ما هي شهادة الدبلومة الكندية وما المدارس التي تقدمها في مصر

ما هي شهادة الدبلومة الكندية

بتحلم إن أولادك يحصلوا على الدبلومة الكندية من خلال السفر لكندا؟

الموضوع أصبح ممكن وبدون السفر، فدلوقتي تقدر تدخّل ابنك واحدة من أفضل المدارس المصرية اللي بتتيح فُرصة الحصول على الدبلومة المُعتمدة دوليًا، واللي يقدر الطالب من خلالها يسافر يكمل تعليمه في كندا بعد إتمام الشهادة.

وعشان تعرف أكثر على كل ما يتعلق بنظام التعليم الكندي في مصر، تابعنا في السطور الجاية.

إيه هي شهادة الدبلومة الكندية OSSD ؟ 

كلمة OSSD هي اختصار “Ontario Secondary School Diploma” يعني دبلوم مدرسة أونتاريو الثانوية الكندية، وهي بتُمنح لخريجي المدارس الكندية في إقليم أونتاريو بكندا، واللي بيتم تطبيق منهجها التعليمي في مدارس الدبلومة المصرية الكندية.

الدبلومة الكندية أو ما تعُرف بالشهادة الثانوية الكندية، هي شهادة تُعادل شهادة الثانوية العامة المصرية، ولكن بيتم الاعتراف بيها من قِبل وزارتي التعليم المصري والكندي، بمعنى حصول الطالب على شهادتين ثانويتين، واحدة كندية، والتانية مصرية.

وفي الدبلومة دي بيدرس الطالب المنهج الكندي التعليمي، ابتداءً من مرحلة رياض الأطفال للمرحلة الثانوية، فبتبدأ الثانوية الكندية في مصر من الصف التاسع، وتنتهي في الصف الثاني عشر، بعد ما يدرس 30 مادة، وبتتقسم ما بين 18 مادة إجبارية و 12 مادة اختيارية، وفي كل فصل دراسي بيختار الطالب المواد اللي حابب يدرسها. 

في الصف التاسع والعاشر بيدرس جميع الطلاب نفس المواد، أما في الصفين 11 و 12 بيكون الموضوع مُختلف تمامًا؛ لإن كل طالب في الصفين دول بيختار المواد اللي ناوي يتخصص فيها، وبيحصل على الدبلومة الكندية للدخول في المرحلة الجامعية.

اقرأ أيضًا: أهم 8 معلومات عن المدارس الكندية في مصر

نظام التعليم الكندي في مصر

بينقسم التعليم الكندي في مصر لـ 3 مراحل كالتالي: 

المرحلة الأولى

وهي المرحلة العمرية للأطفال في الحضانة من عمر 4 لـ 5 سنين.

المرحلة الثانية

المرحلة العمرية للتعليم ما قبل الجامعة، وبتنقسم إلى:

  •  التعليم الابتدائي: بيبدأ من الصف الأول للصف السادس. 
  • التعليم المتوسط أو الإعدادي: ودا بيبدأ من الصف السابع حتى الصف الثامن. 
  • التعليم الثانوي: ودا بيكون من الصف التاسع حتى الصف الثاني عشر. 

المرحلة الثالثة

ودي مرحلة التعليم الجامعي، وهي المرحلة اللي بيدخلها الطالب بعد حصوله على شهادة الثانوية الكندية، فبيدخل إحدى الجامعات أو المعاهد الكندية سواء في مصر أو في كندا.

اعرف أكتر عن: المدارس الكندية الموجودة في مصر.

منهج شهادة الدبلومة الكندية فى مصر 

منهج شهادة الدبلومة الكندية فى مصر

يقدر الطالب يختار المواد اللي عاوز يدرسها في الشهادة الكندية من بين المقررات الاختيارية، حسب التخصص اللي هيدخله في الجامعة، وعنده 4 خيارات من المجموعات الدراسية:

  • مجموعة المواد العلمية، اللي بتأهل الطالب لدخول كلية الطب، أو الصيدلة، أو العلوم بجميع التخصصات. 
  • مجموعة المواد الأدبية، ودي بتأهل الطالب للكليات الأدبية زي: الإعلام، علم الاجتماع، أدب إنجليزي.  
  • مجموعة مواد بتـهل الطالب للدراسة في كلية التجارة، إدارة الأعمال، الاقتصاد. 
  • مجموعة مواد بيدرسها الطلبة اللي هيدخلوا كلية الهندسة. 

ما هو نظام المواد في الشهادة الثانوية الكندية في مصر؟ 

نظام المواد في الدبلومة الكندية مُختلف عن الثانوي التقليدي في مصر، فكل طالب بيُمنح مجموع درجات المادة بناءً على مدى الجهد اللي بذله في دراستها، بمعنى إن 70% من مجموع أي مادة بيُعطى على الاختبارات، والمشاريع، وإجمالي الواجبات اللي اجتازها الطالب خلال الفصل الدراسي، و 30% فقط على الاختبار النهائي للمادة.

ودي الميزة اللي بتُتيح للطالب فُرصة الحصول على تقييم يشمل جهوده الدراسية في المادة على مدار الفصل الدراسي، مش بس على الاختبار النهائي، فبيمكنه من تحصيل مجموع أكبر. 

كمان بيمر الطالب باختبار PLAR، عشان يتم تحديد مستواه الدراسي والعلمي، ومصطلح  “PLAR” هو اختصار لجملة Prior Learning Assessment and Recognition  بمعنى “تقييم التعلم المسبق والاعتراف”، وهو اختبار يتم من خلاله تقييم مستوى الطالب على السنوات الماضية، للتأكد من مدى جدارته للحصول على درجة التقييم والاعتراف الدولي. 

ولازم يكون مستوى الطالب في اللغة الإنجليزية متوسط؛ عشان يقدر ينضم لنظام البكالوريا الكندية OSSD المُعتمد من ولاية أونتاريو الكندية.

مُميزات شهادة الثانوية الكندية في مصر OSSD 

مُميزات شهادة الثانوية الكندية في مصر OSSD

بتتعدد مميزات الحصول على شهادة الـ OSSD في مصر، ومن أبرزها بنلاقي: 

إتاحة فرصة الدراسة في إحدى الجامعات الكندية 

لإن عدد كبير من الطلبة بيحلم باستكمال دراسته في الجامعات الخارجية، والتعرف على مناهجها، فشهادة الثانوية الكندية نقدر نقول عليها مفتاح لبوابة الحلم دا، لإنها معتمدة دوليًا، وبالتالي بتسمح للحاصل عليها الدراسة في إحدى الجامعات الكندية سواء جوه مصر، أو بره.

الدراسة بنظام المواد بدلًا من الفصول الدراسية

بيتم الاعتماد في دراسة الدبلومة الكندية على نظام المواد، مش بس الفصول الدراسية، وبكدا يقدر يجمع الطالب درجات طول الفترة الدراسية؛ تساعده في تحقيق درجات عالية آخر السنة.

الدراسة باللغة الإنجليزية 

دراسة المنهج الكندي التعليمي كاملاً بتتم باللغة الإنجليزية، وهي أقوى اللغات في العالم وأكثرها في الاستخدام، ودا بيوسع مدارك الطالب، وبيخليه يتعلم لغة مهمة بجانب لغته الأم.

أفضل المدارس الكندية في مصر

  • المدرسة الملكية الكندية – Royal Canadian School – RCS.
  • مدرسة بريتش كولومبيا الكندية الدولية اكتوبر – British Columbia Canadian International School West – BCCIS West.
  • مدرسة التراث الدولية – Heritage International School.
  • مدرسة بريتش كولومبيا الكندية الدولية – British Columbia Canadian International School – BCCIS.
  • المدرسة الكندية الدولية – Canadian International School of Egypt.

شروط القبول في الجامعات الكندية 2023

في مجموعة شروط مهمة لا بد من استيفائها، للقبول في الجامعات الكندية وهي:

  • الحصول على معدل دراسي جيد فيما فوق، وبعض الجامعات بتفرض إن أقل معدل يكون 75%، ودا بيختلف من جامعة لأخرى، ومن تخصص لآخر.
  • تغطية الطالب التكاليف المالية الخاصة بالدراسة والمعيشة في كندا، لو هيدرس في جامعة كندية خارج مصر.
  • الحصول على شهادة الدبلومة الكندية.
  • جميع الأوراق مترجمة للانجليزية.
  • تجهيز السيرة الذاتية CV.
  • إتقان اللغة الإنجليزية.

الأوراق المطلوبة للدراسة في الجامعات الكندية 2023

  • تقديم شهادات اللغة الإنجليزية (الآيلتس أو التويفل).
  • نسخ مصدقة من بيان درجات الطالب الكامل.
  • نسخة من شهادة الدبلومة الكندية. 
  • صورة عن جواز السفر.
  • شهادات امتحان SAT.
  • شهادات التدريب.
  • خطاب تحفيزي.
  • خطاب توصية.
  • السيرة الذاتية.
  • بيان الغرض.

والتسجيل بيكون عبر الإنترنت للحصول على القبول الجامعي، بيتم إرسال جميع البيانات كاملة مع الأوراق المذكورة عبر الموقع الرسمي للجامعة اللي هيتم التقديم فيها سواء في مصر أو في كندا. 

وبكدا نكون عرضنا أبرز معلومات عن الدبلومة الكندية، ومميزاتها، ولو عندك أي استفسار تاني اكتبه في التعليقات عشان نجاوبك عليه. 

دليل المدارس المصرية

ابحث عن المدرسة واحصل علي أدق النتائج وكافة المعلومات.

انضم إلي جروب دليل المدارس المصرية لو عندك اي استفسار

إقرأ أكثر..

  • محمد ابو العلا محمد رضا
    أكتوبر 16, 2022 at 1:06 م

    ارجو هل متاح اعادة الثانويه العامه لطالب ناجح

  • محمد ابو العلا محمد رضا
    أكتوبر 16, 2022 at 1:14 م

    ارجو معرفة هل متاح اعادة الثانويه العامه في المدارس الكنديه لطالب ناجح في ثانويه لغات بغرض التحسين

أضف تعليق