أفضل المدارس المعتمدة من كامبريدج في مصر 2021

أفضل المدارس المعتمدة من كامبريدج في مصر

إقبال الطلبة على المدارس الإنترناشونال في مصر بدأ يزيد في الآونة الأخيرة؛ لحرص أولياء الأمور على توفير فرصة تعليم مميزة لأولادهم تساعدهم على التفوق والوصول لأهدافهم بعيدًا عن الأنظمة التعليمية اللي بتكون قائمة فقط على الحفظ وجمع أكبر قدر ممكن من الدرجات، ومن أكثر الأنظمة اللي بيختاروها لولادهم هو نظام التعليم البريطاني.

نظام التعليم البريطاني في مصر بيعد من أفضل الأنظمة التعليمية اللي بتعتمد على تدريس مناهج مركزة تؤهل الطالب للالتحاق بالجامعات العالمية، بالإضافة إلى إنها بتهتم بتحسين قدرات الطالب وتطوير مهاراته على مدار سنوات دراسته.

المدارس اللي بتطبق النظام البريطاني بيتم اعتمادها من أكثر من جهة، ومن أكبر هيئات الاعتماد هي هيئة كامبريدج التابعة لجامعة كامبريدج العالمية، وبالتالي بنلاقي إن المدارس المعتمدة من كامبريدج بتكون مميزة بشكل كبير عن باقي المدارس.

في المقال دا هنتعرف بالتفصيل عن نظام التعليم البريطاني وأهم مميزاته وكيفية الالتحاق به، كمان هنتطرق إلى المدارس المعتمدة من كامبريدج ونعرف أسعارها.

أهم ملامح نظام التعليم البريطاني

نظام التعليم البريطاني في مصر هو نظام يتبع مناهج بريطانية معتمدة، ويشرف على تطبيقه المجلس الثقافي البريطاني بالتعاون مع وزارة التربية والتعليم والتعليم العالي.

النظام بيركز على البحث العلمي بشكل كبير، وبيكون هدفه يعلم الطالب كيفية البحث عن المعلومات بطريقة منظمة، والنقطة دي بتكون مفيدة للطلبة اللي مهتمين بمجال البحث العلمي؛ لإنها بتساعد على تطوير مهارة البحث عندهم.

بنلاحظ إن الطالب في نظام التعليم البريطاني بيكون عنده مرونة في اختيار المواد اللي حابب يدرسها خلال السنة على حسب ميوله والمجال اللي حابب يكمل فيه بعد كده، لكن أحيانا الطالب مش بيكون عنده قدرة اتخاذ قرارات فبيبدأ ولي الأمر يتدخل ويختار معاه المجال، وهنا ممكن تحصل مشكلة إن الطالب يكتشف بعد فترة إن المجال مش مناسبه، فيفكر في تغيير اختياراته ودا مش بيكون متاح للأسف.

أما عن المناهج فبتركز على الفهم أكثر من الحفظ، لكن بتتشابه مع مناهج المدارس الرسمية في مصر في كونها طويلة، والطالب بيمتحن عليها على مدار العام.

الامتحانات دي بيدخل منها في المجموع الكلي درجات كتيرة، أما درجات الأنشطة اللي الطالب بيمارسها خلال السنة بتكون بسيطة، ودا عكس اللي بيتم تطبيقه في نظام التعليم الأمريكي في مصر.

قائمة بالمدارس المعتمدة من كامبريدج في مصر

المدارس المعتمدة من كامبريدج في مصر

بيوجد في مصر 3 هيئات مانحة لاعتماد النظام البريطاني وهم: بيرسون اديكسل، وكامبريدج، و Oxford AQA، وتعتبر هيئة كامبريدج هي أكبر الهيئات دي؛ لإنها بتكون تابعة لجامعة كامبريدج العالمية.

بالنسبة للمدارس اللي تم اعتمادها من كامبريدج بنلاقي إن منها:

1- مدرسة نارمر للغات

مدرسة نارمر موجودة في المعادي – القاهرة، وبتضم جميع المراحل الدراسية، وتعد من أشهر المدارس اللي حصلت على اعتماد كامبريدج.
للتواصل مع المدرسة: 27635411 – 27635862

2- مدرسة القرية الذكية

مقر المدرسة في الجيزة (طريق الإسكندرية الصحراوي – الجيزة).
للتواصل مع المدرسة: 35370200

3- مدارس النور الدولية

مدارس النور الدولية موجودة في القاهرة (الشطر الثامن – زهراء المعادي – القاهرة).
للتواصل مع المدرسة: 0115000641 – 0115000621

4- مدرسة وادي المعرفة

مدرسة وادي المعرفة معتمدة من أكثر من جهة، وتعد كامبريدج أحد هيئات اعتمادها.
عنوان المدرسة: الطريق الدائري- مخرج كرداسة – الهرم – الجيزة
يمكن التواصل مع المدرسة عن طريق الاتصال على 0237221413

5- مدرسة علوي الخاصة

مدرسة علوي الخاصة موجودة في فيصل – الجيزة، وهي أحد أرخص المدارس المعتمدة من كامبريدج
التواصل مع المدرسة عن طريق الاتصال على 37452464

6- مدرسة روتس

توجد مدرسة روتس في مدينة نصر بالقاهرة، وبتطبق نظام التعليم البريطاني بطريقة تساعد على تطوير شخصية الطالب وتحقق هدف النظام.
للتواصل مع مدرسة روتس: 23511082

أسعار المدارس المعتمدة من كامبريدج

أسعار المدارس المعتمدة من كامبريدج

المدارس المعتمدة من كامبريدج في مصر بتساهم بشكل كبير في تطوير التعليم عن طريق البرامج التعليمية اللي بتقدمها للطلبة، والبرامج دي بتكون بمقابل مادي يساعد المدرسة على الاستمرار في طريق التميز، وبالطبع بتكون مصاريفها أعلى من مصاريف المدارس الرسمية -الحكومية-.

أسعار المدارس المعتمدة من كامبريدج بتختلف تبعًا للمميزات اللي بتقدمها المدرسة، والموقع الجغرافي، والمرحلة الدراسية للطالب.

على سبيل المثال بنلاقي إن أسعار مدرسة وادي المعرفة بتبدأ من 40000 جنيه مصري إلى أن تصل إلى 75000 جنيه مصري في السنوات الدراسية الأخيرة.

أما مدرسة القرية الذكية في الجيزة بتبدا من حوالي 108000 جنيه مصري، وبالتالي بنلاحظ وجود فرق كبير بين أسعار المدارس المعتمدة من كامبريدج.

ومن هنا يتضح إن كل مدرسة بيكون لها أسعار معينة تبعًا للنظام اللي بتطبقه وبعض العوامل الأخرى اللي ذكرناها.

بالتالي قبل التقديم للطالب في مدارس كامبريدج المعتمدة لازم يكون في تواصل  بشكل مباشر مع المدرسة لمعرفة الأسعار بالتفصيل وللتأكد من قدرة ولي الأمر على سداد المصروفات المطلوبة خلال فترة الدراسة.

أفضل المدارس المعتمدة من كامبريدج

حرص ولي الأمر على حصول أولاده على تعليم بريطاني مميز يساعد في بناء شخصياتهم وتطوير مهاراتهم بيخليه يبحث عن أفضل المدارس المعتمدة من كامبريدج لأولاده.

ومن المدارس دي بنلاقي:

مدارس كامبريدج مصر المتكاملة

مدارس كامبريدج بتعد من أفضل المدارس المعتمدة في مصر، فبنلاقي إن المدرسة معتمدة من أكثر من جهة، وكمان بتقدم للطلبة أكثر من نظام تعليمي إلى جانب النظام البريطاني، فبنلاقي إنها يتوفر شهادة الدبلومة البريطانية بالإضافة إلى الدبلومة الأمريكية وشهادة الثانوية العامة.

المدرسة بتهتم بخلق جيل منتج قادر على التفكير بطريقة عملية وإيجاد حلول تطبيقية للمشكلات اللي بيواجهها، ورغم مميزاتها الكتيرة بنلاحظ إن أسعارها بتكون قليلة بالنسبة لباقي المدارس، فبتبدأ من حوالي 21000 لمرحلة رياض الأطفال.

أحد أولياء الأمور بيقول إن المدرسة مستواها متميز جدًا بسبب وجود مدرسين قادرين على تطبيق النظام بشكل صحيح، كمان المدرسة بتهتم باللغة بشكل كبير.

العنوان: مدينة نصر – القاهرة

للتواصل مع الإدارة: 0223899115

مدارس النور الدولية

مدارس النور هي مدارس انترناشونال بتقدم الشهادة البريطانية المعتمدة إلى جانب شهادة الدبلومة الأمريكية، وتشمل جميع المراحل التعليمية.

المدارس دي بتهتم بمهارات الطالب بشكل كبير، و بترسيخ شعور الالتزام تجاه الدولة والمعتقدات، وبتحرص إن يكون في شراكة دائمة بينها وبين أولياء الأمور تساعد الطالب إنه يوصل لهدفه.

أسعار المدارس دي بتبدأ من حوالي 24000 جنيه مصري بالإضافة إلى رسوم المواصلات على مدار السنة.

العنوان: المعادي – القاهرة

للتواصل: 01150000621

مميزات المدارس البريطانية في مصر

مميزات المدارس البريطانية في مصر

المدارس البريطانية في مصر وخاصةً المدارس المعتمدة من كامبريدج بتقدم العديد من المميزات اللي بتخلي عدد كبير من الطلبة يقبل عليها كل عام، ومن أهم المميزات دي:

الحصول على شهادة معتمدة

نظام التعليم البريطاني في مصر بيقدم للطالب في نهاية دراسته شهادة معتمدة تأهله لاستكمال دراسته خارج مصر والإطلاع على الثقافات الأخرى، وبعض الطلبة بيعتبروا إن النقطة دي أهم ميزة بيقدمها النظام البريطاني والمدارس المعتمدة من كامبريدج.

تطبيق طرق تعليمية حديثة

لمدارس المعتمدة من كامبريدج بتكون حريصة على تطبيق أحدث الطرق التعليمية وتدريس مناهج تناسب المرحلة العمرية للطالب وتساعد على تطوير شخصيته ومهاراته بشكل عام، ونظام الدراسة بتبعد تمامًا عن الحفظ والتلقين، وبالتالي الطالب بيشعر بمتعة التعلم بدون ما يكون مضطر يحفظ معلومات غير مفيدة عشان يجتاز امتحانات معينة.

حرية اختيار المواد الدراسية

المدارس البريطانية المعتمدة في مصر بتسمح للطلبة باختيار المواد اللي حابين يدرسوها على مدار السنة تبعًا لرغباتهم ومجال اهتمامهم، وبيكون في مرونة كبيرة في الاختيار.

لكن أحيانًا الطالب مش بيكون هو صاحب القرار زي ما ذكرنا، ودا بسبب تدخل بعض أولياء الأمور في اختيار مجال الدراسة نتيجة الطالب غير قادر على اتخاذ القرارات، وبعد فترة بيكون عنده رغبة في التحويل لمجال تاني، والمدرسة مش بتتيح الإجراء دا.

الاهتمام بمهارات الطالب إلى جانب مستواه الدراسي

أولياء الأمور بيشوفوا إن المدارس الرسمية في مصر بيقتصر اهتمامها على رفع مستوى الطالب بغض النظر عن الطريقة اللي بتتبعها عشان توصل لكدا، وبالتالي بيدوروا على بديل لها يهتم بمهارات الطالب بجانب مستواه الدراسي، وأنسب بديل هو المدارس المعتمدة من كامبريدج.

المدارس دي بتحرص على التأثير في شخصية الطالب وبتساعده على اكتشاف ذاته وتطوير العديد من مهاراته أثناء فترة دراسته، وبالتالي بتخرج طالب واعي قادر على التعامل مع اللي حواليه بشكل كويس.

كيفية الالتحاق بالمدارس المعتمدة من كامبريدج

المدارس المعتمدة من كامبريدج بتضع بعض الشروط اللي بتساعدها في اختيار الطلبة المؤهلين للالتحاق بيها؛ وفي حالة عدم توافر الشروط دي قد يتم رفض أوراق الطالب.

من شروط التحاق الطفل بالمدارس دي:

  • إتمام الطفل عمر 4 سنوات
  • اجتياز اختبار المقابلة الشخصية
  • تقديم جميع الأوراق المطلوبة

أما بالنسبة للتقديم للثانوية البريطانية فلازم يكون الطالب حاصل على الشهادة الإعدادية من مدرسة لغات عشان يقدر يكمل في المدارس البريطانية ويتفوق فيها؛ ودا لإن الدراسة في المدارس دي بتكون باللغة الإنجليزية.

شروط التحويل إلى المدارس البريطانية المعتمدة من كامبريدج

المدارس المعتمدة من كامبريدج في مصر بتتيح للطلبة فرصة التحويل إليها ودراسة المناهج الدراسية اللي بتقدمها ومن ثم الحصول على شهادة معتمدة.

في حالة تحويل الطالب إلى مدرسة بريطانية بيتم تقديم جميع الأوراق المطلوبة للالتحاق زي شهادة ميلاد الطالب وصور شخصية وغيرها، وكل مدرسة بتعلن عن الأوراق المطلوبة بالظبط قبل موعد التقديم، وبينتظر قبول أوراقه.

بعد قبول الملف بيتم تقديم طلب تحويل بعد ختمه من المدرسة اللي الطالب منقول منها والحصول على توقيع الإدارة التعليمية التابعة للمدرسة.

أوراق التحويل بتختلف تبعا للمرحلة الدراسية للطالب، وبالتالي من الأفضل إن ولي الأمر يتواصل مع المدرسة البريطانية اللي حابب يحول ابنه لها عشان يعرف كل الأوراق المطلوبة ويعرف مواعيد تقديمها بالظبط.

الخلاصة

نظام التعليم البريطاني هو واحد من أفضل الأنظمة التعليمية المتكاملة في مصر اللي بتسعى لتطوير شخصية ومهارات الطالب من خلال برنامج مركز ومميز يخاطب عقل الطالب ويبعد تماما عن الحشو والمعلومات غير المفيدة.

النظام دا بيتم تطبيقه في المدارس المعتمدة من كامبيريدج، وبيقدم العديد من المميزات زي توفير شهادة معتمدة دوليا في نهاية الدراسة، وتطبيق طرق تعليمية حديثة، ووجود مرونة في اختيار المواد ودراستها كما ذكرنا.

التحاق الطالب بالمدارس المعتمدة من كامبريدج بيبدأ بعد وصوله إلى سن 4 سنوات، ووقتها بيخضع لبعض الاختبارات في المقابلة الشخصية اللي بتحدد هل الطالب هيقدر يلتحق بنظام التعليم البريطاني ولا لأ.

كمان النظام بيتيح تحويل الطلبة إلى المدارس البريطانية الثانوية بشرط نجاحهم في المرحلة الإعدادية، وإنهم يكونوا تلقوا دراستهم السابقة في مدارس اللغات.

وأخيرًا لازم ولي الأمر يعرف تفاصيل النظام البريطاني  وأهم مميزاته وعيوبه ويقارنها بباقي الأنظمة الأخرى قبل ما يقدم لابنه، وكمان لازم يتاكد إن النظام البريطاني مناسب لابنه قبل التقديم فيه عشان يساعده على التفوق وتحقيق هدفه.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

ماث شيت – Math Worksheet 2

ماث شيت – Math Worksheet 2 يحتوي  علي الارقام و الاعداد للاطفال في مرحلة الكي جي للتدريبات علي توصيل الارقام و كتابتها و المراجعة عليها

كي جي 1 انترفيو – KG 1 Interview Worksheet

كي جي 1 انترفيو – KG 1 Interview Worksheet بيساعدك تدرب طفلك علي اسئلة اللي بيتعرض ليها اثناء التقديم لاي مدرسة لمرحلة الحضانة تدريبات اخري

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق