أرخص مدارس انترناشونال في مصر 2021 | تبدأ من 9750 جنيه فقط

أرخص مدارس انترناشونال في مصر

 

اختلاف المدارس الانترناشونال في مصر في طريقة التدريس والمناهج التعليمية ونظام المدرسة بوجه عام بيؤدي إلى اختلاف المصاريف المطلوبة، وبالتالي بنلاقي إن بعض أولياء الأمور بيدوروا على أرخص مدارس انترناشونال بتقدم تعليم كويس لأولادهم كبديل للمدارس الحكومية -الرسمية حديثًا-.

بنلاحظ إن أرخص مدارس انترناشونال موجودة في مصر بتبدأ من حوالي 9,750 جنيه مصري، والأسعار دي بتختلف مع اختلاف المرحلة الدراسية للطالب.

في بعض الأحيان بيكون في فرق كبير في الأسعار دي من مدرسة لمدرسة تانية بيتدرس فيها نفس المناهج؛ وده بيرجع لكذا عامل زي اختلاف الخدمات اللي بتقدمها المدرسة، وموقعها الجغرافي وغيرهم.

في المقال ده هنتعرف بالتفصيل على أشهر وأرخص مدارس انترناشونال موجودة في مصر

أنواع المدارس الانترناشونال في مصر

في الفترة الأخيرة لاحظنا وجود أنواع كتيرة من المدارس الانترناشونال في مصر، وكل مدرسة منهم بتتبع نظام تعليمي مختلف هدفه خلق جيل قادر على الإبداع ومواكبة التطور اللي حواليه.

المدارس دي بتختلف بشكل كبير عن المدارس الحكومية -الرسمية- الموجودة في مصر؛ لإنها بتهتم أكثر بتطوير مهارات الطالب بجانب الاهتمام برفع مستواه الدراسي.

أما في المدارس الرسمية بنلاحظ إن اهتمام المدرسة بيكون مُنصب أكثر ناحية المستوى الدراسي بدون التركيز على المهارات اللي المفروض تكون موجودة عند الطالب وبتتطور مع الوقت.

وبالتالي الطالب أكيد بيكون مهتم بالحصول على درجات عالية بس طول العام الدراسي عشان يقدر ينتقل للعام اللي بعده، وده بيخليه مركز على حفظ معلومات كتيرة بدون ما يهتم أنه يفهمها أو يعرف المخزى منها.

عشان كده المدارس الانترناشونال في مصر كانت ولا زالت هي الحل البديل للمدارس الرسمية للحصول على تعليم أفضل للطالب، لكنها بتتطلب مصروفات أعلى بكتير من المدارس الرسمية، وبالتالي بيضطر ولي الأمر إنه يبحث عن أرخص مدارس انترناشونال مناسبة فعلا لمهارات طفله.

من أشهر أنواع المدارس الانترناشونال الموجودة في مصر بنلاقي:

المدارس الأمريكية

المدارس الأمريكية المعتمدة في مصر بتعتبر أشهر المدارس بين أولياء الأمور، وبنلاحظ إقبال كبير عليها كل بداية عام دراسي؛ وده لإنها بتتميز بأكثر من نقطة زي:

  1.  الاهتمام بالجانب التطبيقي والأنشطة
  2.  وجود مناهج حديثة تكاد تخلو من الحفظ
  3.  التركيز على تطوير مهارات الطالب خلال العام الدراسي
  4.  وجود فرصة لتعويض النقص في الدرجات، وبالتالي بيقل الضغط النفسي على الطالب
  5.  تقديم شهادة معتمدة تعادل شهادة الثانوية العامة في مصر

بجانب المميزات دي كمان بنلاقي إن المدارس الأمريكية المعتمدة بتساعد الطالب إنه يتقن اللغة الإنجليزية بلهجة صحيحة؛ لإن المناهج اللي بيتم تدريسها فيها بتكون باللغة الإنجليزية.

وبالتالي عدد كبير من أولياء الأمور بيكونوا حريصين إنهم يقدموا لأولادهم تعليم مميز بالشكل ده فبيختاروا المدارس الأمريكية بعد ما بيتأكدوا إنها مناسبة فعلًا لمهارات الطالب، واختيارهم لأغلى أو أرخص مدارس انترناشونال أمريكية متاحة بيكون على حسب القدرة المادية لولي الأمر.

المدارس الألمانية

المدارس الألمانية هي مدارس انترناشونال بتأهل الطلبة المصريين لاستكمال دراستهم الجامعية في ألمانيا والتعرف على المناهج المميزة الموجودة في جامعاتها، ودي تعتبر فرصة كويسة للطلبة اللي حابين يكملوا دراستهم في ألمانيا بعد كده.

المدارس دي بتكون حريصة إن الطالب الملتحق بيها يكون مؤهل فعلًا لدراسة مناهجها اللي بتكون مصممة تبعًا للتقنيات الحديثة في التعليم، وبالتالي بيكون في اختبارات وقت تقديم الطالب عشان يقدروا يحددوا هل الطالب مستعد للدراسة بالطريقة دي أو لأ، والاختبارات دي بتكون موجودة في جميع المدارس الانترناشونال في مصر لكن بتختلف في طريقتها.

بعد نهاية العام الأخير من التعليم ما قبل الجامعي في المدارس الألمانية بيتم تقديم شهادة Abitur المعتمدة، واللي بتتيح للطالب الدراسة في جامعات ألمانيا.

المدارس الكندية

الدراسة في المدارس الكندية بتختلف عن باقي المدارس الانترناشونال؛ لإن البداية فيها بتكون بنظام المادة مش نظام الفصل الدراسي، بمعنى إن الطالب بيركز على دراسة مادة معينة وبعد ما يخلصها بيبدأ في مادة جديدة، وده نظام مش موجود في باقي المدارس.

المناهج اللي بيتم تدريسها في المدارس الكندية بتكون باللغة الإنجليزية، وبالطبع المناهج بردو بتركز على الفهم بشكل أكبر من الحفظ والتلقين.

بعد ما الطالب يخلص دراسته في المدارس الكندية بيحصل على شهادة OSSD، ودي شهادة معتمدة بتأهل الطالب لاستكمال دراسته الجامعية في كندا.

المدارس البريطانية

المدارس البريطانية المعتمدة في مصر هي مدارس انترناشونال بتتبع النظام البريطاني تحت إشراف المجلس الثقافي البريطاني بالتعاون مع وزارة التربية والتعليم المصرية ووزارة التعليم العالي، والمجلس ده بيعتبر المشرف الأول على نظام التعليم البريطاني في مصر.

نظام الدراسة في المدارس البريطانية بيكون مفيد بشكل كبير للطلبة اللي حابين يكملوا في مجال البحث العلمي؛ لإنها بتهتم بتعليم الطالب إزاي يبحث عن المعلومات المطلوبة منه ويوصلها بطريقة صحيحة، إلا إن المناهج الدراسية فيها بتشبه إلى حد ما مناهج المدارس الرسمية في كونها مناهج طويلة.

الرسوم المطلوبة في المدارس البريطانية بتكون مرتفعة مقارنة بالمدارس الرسمية، وبالتالي أولياء الأمور بيبحثوا عن أرخص مدارس انترناشونال بريطانية بتقدم خدمات عالية.

الفرق بين أسعار المدارس الانترناشونال المختلفة

المدارس الانترناشول في مصر بتقدم خدمات ومميزات إضافية عن المدارس الرسمية، وبالتالي بتكون أسعارها أعلى بكتير من أسعار المدارس الرسمية.

اختيار ولي الأمر أرخص مدارس انترناشونال في مصر للتقديم فيها لأولاده لازم ييجي بعد التأكد من إن نوع المدرسة الانترناشونال ونظام التعليم فيها مناسب فعلًا للطفل؛ وده لإن التركيز فقط على أرخص مدارس انترناشونال بدون ما يكون في معرفة كويسة بقدرات الطفل والمناهج الموجودة في المدارس دي يعتبر إجراء غير صحيح بالمرة ممكن يكون طريق لفشل الطالب في المراحل اللي بعد كده.

من الطبيعي إن يكون لكل مدرسة أسعار مختلفة؛ وده بسبب اختلاف طريقة التدريس والمناهج اللي بيتم تدريسها للطلبة والشهادات اللي بتقدمها المدارس دي في نهاية التعليم ما قبل الجامعي.

على سبيل المثال لا الحصر بنلاقي إن أرخص مدارس انترناشونال بريطانية بتبدأ من 9,750 جنيه مصري في مرحلة رياض الأطفال، والقيمة دي بتختلف على مدار باقي السنوات الدراسية.

لكن بالنسبة للمدارس الألمانية فبنلاحظ إن أرخص مدارس انترناشونال بريطانية في مصر أسعارها بتبدأ من 94,000 جنيه.

أما عن أرخص مدارس انترناشونال بوجه عام فهنتعرف عليها حالًا.

أرخص مدارس انترناشونال في القاهرة

أرخص مدارس انترناشونال في القاهرة

عدد كبير من المدارس الانترناشونال في مصر باختلاف أنواعها موجودة في القاهرة؛ وده بسبب زيادة عدد السكان فيها واحتياجهم كل فترة لمزيد من المدارس عشان ما يحصلش تكدس للطلبة في الفصول.

أرخص مدارس انترناشونال أمريكية

من أشهر وأرخص المدارس الأمريكية المعتمدة الموجودة في مصر:

  • مدرسة ريتاج الدولية

المدرسة دي موجودة في مدينة نصر، وأسعارها بتتراوح بين 30- 46 ألف جنيه مصري في مرحلة رياض الأطفال.

  • مدرسة سان مايكل امريكان كوليدج

مدرسة سان مايكل امريكان كوليدج موجودة في منطقة الشيراتون  ، وأسعارها بتكون حوالي 37,000 جنيه بالنسبة لرياض الأطفال .

  • مدرسة حوتب الدولية

مدرسة حوتب الدولية مصاريفها بتكون حوالي 39,000 جنيه مصري لمرحلة رياض الأطفال.

أرخص مدارس انترناشونال ألمانية

من المدارس الانترناشونال الألمانية:

  • المدرسة الألمانية الإنجيلية الثانوية

المدرسة الألمانية الإنجيلية بتوجد في منطقة الدقي، وأسعارها بتكون عالية في مرحلة رياض الأطفال؛ لإن المرحلة دي بتحتاج لكثير من الأنشطة والرعاية المختلفة.

مع تغيير المرحلة الدراسية بتنخفص تكاليف المدرسة الإنجيلية الثانوية، وده عكس المتعارف عليه في باقي المدارس الانترناشونال في مصر.

مصاريف المدرسة الألمانية بتبدأ من حوالي 94,000 جنيه مصري، وبنتخفض بعد كده زي ما ذكرنا.

أرخص مدارس انترناشونال كندية

من المدارس الكندية المشهورة بين أولياء الأمور هي:

  • المدرسة الكندية الدولية

المدرسة دي موجودة في التجمع الخامس، وأسعارها بتبدأ من ما يقارب 82,500 جنيه مصري في مرحلة رياض الأطفال، وبتزيد لحد ما توصل إلى 120,000 جنيه في المرحلة الثانوية، والمدرسة تعتبر من أرخص مدارس انترناشونال كندية في مصر.

  • مدرسة بريتش كولومبيا الكندية في أكتوبر

المدرسة بتقدم الدبلومة الكندية، وأسعارها بتبدأ من حوالي 98.000 جنيه مصري.

  • مدرسة التراث الدولية

مدرسة التراث موجودة بردو في أكتوبر، ومصاريفها بتبدأ من حوالي 120,000 جنية مصري.

أرخص مدارس انترناشونال بريطانية

من أشهر المدارس البريطانية المعتمدة في القاهرة واللي بتكون أسعارها رخيصة بالنسبة لأسعار باقي المدارس:

  • المدارس الرسمية الدولية

مصاريف المدرسة بتبدأ من حوالي 15,500 جنيه مصري لمرحلة رياض الأطفال، والمصاريف دي بتكون غير مضاف إليها مصاريف مواصلات المدرسة، والمدرسة دي بتندرج تحت قائمة أرخص مدارس انترناشونال بريطانية في مصر.

عناوين المدارس الرسمية الرسمية الدولية – IPS اضغط هنا

  • المدرسة البريطانية الدولية

مصاريف المدرسة البريطانية الدولية بتبدأ من 58,000 جنيه مصري، وبالطبع بتختلف المصاريف دي باختلاف المرحلة الدراسية للطالب.

  • مدرسة ايثوس الدولية

مدرسة ايثوس تعتبر أفضل المدارس البريطانية الموجودة في مدينة 6 أكتوبر والشيخ زايد، بالتالي مصاريفها بتكون أعلى من باقي المدارس اللي تم ذكرها.

أسعار المدرسة بتبدأ من 75,000 جنيه مصري في مرحلة رياض الأطفال بدون مصاريف مواصلات المدرسة.

أرخص مدارس انترناشونال في الإسكندرية

أرخص مدارس انترناشونال في الإسكندرية

المدارس الانترناشونال الموجودة في محافظة الإسكندرية بيكون عددها كبير بردو بالنسبة لباقي المحافظات، وبنلاحظ زيادة الإقبال عليها؛ عشان أولياء الأمور يضمنوا مستوى تعليمي مميز للطالب.

أرخص مدارس انترناشونال أمريكية

من المدارس الأمريكية اللي أسعارها رخيصة في الإسكندرية:

  • مدارس أكاديمية بريليانس بالإسكندرية

أكاديمية بريليانس موجودة في ميامي في الإسكندرية، ويتوفر المناهج الأمريكية، والبريطانية.

أسعار الأكاديمية بتبدأ من 15,200 في مرحلة رياض الأطفال بالإضافة إلى رسوم التسجيل في البداية، والأسعار دي بتصل إلى حوالي 36,000 جنيه مصري في المرحلة الثانوية.

أرخص مدارس انترناشونال ألمانية

المدرسة الألمانية الموجودة في الإسكندرية هي المدرسة الألمانية لراهبات القديس، والمدرسة دي موجودة في شارع صلاح الدين في الإسكندرية، وخاصة بالبنات فقط.

مصاريف المدرسة بتبدأ من 35,000 لمرحلة رياض الأطفال، أما عن مصاريف المواصلات بتكون حوالي 6,000 جنيه مصري.

أرخص مدارس انترناشونال بريطانية

من أرخص المدارس دي:

  • المدرسة البريطانية بالإسكندرية

أسعار المدرسة البريطانية بالإسكندرية بتعتبر من أرخص أسعار المدارس الانترناشونال بوجه عام، فبنلاقي إنها بتبدأ من 11.000 جنيه مصري، بالإضافة إلى المصروفات المطلوبة للكتب الدراسية ووسائل المواصلات.

أرخص مدارس انترناشونال في محافظات الدلتا

بجانب المدارس الموجودة في محافظة الإسكندرية بنلاقي بعض المدارس الانترناشونال الموجودة في باقي محافظات الدلتا، واللي منها:

أرخص مدارس انترناشونال أمريكية

من المدارس الأمريكية الموجودة في محافظات الدلتا بنلاقي:

  • مدارس الفؤاد الدولية بالشرقية

مدارس الفؤاد هي مدارس انترناشونال موجودة في محافظة الشرقية، تم اعتمادها من لجنة الاعتماد الدولي CITA، وأسعارها بتبدأ من 20.000 جنيه مصري لمرحلة رياض الأطفال، بالإضافة إلى حوالي 5,000 جنيه مصاريف المواصلات للطلبة.

  • مدارس جلوري الأمريكية

مدارس جلوري موجودة في المنصورة – محافظة الدقهلية، بتقدم المناهج الأمريكية بجانب كمان المناهج البريطانية، وأسعارها بتبدأ من 20,000 جنيه مصري لمرحلة رياض الأطفال.

وبالنسبة لمصاريف مواصلات الطلبة فبتكون حوالي 3,000 جنيه مصري.

  • مدارس نفرتاي الأمريكية الدولية

المدارس دي موجودة في محافظة القليوبية، وأسعارها بتبدأ من 32,000 جنيه مصري بجانب مصاريف الالتحاق بالمدارس في البداية، وبالإضافة كمان لمصاريف المواصلات.

أرخص مدارس انترناشونال بريطانية

من أشهر وأرخص المدارس الانترناشونال البريطانية في محافظات الدلتا:

  • مدرسة أكسفورد مودرن سكول

بتوجد مدرسة أكسفورد في محافظة القليوبية، وأسعارها بتكون حوالي 48.000 جنيه مصري لمرحلة رياض الأطفال.

  • مدرسة جرين فالي

مدرسة جرين فالي موجودة في القليوبية، ومن مميزاتها إنها بتقدم الشهادة البريطانية لطلابها بعد الانتهاء من الدراسة، ومصاريف المدرسة دي بتبدأ من 45,000 جنيه مصري لمرحلة رياض الأطفال.

أرخص مدارس انترناشونال في الوجه القبلي

أرخص مدارس انترناشونال في الوجه القبلي

عدد المدارس الانترناشونال الموجودة في محافظات الوجه القبلي بتكون أقل بكتير من المدارس الموجودة في العاصمة أو إسكندرية، ومن المدارس دي:

أرخص مدارس انترناشونال أمريكية

من المدارس الانترناشونال الأمريكية في محافظات الوجه القبلي:

  • مدرسة الأمريكان الفيوم

أسعار المدرسة الامريكان تقدر تستعلم عنها بالاتصال على الرقم الخاص بالمدرسة 0846350906.

أرخص مدارس انترناشونال بريطانية

مدارس المنيا البريطانية، ودي تعتبر أرخص مدارس انترناشونال موجودة في الوجه القبلي ومصر عمومًا، فبنلاقي أسعار المدرسة بتبدأ من
9,750 جنية مصري لمرحلة رياض الأطفال.

وأخيرًا، أسعار المدارس دي بتختلف من سنة التانية فلازم ولي الأمر يستعلم عن الأسعار المطلوبة بالظبط قبل التقديم، كمان لازم يتعرف كويس على المناهج والخدمات اللي يتقدمها المدرسة عشان يقدر يختار أنسب مدرسة للطفل.

Share on facebook
Share on whatsapp
Share on telegram
Share on email

دليل المدارس المصرية

ابحث عن المدرسة واحصل علي أدق النتائج وكافة المعلومات.

ورك شيت للاطفال Worksheet For Kids

ماث شيت – Math Worksheet 2

ماث شيت – Math Worksheet 2 يحتوي  علي الارقام و الاعداد للاطفال في مرحلة الكي جي للتدريبات علي توصيل الارقام و كتابتها و المراجعة عليها

كي جي 1 انترفيو – KG 1 Interview Worksheet

كي جي 1 انترفيو – KG 1 Interview Worksheet بيساعدك تدرب طفلك علي اسئلة اللي بيتعرض ليها اثناء التقديم لاي مدرسة لمرحلة الحضانة تدريبات اخري

انضم إلي جروب دليل المدارس المصرية

إقرأ أكثر..

mood_bad
  • لا توجد تقييمات/تعليقات.
  • اضف تعليق