب الفعلي، ومدى جاهزيته لاستكمال دراسته للمناهج الكندية.

أغلب الدرجات اللي بيحصل عليها طالب المدارس البريطانية بتكون على الأنشطة اللي بيمارسها خلال السنة، وعدد بسيط من الدرجات بيتم حسابه بناءً على أدائه في الامتحانات، وبالتالي الطالب بيركز بشكل كبير على الأنشطة، والمشاركة أثناء دراسته، ومنها بينمي مهاراته بشكل مستمر.

الفرق بين المدارس الناشونال والانترناشونال في المناهج

المدارس الناشونال بتعتمد على تدريس المناهج المصرية من بداية دخول الطالب المدرسة لحد ما ينهي دراسته الثانوية، والمناهج دي بيتم تدريسها إما باللغة العربية، أو الإنجليزية على حسب نظام المدرسة.

أما مناهج المدارس الانترناشونال فبتختلف من مدرسة للتانية تبعًا لجهة اعتماد المدرسة، والهيئة المسؤولة عن تطبيق النظام التعليمي. 

وهنا بيتضح الفرق بين المدارس الناشونال والانترناشونال في المناهج، وبالتالي ولي الأمر لازم يتطلع على المناهج اللي بتتقدم في كل مدرسة، ويعرف نظام التدريس فيها، عشان يقدر يختار المدرسة المناسبة لمستوى ابنه.

الفرق بين المدارس الناشونال والانترناشونال في المصاريف

الفرق بين المدارس الناشونال والانترناشونال في المصاريف

المدارس الناشونال في مصر بتكون مصاريفها أعلى من مصاريف المدارس الرسمية إلى حدٍ ما؛ لكنها بتكون مناسبة لمتوسطي الدخل، والمصاريف دي بتختلف من مدرسة للتانية، فبنلاقي إن أسعارها بتبدأ من حوالي 10.000 جنيه مصري، وبتوصل إلى ما يقارب 100.000 جنيه مصري.

بالنسبة للمدارس الانترناشونال فالأسعار بتكون أعلى بكتير من المدارس الرسمية أو الناشونال، وأحياناً المصاريف بتوصل إلى 360.000 جنيه مصري، بالإضافة لمصاريف المواصلات وغيرها، وبالتالي بنلاحظ إنها غير مناسبة لمحدودي الدخل، وأحياناً بعض متوسطي الدخل من أولياء الأمور مش بيقدروا يتحملوا مصاريف المدارس دي، فبيدوروا عن بديل بيقدم خدمة تعليمية جيدة بمصاريف سنوية أقل. 

وبالتالي الفرق بين المدارس الناشونال والانترناشونال في المصاريف كمان كبير، ولازم ولي الأمر يأخد دا بعين الاعتبار في اختيار المدرسة المناسبة لابنه، ويتأكد إنه فعلاً هيقدر يسدد كل المصاريف المطلوبة منه كل سنة.

اقرأ أيضاً: أسعار المدارس الانترناشونال في مصر 2023 – 2024.

مميزات المدارس الناشونال (لغات)

الفرق بين المدارس الناشونال والانترناشونال في مصر بيظهر في المميزات الموجودة في كل مدرسة، ففي المدارس الناشونال بنلاقي إن من أهم المميزات:

الاهتمام بتدريس اللغات

المدارس الناشونال بتحرص إن الطالب يتقن اللغات الأجنبية زي ما وضحنا؛ فبتبدأ في تدريس اللغة الإنجليزية من بداية التحاق الطالب بالمدرسة، وبعد فترة من الدراسة بيختار الطالب لغة أجنبية تانية ويدرسها بجانب اللغة الإنجليزية.

مصاريفها مناسبة لمتوسطي الدخل

رغم إن المدارس الناشونال بتقدم خدمات أعلى من المدارس الرسمية في مصر إلا إن مصاريف بعض مدارسها تناسب محدودي الدخل، ومتوسطي الدخل، وبالتالي بعض أولياء الأمور بيعتبروها بديل مميز للمدارس الرسمية.

الاهتمام بكفاءة المدرسين

المدارس الناشونال بتحرص إن المدرس يكون عنده الكفاءة الكافية اللي تساعده على التعامل مع الطلبة، وإفادتهم قدر الإمكان أثناء تواجدهم في المدرسة، وبالتالي بيكون في تقييم باستمرار لأداء المدرس داخل الفصل، ومدى قدرته على تدريس المادة العلمية.

مميزات المدارس الانترناشونال

عدد كبير من أولياء الأمور في مصر بيفضلوا التقديم لأبنائهم في المدارس الانترناشونال عن الناشونال وغيرها؛ ودا لإنها بتتميز بالعديد من النقاط اللي من أهمها:

  • تقديم شهادة معتمدة دولياً تؤهل الطالب لاستكمال دراسته خارج مصر. 
  • تطبيق أحدث الطرق التعليمية في المدارس.  
  • وجود عدد محدود من الطلبة في الفصول. 
  • اتباع نظام الدراسة التفاعلية أثناء الحصص. 
  • الحرص على تقييم أداء الطالب باستمرار. 
  • مساعدة الطالب على إتقان اللغات الأجنبية. 
  • إتاحة فرصة الاطلاع على الثقافات المختلفة. 
  • الاهتمام بتطوير مهارات الطالب.

عيوب المدارس الناشونال والانترناشونال

 أما عن الفرق بين المدارس الناشونال والانترناشونال في العيوب الموجودة في كل منهم.

عيوب المدارس الناشونال (لغات)

من العيوب الموجودة في المدارس الناشونال لغات بنلاحظ:

  • ارتفاع تكلفة المدارس على بعض أولياء الأمور، وزيادتها بشكل كبير سنويًا. 
  • تقييم أداء الطالب حسب درجاته في الامتحانات فقط. 
  • عدم الاهتمام باللغة العربية، والتربية الدينية. 
  • اتباع مناهج معتمدة على الحفظ والتلقين. 
  • عدم الاهتمام بالأنشطة. 

عيوب المدارس الانترناشونال

رغم المميزات الكتير  الموجودة في المدارس الانترناشونال في مصر إلا إننا بنلاحظ بعض العيوب واللي من أشهرها:

  • وجود من 3-4 فصول دراسية في أغلب المدارس خلال السنة، وبالتالي فترة الدراسة بتكون طويلة. 
  • ارتفاع المصاريف الدراسية المطلوبة خلال السنة. 
  • عدم الاهتمام باللغة العربية، والتربية الدينية. 

وأخيرًا، الفرق بين المدارس الناشونال والانترناشونال في مصر كبير جدًا زي ما وضحنا، وكل نوع منهم له مميزاته وعيوبه، وبالتالي لازم نشوف الفرق بينهم ونوعية التعليم اللي بيقدموه، واختيار الأنسب لمستوى الطالب، والمستوى المادي لأولياء الأمور.

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية لو عندك اي استفسار

إقرأ أكثر..

  • محمد ابوغالي
    نوفمبر 22, 2022 at 12:41 ص

    اريد معرفه أن كان في وسعي أن التحق كمعلم في المدارس الخاصة

أضف تعليق