أهم 7 معلومات عن مدارس الـ IB في مصر

مدارس الـ IB في مصر

استكمال الدراسة في الجامعات العالمية حلم بيراود عدد كبير من الطلبة في مصر؛ عشان يتعرفوا على المناهج اللي بتدرس خارج مصر، ويتعرفوا كمان على ثقافات مختلفة. 

وبالتالي هنلاقي عدد كبير من المدارس في مصر بدأت تركز على تقديم شهادات معتمدة تؤهل الطلبة لاستكمال الدراسة بالخارج من غير ما يحتاجوا ياخدوا شهادات معادلة أو غيرها. 

من أشهر المدارس دي هي مدارس البكالوريا الدولية، ودي مدارس تابعة للحكومة المصرية بتهدف لنشر فكرة السلام، وتكوين عقول دولية.

وفي المقال دا هنتعرف على مدارس الـ IB في مصر، ومناهجها، وأهم مميزاتها وعيوبها.

1- ما هي مدارس البكالوريا الدولية

هي مدارس دولية حكومية قائمة على فكرة السلام، وتقبل العقليات، والثقافات المختلفة، تم إنشاء أول مقر لها في سويسرا بهدف تطوير نظام التعليم، وبعدها بدأت تنتشر المدارس دي إلى أن وصلت مصر. 

ومن أهم أهداف نظام البكالوريا؛ توفير نظام موحد يحل المشاكل اللي بتظهر مع تنقل الطالب من مدرسة للثانية بحكم وظيفة ولي الأمر، لإن المدارس دي بتضمن للطالب نفس طريقة التعليم في أي دولة. 

مدارس الـ IB في مصر بتقدم مناهج مختلفة عن المدارس الرسمية، والمناهج دي بتركز  أكثر على تنمية مهارات الطالب، وحثه على التفكير ، والإبداع بعيدًا عن الحفظ والتلقين.

بالإضافة إلى الاهتمام بالجانب الأخلاقي، والتعليم بيكون تحت إطار معين، بمعنى إن لو الطالب بيدرس وحدة من المنهج بهدف ترسيخ قيمة معينة، زي معرفة هويته، بيبدأ جميع المدرسين بالربط بين الدرس والقيمة دي قدر الإمكان، وبيكون دور المدرس هنا إرشادي فقط. 

أغلب الأنشطة داخل المدرسة بتكون قائمة على العمل الجماعي، ودا بيعطي فرصة للطالب إنه:

  • يركز على نقاط القوة عنده ويطورها.
  • يتغلب على نقاط الضعف.
  • تزيد ثقة الطالب في نفسه.

مدارس البكالوريا بيُقبل عليها عدد كبير من الطلبة في مصر كل سنة؛ ودا لإنها أثبتت نجاح البرامج التعليمية اللي بتقدمها لجميع المراحل الدراسية، والبرامج دي هنعرفها بالتفصيل.

2- برامج الدراسة في مدارس البكالوريا الدولية IB

برامج الدراسة في مدارس البكالوريا الدولية IB

بتختلف مدارس البكالوريا بشكل كلي عن باقي المدارس الموجودة في مصر، ونظامها قائم على 4 برامج دراسية أساسية، وهما:

1- الـ ( Primary years programme (PYP

هو أول برنامج دراسي لطلبة مدارس الـ IB في مصر واختصاره PYP، وبيبدأ من سن 3 سنوات إلى 12 سنة. الطفل هنا بيتعلم كتير من المهارات الأكاديمية، والقيم والمبادئ المختلفة.

ودا لإن هدف المدرسة زي ما وضحنا هو خلق جيل منفتح يتمتع بعقلية دولية، ومتقبل للعقليات والثقافات المختلفة، وبالتالي المدرسة بتكون حريصة على تحقيق الهدف دا من بداية دخول الطفل المدرسة، فبتبدأ تفهمه إنه جزء من عالم كبير فيه اختلافات لازم يعرفها، ويتقبلها، ولكن مع احتفاظه بمبادئه. 

في المرحلة دي الدراسة بتقوم على فكرة البحث، ومش بيكون في اعتماد كبير على الكتب المدرسية، والطالب بيدرس: 

  • اللغة العربية.
  •  اللغة الإنجليزية.
  •  الرياضيات.
  •  الأنشطة.

2- الـ (Middle years programme (MYP

الاهتمام في المرحلة دي بيكون مُنصب ناحية التطبيق على أرض الواقع، مع التركيز  على الهدف الأساسي للمدرسة. كمان بيكون في تركيز على ميول الطالب، ودعمه لحد ما يوصل لهدفه.

وبيمتحن الطالب في المرحلة دي نفس امتحانات الحكومة المصرية في مادة اللغة العربية، والدراسات الاجتماعية، والتربية الدينية، أما باقي المواد فبتكون تابعة للخطة التعليمية، والمناهج اللي بتتبعها مدارس الـ IB في مصر.

بيعتمد بشكل أساسي على البحث لإيجاد المعلومات زي مرحلة PYP، أما عن الامتحانات فبتكون في منتصف ونهاية العام البرنامج  

3- الـ (Diploma programme (DP  

هي دبلومة High School تشبه مرحلة الثانوية العامة، وبتكون سنتين، وتعتبر من أقوى الـ HS Certificate على مستوى العالم.

الدبلومة مكونة من 6 مجموعات أساسية، وهي: 

  1. Literature
  2. Mathematics
  3. Sciences
  4. Humanities
  5. Second Language
  6. Elective

هنا بيختار الطالب مادة دراسية واحدة من كل مجموعة، وزيادة عليهم مادة فنون من المجموعة السادسة أو مادة دراسية تانية من المجموعات الأساسية الخمسة بمجموع 6 مواد، 3 منهم بالمستوى العادي (Standard level) و 3 بالمستوى المرتفع (High level)، وبتكون الدرجات في المواد من 1-7.

ونظام الامتحان بيختلف عن نظام الـ IG، لإن الدرجات مقسمة بين 70% ورقي، و30% تقييم للطالب طول المدة الدراسية.

دا بجانب إن المادة الواحدة ممكن يكون ليها امتحانين أو تلاتة لكن بنظام مختلف، وبعد نهاية الـ 6 مواد بيكون في امتحانين لازم الطالب يعديهم.

اختبارات مهمة في الـ Diploma programme

الاختبارات دي هي: 

اختبار TOK) Theory of knowledge)

ودا كورس فلسفي بمعنى نظرية المعرفة بيتعرف فيه الطالب على كيفية اكتساب العلم والمعرفة، وبيكون تقييم الكورس من خلال تقديم عرض في أحد نقاطه، والتقييم بيكون من A to E.

اختبار الـ EE) Extended essay)

دا بيكون مقال بيكتبه الطالب مكون من 4000 كلمة، وبيكون عليه تقييم كمان.

وبالتالي بيكون مجموع الدرجات عبارة عن عدد المواد مضروب في الدرجة اللي حصل عليها الطالب، ولنفترض 6*7= 42، و 3 درجات في الـ TOK، فبيكون المجموع النهائي من 45.

والبرنامج بيركز على تأهيل الطالب للتعليم الجامعي، وبيعده لاستكمال دراسته في الجامعات العالمية.

اقرأ أيضاً: ما هو الفرق بين نظام الـ IB و الـ IG؟

4– برنامج وظيفي ومهني مرتبط بالمجال Career Related Programme

تم اعتماده مؤخرًا، ودا بيكون تابع لبرنامج الدبلومة، وهو برنامج هدفه تطوير الطالب مهنياً وشخصياً عشان يؤهله لسوق العمل في مختلف المجالات.

3- قائمة بمدارس البكالوريا الدولية IB في مصر

مع نجاح نظام الدراسة في مدارس البكالوريا الدولية بدأت مصر بإنشاء العديد من المدارس في المحافظات المختلفة، ومن أشهرها:

مدارس البكالوريا الدولية في القاهرة

مدارس البكالوريا الدولية في باقي محافظات مصر

من مدارس البكالوريا الدولية في محافظات مصر:

4- أفضل مدارس الـ IB في مصر

أفضل مدارس البكالوريا الدولية IB في مصر

اختيار أفضل مدرسة للطفل هي مهمة ولي الأمر؛ لإن اختياره ده بيترتب عليه مستقبل ابنه، عشان كده لازم يبقى في حرص من ولي الأمر إنه يختار المدرسة اللي هتساعد ابنه يطور مهاراته ويتفوق فيها بشرط إن نظام المدرسة يكون مناسب لإمكانيات الطفل.

وفي حالة اختيار التقديم في مدارس الـ IB في مصر فبنلاقي إن من أفضلها:

المدرسة الانجليزية الحديثة

توجد المدرسة في القاهرة بجوار البنك التجاري الدولي، وتقييماتها من أولياء الأمور ممتازة.

أحد المعلقين على المدرسة بيقول إنها من أعظم المدارس في مصر والدول العربية؛ لإنها بتتميز بوجود مجموعة متميزة من المدرسين اللي بيساعدوا على نجاح المدرسة، بالإضافة إلى الأنشطة اللي بتساعد الطلبة على تطوير مهاراتهم باستمرار.

أرقام التواصل مع المدرسة:
26170005 – 0122261646 – 0122261656

المدرسة البريطانية الدولية

تعد من أشهر المدارس الدولية، تم إنشائها في عام 1976 ومشهورة برعاية الطلبة والاهتمام بتطوير مهاراتهم وحثهم على الإبداع، وكمان الطلبة اللي في المدرسة دي مستوياتهم مرتفعة.

المدرسة موجودة في الجيزة، وتقدر توصلها من طريق القاهرة الإسكندرية الصحراوي.
للتواصل مع المدرسة:
0238270444

مدرسة هايليبيري القاهرة

دي مدرسة انترناشونال بتمنح للطلبة الشهادة البريطانية وشهادة البكالوريا الدولية، وبتحرص جدا على مشاركة الطالب في الأنشطة المختلفة بعد انتهائه من الدروس، والأنشطة دي هي اللي بتساعده في بناء شخصية الطالب وتطويرها.
عنوان المدرسة: آي سيتي ماونتن فيو – 6 أكتوبر – الجيزة.
للتواصل مع المدرسة: 01204555559

5- أرخص مدارس الـ IB في مصر

مع ارتفاع قيمة المصاريف المدارس في الفترة الأخيرة بيبدأ ولي الأمر  بالبحث عن أنسب مدرسة لابنه بأقل مصاريف، مع العلم إنه ممكن يكون في تغيير في القيمة من السنة للتانية، وصرحت وزارة التربية والتعليم لسنة 2023 عن زيادة أسعار المصاريف بنسبة من 7٪ إلى 20٪ عن السنة اللي فاتت، ومن أقل مدارس البكالوريا في المصاريف:

المدرسة المصرية الدولية بالمعراج

المدرسة موجودة في مدينة المعراج في القاهرة، ومصاريفها تعتبر أرخص مصاريف مطلوبة على مستوى جميع مدارس الـ IB في مصر، فبنلاقي إن أسعار المدرسة بتبدأ من 16050 جنيه مصري.

ويمكن التواصل مع إدارة المدرسة لمعرفة آخر تحديثات المصاريف على رقم: 01118007721,

المدرسة المصرية الدولية بالتجمع الخامس

تعد المدرسة المصرية الدولية من أرخص مدارس البكالوريا الدولية في القاهرة، وأسعارها بتبدأ من 18600 جنيه مصري تبعًا لآخر القرارات الصادرة.

للتواصل مع إدارة المدرسة من خلال: 01553192212.

مدارس الرؤية الجديدة الدولية

عنوان المدارس دي في الشيخ زايد – 6 أكتوبر – الجيزة، مصاريفها بتبدأ من 25000 جنيه مصري.

للتواصل مع إدارة المدرسة: 01204265778.

6- مميزات مدارس البكالوريا الدولية

مميزات مدارس البكالوريا الدولية

اختلاف مدارس البكالوريا الدولية عن المدارس الرسمية أو غيرها بيكسبها كتير من المميزات زي:

تقديم شهادة معترف بها دوليا

بتقدم مدارس البكالوريا للطلبة في نهاية دراستهم شهادة معترف بيها دوليًا، وبالتالي بيقدروا يكملوا تعليمهم الجامعي بره مصر، ويتعرفوا على المناهج، والثقافات المختلفة.

تخفيف الضغط النفسي على الطالب

تركيز المدرسة بيكون منصب ناحية خلق جيل واعي بالقضايا اللي بتدور حواليه وقادر يتعامل كويس معاها ويتقبلها، وبالتالي فهي بتهتم أكثر بالأنشطة والمشاركة بغض النظر عن درجات الطالب.

بالتالي الطالب مش هيكون عليه ضغط نفسي كبير، وهيركز أكثر على تطوير نفسه خلال سنوات دراسته في المدرسة.

الانفتاح وتكوين عقليات دولية

مدارس الـ IB في مصر بتهتم بترسيخ فكرة إن الطالب جزء من مجتمع كبير بيؤثر فيه،  وبيتأثر بيه، وبالتالي لازم يتعرف على العالم ده عشان يقدر يتعايش معاه، ويتقبل ثقافاته المختلفة.

تركيز المدرسة على النقطة دي بيساعدها تخرج أجيال قادرة تتعامل مع التغيرات اللي بتحصل حواليها، وتتقبل الاختلافات بدون صدام مع الثقافات الأخرى، وكمان بيساعد الطالب إنه يكتسب مهارات جديدة.

حث الطالب على العمل الجماعي

أغلب الأنشطة اللي بيقوم بيها الطلبة داخل المدرسة قائمة على العمل الجماعي، والنقطة دي بتزود ثقة الطالب في نفسه وبتبرز نقاط القوة في شخصيته وتخليه يركز على تطويرها، بجانب إنها بتغطي على نقاط الضعف عنده.

وجود نخبة من المعلمين الأكفاء

مدارس الـ IB في مصر بتكون حريصة إن المعلمين يكونوا قادرين فعلاً على تطبيق البرامج التعليمية بشكل صحيح، ويوصلوا للهدف المنشود، وبالتالي بيكون في برامج تدريبية خاصة بمعلمين المدارس دي بتساعد في تطويرهم، ومنها بتساعد على تطوير المدارس.

خضوع المدرسة للتقييم المستمر

حصول مدارس البكالوريا في مصر على الاعتماد مش بيكون سهل، وبيكون في تقييم بشكل دوري للمدرسة ومعرفة آراء أولياء الأمور وغيرها قبل الاعتماد.

التقييم ده مش بينتهي بعد الحصول على الاعتماد، لكن بيكون في رقابة ومتابعة مستمرة للمدرسة للتأكد من تطبيق البرامج التعليمية بشكل صحيح.

7- عيوب مدارس الـ IB في مصر

دايما فكل نظام تعليمي مختلف بنلاقي مجموعة من العيوب اللي ممكن تظهر في بداية تطبيق النظام أو بعد فترة، والعيوب دي بتخلي أولياء الأمور يفكروا أكثر من مرة قبل ما ياخدوا قرار التقديم.

دور ولي الأمر في الحالة دي إنه يدرس العيوب دي كويس ويقارن بينها وبين المميزات اللي بيقدمها النظام التعليمي، ويتأكد غن العيوب دي مش هتأثر بالسلب على ابنه بعد كده.

من عيوب مدارس البكالوريا في مصر:

عدم تقبل بعض أولياء الأمور للفكرة

الأفكار الجديدة دايما بتقابل نقد من البعض؛ بسبب اختلافها عن النظام المتعارف عليه، لكن مع الوقت الناس بتبدأ تتقبلها وتفهم كويس المخزى منها.

بالنسبة لفكرة مدارس البكالوريا في مصر بنلاقي إن بعض أولياء الأمور لسه مش متقبلينها، وشايفين إن المدرسة بتهتم أكثر بترسيخ فكرة السلام والعقلية الدولية لكن مش بتهتم بتعليم أولادهم كويس؛ لإن الامتحانات اللي بيخضع لها الطالب بتكون قليلة.

أولياء الأمور وصلوا لرأيهم دا بعد مقارنة نظام البكالوريا بالأنظمة التعليمية اللي بتكون قائمة على نظام الحفظ والتلقين بهدف حصول الطالب على درجات عالية في نهاية السنة تؤهله للسنة اللي بعدها.

لكن بإعادة النظر في أهداف المدرسة، وفهم طريقة تطبيق النظام، ومعرفة المميزات اللي بيحصل عليها الطالب من دراسته في مدارس الـ IB في مصر هتبدأ وجهة النظر دي تتغير.

ارتفاع التكلفة المادية

مدارس البكالوريا الدولية بتقدم للطالب خدمات إضافية عن المدارس الرسمية، والخدمات دي بتكون بمقابل مادي بيتم سداده كل عام، لكن البعض بيشوف إن القيمة المادية اللي بيتم دفعها بتكون أعلى من قيمة الخدمات اللي بتقدمها المدرسة.

وأخيراً، مدارس الـ IB في مصر حل لمشكلة تنقل الطالب من دولة للتانية؛ لإنها بتقدمله نفس المنهج الدراسي في مختلف الدول الموجودة فيها، ده غير إنها بتتميز عن غيرها من المدارس الرسمية في النظام التعليمي، وبترسخ في الطالب فكرة السلام وتقبل الآخرين.

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية لو عندك اي استفسار

إقرأ أكثر..

  • Manel Selim
    سبتمبر 14, 2022 at 11:21 م

    فعلا مدارس ممتازه
    ياريت يكون تركيز على اللغه العربيه
    شكرا

أضف تعليق